انا مشكلتى انى بحب واحد غير عربى مسلم من على الفيس بوك و هو بيدرس فى بلد اوربى و المشكلة انى عارفة انه هو لعب بيا من اول يوم و من تالت يوم قاللى هو ممكن اهلك يجوزوكى واحد غير عربى و لا لا و ايه رأيك فيا وانا بحب اوى اتكلم معاكى و انتى اول واحدة تكلمنى فى الدين و انا نفسى لما اجى مصر اشوفك الخ و بالرغم انى كنت فاكرة نفسى واعية و لا يمكن ولد يضحك عليا للأسف صدقته بس بعد ما شاف صورتى اتغير من ناحيتى تماما و من ساعتها ابتدت اخطائى خليت نفسى زى البنات اللى بيصطادو واحد و كنت شبه بطاردوا عشان يرجع زى الاول لدرجة انى قولتله حتى لو معجبكش شكلى انا مقولتلكش اتجوزنى احنا صحاب و بس و عارفة انه مش منطقى تجوزنى انتا عندك بنات فى حياتك قد كدة ايه اللى يخليك تحبنى بس مكنتش اعترفتله خالص انى بحبه بس كنت علطول ببعتله رسايل و اعلق على كل حاجة عنده ع الوول بالرغم انه معاملته كانت جافة جدا لحد مجه يوم لقيته بيمسح تعليقاتى كل شوية فسألته انفجر فيا و قاللى انا مش عارف انتى ايه مشكلتك انتى متطفلة و كل حاجة بتعملى عليها كومنت ده انا حتى صحابى سألونى عليكى و قالولى مين البنت المجنونة دى و انتا باقى عليها ليه اصلا المهم يوميها حذفته و بصراحة انا كمان غلطت فيه بالكلام لان جرحه ليا كان كبير اوى بس اخته قالتلى متتضايقيش ده هو حتى بيعمل كدة معايا و هو مش عايز الناس تفهم غلط المصيبة بقى انى رحت بعتاله تانى و قلتله انا اسفة انى غلطت فيك و طبعا دى كانت تلكيكة منى انى خدت كلام اخته بعين الاعتبار (مع انى عارفة انه كان ممكن يقوللى ده بطريقة محترمة) عشان يرجعلى و طبعا كنت بقوله انتا زى اخويا و عادى الاخوات بيتخانقو و بيتصالحو و ايه المشكلة نرجع تانى قاللى اوك بس متعلقيش على حاجة عندى قلتله اوك بس انتا كمان فك البلوك اللى انتا عملتهولى ع الشات معاك و انا مش حضايقك راح متنرفز تانى و قاللى انتى مش عايزة صداقتى ؟كفاية عليكى كدة و مش عايز شات معاكى و انا اصلا كنت حعمللك بلوك بس نسيت و لو نرفزتينى تانى حعملك بلوك قلتله خلاص بناقص الصداقة دى و مش حخسر كرامتى اكتر مخسرتها و لقيته تانى يوم عمللى بلوك المصيبة بقى انى فضلت احاول معاه من اكونت تانى انه نرجع تانى صحاب و انى مقلتلوش يجوزنى ووقتها اعترفتله بحبى ليه عشان بس ابرر تصرفاتى المجنونة اللى كنت بعملها فى نظره هو انى مجنونة فى حين انى كنت ببدى اهتمام بيه مش قصدى انى اضايقه و طبعا هو تجاهلنى تماما و انا خلاص بطلت ابعتله بعد مهوا تجاهل رسايل كتير منى بس حاسة بالألم جدا لانى اتنازلت عن كرامتى بالمنظر ده و انى اترجيت ولد انه يرجعلى و انى ارخص نفسى و اعترف لولد بحبى كان نفسى مقولش الكلمة دى غير لزوجى و بس و غير غلطى فيه بالرغم انه جرحنى بس انا فقدت احترامى انى رديت عليه و فقدت انوثتى كنت المفروض ايا كان جرحه ليا منزلش اخلاقى و اغلط انا كمان بس زى مبيقولوا على قدر حب المرأة يكون انتقامها فمابالك انى منتقمتش منه ده كان بس رد فعل على اهانته ليا انا بجد اسفة اوى ع الاطالة دى بس مش قادرة اتعايش مع كل أخطائى دى و مش عارفة اذاكر و لا اعمل حاجة مفيدة ف حياتى و غير كمان انى لسة بحبه و كل يوم بروح اشوفه كاتب ايه ع الوول عنده (لانى عملت اكونت جديد فطبعا مبقاش عليا بلوك منه) و صوره عندى ع الكومبيوتر و غير القهر اللى بحس بيه لما بلاقيه قد ايه لطيف و دمه خفيف مع كل البنات هو انا مش بنت زيهم ؟ ليه متعاملش معايا زى مبيعاملهم طبعا الفرق انهم صحابه من الجامعة و الحياة الحقيقية انما انا مجرد بنت من الفيس بوك كان عايز بس يتسلى و لما معجبهوش شكلى خلاص بقى مليش لازمة
و بجد جزاكم الله خيرا على وقتكو و انا اسفة جدا مرة تانية ع الاطالة دى
ساعات بتكونمخنوق بس مش محتاج تتعلم محتاج حد يقولك !!اناحبنبك اطمن
اوعى تضعفى مرة تانية انا حبيت واحد عمره مايستاهل لكن واللهى لما لقيته مايستاهل كده مقولتلوش انى حبيته وفضلت اتعذب ع انه مكنش بيتصل بياااا ع طول مع انى مكنتش هرد عليه بردو لكن كنت عاوزة احس بوجوده معايا وتمنيت ان يتصل ولما عاملها فعلا واتصل لقيت نفسى مش قادرة اضغط ع الزر وارد عليه اتعذبت واقعدت وقت طويل لحد منسيته لكن كرامتى حافظت عليهااااااااا والحمدلله انتى كمان خليكى جدعة واديه القلم بانك تحذفى الصداقة اللى بينكم وهيسال نفسه كتير لحد ميتعب وبعد ايام هيسالك ليه عملتى كده وقتها هتكونى نسيتيه وبالاخر هوه اللى خسر مش انتى
انا عرفا انتي مش رضيا تنسيه ومش قدرا ادا كنتي تحبيه حاولي تسافريلو وتعملي مستحيل بس لو سافرتيلو وشفتيه ما تقوليلوش على نفسك
شوفي ي الي كتبتي موضوع دا انتي مشكلتك انك حبيتيه انتي لما بعتيلو صورتك ليه مالبستيش لباس شيك ومكان شيك وانتي ادا لسا تحبيه حاولي انك تسافريلو منها تشوفيه واحلامك مترحش كدا وكمان سياحة ليكي
من الاخر كده انتى خلتى كرامتك فى الارض وعاوز اقولك حاجة لو انتى مسلمة بجد مش كنتى هتعملى كده
وصدقينى كتير من الشباب بيحب يسلى
ديه كانت تجربة واكيد انتى استفدتى منها
ياريت تحاولى تشغلى نفسك بشئ تانى ومفيد
وربنا هيكرمك بواحد عربى ومسلم وراجل مش بيبى وشغال حب وتسلية على النت
ونيحتى ليكى سيبك من الحب الزائف ده ويوم ما تفكرى تحبى لازم تفكرى بقلبك وعقلك مع بعض
اصعب شي الحب من طرف واحد اما بخصوص العلاقة من النت او في الواقع لا تفرق الصالح يبقى صالح و الطالح يبقى طالح ان شاء الله اكيد راح تنساه و هو لو كويس اكيد راح يدور عليك
جزاكم الله خيرا كل واحد ساهم فى حل لمشكلتى و انا بفضل الله حذفت كل الشباب اللى عندى من شهرين و حتى عملت اكونت جديد حتى الولد اللى بقولكو عليه انا بشوف الوول بتاعه من غير مهو يعرف يعنى مفيش اى حوار معاه خالص ادعولى انى انسى و أفوق لمستقبلى و دراستى لانه فعلا واحد ميستاهلش
لا تنخدعى وربنايرزقك بابن الحلال
طبعا اول حاجه كويس انك عارفه انك غلطتى فى تصرفاتك معاه وصدقينى لو لقيتى حد يملا فراغك او تحبيه وده اكيد هيحصل هتنسيه حاولى يكون عندك اصرار بانك تنسيه وبلاش تشوفى اخباره اول باول علشان كده عمرك ما هتفكرى فى حد غيره ولا حتى هتتقدمى فى دراستك ومستقبلك وربنا يوفقك ويعطيكى اللى يستاهلك
حببتى انا حاسة بيكى اوى لانى مريت بنفس التجربة وصدقينى لما حبيت نفسى بجد حبيت كرامتى وحبيت كبريائى وقولت دى تجربة فى حياتى ولايمكن هتاثر عليا ويانا ياهى والحمد لله دلوقتى اتختبطت وقربت اتجوز المهم فوقى لنفسك ومستقبلك وابعدى عن النت فترة وافتحى قلبك للدنيا انتى لسه صغيرة ومتزعليش منى زى ماهو ماعجهوش شكلك انتى كمان بعد ماتتخلصى من حبه الى جواكى اظهريلوه انه كان لعب عيال وهو الى مش كويس ولايمكن ابدا تفكرى فيه وماينعش حتى يبقى حبيبك ….. وربنا يوفقك
اولا هو مغلطتش فى حاجة المفروض من الاول اما لقيتى معاملتة اتغيرت قوليلو سلام انا اخسرك بس اكسب كرامتى ما علينا الجمال جمال الروح مش الشكل دة اولا ثانيا انتى لية محتفظة بصورة ولية بتدخلى الشات دة تانى ماتدخليش الشات دة ابدا وامسحة صورة وركزى فى اى حاجة تانية فى حجات كتير اهم من الحب لازم نهتم بيها دورى وانتى هتلاقى
شيئ يدعو الي الاندهاش من جرأة بنات المسلمين هل ياتري اندثر الحياء ام ماذا حدث تعرفين انه يلعب بيكي من اول يوم كما تدعين ومع ذلك كنتي مصره علي مراسلته والله لو كنتي تراعي الله وتراعي اهل بيتك ما كنتي فعلتي ذلك اما الاستاذه الفاضله nogaينطبق عليها المثل الذي يقول سكت ضهرا ونطق كفرا بدل ما تقولي لها اتقي الله في نفسك الذي فعلتيه خطاء كبير في حق الله وفي حق نفسك ولكني اظن انك ايضا متعوده علي هذا الفعل من المحرمات فلا عجب ولا اندهاش من ردك واعلمي يا ضغيرتي ان الكلام مع اي فرد اجنبي عنك في امور الغزل والحب هو محرم لانه يفضي الي محرم وهذا ليس قولي وانما قول الله تعالي في كتابه (ولا متخذات اخدان ) في سورة النساء رقم 25 ومعني الايه الكريمه جائت بالنفي القاطع (لا)اي لا تتخذ المسلمات المؤمنات اخلاء او اصدقاء كما هو الحال الان علي النت وخلافه ارجعي الي كاتب الله واعلمي ان كان اباكي او اهلك لا يروكي فان الله يراكي هذا والله اعلم
سيبك منه هتلاقى غير كتير زى ما نوجا قالتلك انتى اتعوتى عليه بس ماحبيتيهوش ممكن هو تلاقى فى يوم بيكلمك ربنا يوفققك واوعى تتنازلى عن كرامتك تانى باى خلى بالك من نفسك
صدقينى والله النت ده كله اوهام يا بنتى ومالوش اى فايده نهائيا بالذات مواقع التواصل زى الفيس بوك ملهوش اى لزمه نهائيا غير انه بياكل دماغ الشباب الصغير ..على فكره انتى متعلقتيش بيه ولا حبتيه ولا حاجه ده مجرد تعود والدليل على كده انتى لو كلمتى شاب تانى غيره حتلاقى نفسك شويه بشويه بتنسيه ذلك الشاب المتعجرف المغرور الفاشل اللى كل هوايته انه يقوم باصطياد البنات من النت ده اساسا ميستاهلش انك تكتبى كل الكلام ده علشانه لانه انسان غير محترم وميستاهلش اساسا انك تفكرى فيه وصدقينى يا بنتى انك لو جربتى تكلمى واحد تانى ( وعلى فكره انا مش بقولك كلمى ) لان ده شىء غير سليم بالمره بس انا انا مقصود كلامى ان ده مش حب ولا حاجه لان كفيش حاجه اسمها حب من النت مفيش حاجه انى احب انسانه وانا اساسا مشفتهاش من اساسه ولا تعايشت ولا تعاملت معاها ..فكرى فى نفسك وفى حياتك وسيبك من الكلام ده وحاولى انك تقربى من اللى حواليكى ومتتعلقيش بالنت لان من الواضح انك محتاجه للاحساس بالقبول وفقك الله لما فيه الخير لكى….
عادى ولا تشغلي بالك وبكرة حتنسية انتي محبتهوش انتي اتعوتى علية بس هو ملا فراغك بس حاولي انك
تبعدى عن اى شيء خاص بية عشان تنسية