انا احببت شخصا رائعا من كل النواحى و اهلى اعجبوا بيه جدا و هو يحبنى بجنون و يخاف الله و كنا على وشك الخطوبه و لكن حصلت المصيبه انه تخن 30 كيلو بسبب الغده الدرقيه و اصبح شكله سي و لكنى وقفت جنبه و ساعدته يخس و كل حاجه فشلت انه يخس رحنا نعمل عمليه حزام المعده عمليه فشلت و دكتور طلع نصاب و امل راح ان حبيبى و اللى كان هيبقى خطيبى و هو اكتئب و بطل دايت و حاله بتسوء محدش حاسس بيا خالص و اهلى عايزنى اسيبه و هو انسان كويس اوى و انا تعبت من كا حاجه غى حياتى انا بحبه اوى و تخن بيدمر حياتنا سعدونى اعمل ايه
الحب قبل الزواج
فشلت الخطوبة بعد اصابة حبيبي بالغدة الدرقية
اضيف بتاريخ: Friday, March 23rd, 2012 في 18:29
كلمات مشاكل وحلول: الحب, الخطوبة, الزواج, مشاكل الحب
مع إحترامي انتي تافهه لانك تركتيه عشان سبب تافه..لو انتي مكانه وتركك شو بتكون نفسيك والغده لها علاج ويرجع طبيعي واغلب الناس عندهم غده
طبعا تسبيه لانه خسارة فيك
أولا قومي اتصلي بيه وقليلوه ان الحل م انه يعمل رجيم الحل انه يعالج الغده وبعد كده هيخس هو لوحده
عارفه الممثل أحمد زاهر كان عنده نفس المرض ومخس غير لما عالج الغده اسلوبك في علاجه غلط
ثانيا احمدي ربنا عليه واعرفي انك ممكن كنتي تبقي انتي في مكانه كان هيسيبك الحب ملشكل البنأدم
الحب عان روحه واخلاقه
اوعي تسبية ولا تتخلي عنه الوقت ده هوة محتاجك فية عن اي وقت وبعدين اهلك كانوا موافقين عشان كان جسمة حلو بس الشكل مش كل حاجة ولو انتي حصل معاكي كده هوة كان عمرة ماتركك وحدك اوعي تبعدي عنه ولا تسمعي كلام حد خليكي جامبة افتريلة يوم حلو
تسيبي حبيبك على تخين طيب قوليلي لاهلك يحطوكى مكانه وشوفى رد فعلهم وهل هو كان هيسيبك
حرام عليكي
على كده بقى التخان مايتجوزوش خالص
امال انا بقى اعمل ايه خاطب وعلى وشك الجواز وتخين بس عمر خطيبتي ولا اهلها كلمونى فى حاجه زى كده
اتقى ربنا فى خطيبك
فكري لو كنتى انتى اللى ربنا صابك بالمرض دة لقدر الله وتخنتي ال 30 كيلو كان هيسيبك ولا لأ..حطي نفسك مكانة من جميع النواحي ولو سيبتيه لظرف زي دا ف انتى لما تتجوزي هتصادفي مواقف كتير هيحتاج منك توقفي جنبه وتساندية والواضح انك من البداية بتتخلي عنه وبتستشيري تسيبيه ولا لأ..!!!
انا من رائيي بجد اوعي تسيبيه بجد الحب نادر الايام دي وصعب انك تلاقي شخص كويس .. ويبقى سبب تافهه انك تسيبيه عشان طخن .. انا عن نفسي حتى لو بقى بالنسبه للناس انه وحش وكده في نظري هيبقى برضه حبيبي .. وربنا يشفييه يارب وحاولي تقنعي اهلك انك مش هتلاقي حد زيه ويحبك زيه وخليكي واقفه معاه كفايه حالته انه مكتئب من الي حصل .. بينيله انه مش فارقه طخين ولا رفيع المهم انه كل حياتك… الخ ,, خليه يمشي حاله الاكتئاب الي عنده لانه الانسان لو فضل مكتئب هتتسد نفسه عن كل حاجه هيبقى خلاص يأس من كله شجعيه ومفيش حاجه بعيده عن ربنا وان شاااء الله ربنا يشفيه بس اوعي تضيعيه ..
تبقي تافهة لو سيبتيه علشان بقا تخين شوية ايه الهبل دة الحب تضحية مش قادرة تضحي في اتفه حاجةنو كومنت بجد
لو بتحبية هتعملى عشانو اى حاجة وهتسعدية وهتفضلى معاة لو سبتية وهو كدة ممكن يعمل فى نفسة حاجة لانة عندوا اكتئاب اصلا حررررررررررام ساعدية ووصلى لاهللك وجهة نظرك
اوعي تسيبه حرام بجد حرام خدى بايده بالله عليكي انا قلبي اتقطع عليه ربنا يشفيه اوعي تسيبه الدنيا مش دايمه لحد انتي في اختبار من ربنا سبحانه وتعالى
لا طبعا اوعى تسيبيه اوعى تسمعى كلام اهلك فى انك تسيبيه
ده اختبار من ربنا ليكى وليه اوعى تجزعى اقفى جمبه وشجعيه وخليه يعرض نفسه على كذا دكتور
وان شاء الله ربنا يشفيه
اوعى تسيبيه لان الانسان ده مش هيتعوض
اقفى جمبه وساعديه واوعى تسيبيه وهيشيلهالك جميله طول العمر
وربنا يشفيه ويوفقكم يا رب