مشاكل الحب والزواج

حزينة على ايامي مع خطيبي السابق

انا تمت خطبتى تلات مرات واخر خطبة استمرت سنتين وكان عمرى 22 وتم الانفصال وانا عندى 24 وكانت خطوبة  صالونات ومع ذالك احببنا بعض ولكن العائق كان امة لانة كانت تغار علية وكانت تطلب منى ان اكلمها يوميا وكنت افعل ذلك ولكن مع الايام كرهتها جدا لانى سمعت منها ما يكفينى ومن كلمها لى انا حجيب سرير واجلس معكى فى الشقة برغم ان دة مش اتفقنا ولما بقيت اتصل بيها كل 3 ايام بقيت تشتكى لخطيبى انى لازم اكلمها كل يوم وان كدا مش نافع الزواج وبعد معناتى معهم سنتين من عمرى اخت خطيبى كانت مضيقانى بموضوع ان خطيبى كان بيحب خطبتة الاولانية وكانت تذكر الموضوع امامى عشان ازعل بغرض التفرقة بينى وبينة لانهم شعروا بحبى لة فتعمدو انترك بعض ولكن استمرت لانى احبة وبعد ذلك تزوجت اختة الثانية من وراء اهلها وبدء سراع مع نفسى اكمل واتزوج ام افسخ خطوبتى لانى اخاف طلاقى بسبب اهلة ومعاملتهم السيئة لى وان خطيبى ضعيف الشخصية معهم حتى مع اصغر اخواتة وانفصلت عنة لمدة شهرين وكنت اعلم انة من الممكن ان يعود لاننا نحب بعض ولكن سمعت انة خطب واحدة تانية بسرعة ونسى سنتين ضاعوا من حياتى وانا واللهى العظيم تركتة وانا بقصد ان يتغير ولكن ذهب وتركنى وانا اعانى من حبة واسئل نفسى هل من السهل ان تنسى احد تحبة بهذا السهولة ويضع احدا مكانى ام مكان لست حبا وانا اسئل هل قرارى كان صحيح ام خطاء لانى خفت ان يطلقنى فيما بعد بسبب ضغط اهلة المستمر رجاء الرد بارك اللة لكم

مشاكل وحلول ذات صلة

اضيف بتاريخ: Thursday, March 22nd, 2012 في 16:12

كلمات مشاكل وحلول: , , ,

12 رد to “حزينة على ايامي مع خطيبي السابق”

  1. Maged
    05/11/2014 at 04:47

    لو كان بيحبك ما كانش خطب غيرك ……..شهرين مش فتره كبيره وبعدين كان لازم تعملي كده عشان تحسسيه بقيمتك ويرجع يفهم ان وجودكم مع بعض حاجه كبيره وحلوه عادي جدا كل المخطوبين بيفركشوا الخطوبه مليون مره ويرجعوا البعض واسالوا المتجوزين كل واحد متجوز اكيد فركش خطوبته مره على الاقل او قال كلمتين فركشه لكن بجد انا شخصيا ما اقدرش اقولك انه ما حبكيش بس الشخصيات اللي زي خطيبك صعب نقدر نفهم اللي جواها ولا ليه عمل كده …اخيرا عاوزك تفكري في الموضوع وكانه قضاء وقدر كان ممكن جدا خطيبك ده يموت مثلا ولا يحصل له حاجه ………النصيب زي كده بالزبط ما تقعديش تفكري بقا هو حبني ولا لسه بيحبني طيب عمل كده ليه اعتبريه قدر وخلاص من غير ابداء اسباب

  2. ابواميرة
    04/01/2013 at 17:42

    احمدي ربك انهاجات على كدا دول ناس مايتعاشروش يابنتي ولاحدش كويس فيهم اولهم سبع البرومه خطيبك اللي ماله لازمة وعيل لسه مايقدرش يتخذ راي ولاكلمة مع اهله وامه الوليةالحربياه دي تتدخل في كل صغيرةوكبيرة من دلوقت امالوتزوجتوحتعمل ايه فيكم دي عيلة كلهانكدوتسلط مين يناسبهم فكري في نفسك والعمرقدامك والف من يتمناك ربي يسعدك ويكرمك بالزوج الصالح

  3. المهتدي بالله
    10/04/2012 at 15:36

    لا حول ولا قوة الا بالله
    انا لم تستفزني المشكله بقدر ما استفزتني ردود بعض الأخوه وخصوصا رورو ونادين
    يا إخوانا ركزوا في المشكله هي بتقول هى اللي فسخت الخطوبه
    هذا قرار انتي اتخذتيه ويجب ان تتحملي نتائجه يعني انتي اللي فسختي الخطوبه ليه ندمانه وزعلانه لانه خطب بعدك يعني انتي كني عاوزاه ينتحر بعدك يعني ولا أيه
    ثم يعني أيه الغرور ده كله فعلا الواحد ما يحسش بقيمة النعمه اللي بين ايديه الا بعد ان تزول يعني انتي كنتي فاكره انه عجلة الحياه ستتوقف عند بابك وهو لا هايتجوز ولا يعيش حياته بعدك مش انتي اللي فسختي ندماااانه ليه
    عجبا لكم ايتها البنات تبقى الواحده فيكم تفسخ الخطوبه وبعد ما خطيبها يخطب وما يعبرهاش يحلى تاني في عينيها بس على فكره خطيبك ده راجل لانه ماسألش فيكي واداكي درس تتعلمي منه بقية حياتك لانك باين عليكي مستهتره

  4. رائفة
    03/04/2012 at 17:41

    السلام عليكم.اختى احمدى ربنا انك خلصتى منه بدرى انا اتجوزت واحد لم ارى شخصيةاضعف منه امام امه لدرجة انه طلقنى لمجرد انها طلبت منه كده ودمر حياتى وحياة ابنى وبسرعة وبعد شهر واحد من الطلاق كان متجوز واحده جديده على حاجتى وملابسى .

  5. abed
    28/03/2012 at 09:24

    الحقيقة مش عارف أقولك إيه إزاي تحبي واحد وأنت عارفة كويس إن شخصيته ضعيفة لهذا الحد اسمحيلي أنت أكيد بتهولي لأنه من كلامك المفروض إنك تكوني سعيدة وندمانة على الوقت والمجهود اللي ضيعتيه معاه ومع أهله , فوقي وارجعلي لصوابك وانظري أمامك مش تحت رجليك

  6. فيلسوف الصعيد
    26/03/2012 at 16:13

    لقد اراد الله لك الستر فاشكريه على النعمة التي انعم بها عليك

  7. مدمنة السهر
    25/03/2012 at 02:23

    احمدي ربك لانه خلصك من هيك رجل ضعيف يا حبيبتي الرجولة مش هيك يمكن تعودتي عليه ولو يظهر بحياتك رجل بمعنى الكلمة رح تحبيه كمان لا تشوفيه انو اول واخر حب لاننا عايشين حتى نعيش ونجرب وبالاخر رح نلاقي الحب باذن الله او نلاقي الشخص الي يستاهل والي يقدر يكون زوج صالح وأب مثالي ..حبيبتي الله يرزقك باحسن منه ولا تكوني عاطفية كثير بهيك قصة حتى ما تتعبي شغلي عقلك وحطي بعينك كل سيئاته وفكري بانك ارتحتي منه وكمان سنتين شوفيها؟؟؟؟ في غيرك ناس اتخطبو بالعشر سنوات وبالاخر اكتشفو انهم مش متفقين وما كملو وماحدا مات من دون التاني بالعكس كل واحد فيهم لاقى الشخص المناسب وعاشو حياتهم وكأن شيئا لم يكن خليه ذكرى وخلاص والسلام عليكم ورحمة الله تعالى وبركاته

  8. رورو
    24/03/2012 at 12:17

    الحمد للة ان ربنا خلصك وبعدين هو لو بيحبك مكنش خطب واحدة تانية بسهولة انسية وكملى حياتك انتى لسة صغيرة وصلى واشكرى ربنا وشوفى اخواتك هنا بيشتكوة من حماتهم والى بتعملو انتى لو كنتى تزوجتية كان حصللك كدة بعد الشر احمدى ربنا

  9. نور عيني
    23/03/2012 at 11:24

    بصي ياحبيبتي متزعليش دا مش نصيبك كل اللي عليكي دلوقتي انزلي كتير اخرجي مع اصحابك اشتغلي سلي نفسك عشان لو اعدتي في البيت هاتتعبي اوى انا مجربه اللي انت فيه دا كله وكنت بموت بس انا حددت مسيرى وقولت اشمعنا هو عاش حياته بعدى وبقيت انزل واخرجي واروح جامعتي وعيش ولمه اشوفو اضحك وعادى بس اكيد من جوايا تعبانه بس بضيع من وقتي وباجي تعبانه انام مابديش لنفسي فرصه افكر فيه هما الشباب كله صنف واحد يدوسه علي زرار ينسو عيشي عيشي حياتك والبسي واخرجي حصريه علي نفسه وحسيسه انه خسرك

  10. عبدالشافي
    23/03/2012 at 11:21

    انا مش عارف اقولك ايه هي الدنيا كده غدارة بس يا بنت الناس متتعوديش انك ديما تبعدي عن حد وهو بيحبك كل المدة دي انتي بعدتي شهرين عشان هو يرجعلك ليه كل ده انتي ازاي استحملتي تبعدي عنه شهرين اهو شاف بقا انه احسن منك وحب غيرك عشان انتي اتسرعتي صدقيني الغرور ده مسيره وحش لو انتي هتبانيله انك احسن منك مافيش وانتي فضلتي ديما معاه وخليتي نفسك في المعامله معاه مافيش زيها وساعة ما يجي يسيبك ويجرحك هو هيكون عارف انه ظالمك بس مش هيعمل حاجة عشان شايف واحده احسن منك بعينه الكذابه فساعتها هيتعمل فيه اكتر ما عمل فيكي من حزن والله هيتجرح وهيتعس وهيقول يارتني ما سيبتك ده انتي كنتي نور عيني والكلام ده عن تجربة ومش مرة هي اكتر من مره وانا شايفهم دلوقتي تعساء عشان عاملوني كأني مش اقر اسيبهم من كتر ما حبيتهم كتير اتغروا فنفسهم واديهم ندمانين والمهم يا بنت الناس ربنا هيرزقك بأبن الحلال لأنه مش بينسي حد والاهم انك تكوني ماشيه في طريق الله وهو هيرشدك لأبن الحلال وربنا يكرمك

  11. نادين
    23/03/2012 at 01:39

    انتى المفروض تشكرى ربنا ان الموضوع انتهى وانتو مخطوبين كان ممكن يحصل كدة وانتو متجوزين وتكونى لاقدر الله مطلقة لان انتى بتقولى انة ضعيف الشخصية ادام اهلة يعنى لو اتجوزتو وزعلتى اهلة لو امروة انة يرميكى فى الشارع هيرميكى وحاولى تنسية زى ماهو نسيكى والى يبيعك بيعية ومتشترهوش حتى ولو ببلاش وخدى قرار مع نفسك حتى لو هو رجعلك انتى مترجعيش لة لان انتى كرامتك فوق كل شىء ولو الحب هيدوس على كرامتنا يبقى نعيش من غيرة احسن بس نعيش بكرامة وان شاء الله نصيبك موجود وربنا هيجزيكى خير طول مانتى نيتك كويسة اتمنالك التوفيق فى حياتك الى جاية باذن الله

  12. ش.م
    22/03/2012 at 18:25

    كان ممكن اقولك عشان خطيبك اللى بتحبيه استحملى اهله انت اللى يهمك خطيبك مش اهله
    ولكن بعد تصرف خطيبك ده خلاص جات منه ويمكن ربنا مقدرلك انك مترحويش بيت زى ده
    وخصوصا انه ضعيف الشخصيه اكيد مكانش هيعرف يجبلك حقك وهتبقى دايما فى حيره وهم وتعب
    الحمد لله اللى جات على اد كده
    واللى يسيبك سبيه وربنا يرزقك ان شاء الله بزوج صالح وتحبيه ويحبك وينسيكى التجربه دى

اترك رداً أو حلاً لهذه المشكلة