انا بحب واحد اوى وهو قريبنا شوية يعنى اخو مرات بابا بس هو بيزعل معايا كتير وانا بحس ان هو بيحبنى اوى وبيخاف عليا جدا بس هو بيغير اوى اوى عليا وشكاك لان هو عرف بنات كتير قبلي ومش كويسين فعشان كدة بيشك وكتير كان بيزعل منى ومن غير سبب ويسبنى وانا الى برجعلة بس اخر مرة دى كان مرة مسك الموبيل بتاعى وفتح الميل لقي ان انا بكلم ولد بس مش كنت انا دة كانت اختى بس بجد مش انا وهو زعلان منى وبيتهمنى ان انا بخونة وقالى كلام جرحنى اوى ومش عايز يكلمنى وقالى الى بينا انتهى وانا مش عارفة انساة وبفكر فية على طول ونفسي اسمع صوتة مع ان قال كلام كتير اوى جرحنى بس انا اول ما بسمع صوتة بنسي كل حاجة بس انا عايزة اوصلة حاجة واحدة ان انا عمرى ما خنتة بجد حد يشوفلى حل ارجوكوا
مشاكل البنات
بحب اخو زوجة بابا
اضيف بتاريخ: Thursday, January 12th, 2012 في 01:27
كلمات مشاكل وحلول: حب الاقارب, مشاكل البنات, مشاكل الحب
عاوز احكي لك قصة بنت واحد صاحبي كان ابوها متزوج من واحدة وعندها اخو شاب مراهق يتردد دائما عليهم وقال الاب شفت ان الشاب كان محترم واخلاقه كويسة فقلت مافيه مانع انه يجي يشوف اخته ويلبي لها طلبات البيت وخصوصا اني دائم مشغول في عملي ومافكرتش ان بنتي الشابة تتعلق به اوتعمل علاقة معه حتى انشكف المستور في يوم من الايام كانت زوجتى مش موجودة في البيت وجيت ووجدت الشاب وابنتي في وضع غير اخلاقي ويبوسوا بعض وكادعقلي يطير من هول الصدمة اللي شفتها فالشاب هرب وابنتي دخلت غرفتها وقفلت عليها الباب وصرت اصرخ واطلب منها تفتح لي الباب وهي تبكي وترجوني ان اسامحها وبعدها جات زوجتى وبدات خناقة بيننا علشان اللي حصل وطلبت منها ان اخوها لاعاد يجى البيت ولابغا اشوف وشه تاني عندنا وبنتي اخدتها للطبيبة عشان اتاكد انها عذراء وماحصل بينهما شي والحمدلله الطبيبة اكدت لي انها سليمة واعترفت لي البنت بانه خدعها واوهمها بالحب والمشاعر الكاذبة وانها ندامة على الشي اللي عملته وسامحتها وصارت بنتي تحافظ على شرفها وسمعتها وعلى تربيتي لها واهتمت بدراستها حتى تخرجت من الجامعة وتقدم لها شاب كان زميلها في الجامعة وابن حلال وعلى خلق واهله ناس محترمين وخطبها مني ووافقت عليه ونشاء الله الزواج بعدفترة واتمنى من كل الاباء اوالامهات ان يحافظوا على بناتهم في السن المراهقة ومايتخلوا عنهم اوينشغلوا عنهن بشوون الحياة حتى لايقعوا في مشاكل تجلب لهم العاروالفضيحة والله خير الحافظين
اختي مافيش بنت محترمة تقول الكلام اللي حضرتك تقوليه الشاب غريب عنك حتى لو كان اخوزوجة ابوك فهو اجنبي عنك ولايجوز لك الحديث معه اوالخلوة حتى تحافظي على شرفك واخلاقك وتربية اهلك لك والشاب لو كان فعلا يحبك وصادق في مشاعره تجاهك لتقدم لابوك وخطبك منه حسب الدين والاعراف والتقاليد لكنه مش بيحبك عاوز يتسلى بك ويضحك عليك زي البنات اللي يعرفهم ويصاحبهم انصحك بالابتعادعنه والحذرمنه وربنا يهديكي ويصلح حالك ويسترعليكي
لو بيثحبك بجد لما ميسمعش صوتك لمدة يوم واحد هتلاقيه اتجنن وكلمك حتى لو كنتى عملتى ايه
انا عارفة ان الحب صعب يتنسى وانك مدام بتشوفيه على طول بصفة القرابة وكمان بتسمعى صوته صعب انك تنسيه
ده اللى بتكلم واحد من غير ما تشوفه بتاخد تسمع صوته كل يوم ولو مكلمهاش بتتجنن فما بالك انك بتشوفيه
بس بما انه شكاك ده هيغلبك ومش هيبقى واثق فيك
سيبك منه ولو بيحبك مش هيقدر يبعد عنك وده هيبقى اختبار منك ليه
واستنى نصيبك اللى هيبقى واثق فيكى وبيحبك