انا عندي 19 سنه حبيت شخص من اربع شهور كنا بنتكلم ف التليفون الغريب انه كان بيحبني حب فظظيع والغريب اكتر اني مصدقاه لحد دلوقتي المهم قالي فتحي اختك في موضوعنا ومامتك وشوفي ردت فعلهم ايه وبعدين جه من اسبوعين حسيت انو اتغير معايا فسألته ايه اللي حصل كان بيقولي مفيش حاجه المهم قالي فكره لما اتكلمتي مع اختك ومامتك قولتيلي ايه ماينفعش وانت جاي تتقدم اول مره تجيب اعمامك لان في مشاكل بين عائلتي وعائلتك وانا قولتلك ما ينفعش بقالي فتره بفكر ولقيت الحل ان احنا ننفصل عشان لو باباكي وافق واتجوزنا بعد كده هيقول انا اصلا ما كنتش عايز العائله دي من الاساس وانا ما اسمحش لحد يكلمني ويقولي كده فالاحسن كل واحد يروح لحاله بس انا تعبانه اوي ومش عارفه اعمل ايه وقولولي ده سبب مقنع اصلا
طيب معلش ممكن سوال طيب انا بقالى سنه بحبه وبيحبنى بس هو بيقولى انتى دايما بتعندينى فى كل حاجه حتى لو قولتلك مترحش المكان دها بتروحى دها سبب مقنع على العموم يا حببتى دىة مبررت فراغه بصى قوليلو فكر اسبوع وشوفى ايه المشكله منك والا منه
اختى انتى قولتى انكو بقالكو 4 شهور بس فممكن هو يكون حس انو مش بيحبك اوى او لما عرف شخصيتك محبكيش زى ماكن متصور …او ممكن يكون لانك بتكلميه فون دون اى ارتباطات رسميه ومعظم الشباب بل اكثرهم بيقولوو مش هتجوز بنت صاحبتها قبل كده
ونصيحتى ليكى يااختى انك تغلى نفسك ومتسمحيش لاى حد يكملك دون اراتباطات
أنا عارف إن الموقف صعب عليكي جدا، بس لازم تحطي النقط على الحروف
قوليله السبب ده مش مقنع، وأكيد في سبب تاني وأنا عايزة أعرفه، ولو تعرفي تقوليله على أسباب متوقعاها، عشان تخليه يخرج اللي جواه يبقى أحسن
إن رفض يبقى بيرفضك ويبقى ربنا عايزلك حد أحسن منه
اختي العزيزه….كل انسان يمر بلحظه اصعب من الاخره وانا راي انو تتركي لفتره الى ان يهدا ويعرف قيمتكي وبعدها اتاكدي انو انتي الو….اما اذا السبب غير معروف فاتاكدي انو هو الغلطان
لو كنتي حضرتكي الغلط كان من المفروض يواجهكي بالغلط واتاكدي انو الانسان اذا مواجه الغلط فيعتبر هو الغلطان ,,,,,تحياتي
الله اعلم بطبيعة الشخص دا واللى جواه .. ممكن يكون غير رايه لاى سبب متعلق بيكى او بعيلتكم ودا خلاه مش عايز يكمل .. وممكن فعلا يكون شديد الحساسية وحب الذات فبيفكر ويتوقع الاسوا فى المستقبل من والدك .. ودا عيب فى الشخصية عادة .. المهم انه فى الاخر مش عايز يكمل فمن رأيى انك ما تتمسكيش بيه لانه ايا كانت اسبابه فهو مش هيكمل حتى لو استمريتوا فترة دلوقتى كويسين فبعد شوية هيرجع يتردد تانى لانه مش واثق من علاقتكم ولا متمسك بيها
الأخت العزيزة….الكثير مر يتجربة الحب في التليفون و الإنترنت و بعضها فشلت و البعض الأخر نجح… كونه اتغير فهذا اكيد لسبب ما من الممكن ان يكون السبب المذكور او أي شي اخر…و الأربعة أشهر ليست بالمدة الكبيرة و أقدر مشاعرك جدا… في الأول يصعب نسيان هذا الشخص و لكن الأفضل تركه وهذا في اطار ما ذكرتي من المشكلة …نصيحتي ان تركزي في دراستك و العمر امامك طويل و ستجدي ان شاء الله من تحبيه و يتزوجك زواجا مباراكا