انا عندى 16 سته بحب ابن عمى وهو بيحبنى وهايجيى يكلم بابا هو عندوا 20سنه فى كلية الهندسه وبابا وماما عارفين انوا بيحبنى وهايجى يكلمهم عنى انا طبعا بكلمه وعلى علاقه بيه من شهرين وهو هيكلم بابا الشهر الجاى علشان بابا فى سفر ونازل من السفر الشهر الى جاى دلوقتى هو عايز صوره منى وانا برفض بيقولى انتى بنت عمى ومش هضرك فى حاجه لان مفيش حد هيضر لحمه وشرفه لكن انا بصراحه شيفاها عيب وميصحش انى اديلوا صوره ليه وهو واخدها ان ده عدم ثقه فيه لكنى والله واثقه فيه وعارفه انوا مش هيضرنى فى حاجه لانوا ابن عمى ياجماعه انا عايزه حل يريحوا ويريحنى والمشكله
انى بعند معاه كتير وبيسحملنى وهو زعلان اوى منى ومعاملتوا ليه اتغيرت تجاهى وهو طول الشهرين الى فاتوا دول بيطلبها منى لحد دلوقتى انا بقى مش عارفه اديلوا الصوره ولا لا وهو شايل منى اوى فى الموضوع ده…ياجماعه بجد عايزه حل يريحنى ويريحوا لانوا بجد هو تعب كتير علشانى وانا مش عايزاه يزعل منى لانوا عمل حاجات كتيره علشانى
الحب قبل الزواج
حبيبي يطلب مني صورتي
اضيف بتاريخ: Tuesday, August 21st, 2012 في 12:09
كلمات مشاكل وحلول: الحب, الزواج
وايه المشكلة لما تديله صورتك ماتبقيش غبية خليكي انسانة محبة ليه بجد وانتي تعرفي اكتر مني اكيد
والله هوه امره غريب شويه وانا مقدر موقفك لانة هو ابن عمك ويعرفك كويس وكمان اهله يعرفوكي كويس طيب هوه عايز الصورة ليه وعموما لو مصر خلي مامتك تديهاله لاكن انتي لا.
قوليله وصارحيه ونصيحتي لا متديهوش صورتك وانتي الي موقفك صح افرضي الموضوع مكملش او حصل حاجة وبتحصل كتير في افراد العيلة الواحدة انتي قوليله لو ليا معزة عندك بلاش موضوع الصورة ديه وان شاء الله مفيش مشكللة
خلاص لكان قولي له من تجي تكلم بابا بعطيك اياها
عادى وفيها اى يعني هايعمل بيها اى يابنتي دا ابن عمك يعني لو شافك كدا كتعريه هايغطيكي اديلو الصوره وسيبها علي ربنا واظن يعني ان الاذايه دلوقتي مابقتش بصور لدرجة ان كله حاطط صوره علي الفيس بوك
اولا : متديلوش احسن يزهق منك خليه يشتاق يشوفك عشان كل مره يشوفك فيها يبقى ليها معنى وتبقي وحشاه ومبسوطين بقا فهمانى طبعا
ثانيا :قوليله انت هتستهبل مانت عارف انى بحبك وهو عارف انك بتحبيه على فكره والله دا استعباط بس مش مشكله خديه على اد عقله واستهبلي انتى وقولى مينفعش دا مساله غض بصر مفهاش نقاش عشان انا لو ادتلك الصوره ربنا هيغضب عليا والموضوع يبوظ لالا انا مش اد الكلام دا انا عاوزاه يتم كله حلال وببركه ربنا وكمان يعني مفيش اسهل من انك تقنعيه بس خلى كلامك موزون وقوليله زي مصطفي مابيقول
اذا احببت شخصا فلا تعصي الله من اجله فان قلب من احببت بيد من عصيت
اوعى تديه صورتك اسمعي مني حتى لما يفتكرك تجي جمب صورتك صوره ملاك كدا عشان انتى طاهره وعسوله ومدتهوش صورتك ومحترمه وبتحبي ربنا وكمان شوفي بقا ربنا هيكافئك بايه لانك عملتى حاجه عشانه وبديتيه هو على من احببتي
احبك الله وجمعكم في القريب العاجل ان شاء الله
بصى ممكن اها وممكن لا بس اسالى عايزة عليه وانتى شوفى هو محترم والالا وعلى الاساس دها احكمى هتديلو الالا
الأخت العزيزة…اذا كان ابن عمك و اهلك يعرفونه فلا اجد مشكلة في ترك صورة له و لكن بها وجهك فقط…او يمكنك تأجيل هذا لو شايفاه عيب بعد ان يتحدث مع ابيك
طالما هيتقدملك الشهر الجاى مستعجل على الصورة ليه ؟ انا معتقدش انه هيضرك بيها اصلا عشان كدا مستغربه انتوا بتعاندوا بعض ولا ايه؟ طيب المهم قوليله هديهالك بس بعد لما تكلم بابا عشان يبقوا عارفين عشان مش عايزة اديهالك من وراهم لحد يشوفها معاك وماطلى معاه خلال الشهر ده ولو فضل يزن اديهالو وخلاص طالما ابن عمك واهلك فاهمين الموضوع اكيد مش هيحصل حاجه وحشه وبعدين سورى يعنى انتى بتكلميه بقالك شهرين جات ع الصورة يعنى هههههههههه بهزر والله بس بالامانه حاسه ان الحكايه عند مش اكتر وممكن يكون عايز يعرف بتثقى فيه ولا لاء وافضل حل انه طالما اهلك عارفين خلاص قولى لمامتك انك هتديلو صورتك عشان بالك يرتاح
اوعى تديلو صورتك مهما حصل وانا شايفة انكم لسه صغيرين اوى على الكلام ده ركزى ف دراستك وسيبى امرك لله هو يختارلك انسب واحد ليكى والل يخاف عليكى بجد
اوعى تديله صورتك عشان بجد هتقلى ف نظرة لازم يعرف انك غالية اوى
ولازم تقطعى علاقتك بيه لحد ما يكلم باباكى ويبقى فى حاجة رسمية
اختى الصغيره
اعرفي ليه هو مصمم اوى كدة علي الصورة دى وبعدين هو لسه مش خطيبك ولا جوزك لما يرتبط بيكى يبقي ليه حق ياخد صورة لكن دلوقتى لاء وكمان متعمليش حاجة الا لما ترجعى لاهلك فيها الاول وشوفي رائيهم ايه