انا شاب عندي 20 سنة اتعرفت علي بنت من النت عندها 18 سنة واتكلمنا كتير و اعجبت بيا و اعجبت بيها و اعترفنا لبعض اننا بنحب بعض
شوفنا صور بعض واتكلمنا موبايل و اتقابلنا مرتين
بس المشكلة اللي دايما بتطاردني انها ممكن زي ما تكون عرفتني تكون عرفت غيري
مع انها حلفت 100 يمين انها مكلمتش حد غيري وانها كانت اول مرة
واني مش عارف هل معرفة النت دي عادي ولا لا !!
المهم حاولت ابينلها ده و اصارحها باللي بفكر فيه في موضوع النت ده وانها لازم تفكر بعقلها مش بقلبها
قالتلي انها مش عايزة من الدنيا دي غيري
بس اصريط اني اديها فرصة تفكر و بعدها قالتلي ان انا اللي مش عايز اكمل وان انا اللي بتهرب
و بقالنا تقريبا اسبوع مبنتكلمش
مش عارف هل اكمل معاها ولا لا
مع العلم ان انا حاسس بحاجة ناقصاني و هي بعيدة عني
علي الرغم اني مش متاكد من حبي ليها و خايف احساسها من ناحيتي تكون مراهقة او انها لسه صغيرة علي الحكم !
على فكره حب النت ممكن فى اوقات يكون كذب ممكن فى اوقات يكون صدق انا حبت وحده من اربع سنين وانا كنت 19 سنه لسه وهى 15 سنه دلوقتى هى خطبيتى الحمد الله بنحب بعض وفاهمين بعض سالت عليه ناس قريبه وجرينه وحوله الحمدالله مع انى ربى مدينى ثقه فيه من اول ما حبته وهى حبتنى
االموضوع حله سهل اوى بمنته السهوله اسئل على البنت كويس واسئل جرانه وكده كويسه اتوكل على الله اجوذه تجوز وحده بتحبك احسن متجوز وحده بتحب حد تانى غيرك ايه المشكله انك اتعرفت عليه عن طريق النت طلما نيتك انك حتجوزه والبنت عرفه كده خلاص ومش معنه ان فى بنات بتعرف شباب عن طريق النت يكون ده معناه ان كل البنات وحشين طوبعك مش ذى بعضه اتوكل على الله واجوزه وربنا يسعدكم
بص ياباشا انا برضة بحب واحدة وعرفتها من ع النت بس انا بحبهاوهى بتحبنى مش المهم انها عرفت حد قبلك المهمانها بعد ماعرفتك بتعرف حد عليك ولا اية انا عن نفسى سألتها وحكتلى كل حاجة بصراحة وانا متعلق بيها وهى كمان متعلقة بيا المهم انك لازم تكون واثق فيها
ما في شي اسمه حب علي النت
طب ازاي اقدر احكم اذا كنت بحبها ولا ده مجرد تعود و خلاص !!
سؤالي غريب لكن يجب علي طرحه عليك وعلى من مثلك. هيه وبعدين حبتها وبتحبك. هل تقدر على تكاليف وأعباء الزواج والإرتباط والمسئوليات. هل لديك وظيفة ودخل شهري. هل وهل. إن كانت الإجابة بنعم إذا أمشي جد وتقدم لو وجدت في نفسك قبولا لها وييسر لك الله الباقي لكن إن كان الأمر تسالي وتقريب الموجب بالسالب إلى أن بفجع المجتمع بالشرر من هذا التقارب المريب فلا وألف لا وأتقي الله في أعراض الناس فكما لا تحبه لأختك لا ترضاه لغيرك هدانا الله وإياك
اخى الحبيب قصتك نفس قصتى بالضبط انا بردو كنت اعرف بنت من على النت وكنت بردو بشك انها كانت تعرف حد قبلى .. وانها ممكن تكون بتكلم حد وانا معاها
والله وكنا بنحب بعض جدااااااااا بس موضوع الشك كدة كان بيقلقنى اوى
المهم حصلت ظروف وغبت عنها حوالى شهر وبعدين بدخل على ايميلها من غير ما تعرف لقيتها بتكلم شباب غيرى
مع ان علاقتا قربت تدخل على سنة وخلاص مكنتش متخيل انى كنت هتجوز واحدة غيرها
نصيحتى ليك .. البنت دى مش بتحبك .. دة حب مراهقة مش اكتر واللى انتو فيه دة ماهو الا فراغ عاطفى مش اكتر والخنقة اللى انت فيها دى عادى عشان انت كنت متعود على حاجة وفجأه قطعتها
عارف لو حصل نصيب وخطبتها والله الشك ما هيسبك لحظة وهتفضل تشك فيها .. ولو اتجوزتكم ربنا يستر عليك
انا مش بخوفك بس بحذرك من اللى ممكن يحصل قدام فى المستقبل بسبب عدم ثقتك فيها
وعايز اقولك حاجة من الاخر .. اللى ممكن تكلم شاب من ورا ابوها سهل اوى تكلم 100 شاب تانى وسهل اوى بعد لما تتجوز تكلم 100 غيرهم لانها ماحترمتش الراجل اللى معاها فى البيت يبقى ازاى هتحترم جوزها
شكرا يا جماعة علي الردود
الفكرة بس هي موضوع النت ده اللي مش عارف ممكن بعد كدا يوصلنا لايه !
تاني حاجة هل في سنها ده تقدر تحكم 100 % انها بتحبني ولا هي لسه صغيرة و يمكن عشان لاقيتني قدامها او مفيش غيري بمعني اصح اتشدتلي و لو بعد كدا اتعاملت مع حد غيري ممكن تعجب بيه
—————–
بالنسبة لرد سلمي ممكن حضرتك تقوليلي علي اي اساس بتقوليلي سيبها يعني
و بالنسبة لرد كابتن عفت .. يعني انت كدا بتقولي في الحالتين اني اسيبها ؟؟
بص يا ابن الحلال يعني عرفتها من النت زي ما ممكن تتعرف على واحدة في الشغل او في الكلية وغيره بس لان مجتمعنا بيحاول يضيق ويمنع الاختلاط شوية بشوية فيعتبر النت وسيلة تعارف
وعادي ايه المشكلة يعني كتير ناس دلوقتي بتتعرف وبترتبط من خلال النت مش احسن ما تتجوز واحدة لا عمرك شوفتها ولا عرفتها وتكون عاملة الستة والسبعة وواخداك على قدد عقلك
طالما البنت كويسة وانت بتحبها ومشوفتش منها حاجة وحشة بطل ظن سيء فيها وانت فعلا اللي بتبعدها عنك ولاحظ انك كمان مكانها على ما وصلتلها وحبيتها بتكون كمان عرفت مليون بنت قبلها برضه على النت
ولو انت متردد اوي كده من ناحيتها متزعلش يعني البنت دي خسارة فيك ولو بتحبها زي ما بتقول ابعد عن طريقها وخلاص
انا عايزة اقولك حاجة بس يا ريت ماتزعلش منى اولا انت لو كنت كلمت وحدة غيرها برضو كنت هتقول بحبها و هية ممكن تكون بتكدب عليك و تكون كلمت ناس ياما قبلك بس و ممكن تكون عايزة تتخطب زى اقاربها بس احسن حاجة انك ماتقبلهاش تانى و دى نصحتى ليك و تخطب وحدة ملتزمة و متعلمة و تكون مثقفة و يا ريت ماتزعلش منى انا بنصحك بس ….. و شكرا …
على فكره انا بنت عندي 18 سنه وبحب واحد من على النت بس انا لما باعمل اي حاجه مهما كانت بروح اقوله حتى لو هتضايقه بس لازم اقوله على كل حاجه ممكن هي كمان تكون كده وعلى فكره حبيبي عنده 24 سنه ولما كلمته قلتله اني كلمت ناس كتير قبله بس كان الكلام في حدود الادب وبعدها خد الميل بتاعي والباص ورد ومسحهم بنفسه ومن يومها هو عارف كل حاجه من غير كدب
بص ممكن فعلا تكون كلمت غيرك كتير بس عمرها ما اتكلمت مع حد زي ما اتكلمت معاك يعني ممكن تكون اتكلمت معاهم عادي بس لما حبتك مش كلمت حد تاني او عرفت حد تاني بعدك ولو هي غعلا صريحه معاك على طول انت هتحس بيها صدقني لو حبتك بجد مش هتكدب عليك لان ممكن تكون الحب الاول في حياتها وده معناه انها حبتك بكل ما فيها بلاش تكسر قلبها وبردو اوعى تكون معاها وانت شاكك فيها لان ده غلط بس حاول تفكر بالجانب الايجابي
شكرا للردودكم يا جماعة
بالنسبة لكلام سوم وان
انا معاك اني ممكن اكون غلطت اني قلت اني بحبها قبل ما اقابلها مثا او اعرفها كويس
لكن احنا دلوقتي اتقابلنا كذا مرة واتكلمنا كتير
و هي حلفت كتير انها مكلمتش غيري حتي قالتلي هنستني السنة دي لغاية ما ادخل الجامعة عشان اقول لماما اننا اتعرفنا منها عشان صعب تقولهم علي موضوع النت ده
يا ريت الناس تنصحني اكمل ولا لا
اولا يا حبيبى فى الله اعلم ان مافعلته مش صح ودة اكبر المصاءب ان نتعرف على النت وبعدين الموضوع يدخل فى خطوبة ثم جواز ثم نكتشف ان انت مكنتش اول واحد هيا تعرفه وكانت تعرف غيرك والى اصرها تعمل كدة ان هيا كانت تتمنى تتخطب عشان متكنش اقل من اقاربها او زملتها الى اتخطبه تمام وانا نصيحة منى فى الله اذا اردت انت تتزوج تزوج واحدة تكون ملتزمة متكنش بتكلم حد حتى ولو اول مرة تتكلم على النت عشان والله واعلم مكان غيرك يعتبر اول واحد هيا تكلمه ثم انت بردك تقولك انت اول واحد وغيرك وغيرك وشكرااااااا وارجو انى اكون دليتك على الصح
عندي رأي في موضوع النت ده
الغلط فيه انك تتصور انك بتحب البنت اللي كلمتها على النت من قبل ما تكون قابلتها .. أو ان المقابلة تكون مبنية على غرض هو ” عايزين نحب بعض ” .. انما لو تعارف عادي و حصلت بعده مقابله و بعد المقابلات حصل اعجاب و حب فاعتقد انه شئ حقيقي مفيش اوهام فيه ..
بالنسبة لأنها ممكن تكون عملت كده مع حد غيرك .. ممكن و ليه لا ؟ بس ممكن برضه ترتبط ببنت عن طريق الاهل او الاصدقاء او خلافه و تكون عرفت قبلك 100 واحد و تقولك لا معرفتش .. هتعرف الحقيقة ازاي ؟
الموضوع موضوع ثقة و حسن اختيار .. و استفتي قلبك .. الكدب له ريحة
ربنا يوفقك