انا مخطوبة بقالى سنتين وفرحى ان شاء الله كمان شهر انا اول متخطبت كنت بتكسف جدا حتى خطيبى وهوة بيلبسنى الدبلة كنت خايفة جدا ومحروجة وكانت ايدى تترعش بسبب ان عمر مشاب مسك ايدى لما اتخطبت قعدت فترة خطيبى ميمسكشى ايدى خالص حتى بابا قالة معنديش بنات بتخرج مع خطابها الا بعد كتب الكتاب وانا لحد الان عمرى مخرجت معاة الا حوالى 4 مرات وكانت لمشاوير مش فسحة وهوة وافق بكدة حتى لما كنت بخرج معاة خلال الخمس مرات دول كان بيمسك ايدى ف العربية مثلا وانا ازهق معاة بس برضة هوة الى ف دماغة بس كان بيخاف عليا جدا وبيخاف من بابا ويحاول نرجع بسرعة مش نتاخر برة لو اتاخرنا مفيش ساعة ونرجع ع طول علشان احتراما لكلمة بابا لية بس طول فترة الخطوبة كان يمسك ايدى وانا كنت ببقى خايفة لكدة اكون بغضب ربنا اقلة يقلى عادى انتى خطيبتى وبعدين انا مش بشوفك غير كل شهر مرة ومش بنخرج مع بعض فكنت بسكت وفجاة لقيتة قرب فرحنا لما نتجوز بقالة شهرين يقلى هاتى بوسة قلتلة يوم معملها انتحر عمرى معمل كدة يقلى عادى بس بحس من كلامة انة مش حيعمل كدة بس بيشوف ردى بس لانة لما كان بيجيلى وانا لابسة هدومى ومثلا قاعدة مش واخدة بالى هدومى اترفعت وانا قايمة يقلى اعدلى هدومك كدة بس بس بقالة مرتين كدة وهوة مروح يقف معايا مثلا ع بابا الشقة ويقرب منى ويقلى هاتى بوسة اقلة لا عمرة وادعى ع نفسى يقلى لا والله انا عمرى محعمل كدة قلتلة الى مترضهوش لاختك مش ترضاة ليا يقلى ماشى بس بيمسكنى جامد اوى وانا بقعد ازوقة هوة اقوى منى بخاف ازعق ماما تسمع وهوة بيخاف برضة عمل كدة مرتين بس علشان فرحنا قرب ويقلى انا تعبان ونفسى ارتاح انا اخر مزهقت قلتلة متجليش تانى لحد منكتب الكتاب وانا بقى ضميرى مانبنى من كدة مش عارفة اعمل اية وبقلة كدة يقلى عادى كمان شهر حتبقى مراتى انا عمرى ماسيبك بس لما بيكون قاعد قدام اهلى بيبقى محترم معايا جدا او ف اى مكان عام قاعدين بيبقى برضة محترم مش عارفة انا ضميرى تاعبنى اعمل اية بقى انا فرحى بعد العيد ساعدونى علشان ضميرى حيموتنى
مشاكل الخطوبة
خطيبى وافعاله تعبت منها
اضيف بتاريخ: Wednesday, September 1st, 2010 في 15:33
كلمات مشاكل وحلول: خطوبة, مشاكل الخطوبة
عجلي زواجك منه
عجلي زواجك منه
لخطوبة دة ايام جميلة فعيشي ايامك الحلوة مع حبيبيك في المعقول انت كدة مزودة واي شئ يزيادة عن حدة ينقالب ضدة وبعدين كدة هو هيزهق واكيد انت عايزة تعيشي ايلم حلوة وذكريات جميلة يعني لمسة ايدية برئية اشياء برئية ومحدود تفرحك وتفرحوا وبعدين انا حاسة انك ببلاغي اوي مدام باقي شهرين هو بيجاي كل شهر يعني خلاص مش هتشوفي تاني
انا بقى هقولك على الحل الوحيييييد و الصحيييييييييح فييي كل ده انتو تتجوزو دلوقتي في فترة الخطوبة مش لازم بعد شهرين أحسن ما تكون بعد شهرين و تحصل حاجة مش ليها لازمة …و للا ايييييه؟
واللة انتى الى عرفاة اكتر وعارفة اذا كان بيحبك ولا لا بس الكسوف المبالغ فية مش كويس طبعا لازم يكون فى احترام وربنا يتمملك ع خير انشاء اللة
انا اعرف واحدة صاحبتى زيك كدة هى بتحكى عن خطيبها كدة بس هى سمعت ف التليفزيون واحدة متصلة بشيخ بتقلة انها بيحصل بينها وبين خطيبها مداعبات وهى اتجوزت حاليا وندمانة الشيخ قالها صلى واستغفرى ربنا وربنا حيسامحك واندمى ع الى الى عملتية فانا بنصحك تصلى وتستغفرى ربنا وبعد كدة متسمحيش لية يعمل كدة وبعدين انتى بتقولى الشهرين الاخارة دول بس بدا يقرب منك فهو ممكن عاوز يجراك علية علشان لما تتجوزوا يعنى وبعدين فاضلك شهر ع فرحك يعنى ربنا يكملك ع خير ان شاء الله
لاءءءءءءءء ما تدي اي حاجة الا لما تكتبو الكتاب بلاش يصير حاجة بعدين ما تكملوش و ما تتزوجو وتندمي طول عمرك لاء اوعك الا لما تكتبو كتابكم دة يبقى الدين صح لو كاتبة كتاب دة يكون حلال عليكم بس مدام ما كنب كتابك ما تعملبش دائما ضعي مخافة الله بين عنيكي
وفي شغلة تانية ضروري تصلي صلاة الاستخارا كل يوم لحد ما تتزوجو صلاة الاستخارة مفروض تصليها دائما لحد الزواج وانا براي انو استري على صلاة الاستخارة واسال الله ان تتزوجي بلزوج الصالح انشالله
اعتقد انها كتبت مشكلتها علشان تاخد رايكم تعمل اية وهل دة صح ولا غلط الواجب عليكم بماانكم اكبر منها او كشباب وليكم تجارب سابقة وان لو واحدةعملت كدة معاكم حتقولو عليها اية فيا استاذ عمر انا عاوزة اقولك تملى عين مين وازاى بحاجة حرام حتى لو بيمسك ايديها وهى علشان محترمة ومحدش عمل كدة معاها تبقى نعمل حاجة غلط لان دة بيجر لحاجة تانية فبيتهيالى انها لو اتسكت باحترامها لنفسها وانها مساعدتهوش ع الى هو عاوزة قبل ما يبص لغيرها حيسال نفسة هو انا لية عاوز اسيبها وابص لغيرها علشان محترمة اكيد حيسحقر نفسة ويقول ان النوع دة بقى قليل الايام دى وحضرتك يا استاذ السادات عاوزة اقولك ان الكسوف دة حاجة اساسية عند البنت المحترمة وكمان دة شخص مش محللل ليها دة لسة مخطوبين يعنى لا قدر الله ممكن مش يحصل نصيب ويسيبو بعض وقتها لما يجى يفتكر الى كان بينهم حيفتكر انها كانت مؤدبة ومحترمة مش كانت بتطاوعة ف الى هو عاوزة
اما نصيحتى ليكى وانا اصغر منكم سنا انا واثقة من دة انك تتمسكى بمبادئك واخلاقك وانك مش كل حاجة يطلبها منك او لو حتى انة يبوس ايديكى تساعدية على دة وبجد انتى حتكبرى ف نظرة جدا وحتجبرية انة يحترمك اكتر وربنا يسعدك انتى وبنات المسلمين جميعا ويهدى الجميع وربنا يكملك على خير
بصي لو خد اللي هو عايزة دلوقتي هتنزلي من نظرة
اسنعي كلامي انا مجرب لما اخد اللي عايزة بحس انها بتعمل كدة مع غيري
مش عارف اقولك ايه بس انتي اللى عاشيرتيه وانتي اللى عارفاه لو كان هو انسان مش تمام فالاحسن ليكي ان تبتنعدي عنه اما اذا كان بيحبك وخايف عليكي زي ماقلتي فعلي خيره الله وانصحك نصيحه لله صلي ركعتين استخاره وخيري الله سبحانه وتعالي وربنا يوفقكم لو في النصاب ان شاء الله
وماتنسيش تعزميني علي فرحكم باذن الله
هيا دى مشكله ………سبحان الله … ما دام ضميرك واجعك يبقى حضرتك غلطانه غلط كبير جداااا…….املى عينه بدل ما يبص لغيرك فهمتى انتى مش عرفتى رجاله قبل كداا ولا اى تجربه قبل كداااا تمام … فحضرتك اذا مش مليتى عينه خطيبك هيبص بره حتى لو متجوزه هيبص بره .. و انتى مش هتعرفى لانك ملكيش اى تجربه فالحياه..
نصيحتى ليكى اسالى صحبتك تعملى ايه لان اعتقد الاجابه واحده عند كل الناس اديلوا الى هو عايزه فالحدود ده مش واحد هياخد بوسه و هيسيبك ده انشاء الله هيبقى جوزك و انتى قولتى بيخاف عليكى
بلاش كسوف لحسن يسيبك ويروح لوحده تنيه خلي بالك أن الخطوبه زمان كانت جواز ومفيش حاجه اسمها كتب كتاب كتب الكتاب ده بيحفظ حقك أنتي بس لكن الجواز الحقيقي هوا قراءه الفتح و أتي حره من اخوكي الكبير أوي السادات الثاني