انا متزوجة منذ عام وانجبت طفلة وكنت قبل الزواج اعشق زوجي واتمى لو تزوجنى وكنت معجبة بشخصيته ولكن الان وبعد الزواج منذ الشهر الثالث لزوجنا اتضح انه انانى مش عايز يصرف عليا ولاعايز يجيب الك واغلب الوقت بناكل جبنة وبس وقلت اصبر وبعد كدة اصبحت حامل وماكنشى عايز اتابع عند دكتورة وامه هى اللى لو تقله يمين يبقى يمين وشمال يبقى شمال ومن كثرة المشاكل ولدت قيصرية بدل الطبيعة و الرضاعة اصبحت صناعى والدكتورة قالت لى هذا لسؤ حالتك النفسية والان هو مش عايز يشترى اللبن لبنت ولو مرضت لايريد الذهاب لدكتور باالعربى بابا هو اللى بيصرف عليا واكتر حاجة كسرنى انه مابيلعبش مع البنت ولا حتى بيحضنها وانا كرهته اعمل ايه باالله عليكوا ساعدونى فى ايجاد الحل
مشاكل الازواج
زوجي اناني و بخيل وانا كرهته
اضيف بتاريخ: Saturday, February 5th, 2011 في 07:50
كلمات مشاكل وحلول: الرضاعة, الزواج, حامل, طفلة, متزوجة, مشاكل الازواج, مشاكل زوجية, مشاكل زوجية, معجبة
وانا جوزي بخيل جدا في كل حاجة لاني اتجوزته بسرعة ومعرفتهوش
انا خلعت زوجي إلاول لأنه كان فقير ولا يبحث عن حمل أو دخل ثاني مع وظيفته كسلان فطلبت الطلاق فرفض فخلعته وبعد كم سنه تقدم لي رجل متزوج وغني فقبلت به فورا لأنه كان فرصه أعوض بها مااعانيته من زواجي السابق لاكن للأسف غني ولاكن بخيييييييييل حتى الصدقة يكرهها الريال ينزل منه يحرقه فلوسه فقط له اناني …وكرهته لاكن مابيدي إلا الصبر يمكن يتغير
هههههههههههههاي رجاله اخر زمن طيب هذا الادمي اتجوز ليه وليه سموه راجل يخس عليه ونصيحه مني ياااختي الفاااضله ارجعي بيتك اكرم لك من العيشه معاه
من الاخر دة مش راجل يا جماعة احسلك ترحمى نفسك وكدة كدة بابكى بيصرف عليكى يعنى فهمتنى مش عايزة اطول عليكى عشان ربنا يكون فى عونك
الحقي نفسك واتطلقي قبل مايبقي عندك بدل البنت اتنين او تلاته
وماتعمليش زيي انا زوجي مثل زوجك بالظبط وللاسف الناس ضغطوا علي استحمله ودلوقت معايا منه تلاته اولاد وندمانه اني مااطلقتش من زمان لانه لما خلفت منه تاني طلعوا تؤام ومن ساعه هو ما عرف الخبر من بخله هرب من البيت عشان يهرب من مصاريفنا ويوفر مرتبه وسابني انا و3 اولاد منهم اتنين رضع محتاجين البان وحفاضات وبنتي الكبيرة في مدرسه في اولي ابتدائي ومش بيسأل علينا ولا عايز يرجع
اتعلمي من تجربتي وانفدي بجلدك من زوجك البخيل
اختى الفاضلة
البخل داء لاعلاج لة
وهناك اصناف من البشر لاتصلح الحياة معهم
مثل البخيل والمدمن والكذاب
والبخيل مش بخيل فى الانفاق بس
البخيل بخيل مشاعر وعواطف واحاسيس وكل شئ
يعنى ماتستنيش منة شئ
الانفصال السريع هو الحل
اذا كانت العلاقة على ما تحبين، بمعنى أن الحب بينكما متبادل فإذن تكون هذه الصفة ليست نتيجة لسوء العلاقة لأن العلاقة بينكما جيدة، وإنما هي طبع سيئ متجذر فيه، والزوج البخيل هو ابتلاء من الله لزوجته؛ لأنه طبع يشين الرجل ولا يزينه، ولذلك ربط الله سبحانه وتعالى الفلاح بالوقاية من البخل والشح، فقال سبحانه : (ومن يوق شح نفسه فأولئك هم المفلحون )، وعلى الزوج أن يدرك أن حبسه النفقة عن أهله هو الإثم بعينه، فقد قال صلى الله عليه وسلم : ( كفى بالمرء إثماً أن يحبس عمن يملك قوته ” [مسلم] ، وقال صلى الله عليه وسلم : “ما من يوم يصبح العباد فيه إلا ملكان ينزلان فيقول أحدهما: اللهم أعط منفقاً خلفاً ويقول الآخر : اللهم أعط ممسكاً تلفاً” [متفق عليه] .. وقال صلى الله عليه وسلم : “دينار أنفقته في سبيل الله، ودينار أنفقته في رقبة (أي عتق رقبة)، ودينار تصدقت به على مسكين، ودينار أنفقته على أهلك، أعظمها أجراً الذي أنفقته على أهلك”..
ولا بأس أن تناقشيه في هذا الموضوع.. وتبيني له ذلك.. ولكن لتعلمي أختي الكريمة أن الله – تعالى – جعل لك مخرجاً من هذا البخل وهي أن تأخذ من مال زوجها ما يكفيها بالحق دون زيادة أو إسراف؛ بمعنى تأخذي منه من غير علمه ما يكفي حاجاتك الضرورية من ملبس ومأكل ومشرب.. وقد جاء في الصحيحين عن عائشة – رضي الله عنها – أن هنداً قالت: يا رسول الله، إن أبا سفيان رجل شحيح، لا يعطيني من النفقة ما يكفيني ويكفي بني إلا ما أخذت من ماله بغير علمه، فهل علي في ذلك من جناح؟ فقال رسول الله – صلى الله عليه وسلم -: خذي من ماله بالمعروف ما يكفيك ويكفي بنيك” .
وقبل أن أختم أشير إلى أن البخل في الزوج قد يكون طبعاً مركوزاً في نفسه، وهذا يعتبر في حقيقته مرضاً نفسياً يصعب التعافي منه، وقد يكون ناتجاً عن تربية معينة تلقاها من أبيه، وإلا هو في طبيعته وتركيبته ليس بخيلاً.. وهذا يمكن علاجه.
وبعد: أختي الكريمة .. حاولي أن تساعدي زوجك لعله يتخلص من هذا الداء، وذلك يكون بتشجيعه على النفقة، فإذا أنفق مثلاً عليك نفقة ولو بسيطة فحاولي أن تكبريها في عينه، وتشكرينه على (كرمه).. وتشعريه بالغبطة.. كما أنك في المقابل يمكن أن تهدين له بعض الهدايا الثمينة، حتى يهون المال في عينه.. وهذا من شأنه إذا كان البخل تربية أن يتخلص منه مع الأيام.
احمدي الله على كل حال فانتي على الاقل متزوجه واحد ما يضربك واحمدي الله لمجرد انه ابوك وامك لسا عايشين
اذا كان الكلام هذا مؤكد ولم تبالغى فيه …. فالطلاق فورا ارحم لكى ولابنك ولاهلك .. وتطلبى جميع حقوقك ولا تتنازلى عن شىء وتحاولى تحصلى على اوراق تثبت بان دخله عالى حتى تحصلى على نفقة جيدة لبنتك… وربنا ينتقم من كل شخص بخيل يبخل على بيته واولاده .. هذا النوع لا يستحق ان يعيش والحيوان له كرامة عنه … وربنا يرزق كل شخص بيحاول يسعد بيته ويوفر لاولاده الحياة الكريمة
الحل الوحيد لو زوجك ماغيرش من نفسه وفضل كده مش حاسس بالمسئولية تجاه بيته يبقى الطلاق وصدقينى موش هاتندمى وانتى اشتغلى واصرفى على بنتك وكفاية ان هى واحدة فقط
وحسبى الله ونعم الوكيل فى كل الرجالة اللى زى كدة
اولا المشكلة دى انتى سبب كبير فيها لانك كنتى المفرود تتعرفى علية قبل الزواج وكمان حكاية البخل دى بتبقى باينة قبل الزواج يعنى وكمان حتى لو بعد الزواج بتبان على طول وانتى اول ما كنتى تشوفى كدا ف الشهر الاول كنتى تروحى بيت ابوكى وتطلبى الطلاق لان البخيل دا ازبل شخص ف العالم نتن يعنى م الاخر بس دا لو كان معاة فلوس ومش راضى يصرف اومال لو مكنش معاة فلوس فانتى لازم تستحملى لاكن الوضوع بدل وصل لجكاية الكرة لا لازم تفترقى بس غلطتك انك استنيتى لحد ما خلفتى
واله يا أختى السائله هناك استعجال فى الاختيار تقع فيه كثير من البنات للأسف بسبب أفكار مغلوطه من الأفلام الرديئه والاعلام الغير هادف أنت وأهلك تتحملين جزأ من هذه النتيجه لأنكم لم تختبروا هذا الرجل جيدا قبل الزواج فهناك طرق عديده توضح شخصية الرجل . وايضا هناك السؤال عليه جيدا من أصدقائه الذين معه وقليل منهم الصادقون. فأنتى الأن فى أمر واقع وبينكما بنت لكن ليس هذا مبرر للاستمرار معه اذا لم يتغير ويثبت عكس ذلك وينفق عليكم بسخاء فما دام هو هكذا ولا يريد أن يتغير وهذه أشياء أصيله فى طبعه فلأمر يرجع اليكى فلكى الحق أن تنفصلى عنه اذا هو لم يقم بواجباته ويترك أبوكى يصرف عليكى والقرار الأن أسهل من وقت أخر تزداد الأزمه وتزداد الأولاد مع وجود أعباء الحياه . أنا لا أدفعك الى أن تتركيه ولكنى أريدك أن تحددى موقفك وتعرفى أنتى عايزه ايه عايزه تكملى حياتك كده وراضيه وصابره خلاص .
ربنا معاكى بس لازم تلقى حل ويارت تعملى حسابك ان ميحصلش حمل تانى وعليكى بقيام الليل وادعى ربنا يصلحلك حالة وحاولى تقربى منة وتشعرفى لية مش بيصرف عليكو بس لازم تلقى حل عشان تعرفى تربى بنتك
بصى مينفعش تصبرى عشان بنتك مش عاشنك وغلط طبعا على صحتك لازم اهللك يتكلموا معاها ومعلش لاقى باباكى بيصرف عليكى فا هو كدة مش شايل مسؤلية لازم اهللك يقفولة من دلوقتى وكمان اهلة وماماتة اللى ممشياة دى
مش ابوكي اللي بيصرف عليكي لو عندي كرامه وشخصيه روحي عند بيت اهلك من اولها لانك لسه في بدايت الزواج لاون تعلميه الادب وانه يتحمل مسئوليه بيت ولو مسالشي عليكي يبقه خلاص بيت ابوكي اوله بيكي اقسم بالله انا مش بسخنك بس نصيحه من اخت ليكي لاني زوجي زيه بالظبط وخفت اقول اهلي لاني ابويا اتوفي بعد ماتزوجت وبعد وفاة بابا بصرف من فلوس وارثتي عليا انا وبناتي والفلوس خلصت علي اللبس والاكل والشرب والخروج والعلاج بتاعي وبقوله سيب 5 ج قبل ماتنزل يقولي لالا انا كده ندمن ندم عمري لاني رخصت نفسي ليه من الاول
صحيح البخل باب لكل العيوب بس المشكلة مش بزوجك المشكلة بيكي الشخص اللي حبتيه هو نفسو ما تغير بس نظرتك ليه هي يلي تغيرت بعد ما كنت تشوفي ايجابياته ما عدت تشوفي الا سلبياتو اما حماتك ف مالا ذنب انت لا عارفة تكسبي جوزك ولا حماتك والخسران الاول انت وبايدك الحل حبي حالك عشان تحبي غيرك ومولودك اكيد بستاهل شوية تنازلات
لصى بجد هاتى ناس كبيرة واشرحى لهم موقفه وخلى الناس تحكم بينكم ولو فضل كدة يبقا بلاش تجيبى منه عيال تانى وفكرى فى الانفصال لان البخيل ملوش علاج
ابنتى لم توضحى بان زوجك حالته المادية كويسة ولا تعابنه على العموم لو دخلنا منازل مصر كلها سنجد ان 95 % من العيشة بين اهل مصر مشابهه لحالتك ولكن عليكى الصبر لان ولو ساعدناكى بما يدور فى عقلك سنكون قد مزقنا عائله مكونه من ثلاث افراد زوج وزوجه وبنت وعليكى مساعده زوجك لاننى اشك من واقع كلامك فى الشكوى انكى غير راضيه عنه او معنى اصح مشمريحاه على العموم حاولى ان تعمل اى عمل لكى تصرفى على بنتك واصبرى عليه واناباقول لكى اوعى يكون حد لعب فى معقلك وبطلى شكوى من زوجك
ساقول لكى قصة سيدنا ابراهيم وابنه اسماعيل ذهب سيدنا ابراهيم الى منزل ابنه اسماعيل لزيارته فلم يجده ووجد زوجنه فسأل سيدنا ابراهيم زوجته سيدنا اسماعيل وقال لها كيف حالكم راحت فاتحة وبدات تشتكى زيك كده وعلى فكرة هى متعرفش بتكلم مين المهم احنا حالتنا سفت ومش بناكل انت بتكلى جبنه همه مبكلوش فغضب سيدنا ابراهيم وقبل ان يرحل قال للزوجه قولى لزجك غير عتبت بيتك ورحل فما جاء سيدنا اسماعيل حكت له الزوجه وقالت له جاء رجل كبير فى السن فقال لها ماذا قال فقالت انه يقول لك غير عتبت بيتك فعرف انه ابوه فطلق زوجته فى الحال وتزوج باخرى وعده الايام وذهب سيدنا ابراهيم لزياره ابنه مره اخرى ولم يجده فوجد زوجته الاخرى فال مال حالكم فقالت اننا فى احسن حال فقال لها عندما يعود زوجك فقولى له جمد فى عتبه بيتك فكثره الشكوى من سوء حالة زوجه غير مرغوب فيها وفقنا الله واياكم
اولا يازوجة يامحترمة لازم تواجهيه وقوليلوا اللى انتى عايزاه ولو منفعش الكلام يبقى دلعيه واديه حقوقه الزوجيه لكن باين من مشكلتك ان امه هى اللى ممشية رايها عليه ولازم اهلك يتدخلوا فى الموضوععشان يحلوا المشكلة دى واقولك احسن حاجة تعميلها ومن غير شوشرة الطلاق لان حالتك صعب جدا فيها الاستمرار مع بعض او اطلبيه فى بيت الطاعه ويمكن يعدى محدش عارف هيجرى بكره وبعده ولكن احنا بنقول حافظى على صلاتك كويس وقربى من ربنا وان شاء الله هووحه سبحانه وتعالى هيقف جنبك فى محنتك وادعيله فى كل صلاة انه يفرج كربتك ويزيل همك وردى عليا عملتى ايه بعده كدهيااحببتى بارك الله فيكى باذن الله
بصى انا هقولك حاجه انا ابويا كان كده انا اه كبرت دلوقتى بس امى الى شيليه مسؤليتنا من يوم جوازها وعلى فكره كان عن قصه حب قويه اووووى وانا قولتلها انا واخواتى غلطتك انك سكتى من الاول على نفسك انك تعيشى مع انسان كده وهو كمان مش ببخل زوجك زوجك بصراحه افظع بكتير انا رأى تنفصلى عنو فورا والا هتعيشى طول عمرك شايله مسؤليه فوق دماغك ووالدك مش عايشلك طول العمر صدقينى انا امى كانت الراجل والست وتعبت اوى فى حياتها ومفاقتش الا بعد فوات الاوان وبقيت عندى 25 سنه واما قالتلو مش عايزاك وبعدت ابتدى يصلح من نفسو بس متأخر اوى فأنتى لسه صغيره الحقى نفسك بس وربنا يوفقك
الحل الوحيد هو الصبر لان فى حاله ذى دى ماينفعشى غير الصبر واتقربى من ربنا وادعيله ان ربنا يهديه مش اكتر
يعنى ف الاول مكنش ف خطوبة ومعرفتيش انه بخيل وانانى .. والمشكلة ان هيبقى حرام لو فكرتى ف الطلاق لان ابغض الحلال عند الله هو الطلاق .. وبصراحة مشكلتك محتاجة ناس كبيرة تقعد مع زوجك وتشوفلك حل …
DeShA SAD MaN