معلش انا تقلت عليكو شوية لكن انتو الماؤى لى مشكلتى انى اعانى ضغوط كثيرة من ناحية شغل البيت ومذاكرتى للاولاد وذهابى الى امى زذهابى الى امى الثانية وهى حماتى وطلبات زوجى اللى ما بتخلصش وعائلة زوجى ومذاكرتى انا لانى طالبة جامعية ورغم كل هذا قادرة اوفق بين كل شىء والحمد للة لكن ابتديت ابقى عصبية جدا جدا جدا وتعبى بطلعه على ولادى بالضرب والزعيق والصراخ كل شوية ومهما عملت رد فعل اولادى جميل معلش ياماما احنا اسفين وهو دة اللى تعبنى ظلماهم معايى بس مش لاقية حد افش غلبى فية غير هما هخسر الولادى وبيتى بسبب عصبيتى اعمل ايه بالله عليكم افيدونى بالرد حاولت الانتحار اكتر من مرة ولكن الله لم يشاء لمماتى جانى الضغط والقولون والنزيف باستمرار كل دة وربنا يصبرنى واستحمل هموم الحياه والضغوط ماذا افعل لو زوجى قال لى كلمة حلوة انسى كل دة لكن للاءسف بيزود الضغوط بالكلام الجارح
تربية الاولاد
عصبيتى مع الاولاد
اضيف بتاريخ: Friday, July 22nd, 2011 في 17:09
كلمات مشاكل وحلول: تربية الاولاد
السلام عليكم انا شايفة يا أختى ان مشكلتك الحقيقية انك لم تخصصى لنفسك وقت ليك انتى وبس , تعملى شىء يرضيك ويمتعك انتى وبس واعلمى جيداً ان معظم نساء فى هذة “الطحونة ” ولا تنتهى .لازم تهونى على نفسك واعلمى جيداً ان اولادك ملهمش ذنب فى مسؤلياتك .حاولى تنظمى حياتك قبل فوات الاوان ونفسية الاطفال تتاثر . ربنا يوفقك يا حبيبتى
انا بعد من النوع ماتحمل ازعاج الاولاد واتنرفز بسرعه بس زوجي اهو مايخليني اتصرف في هالطريقه ويقول لي لازم اسوي كنترول لنفسي او اخذ لي حبه اتهديني وانا انصح كل واحد او وحده اذا ماتقدر اتسيطر على وضعها اتحاول اتراجع دكتور نفسي
أنا شايفة أنو التقرب الى الله هو الحل الوحيد
سبحان الله انت بنفسك بتقولي انك قادرة توفقي بين جميع الضغوط الي حوليكي وكلمة السر عندك هي كلمة حلوة من جوزك يعني لو كلمك وعاملك حلو هتنسي كل الضغوط طيب لية مابتحوليش تتكلمي معاة وتشرحيلة دة بردوا مش غريب يعني دة جوزك ياماما يعني شاركية مشاكلك وضغوطك وربنا يوفقك
على فكرة انا عندى نفس مشكلتك بالضبط ولكنى بحاول بقدر الامكان اقظم غيظى وعصبيتى عشان ما اخسرش ولادى وبرده مابسمعش كلمة حلوة من زوجى كل كلامه رخم بس هونى على نفسك مافيش حاجة مستهلة بكرة اولادك يكبروا وتندمى انك ما استمتعتيش بطفولتهم .
استعيني بالله واحتسبي ما تفعليه لتجدي اجره عند الله ونصيحة متضربيش الاولاد علشان متطلعيش اولادك معقدين
أنا مش عارفة والله أقول إيه الله يكون في عونك بس أنا شايفة إنك محتاجة تنظمي وقتك وتخصصي وقت ليكي تعملي فيه حاجة بتحبيها وحاولي تقعدي في هدوء شوية مع نفسك عشان تريحي أعصابك وأفضل شئ النوم إذا أخدي كفايتك من النوم هتقومي مرتاحة وسعيدة وتقدري توصلي حياتك….
صدقى اللى لفت نظرى فى كلامك كلمه (امى الثانيه ) انتى اكيد انسانه رائعه لانك اعتبرتى حماتك ام ثانيه لك وهذا يدل على اخلاقك العاليه ربنا يجازيكى كل خير بس حكايه الانتحار دى انتى مش شايفه انها كبيرة شويه يعنى انتى مشكلتك مش لدرجه الانتحار لو على كده كانت نصف البلد انتحرت بسبب مشاكلهم العاديه وبعدين يا ريت متقوليش كلمه انتحار علشان دى مش كلمه سهله او عاديه