السلام عليكم
انا بنت عندى 20 سنه من 4 سنين اتقدملى واحد جارنا وبابا رفضو واتقدم للزواج مني تانى وكان بيجيب ناس كتيره اوى تقنع بابا بس هو كان رافض تماما انا كنت صغيره بس اصراره عليا ده شدنى ليه وحبيته اوى وبعد شهرين اتقدملى واحد تانى جارنا برضو يوميها قولت لبابا انا بيتهيالى الاولانى احسن فقالى انا عارف مصلحتك والكلام ده فوفقت وقبلت التانى واتخطبتلو وبعدين بان بعد كده انو مش كويس ده بعد مارضيت بنصيبى وحبيتو فبابا من خوفه عليا بعد ما عرف انو مش كويس خلانى اسيبه وبعدين اتقدملى واحد تانى بعدها علطول كان كويس جدا فبابا وافق علشان يمكن يقدر يطلعنى من اللى كنت فيه بعد خطوبتى الاولانيه من زعل واحساس بالفشل انسان طيب ومحترم وبيحبنى وانا كمان حبيته جدا لان بقى بنا عشره اكتر من 3 سنين لحد دلوقتى وكاتبه كتابى من سنتين بقى بنا تفاهم واحترام وحب كبير جدا وانا كمان كاتبه كتابى وانا بجد مقدرش اتصور حياتى من غيره بحس انو خطيبى وحبيبى وابويا كمان لانو اكبر منى باكتر من13 سنه وفرحى ان شاء الله كمان شهر انا اسفه انى طولت عليكو بس انا عايزه اعرف اللى هيقرا الكلام ده ويقولى رايه فى مشكلتى اد ايه انا برضه بنصيبى وباللى ربنا كاتبهولى بس انا غصب عنى اعجبت بمعيد عندى فى الكليه بحس لما بشوفه انى عمرى ما حبيت قبل كدا بحس انو من دمى انو قريب منى اوى الكلام ده من السنه اللى فاتت بس طبعا مقولتلوش حاجه لان انا لا عمرى كنت ولا هكون خاينه وبالنسبه لاحساسى ده غصب عنى وبدعى ربنا انو يعافينى من الاحساس ده المشكله بقى انو عرف من اصحابى معاد فرحى وجه وقالى انو بيحبنى جدا وكان كل كده مستنينى على امل انى ابقى ليه انا كنت فرحانه بجوزى وبفرحى وبجهز شقتى لكن من ساعت ما حصل كدا وانا نفسى مصدوده عن الاكل والمزاكره ومبقتش عايزه اعمل اى حاجه خالص و قلبى مقبوض اوى واللى تعبنى اكتر ان انا لما قالى كده قولتلو انا كمان على احساسى بيه وانى بحبه وبحس انو قريب انا تعبانه جدا ومش عارفه اعمل ايه انا جوزى ميستهلش منى كدا ابدا وانا عمرى ما هكون خاينه مهما كنت حاسه انى بحبه انا اموت قبل ما اخون جوزى ياريت اللى يقرا كلامى يعتبرنى اخته وينصحنى بجد كانى اخته انا بجد بموت ومش عارفه اعمل ايه ؟؟
مشاكل الحب والزواج
فرحي قرب وبحب شاب تاني غير خطيبي
اضيف بتاريخ: Monday, November 19th, 2012 في 23:54
كلمات مشاكل وحلول: الحب, الزواج, بنت
مع احترامى لكل الاراء ياشباب انتى يااختى طالما بتحبى حد تانى غير خطيبك يبقى مش هتشوفى السعاده ابدا وافتكرى كلمتنى لان قلبك مش بايدك وطالما حبيتى تانى يبقى خطيبك مش مالى عينك وقلبك والعميد ده هوه اللى مالى عينك وقلبك الجواز مش تجربه لا طبعا دا ارتباط وثقيق افتكرى كلمتى تانى لانى كنت فى مكان العميد ده وهيه الان حامل كمان وبتبكى دم لانها مش قادره تتطلق ولا عارفه تعمل ايه رغم انى من حبى ليها قلت لو اطلقتى هجوزك بلاش تقعى فى نفس الشىء يااختى
طيب انتى سالتى نفسك انك ممكن تقدرى تبعدى عن خطيبك دة هتقدرى يعنى لازم تبعدى عن المعيد دة عشان متخنيش جوزك مهما قولتى انا مش هخون جوزى تبقى بتكدبى على نفسك لو فضلتى عرفة المعيد دة يبقة هتخونى جوزك بعد الجواز واكيد انتى فهمة لازم تبعدى قربى من خطيبك اكثر فى كل حاجة
اختشي على دمك وخلي عندك حياء ايه الكلام الخايب اللي تقوليه احترمي نفسك وقدري الراجل اللي خطبك من اهلك وحيبقى زوجك وارضي بالمقسوم واوعي تخوني زوجك مع الوادالمعيد في الكلية واقطع علاقتك بالوادهذا وفقك الله وهداكي
السلام عليكماختى اذا كان فرحك قرب زى مابتقولى اتكل على اللة واجعلى اللة دائما امامك وعسى ان تكرها شيئا وهو خيرا لكم وعسى ان تحبوا شيئا وهو شرا لكم
لو المعيد هذا رجل فعلا ما كان تقدم اي خطوة نحوك لما عرف خبر زواجك ل فعلا محترم وعارف قيمة شغله المفروض يشوفك بنته مش هالححكي الفاضي الفاضي انا مش ضد انو يكون في علاقة بين طالبة ومعيد في كثير هيك علاقات كانت نهايتهم الزواج لكن انا اشوفها انو ما حترم مهنته ولا حتى احترم زوجك انتي بس مثل اي بنت تحبي يكونلك معجبين لهيك عشتي الدور وهيك انتي تخوني زوجك باحاسيسك وهاد شعور كثير صعب تقربي من الله اكثر رح يساعدك ويخرج شيطانك ان شاء الله والسلام عليكم ورحمة الله تعالى وبركاته
السلام عليكم ايه يا اختى فى ايه الاول حبتيه وبابا رفضو ورضيتى بنصيبك والتانى حبتيه وطلع مش كويس ورضيتى بنصيبك والثالث حبتيه وكنتى سعيده معاه ومبسوطه وبعد كده وانت فى الكليه حبيتى المعيد ايه ياأختى انت ماشيه تحبى على نفسك معلش متاسف بس دا اسمه تقلب فى المشاعر مشاعرك مش ثابته اتجاه حد معين وكل اللى بيحتك بيكى فتره بتحبيه حاول تفرقى مابين الاعجاب ومابين الاستلطاف ومابين الانبهار ومابين الحب
بالنسبه للمعيد انا مقدرش اتكلم عليه بس اللى اقدر اقوله ليكى فى الوقت الحالى فى الجامعات وخصوصا العمليه بتلاقى اغلب البنات مشدوده ومعجبه بالمعيد خصوصا لو كان وسيم فطبعا دا حد البنات كلها معجبه بيه اول واحده هيكلمها هتسيب كل حاجه وهتشوف نفسها انها هى الوحيده اللى بصلها من وسط كل البنات دى وحضرتك طبعا من وسامته واعجاب البنات بيه واعجابك بيه مجرد مكلمك تهيئلك انك بتحبيه
وبالنسبه لــ مش عارف اسميه ايه خطيبك واللى حبيبك واللى جوزك لو انت هتستمرى فى اعجابك بالمعيد واتجاه مشاعرك من نحيته يبقى احسن ليكى تسيبى جوزك لانك قولتى انه ميستهلش كده منك وحرام عليك يكون هو واثق فيكى ومخلص ليكى وبيفكر فيكى لوحدك وانت تكونى معاه بحسمك بس ومشاعرك واحساسك مع حد تانى ولو هترتبطى بيه حاولى تتخلصى من احساسك الله يخليكى وربنا يوفقك ان شاء الله ويرشدك الى مافيه الخير والثواب كان نفسى اقولك صلى استخاره بس للاسف مش وقتها خالص دانتى خلاص مجوزه وحتى لو صلتيها مفتكرش انها هترسيكى على حل لان عقلك مع حد وقلبك مع حد تانى على فكره والله لو اختى بجد لكنت هقولك نفس الكلام
انا من راى من اخ لاخته وياريت تاخدى بالنصيخه لان مفيش غير الحل دا ودا الاصح انك تكملى مع جوزك وتسيبى اى حاجه وتهتمى بتجهيزك ومتخبيش عنه اى حاجه لان هوادا هيبقا حلالك اما التانى ال معاكى معيد فى الجامعه دا تنسيه اولا لان ال انتى حاساه من نحيته دا اعجاب مش حب ثانيا لانه مفيش واحد عاقل فى الدنيا دى كلها مهما كانت الظروف يروح يقول لواحده فرحها قرب انا بحبك حتى لو كان بيحبك مينفعش يروح يخرب عليكى الجواز وهوا لو بيحبك هيعمل ال يسعدك ثالثا انتى مش ضامناه انه بيحبك والا متعرفيش انه بيحبك بجد والا لا مهوا مممكن يكون بيضحك عليكى رابعا بقى ودا الاهم من دا كله انك حرام تجرحى عريس ال حبك وضحى علشانك وصانك واتقدملك وحافظ عليكى وحبك واخلص ليكى وتيجى فى الاخر انتى تخنيه وانك لو مشيتى مع التانى المعيد 90 % مش هتكملوا مع بعض لانه هوا اكيد ليه غرض عايز يوصله مش بيحبك بجد زى جوزك …. يارب تكونى فهمتى قصدى ربنا يوفقتك يارب ويصلحلك ال فيه الخير ليكى…. مؤمن الحوتى
اختي : هكذا نحن دائما نود امتلاك كل شئ في وقت واحد … فقليلا مانجد احد يحبنا باخلاص وبدون اي مصالح .. وانتي قد رزقك الله بزوج تعشقينه وتحبينه حسب كلامك . فماالذي حدث ؟؟ هل لو فعل هو ذلك ماذا سوف يكون رد فعلك ؟؟؟هل كنتي تقبلين ذلك بسهوله علي كرامتك ؟؟؟ وانا هنا اود ان اقول لكي ان اصعب شئ هو الخيانه وخصوصا عندما تجئ من اقرب الناس الينا … فقد يكون انبهار بشخصية المعيد الذي معك في الجامعه .. ثانيا وهو الاهم وانا اؤكد لكي لو انتي الان غير مخطوبه ” كان لايجرأ علي ان يتقدم اليكي .. لانه وجد السبب المقنع والكافي ان يتلاعب بمشاعرك وهو تأكده من حبه لكي من خلال نظراتك اليه او من خلال اصدقائك وتصرفاتك .. وعندما عرف بأنك مخطوبه فلن يكلفه الامر شئ من ان يسلي نفسه لبعض الوقت .. فقد تكوني صيد سهل بالنسبه له ليقضي معك بعض الوقت الجميل وكما يفعل كثيرا من الشباب للاسف رغم انه واثق بأنه لن يرتبط بهذه الفتاه .. وقد يكون ذلك اختبار من المولي عز وجل لكي لمعرفة قوة صدقك وحسن اخلاقك فلاتضيعي الفرصه بهذه السهوله وتنقادي وراء نزوات قد تبدو لنا جميله من ناحية الشكل ولكنها سوف تجلب لنا الالم والتعاسه ولحزن فيما تبقي من حياتنا لو اقدمنا عليها .. فمايدريكي بأنه سوف يتقدم اليكي لو تركك هذا المسكين .. وهل ترضي ذلك لاخوكي .. ليس لدي ماقوله اكثر من ذلك . ولكن سوف احكي لكي قصه بسيطه تدل علي تمرد البنت والمرأه بشكل عام .. كان والي وامير اشبيليه وهي اماره من امارات الاندلس عندما كانت تحت الحكم الاسلامي يعشق زوجته ويحبها بجنون ويود ان يفعل اي شئ ليكسب رضاها .. وكان كل يوم يراها تقف خلف زجاج القصر نهاية كل نهار لتري نساءالفلاحين وهم عائدين من حقولهم ويحملون اولادهم الصغار ويمشون حافيين والارض كلها طين ووحل من شدة الامطار .. وعندما سئلها عن سر وقوفها كل يوم كذلك . فقالت له انها تتمني ان تفعل مثلهم وتحمل طفلتها الصغيره هكذا .. فأمر كل حراس القصر بجمع كل الورود التي في اشبيليه ونثرها علي ارض الشوارع لتمشي زوجته حاملة طفلتها ويشاهدها كل الناس هكذا .. وبعد ان فعلت ذلك مره يومين واختلفت معه في شئ بسيط .. وعندما زادت حدة النقاش قالت له “” انها لم تري طيلة حياتها يوم جميل معه.. فقال لها حتي يوم اشبيليه .. فردت حتي يوم اشبيليه .. وهو اليوم الذي حقق لها اكبر امنياتها حسب قولها .. وقد سمي هذا اليوم في التاريخ بيوم اشبيليه .. فأرجو ان تكوني اكثر نضجا من ذلك ولا تضيعي نفسك مع هذا الشخص او غيره .. وتقربي من خطيبك وسوف تجدي معه كل شئ تبحثين عنه .. لان ذلك هو شرع الله الذي حلله للبشريه جمعاء .. تمنياتي لكي بكل توفيق مع خطيبك وزوجك ان شاء الله
انا شايف مفيش مشكله هوا في واحد ناقص واحد حابب يخرب عليكي واحد مغرور ومش راجل علشان الرجوله اني اما اعرف ان وحده مخطوبه او مكتوب كتابها لو دوايا فيها عمري مهقلها او اعبر عن اللي جوايا علشان انا كده بخرب
واللي ساعدو في ان الغلط ده يكبر ويتطور هوا حضرتك
هوا الواضح ان انتي انسانه كويسه علشان ذكرتي النصيب والقدر في طرح مشكلتك
طيب ضعفتي ليه بقا وسمحتي للخراااب انو يدق باب سعادتك ؟؟؟
مهو كونك تسمحي لنفسك انك تعجبي او تحبي شخص تاني دي خيانه طبعن والاكتر انك سمحتي انو يبرهن ويقلك الكلام اللي بيه فتحتي باب للشيطان وباب لخراب حياتك وتعاستك ؟
جزء كبير من اللوم عليكي انتي لو بجد بتحبي زوجك ومحترماه في غيابو متعمليش كده
علي فكره
ده ممكن يكون امتحان من الله ليكي علشان بيه تستاهلي حياه طيبه ولا حياه الله اعلم شكلها هيكون ايه !!!!
انا بستعجي عليكم يا بنات للدرجادي وصلتو لكده
للدرجادي بقا تقييم الحب في نظركم مجرد اعجاب شكلي ومظهري فقط؟؟؟
اختي الفاضلة
واضح انك مضطربة جدا ولكن :
-لا يوجد رجل ناضج يتحدث بما تحدث بة المعيد و الله اعلم بالنوايا
-لم اسمع منك مايعيب زوجك
-لم تعرفي شيء بالسلب او الايجاب عن هذا المعيد سوى هذا التصرف المشين و خصوصا انك على ابواب الزواج
-اين كان منذ قرر الارتباط بك و كيف فكر بهذا و انت متزوجة من سنتين و مخطوبة من ثلاث سنوات
-لا اظنة جاد و المصيبة اكبر لو كان جادة فهذا يعني انة غير عاقل
-العزيزة الشابة , لا تبنى البيوت بالنظرات و اللفتات السينمائية و لكن باشياء اخرى اصعب
-اياك و الاحلام فما اسهل نسجها و ما اصعب مكائدها
-اجوا منك المزيد من الاحترام لرجلك الذي ارتضتية و قبلتية بارادتك فليس لة ذنب انك تكثرين من الافلام العاطفية
-حذاري من العبث بالمستقبل , املكي زمام حياتك و اعلمي ان الحب الحق في العقل
وفقك الله
السلام عليكم ايهاالاخت الكريمه ان بعد قرائتي رسالتكم ارسل اليكم ردي رغم عدم المعرفه المسبقه ان نصيحتي اليكم ان هذا الاسلوب هو اسلوب واضح من اساليب الشيطان ان الشيطان يريد ان يدمر لكي حياتكي السعيده مع هذا الشاب الطيب ارضي بما قسمه الله لكي تكوني من اسعد الناس في الدنيا والاخرة اذهبي الي زوجكي وكوني بالقرب منه وعندما تشاهدين ذللك اشيطان(المعيد)استعذي بالله من الشيطان الرجيم ان هذا لذئب يريد ان يخسر لكي حياتكي وان الطلقتي وذهبتي اليه فانه باذن الله سوف يتركك ايضا من اجل اخري (واتقوا يوما ترجعون فيه الي الله)
وعليكم السلام ورحمه الله وبركاته :
انا من رايى انك تركزى فى زوجك وفرحك ومستقبلك وتحاولى تسعديه وتحبيه وتحسسيه انه احسن راجل فى الدنيا طالما انك بتمدحى فيه وسيبك من اى حد تانى عايز يتسللى بيك ويضيع وقتك وتعالى على قلبك شويه وما تفتحهوش الا لزوجك حلالك وتاكدى ان السعاده الحقيقيه ان زوجك يحبك اكتر ما انت تحبيه وانت تبادليه نفس الحب ساعتها بس هتنسى اى حد تانى واتمنى لك كل توفيق فى حياتك الجديده ومبروك مقدما على الزواج وعقبال البكارى بارك الله لكما وبارك عليكما وجمع بينكما فى خير .
الاول في الغلط ده هو والدك اللي وافق علي ارتباطك في سن صغير جدا بحجة عارف مصلحتك ولم يعطيكي الفرصه ان عقلك يكبر ويشارك معاه في الاختيار الصح للاسف بعد مانضجت بدأت تفكري وتعيشي سنك ان واحد يعجبك بدون اللي اتفرض عليكي ،لكن الاعجاب ده او الحب الي انتي حاسه بيه مش معناه انه صح لكن هو نوع من التمرد علي المفروض عليكي والغلط منك انك تسمحي لنفسك انك تعجبي بأي حد وانتي في حكم الزوجه وتعترفي بالحب ده لانسان ممكن يمسكها عليكي زله ويلعب علي انك سهله التأثير عليهاويخرب حياتك ومش حيرتبط بواحده سابت جوزها عشان واحد تاني لانه حيحصل معاه برده ومادام انتي بتشكري في خطيبك مع طول مدة ارتباطك بيه يبقي احمدي ربنا عليه ومتفقدهوش ومن الغلط والخيانه الاستمرار في تعلقك به،اما من ناحية المعيد فاعرفي انه غير مناسب لانه سمح لنفسه انه يعترف لك بحبه وهو عارف انك قربتي تتجوزي يعني عاوز يخرب حياتك فوقي قبل ماتندمي واستخيري ربنا وكملي ف الطريق الصح
المعيد دا شخص مش محترم هوا ايه الي كنت مستني انك تكوني ليا ؟ هوا بعد ما حصل الفرح يقولك بحبك هوا كان نفسه يتسلي بس ملقاش فرصه ودلوقت احلويتي في عينه لاء خليكي مع زوجك ومتسمحيش لحد يقولك كدا لان البنت بطبيعطها بتدوب بالكلام الحلو حتي لو كذب ومتخليش الشيطان يدخلك من اي جانب اتقي الله في نفسك وزوجك وربنا يتمملك علي خير
والف مليون مبروك,