لدي سؤال قرأت في هذا الموقع تعليق من احد الاخوة الافاضل وكان بيتكلم على الاسالة اللى قبل الزواج وكان منها ان كل طرف يقول على الامراض اللى فيه للطرف الاخر
سؤال انا شاب مقبل على الخطوبة وعندى دوالي في الخصية وكشفت عند دكتور وقالى انها هتروح مع العلاج ولكن اشعر انها لم تتغير كثير
فهل اصارح اهل العروسة بده ولا لا؟ ولو لا هبقي بغشهم؟
ببربنا يشفينى ويشفي جميع مرضي المسلمين ويتم نعمته عليكم
مشاكل الشباب قبل الزواج
قبل الخطوبة .. هل اصارح اهل العروسة بمرضي
اضيف بتاريخ: Friday, September 17th, 2010 في 13:57
كلمات مشاكل وحلول: الخطوبة, اهل, دوالي الخصية, دوالي الخصيتين, عروسة
أنا مقبل على الزاوج من البنت اللى بحبها بس أنا عندى غضروف فى ضهرى و مش بقدر اشيل حاجات تقيلة و مش بقدر اقف كتير و خايف بعد الجواز ان شاء الله لما يعرفوا الموضوع ده يقولوا عليا غشاش قولولى اعمل ايه الله يخليكوا لانى بفكر فى الموضوع ده كتير اوى لدرجة انى مش بنام كويس
اخي فى الله انت لسة ادامك سنة على الخطوبة يعني تقدر تكون اتأكدت ان الدوالي دي هتأثر عليك ولا مش هتأثر عليك .
وفي الوقت ده تقدر تحدد موقفك وغير كده الدكتور اكد ان ده موضوع تافه مش القوي وعموما وربنا يشفيك ويشفي مرضى المسلمين اجمعيييييين
احب اشكر جميع الاخوة اللى ردو على مشكلتى ودعائهم لى بالشفاء
انا ذهبت للدكتور وحاولت اعمل العملية قالى انها مش مستاهل وان الدوالى اللى عندى صغيرة جدا وعملت تحليل في معمل محترم وعند اطلاع الدكتور قالى انه تاثير الدوالى يكاد يكون معدو وذلك بعد العلاج واحب اوضح حاجة ان الانسانة اللى هرتبط بيها قريبتى ونعتبر مخطوبين من ثلاث سنوات يعنى قريين فاتحة وكده بس الارتباط الرسمى بعد سنة ان شاء الله واكيد انا هعمل محاولة تانى للتاكد فيها من كلام الدكتور السابق وانا محرج بصراحة انى اصارحها او اصارح حد من اهلها بالموضوع ده على الرغم انى حاولت وفي اكتر من مرة قلتها انا عندى مرض كبير اوى شوفي نفسك هتستمرى معاى ولا لا فكان الرد انها معاى بس طبعا معرفتش ايه المرض لذلك انا مأخذتش بالكلام ده وطرحت المشكلة هنا اسف على الاطالة واشكر للمرة الثانية جميع من شاركنى مشكلتى وجزاكم الله خيرا
مر ض ايه وليه مش تظبط نفسك قبل الجواز وتعمل العمليه لو حد سئلك قول عملت البواسير ده لو روجلتك نائحه عليك لكن لو كنت مكانك هعملها وهقول انى كان عندى دوالى بس طبعا حسب طبيعه الناس الى انا معاهم
إن كان الأمر بسيط كما إدعى الكثيرون فلما لا تصارح به من تريد أن ترافقك. لو إتضح أن لهذا الأمر ـاثير في مستقبل الحياة وخاصة على زوجتك وهناك العديد من القصص الموجودة التي تظهر قصور من الأزواج في حق زوجاتهن فالأحري ألا تبدأ حياتك بغش. لأن إخفاء أمر أن تعلمه جيدا لن ينسى لك “اللهم إلا لو صارحت ورضى الطرف الآخر بأن تتدارك الأمر بالعلاج وقبلك لأنه يحبك أنت” لكن أن تدخل في دائرة الغش فأذكر أن من غشنا فليس منا وقد {ايت أناسا ذكروا أنهم طلقوا لهذا السبب سواء كان هذا الإدعاء حقيقي أو لم يصدقوا فأقول لك تخير الوقت المناسب وقبل أن تدخل في الجد وتنفق المال ثم تعود فاقد المال الذي أنفقته وخاصة أن الطرف الآخر سيدعي أنك أثرت على نفسيته وتكون هناك خسائر مادية ونفسية ولك أيضا أن تأخذ بالأسباب الطبية وتكمل الموضوع بعد الإطمئنان ولا يدعي أحدا قول الشيخ الحويني وقياسه وإنما لو أردت فأسأله عن هذا الموضوع تفصيلا ثم ضعها في رقبة عالم لكن تذكر أن الإثم ما حاك في الصدر وخشيت أن يطلع عليه الناس فكيف تبدأ حياتك على غش وأن تطب لها أن تكون نور على نور. شافاك الله وعافاك ورد صحتك إلى أفضل ما تكون.
اخى العزيز : ان دوالى الخصيتان ليس بمرض العضال و لكن مشكلته تكمن فى انه يؤثر على الانجاب و من الممكن ان يكون مشكله لهذا السبب لذلك نصيحتى لك ان تعمل العمليه قبل الزواج لان من اضرارها ايضا سرعة القذف و هذا سوف يسبب الاما نفسيا فى المستقبل فاعمل العمليه و توكل على الله
اخي صاحب المشكلة الكريم اشكر لك حبك بالصراحة امام الله وعباده عليك ان تعلم بأن الدوالي لا تعبتر مرضا بمعنىكلمة مرض حيث ان عملية ازالة الدوالي تعتبر سهلة جدا وهي فعلا توفر العلاج من اجل تحسن الحيوانات المنوية عند الرجل وخلال ثلاثة اشهر الى ستة اشهر فقط بعد العملية يصبح هناك حمل ..
اذا لا خوف من الدوالي ولا اعتقد ابدا بأن هذا ألآمر يعتبر عائق امام اهل خطيبتك لمنع الزواج حيث ان ما نسبته 30 بالمئة هذة الآيام من الشباب يعانون من الدوالي وجميعم يلجئون الى عملية ازالة الدوالي فلا خوف عليك ولا ضرر ان كلمت اهل خطبتك بالامر
طبعا لازم تقول الحاجات الكبيرة دى متستخباش والكدب ملوش رجلين ودى مش اى حاجة
وربنا يشفيك ويشفى مرضى المسلمين جميعا
الموضوع مش كبير ولا حاجه ومش مستاهل القلق منك او انك تقلقهم انا كان عندي الدوالي دي وعملت ليها عمليه بسيطه وبقيت زي الفل الحمد لله بس اسال نفسك الاول سؤال هل الدوالي دي هتأثر علي علاقتك بزوجتك الجنسيه يعني مش هتقدر تشبع رغباتها بالشكل الطبيعي؟؟ ام ليس لها علاقه؟ لو كانت لا يبقي ماتقولش ولا حاجه–وده رأي الشيخ الحويني انا سمعتها منه واحد سأله قاله اصارح خطيبتي واهلها بمرض السكر اللي عنده فقاله لا لانه مايأثرش علي علاقتك وحق زوجتك معاك–السؤال التاني– هل يأثر عليك في موضوع الانجاب وده سهل جدا انك تعمله في اي معمل تحلل السائل المنوي ب20جنيه فقط وطبعا لو هيأثر علي الانجاب يبقي لازم تبلغهم -وفي النهايه احب اقولك ماتقلقش كل حاجه ليها علاج وان شاء الله ربنا يعافيك وتكون زي الفل
لازم تقول لهم طبعا ومتخافش لان دي دوالييعني ملهاش تاثير شديد هو كل تاثيرها انها بس بتضعف انتاج الحيوانات المنوية لكن مش بتمنع انتاجها فا متخافش لانها مشكلة بسيط جدا وزي ما الدكتور ما قال لك هي فعلا هتروح مع العلاج ان شاء الله
من راى طبعا تقول لهم علشان انت لسه فى الا ول قبل ما تعمل خطوبة وبعدين تسبيك
أكيد لازم تصارحهم انا بعرف بنت كان عندها مرض وأخفته عن عريسها وبعد الزواج بكم يوم تركها