انا فتاه ابلغ 19 عاما ولى اخت تبلغ 23 عام انا ماشية على مبدا فى حياتى انى عمرى مااح ولا ارتبط بحد الا فى سن مناسب ويكون يقدملى ويخطبنى وكان كل ما حد يعرض عليا الحب كنت برفض ولمل وصلت سن 14 زى كل البنات كنت بفكر فى حبيب لكن طبعا ماشية على المبدا .
انا واختى كنا على طول نخرج مع بعض رغم ان فى الوقت ده كانت اختى تعتبرنى عيله المهم اما كان عندى 14 سنة اختى كانت فى 1 كلية اعادة لانها هوائية وكانت بتحب واحد من صغرها ولما دخلت الكلية اتخطبتله وبعدين انشغلوا ببعض وهما الاثنين عادو السنة هى كلية وهو كلية تانية وكان اكبر منها ب 6 سنين ولما عادوا السنة الاهلين حصل مشاكل بنهم بسبب كده وفى النهاية سابو بعض بابا عشان يساعد اختى شافلها مدرسين يدوها درس عشان تذاكر وتنجح والمدرسين دول كانو ا قريبين فى السن مننا اختى اما كانت تروح الدرس ونظرا لانها كانت تاخذ الدرس كانت تاخدنى معاها وعرفتنى عليهم وبابا حبهم وبقينا نخرج معاهم وصاحبناهم كاخوتنا بس بمرور الايام حسيت انى اختى ومدرس منهم اعجبوا ببعض ولانى عارفة هى اد ايه كانت بتحب خطيببها كنت بقولها مهما تلفى وتحبى هترجعى بردو لخطيبك وكانت بتضحك عليا وبتطور العلاقة اانا والمدرس ده بقينا صحاب بس كنت ساعات بضايق منه فى حاجات زى انه يتدخل فى حاجات متخصوش وكنت ساعات بحس انه متطفل المهم اختى رجعت لخطيبها واتجوزو وكان المدرس ده بيتصل عليا ويعرف اخبارى واخبارها وكده لانها سابت الدرس خالص لما اتجوزت مع العلم ان المدرس ده كان تقيل جدا ومش بيصرح بمشاعره وبالناحية التانية اختى كانت مجروحة من خطيبها وزى مابيقولو السكينة سارقاها وهى مشاعرها على طول بتصرح بيها المهم واختى فى سنة 3 كلية طلبت من بابا انه المدرس ده يجى يديها درس وفعلا جه واتعرف على جوزها وبقوا صحاب والمدرس طبعا نسى اى حاجة كانت بنهم وشاف حياته انا كنت دخلت الكلية فى اول سنة وكنت بروح لاختى وهو بيكون هناك وانا وانا فى 3 ثانوى ارتبط هامشيا بصاحب اخوية ومحصلش نصيب طلع ندل وبعد ماسبته ب8 شهور اختى بتقولى ان الاستاذ ده عاوز يتقدملى انا طبعا اتفاجئت ورفض على طول لانه اولا افتكرت علاقته مع اختى زمان وكمان انى مبحبوش وكمان اكبر منى ب10 سنين وكمان انى لسه فى اولى كلية المهم فضلت ارفض وهو يتمسك بيا اكتر ويحاول يكلم اختى وجوزها وكده المهم انا كلمت اهلى وقالولى فكرى لانه شاب متدين ومحترم وراجل وصاحب مسئولية والكلام ده انا قلت انا مش هخصر حاجة اما نقعد ونتكلم وبعدين انا طلبت من بابا فرصة انى اعرفة قبل الخطوبة وهو وافق اتفقنا على حياتنا وانا قلت مع نفسى اعرفة اكتر قدام ربنا واهلى والناس ووافقت على الخطوبة واتكلمنا على حكاية اختى زمان قالى انى عمرلى ماحبيتها انا بس ابوكم امنها امانة وانا خفت حد يضحك عليها وهى لسه مجروحة وانا صدقته لانى كنت عارفة ان اختى هى اللى كانت بتحبو انا دلوقتى مخطوبله وفى بنا مشاكل كتير ولانه كان عنده صحاب بنات كتير زمان حاجة بتقلقنى وهو بيقولى مبقاش عنده اصحاب الحاجة اللى تعبانى انى لما بزعل منه بفتكر اى حاجة وحشة ليه وساعات مش بنفهم بعض وبحس ان عنده اهتمامات عنى وبحس ان بيحب يظهر قدام الناس مش مقصر معايا فى حاحة وانا دلوقتى خايفة اكمل واتجوز وخايفة احسن الحياة تبقى مستحيل واطلق وبسال ان ينفع يتغير رغم ان احنا فى كل مشاكلنا اتفقنا على التغير وانا بحاول اعمل اللى عليا وهو معترف بكده وهو مش بيتغير هو قالى انه كان رافض الجواز ولسه ملقاش البنت اللى عاوزها وقلتله انا كنت قدامك زمان قالى كنتى لسه صغيرة وكنت اما اسالك ارتبطى والا لا تقولى مش بفكر دلوقتى انا يمكن مش اكون حكيت كل اللى فى قلبى لكن والله انا تعبانة قولولى اعمل ايه اكمل معاه رغم مشاكلنا وقاة تفاهمنا والا اسيبه واشوف حد تانى يفهمنى رغم ان صعب الاقى حد يفهمنى فى الزمن ده اسفة على الاطالة وارجوكم اقرائو رسالتى وردوا عليا وربنا يجازيكو كل خير
طبعا تيبيه وفورا اولا ده مش من سنك ثانيا انه كان ليه علاقه مع اختك ثالثا اختك كانت بتحبه زى ماكنتى بتقولى وبعدين خدى اللى فى سنك وربنا معاكى
اصرفى نظر عن الموضوع ده وهتكسبى كتير ولو ارتبطتى بيه هتخسرى حاجات كتير جدا اولاها نفسك وعمرك وشبابك ومبادئك
ربنا يوفقك
د.عمرو
انا بقول بعد تفكير طويل (استغرق مني دقيقة ونصف)انتي ما بدك ياه بس خايفة انك ما تلاقي غيرو وهذا الغلط بعدين حسيت انك معتبرة اختك هي المثل الاعلى لكي يعني اي شيء بصير معاها مو ضروري يصير معك
الدليل على تخبطك هو انك قلتي ما بدك ترتبطي بحدا بس ارتبطي بالشخص على ما أذكر كان اسمه
استخيري ربنا .. صلاة الاستخارة امر مهم جدا ..
و لو هو متدين فعلا و صاحب اخلاق لا تتركيه و اصبري على المشاكل و ان شاء الله هتتحل ..
اللي تفرط في صاحب دين في الزمن ده بتخسر كتير اوي ..
في حاجة تانية .. ابقي سيبي فواصل في كلامك عشان انا حسيت اني بجري و انا بقرا رسالتك 😀
قالى انى عمرلى ماحبيتها انا بس ابوكم امنها امانة وانا خفت حد يضحك عليها وهى لسه مجروحة وانا صدقته
الجملة اللي فاتت دي مش مريحاني،،، يعني علشان محدش يضحك عليها يقرب منها هو،،،، ما علينا ممكن تكون غلطة وعقل بعدها،،، بس طبعا لازم تفهميه كويس جدا،،، وفارق السن مش كبير جدا يعني مقبول عادي،،، لكن ركزي أوي في معاملته مع الناس،،، أصل الشخص غير المحترم ممكن يضحك على واحد لكن مش هيقدر يخبي على كل الناس،،، واللي بيتكلم عن نفسه كتير حرصي منه،،، حاولي تفهمي الناس،،، رغم إنك لسة صغيرة لكن بإذن الله ربنا هيوفقك لأنك طيبة ومتدينة،،، حسب ما قلتِ طبعا،،، وربنا يهدينا جميعا….
السلام عليكم اتق الله يااخت وصلى وصومى واستخيرى ربنا وربناهيوفقك وعلى عموم مبدئك جميل بس اتمسكى بيه
بصى يا حبيبتى حاجه مهمه جدا لازم تكون فى علاقتكو هى الثقه والاحترام لازم وضرورى جدا تكونى واثقه فيه ومايكونش عندك شك فى تصرفاته او حبه ليكى صدقينى موضوع الثقه ده هتحسى بيه اوى بعد الجواز والاحترام طبعا لازم تكونوا انتو الاتنين فيه احترام متبادل بينكو عشان العلاقه تفضل مستمره كويس وطبعا استخيرى ربنا كير وادعى انه يكون زوج صالح ربنا يكرمك وييسرلك امروك يارب
ربنا معاكى بس نصيحتى متخديش حد غير وهو فاهمك وبالنسباله لحكايه البنات دى امر طبيعى كل الشباب بيعرفوا بنات عادى كده وممكن تتاكدى من ده بنفسك من الموبايل بتاعه مين بيتصل وهو بيتصل بمين على الايميل بتاعه مين كده وفى الاول وفى الاخر استخيرى ربنا هو اعلم الغيب