السلام عليكم ورحمة الله وبركاته
انا داخل افضض شوية من الهموم اللى عليا وعايز حد يسمعنى .. احب اعرفكم بنفسى
انا انسان الحمد لله متدين وبصلى علطول فى المسجد
من حوالى فترة اشتركت فى احد المنتديات ولفت انتباهى بنت مشتركة فى نفس المنتدى .. اللى لفت انتباهى اسلوبها وطريقتها فى الكلام .. حسيت انها طيبة جدا .. وحسيت نايحتها براحة .. وحسيت انها كانت بتبادلنى نفس الشعور
قدر الله انى اخد ايميلها واتعرف عليها .. وحصل وكلمنا بعض .. وكانت بتقول انها متدينة .. وكانت من بلد عربى .. ومن خلال كلامنا على النت اعترفتلها انى بحبها وانى عايز ارتبط بيها وكنت متوقع انها تبادلنى نفس الشعور .. لكن قالت انها مكنتش واخده بالها منى
المهم مع الوقت حبينا بعض جدا .. وانا بصراحة حبيتها جدا .. مع ان الوصول ليها كان صعب .. وكنت فعلا ناوى اتجوزها وكانت فى عوائق كتير فى طريق زواجنا
وفى يوم صارحتنى انها كانت تعرف شاب قبلى وكانت بتحبه لمدة طويلة من على النت بردو .. بس هو سابها قبل ما احبها بفترة صغيرة .. انا بصراحة زعلت وكنت ناوى اسيبها .. بس هى كانت اول حب فى حياتى وبجد انا كنت حبيتها من كل قلبى وكنت ناوى اتجوزها مهما كانت العوائق اللى بينا
المهم بدأت تحصل مشاكل بينا .. مشاكل تخلينى اشك فيها وفى سلوكلها .. يعنى ساعات كنت بحس انها لسة بتكلم حبها القديم وساعات بحس انها بتكلم واحد تانى غيرى وبدات المشاكل فى التراكم .. ومشكلتى انى مش عايز اظلمها .. وكل مرة لما اواجها بمشكلة بحس بنسة 90 فى المية انها بتكذب عليا فى الرد بتعها
وبعدين حصلت ظروف وغبت عنها فترة والاتصال اتقطع بينا .. وبدات اراقب ايميلها .. ليقتها بتكلم شاب غيرى ونازلين مع بعض حب وغرام .. دخلت وواجهتا بالحقيقة .. قالت ان دى كانت اختها وكذبت عليا وانا متاكد انها بتكذب
المهم هى طبعا نزلت من نظرى وبطلت احبها لدرجة انى كرهتها خلاص .. وبعدين روحت خطبت واحدة غيرها
انا بحكى الحكايه دى وانا عارف انى غلط لما سمحت لنفسى انى اكلم بنت على النت او انى احب حب حرام بس هو كان ابتلاء من ربنا والحمد لله ان ربنا فوقنى فى الوقت المناسب
انا عايز حد يحللى شخصية البنت دى .. مع العلم انها كذابه وانا متاكد منها.. . يعنى هل فعلا كانت بتحبنى .. ولا انا كنت مجرد تسلية وخلاص؟؟؟
بص يبني انا زيك بالظبط حصلتلي مع اؤل حب بس لما عرفت انها كذابه سبتها وكرهتها اؤي انت مع الوقت هتقول ايه الزباله الكنت اعرفها دي
elli yheb insen akiid ma ra7 ydawer 3la ghirou mahma ken b3iiiiiiiiid ra7 ydal fil 9alb w ma ra7 ychouf ghirou bel denye walah
salam alikom , my dear brother in islam
I dont know what to tell you , but what happen to you can happen with girls , but not all girls are same and not all mens are same too , the pblm it’s not the net , i see it’s a way for meeting and i have a lot of friends married by net and they have happy family and kids … of corse not all are positive and the most are negative but Allah give you the best when you discover that she speak with others . I will tell you her reasons , it’s because she loved before and he cheat her so now he fear that this happen , any way god will give you the best
sorry if i speak english that’s because i dont have arabic in my keyboard
salam alikom
دى اكيد مجرد تسلية بس هى كانت عايزة الشخص مثلا اللىيحبها يكون هتم لدرجة انها تنسى كل اللى بتكلمهم وتفكر فية هو بس ويشغل بالها على طوول
جزاك الله خيرا اخى تاتا على نصيحتك .. والله انا على طول ادعى فى الصلاة واقول اللهم ارزقنى زوجة صالحة وذرية صالحة
فعلا والله الحب على النت طلع وهم كبير اوى والحمد لله انى عرفت اخلص منه
أخي في الله
السلام عليكم
لا يوجد حب حقيقي عن طريق النت لأن أكثره مبني علي الوهم والخداع ولا توجد انسانة ستصبح زوجة وأم عن طريق النت ولكن ممكن الحب فقط ( الحب الوهمي ) الذي ينخدع فيه الشباب الذي لا يجد من يصادقه أو يقف بجانبه
أخي في الله ( لابد من التعارف وجها لوجه للزواج : ويا ريت حد تعرفه أحد أقاربك مثلا لأن الزواج يختلف تماما عما بفكرك فالزوجة ليست زوجة فقط وانما زوجة وأم وأخت وحبيبة
فراجع نفسك واستعن بالله
ولا تبنب حياتك علي النت الهدام لأنه للناس الذين حياتهم فراغ
واستعن بالله واطلب منه أن يرزقك الزوجة الصالحة الناصحة لأن الزواج رزق اما جنة واما نار
أخيك المخلص لك / Talat
ل
متشكر اوى اخى ميلكى على مساعدتك ليا .. كلامك صح فعلا ..
أخي عليك أن نسى الماضي لأنك مع فتاة جديدة و هذا نوع من أنواع الخيانة
ممكن بكون الى عملتة دة حنبن للحب بمعنى انها كانت بتحب واحد قبلك على النت ولما سبتة افتقدت الكلام والغرام والحب فكانت عيزاة تانى مش مهم من مين والدليل انها ذى ما نات قلت رفبتها ولقتها بتكلم واحد تانى فى حب وغرام دى وحد احساسها ميت وواضح ان حبيبها الاولانى دة سبلها جرح كبير وواضح كدة انوا خدعها ودة خلاها عيزة تملى الفراغ العاطفى وكمان تنتقم لنفسها احمد ربنا ان ربنا نجاك من الموضوع دة على خير وربنا بهديها ويهنيك مع خطيبتك وطبيعى انك تبقى فاكرها الحب الاول مبيتنسيش بسهولة بالذات لما بيسيب جرح بس كل جرح وبيجيلة وقت وبيخف استعن بالله
متشكر اوى يا جماعة على وقوفكم جنبى .. واخص بالذكر الاخت راجية الرحمن ولااخت عبير
بس على فكرة والله انا ما بقيت احبها .. بالعكس هى نزلت من نظرى جدا وعارف انها انسانة سلوكها مش كويس
بس انا كتبت قصتى عشان اعرف هى ليه عملت معايا كدة مع انى كنت بحبها ؟؟
يلا الحمد لله على كل حال .. وهو فعلا كان عقاب من ربنا عشان عصيته ودورت على حب حرام والحمد لله انه فوقنى ونجانى منها فى الوقت المناسب
اخى الفاضل البنت ده كانت بتسلى بيك ومش كويسه ابدا وبعدين انتا بتقول عرفتها عن طريق نت وده كان متوقع اصلا طبعا البنات مش زى بعضها بس هى لو بتحبك بجد مكنتش كلمت حد بعدك وبعدين حضرتك قولت انتا خطبت يعنى مش تهمك ونصحتى ليك انك تنساها وتفكر فى حياتك وخطبتك علشان متظلمهاش معاك
السلام عليكم
كل سنه وحضرتك طيب اخى في الله انسى الحب اللى على النت ده لانه كله حرام في حرام وربنا مش بيبارك فيه ابدا واضح جدا ان الشيطان مش عاوز يسيبك في حالك لسه بتفكر فيها وهى دى المشكله عارف لو قابلتها حتضحك على نفسك وحتقول هى دي اللى كنت موهوم انى بحبها حتلاقي شخص تانى خالص لان النت بيداري الشخصيه الحقيقه الحب اللى انت بتحبولها ده مش حقيقي وعندى الاثبات لما تسجد وتدعى قول اللهم انزع حبها من قلبي وانا متاكده بعد فتره ان الكلام ده حيحصل باذن الله واوعى تنسى انك خاطب يبقى حرام اللى حضرتك خاطبها تظلمها معاك لو مش حاسس بحب ليها
ربنا يوفقك
أخى الفاضل
البنت دى مش كويسة
وانت كنت مجرد تسلية بالنسبة ليها
والحمد لله ان ربنا الهمك للصواب
وربنا يسعدك ويوفقك مع خطيبتك
وكل سنة وانت طيب
انا الحمد لله ماتهمنيش فى حاجة دلوقتى .. بس انا مستغرب من تصرفها والله ما كان بيعدى يوم الا لازم اكلمها واطمن عليها
انا اللى اعرفه ان الولد هو اللى ممكن يضحك على البنت مش هى اللى بتضحك عليه .. هل فعلا فى بنات ممكن تلعب بشعور الناس كدة ؟؟ وهيستفيدوا ايه لما يعملوا كدة ؟؟ مع العلم ان سنها 21 سنة والمفروض ان اهلها ناس متدينين
حد بس يقولى هى ليه عملت كدة ؟؟
انا متهيالى ان البنت ديه مش تمام وبتلف دماغ اى حد يكلمها او بضيع وقتها
هو زى ما قال وهم الحب .. يهمك ف ايه ؟؟
بس العموم مفيش حد بيحب بجد ويعمل حاجة تجرح الى بيحبه . بس
يعنى هى عمرها ما حبتك ممكن اعجاب
وانا اساساً رأيي ان مفيش حب على النت ودا وهم وما اسميه رغبه الحب
يعنى بيكون عند الانسان رغبه ان حد يحبه وحد يهتم بيه بس مش اكتر
ودا مش كلام وخلاص دا بعد اكتر من تجربة لأكتر من صديق
وربنا يوفقك مع خطيبتك وانسا الموضوع عشان خالص احسن لك
.. حسام البحيرى ..
يهمك ف ايه مش انت روحت خطبت غيرها انسها يا روميو وركز مع حبيبتك وخطيبتك والله الموقف