انا فتاة عندى 23 سنة تزوجت وانا 17 سنة والحمد للة اتطلقت ومعى ولد وتزوجت تانى من شاب مش متزوج المهم كان بيعملنى فى فترة الخطوبة حلو اوى وعقدت 4 اشهر واتجوزت وانا دلوقتى بشتكى انة كل كلامة عن علاقاتة اللى قبل كدة و البنات وياريت بيبص للبنات نظرة اعجاب لاء دة ببقى ماشية معاة وبيبص على ….. وفى التليفزيون كذلك وانا بقالى 3 اشهر متزوجة وقالى انة زهق وعاوز يرجع ايامة اللى كانت الاول قولتلة انا مقصرة فى حاجة قالى لا انا بحبك بس انا عاوز كدة بقولك اية اية رائيك تتنزليلى على كل حاجة وانا عشان بحبة جبت ورقة وكتبا فيها تنازل مع العلم ان دخلة قليل قوى ومامتة قاعدة معانة وهى اللى بتدفع الايجار وانا بدفع النفقة بتاعت ابنى وامى بتجبلى كل حاجة وهو اللى بيقبضة بيرفة على الاقساط وكل يوم نكد فى نكد ارجوكوا انا مشكلتى كبيرة ومش عارفة اتصرف لانى دى الجوازة التانية والناس هتتكلم علية لو اتطلقت ارجوكوا ساعدونى انا بعت
مشاكل الازواج
زوجي بيبص على البنات بشهوة مش اعجاب
اضيف بتاريخ: Sunday, January 16th, 2011 في 10:01
كلمات مشاكل وحلول: اعجاب, التليفزيون, الجنس, الخطوبة, بنات, شاب, علاقات, فتاة, فترة الخطوبة, متزوج, مشاكل الازواج, مشاكل زوجية, مشاكل زوجية
اختيارك من البداية كان غلط جدا فهو ليس الزوج المناسب لكي والان وقد عرفت حقيقته بانه ابن امه وبتاع بنات وسافل وحقير ماذا تنتظري تطلقي منه واستردي كرامتك واوعي تستمري معاه او تخلفي منه ده مايستاهل الحياة الزوجية ولايقدرها
اختي الفاضلة تسرعك في الزواج من هالشاب السافل المنحط اكبرخطئية في حق نفسك واهلك وايه معنا انك تكتبي له ورقة تنازل عن كل شي اين عقلك بل اين كرامتك وعزةنفسك ارخصتيها بكل بسهولة كان الاجدربك تفضحيه عنداهله واهلك وتبين لهم قلة ادبه وسفالته وانه بتاع بنات وتذهبي لبيت اهلك حتى يعرف قدرك وفداحة مايفعله من تصرفات غير اخلاقية ومهماعملت له من تزين وتجمل واناقة فسوف يظل خاين وبصاص للبنات لانه استحل الحرام عن الحلال وعمره مايترك عادته وطباعه القذرة المنحطة اصري على الطلاق منه وربك بيكرمك بابن الحلال الصالح ولايضرك كلام الناس عنك اهم شي سعادتك وراحةبالك ورضاالرحمن فوق رضا الناس كلهم
لازم تسيبيه دا مش راجل اصلا
اختى الكريمة
شوفى ايه اللى بيشد جوزك الى الساقطات وبائعات الهوى ، مثل ” الكلام واللبس والحركات والدلع ” اللى بيثير ” شهيته وشهوته ” ناحيتهم واعمليه مع جوزك حلالك واصبرى عليه وبلاش طلاق ، اصبرى زوجك مريض ومحتاج علاج بالصبر عليه 0 وباظهار ” اهتمامك وحبك ” ليه 0 وبالكلام المشجع ، وبالكلام المتفائل وبالكلام اللين الناعم 00 هتكسبيه 0 اساليه هو عاوز منك ايه ” جنسياً وعاطفياً ” بلاش طلاق اصبرى اصبرى 0
الرب يهدى نفوسنا الى الحق والخير والطهارة 0
سلام
اختي صاحبة المشكلة تراكم الاخطاء يؤدي ابغض الحلال.
اولا: انتي اخطئتي بحق نفسك للزواج من اي رجل و السلام سواء للنجاه من كلام الناس “الي هما بيتكلمو علي الكويس قبل الوحش” , او للهروب من لقب مطلقه و معالمله بعض الاسر لمن تحمل هذا اللقب كانه وصمه عار و ليس قسمه و مكتوب , او لاحتياجات جسديه …
ثانيا: كيف تتزجي واحد ابن امه من الاخر انها تصرف و امك تصرف و كمان عايش واكل نايم مانتخ علي حسابكم و الحياه حلوه معاه اهم حاجه انك كنتي تدوري علي راجل يقدر انو يعيشك عيشه محترمه يعرف معني تحمل المسؤليه من “راجل و السلام”.
ثالثا: موضوع الحمل الي هو بيهددك بيه و بيقولك يا ريتك كنتي فاضيه يعني انتي كده كده الي هيطلع عينك و هو ايده في التلج .
انتي لسه في الشهر الاول من الحمل “صح” يعني بردوه تقدري انك تخطفي عيون و قلب جوزك حاولي انك تستعملي اسلحه الانثي الخفيه من دلال و غزل و محايله و حب و اغراء و كل ما تقدري انك تقدري عليه لمحاوله انك تملي عنيه من كل جانب و تعاملي معاه في غرفه النوم علي اساس انك ملكه ادلعي و انظري ليه بنظرات لهفه و لهيب و انوثه جباره .
استعملي صوتك في الهمس و الايحاءات و لمسات ايديكي له بكل رقه و رعونه في نفس الوقت.
حاولي انك تتكشفي علي اسرار زوجك و استعمليه لراحت نفسك و بيتك و ليست ضده.
احيانا غرف النوم تكون جوهر الاسرار …….
للي حصل حصل وفي نظري هدا ليس زواجا
أنت منذ البداية قبلت له على التنازل واضافة الى هدا فهو ليس له ذخل جيد وادا استمريت في التنازلات فأنت رخيصة في نظرة والآن عليك أن تدركي الموقف وتغيري من سلوكك
الله يكون في عونك ويصبرك وحاولي تهدي ان شاء الله بعد ما تقومي بالسلامه اكيد هيتغير
ومتزعليش علي انك اتنازلتي تعرفي ليه
لأنك لو عايزه تسيبيه صدقيني والله مش هتبصي لقرش واحد منوا المهم انك هتكوني عايزه تخلصي منوا بأي طريقه
ربنا يقدم لكي اللي فيه الخير ويصلح حالك
اختى العزيزه انا هقولك حاجه حولى تفكرى فيها كويس يمكن تكون هى سبب حل المشكله (حولى متدلوش كل حاجه تشوقيه ليكى ديما وطول ما هو نقصه حاجه منك مش هيفكر غير فيكى وتقدرى تغيره وقتها زى ما انتى تحبى ده مع اغراك ليه طبعا انتى فهما وبكده هينشغل بيكى ومش هيبس لحد تانى
للاسف انا حامل بقالى 3 اسابيع وامبارح وحدة اتصلت بية وهو زعق لى انى رديت وبعدين اتخنقنا وفى الاخر قالى ياريت تبقى فاضية احسن ونزلى اللى فى بطنك وعلى فكرة يا جماعة انا بعمل اللى انتوا بتقولوا علية دة واكتر من اللى بتقولوا علية وكل يوم بظهرلة بحاجة تانية وبشخصية تانية وبعد الخناق يروح يقولى متسبنيش ولو خرجتى من البيت مرة مش هترجعى تانى وماما امبارح تدخلت فى الموضوع وهى اللى صلحتنا على بعض مع انى انا مش غلطانة واخر كلامة عاوزنى تصل بالبنت اللى اتصلت بية واتاسف لها انا مانعت راح منكد علية تانى وكل كلامة يقولى ياريت تبقى فاضية احسنلك ولما يصلحنى يبقى هيتجنن ويقولى انة فرحان انة بيخلف لانى انا مخلفة قبل كدة
كل صراحه انا شايف ان بنات الايام دى اغلبهم اللهم احفظنا لا قيم ولا مبادئ انا معرفش راحت فين الرجوله من اولياء الامور العيب مش فى البنت الى بتخرج وكانها رايحه خماره العيب فى ولى امرها الى بيشوفها على كده وبيسمح لنفسو ولرجولتو بكده زوجك مجبر على كده مش لانو شهوانى لا ده بحكم الطبيعه الى بنعيشها انتى ليكى وضع وستايل معين اما هو بيرى فى غيرك الى مبيشوفهوش فيكى انتى لازم تكونيلو كل شي كل يوم غيرى من وضعك حسسيه انك تقدرى تكون كل يوم بوجه جديد وفكر جديد وستايل جديد مش هتخسرى حاجه لاكن الخساره كلها انك تكونى مطلقه تانى لو كل واحد او واحده بتقتنع بما قسمه الله له لاصبح اغنى الناس بالقناعه والاخلاص والوفاء لاكن هيه كده الدنيا دنيئه بنحب فيها التغيير والتسلط اللهم احفظنا وشكرا
اللى حصل خلاص حصل غلطانه انك اتنازلتى ومش لاقيه سبب لكده انتى صغيره ومش معنى انك مطلقه يبقى خلاص تدمرى باقى حياتك اسالى نفسك حتقدرى تستحملى طبعه ولا لاء ده طبعه انه شهوانى بس متنسيش انه اختارك انتى واتجوزك مع انه كان ادامه بنات كتير يعنى بيحبك ومدام بيحبك يبقى ممكن تقدرى تغيريه حاولى معاه اغرييه متخليهوش ناقصه حاجه خالص جنسياوالله اتحسن خير وبركه لقيتى نفسك مش حتقدرى تستحملى اخلعيه ومتفكريش فى الناس ولا كلامهم محدش حينفعك ولو ربنا كرمك تانى لازم تفكرى كويس اوى اوى وتدرسى الانسان اللى حترتبطى بيه وتفهمى انك لازم تكونى غاليه مش تتنازلى عن حقوقك ويبقى اخدك ببلاش ربنا يعينك ويساعدك
طبعا انتى غلاطانة جداااااااااااااااا ازاى تتنزلى عن كل حاجة دة عبط حاولى تقطعى الورقة دى وبعدين دة مش راجل ازاى قابل على مامتك ومامتة يسعدوكوا بصى لو كدة اطلقى احسن بدل ما تخلفى منة وبردة تطلقى سيبك من كلام الناس الناس مش هتنفعك بحاجة دى حياتك انتى وانتى اللى عايشة فى قرف الناس كدة كدة بتتكلم على الكويس قبل الوحش شوفى راحتك انتى وحياتك انتى وحاولى تلاقى الورقة وتقطعيها ربنا يهديكوا
اولا انتى غلطتى انك اتنازلتى عن كل حاجه وهو ليه طلب االطلب ده مع انكم لسه متجوزين انا بصراحه مش عارفه ايه الى خلاكى تقبلى تتجوزيه مدام بتقولى بصباص ودخله قليل ووالدته ووالدتك بيساعدوكم حاولى تلاقى الورقه وتقطعيها ولو انتى مش طايقه العيشه معاه ممكن تطلقى احسن ما تتبهدلى بس الاول فكرى وبعدين انتوا لسه بقالكم 3 شهور حاولى تشغلى جوزك بيكى قربيه منك واستعينى بالصبر والصلاه وادعيله ربنا يهديه ربنا يوفقك
اولانا ربنا يوافقك ولزم تصبرواها لان وضح انك متسرعه فى قرارت مكن تكونه بتسرعك دى ظلمتا الرجل الاولنا ؟ ربنا معك المهم انتى اخترتا بناؤنا على ايه ؟ هو بيصلى طيب بيشربه يعنى مدخن ثالثا هو الشقة الا فى دى اجرة ولا ملكه رابعاااااااااااا لزم قبل ايه قرار بتفكر الف مر لان بجد وضح انك متسرعه وموضوع البنات والتلفزيون عاااااااااااادى متخفشه انتى غيوره شويه بس عادى متخفيشه لو خائف للتزوج تانى صعب انتى بتقوله داخله على الاقساط يعنى مفيش انا شيف انك مكبره الموضوع ؟ ممكن لو انتى بتصلى الجاها للربنا وادعاء يصالح حاله ؟
لو بيصلي وعارف طريق ربه عمري مهايبص لاشهوه ولا ماشهوتيش انتي قربيه من ربه وكلمي امه وخليها تشوف والدها عاوز ايه وسوري غباء منك انك تتزلي عن حقوقك او انك تمضي علي ورقه وانتي ايه عرفك انك مايعمل بالورقه حاجه وحشه حاولي تاخدي منه الورقه حالا وماتعمليش اكده تاني محدش الزمن ده بيضمن وياريت تاخري منه الحمل شويه لانه ده مش متحمل مسئولية نفسه يبقه هايتحمل مسئولية بيبي الحل لاتعملي عبيطه وتستكي لااله تبقه مطلقه للمره التانيه وانتي حاولي تشغليه تلهيه وانتي معاه
بصى يا اختى اللى عنده دا مرض لازم تحاولى تعالجيه منه وافضل علاج انه يسمع خطب فى الموضوع دا وتكون خطبه لداعيه معتدل كلامه مفهوم وواضح وبسيط
وتحاولى تجبيله كتاب يبين عواقب النظره الحرام
وتحاولى تغيرى فى شكلك باستمرا وتلبسى زى البنات لبس مختلف وتشبعى رغباته مادامت لا تغضب الله
اذا مكنش صلى استخاره وربنا يهديكى لطريق الخير ان شاء الله
ورأيى انا انك تقفى جمبه لأن مرض النظر والبص عالبنات بقى مرض منتشر انا بشوف ناس كبار وشباب واباء اللى بيبص بببجاحه واللى من تحت لتحت وجوزك صارحك ودى حاجه كويسه
كل ما تقربيه من ربنا كل ما هيبعد عن شهواته
وربنا يوفقك
اختى الفاضله
حاولى ان تقربيه من الله عز حتى يتقيه فيكى ؛حاولى أن تسمعيه اشرطه لشيوخ يحبهم او تشغلى على طول قنوات اسلاميه
والله الذى لا اله غيره لايلعب برأس الرجل وقلبه الا الشيطان الذى يجمل له اقبح النساء ويبعده عن زوجته.
وادعي له بالهدايه واهتمى بالصلاه ولا تنسى ان تهتمى بنفسك ورائحتك ومظهرك وحاولى انك تكونى كل يوم واحده مختلفه عن اليوم اللى قبله يعنى انهارده ممكن تلبسى لبس معين اليوم اللى بعده غيرى نظاه لبسك انت اكيد فهمانى.
وحاولى تخرجى معاه فى اماكن كنت بترحوها وانتوا مخطوبيين.
الموضوع مش صعب بس شيلى من رأسك موضوع الطلاق والناس وربنا يهديهولك ويجله زوج الدنيا والاخره