مشاكل الازواج

غرقانه وبتعلق في قشايه

السلام عليكم..
انا تعبانه نفسيا بدرجه رهيبه مشفتهاش في عمري .انا بابا توفي وأنا أربع سنين .أمي ربتنا أحسن تربيه .تزوجت من عشر شهور وحامل في شهرين .حمايا وحماتي لما اتقدمولي كنا شايفنهم ملايكه من معاملتهم وكلامهم وكنت بحبهم أوي.واتجوزت أول خمس شهور جواز كانو كويسين معايا أوي وكنت بحبهم .لحد ما حصل خناقه بيني انا وزوجي وأمه طلعت وسالتنا عن الخناقه ليه محدش رد .يعني هيا معرفتش حاجه ورغم كدا تقولي ربنا يكون ف عونكم وبالاخص انت تقصد ابنها وتقولي انا هروح لماما أقولها وانتي لو كنت بتعاملي حماكي زي بابكي زي ما كنتي بتقولي كنتي حكتيله وطبعا بأسلوب مش لطيف..طبعا انا استغربت عشان هيا معرفتش حاجه اصلا ولا عرفت مين الغلطان ورغم كدا موجه كلامها ليه وتقولي ربنا يكون ف عونه.طبعا انا استغربت عشان الست دي كانت مبينه أنها ملاك حتي كله كان بيحسدني عليها.وبعدها سبت البيت من كلام أمه وماما رجعتني في نفس اليوم قالتلي أول مره لازم انا اللي ارجعك ولاد الأصول كدا وكمان عشان انتي صوتك كان عالي الغجر وانتو بتتخانقوا فدي غلط عليكي ..المهم رجعت واتصالحت انا زوجي وبعدها بخمس شهور اتخانقت انا وزوجي تاني وأبوه نده لينا ونزلت طبعا برضه لما عرف اني غلطانه ف الحوار قعد يهزق فيا ويقولي انتي فاكره نفسك احسن من الناس انتي بتفكريني بواحدة أعرفها أقوله مين يقولي اسم واحده مطلقه كان ديما يجيب سريتها بالشر قدامي وانتي كنتي زعلانه لما حماتك قالتلك ربنا يكون ف عونه…وجوزي مفتحش بقه ولا اتكلم. ..جوزي مره وأنا بكلمه أقوله مامابتحب تهدي الدنيا يقولي مامتك مش يقدرها قادر الكلام دا في لحظه صفا عادي مش خناق طبعا قلتله ازاي تقول كدا يقولي انا اقصد أنها قويه اقصد أنها حاجه حلوه أقوله لا معناها وحش يقولي لا انا اقصد أنها حاجه حلوه مقصدش الوحش. .انا سكت وعديت الموضوع بس الكلمه دي مزعلاني أوي ومش قادره انسهاله خالص و دا مأثر علي حياتي معاه وكمان حمايا بقيت بكرهه كره العما وكرهت بيتي وبموت ف اليوم ميلون مره هناك. .اعمل ايه ف كلمه زوجي دي؟وحمايا اتعامل معاه ازاي ساعدوني

مشاكل وحلول ذات صلة

اضيف بتاريخ: Wednesday, September 20th, 2017 في 05:32

كلمات مشاكل وحلول: , ,

2 رد to “غرقانه وبتعلق في قشايه”

  1. اااا
    20/09/2017 at 21:09

    السلام عليكم ورحمة الله وبركاته
    انا حسات ان المشكله كبيره
    انتي بتعمل الحبه قوبه يعني بتكبر المشكله علي الفاضي دي مش مشكله
    الكلام مش بيلصق فيك كبر مخك
    يعني عشان قالة كلمه حماتك تكرهيه كره العمه
    ليه!!!!ملعملة معاك اه!!
    انتي بتتلكاكي علي الفاضي عليك بصبر
    متكرهش جوزك فياكي وتقف علي كل كلمه يقوله يعني عديه
    في مشاكل اكبر من مشكلتك دي بكتير اشكرا ربنا انتي في نعمه
    اتصفح الموقع ده يوجد به مشاكل اكبر من مشكلتك بكتر قوي
    قول الحمدلله ورضي .

  2. ابوالبتول
    20/09/2017 at 11:14

    شوفي يااختي حلي مشاكلك مع زوجكي بعيدا عن تدخلات الاهل سوا اهله اواهلك الزوجة العاقلة هي التي تعرف تسيطر على اعصابها وتعالج خلافاتها ومشاكلها مع زوجها بهدوء ودون رفع الصوت او الضجيج حماتك وحماك دول اعتبريهم زي امك وابوكي رحمه الله تعاملي معهما بكل ادب واحترام وتقدير علشان يحبوكي وتكسبيهم اذا حصل خلاف بينك وبين زوجك سوف يقفون معاكي ولن يتخلوا عنكي وماتزعليش من كلمة قالها ابوزوجك في ساعة غضب كل منا بيخطي وبيقول كلام لحظات الزعل والغضب وهو مايقصدش ذلك كبري دماغك وعيش حياتكي ولاتنسي انك حامل واي انفعال او غضب يوثر على حملك ربنا يقومك بالسلامة وتخلف ولد ولابنت زي القمر ويكون قدوم المولود عليكم قدوم الخير والسعد ويتربي في عزكم ان شاء الله وعاوزك تهتم بزوجكي وتقرب منه اكثر وتغيروا من نظام وروتين حياتكم للاحسن اخرجوا مع بعض للاسواق لتسوق او للفسحة والترويح عن النفس او اذهبوا لااحد المطاعم وتعشوا هناك واخلقي اجواء رومانسية مع زوجكي واعرفي ازاي تحتويه وتملكي قلبه ومشاعره بالكلام الحلو والرومنسي والمشاعر والعواطف الجياشة وخليك واثقة فيه واشعري زوجك برجولته وشخصيته وهذا يزيد في تقارب بينكما وحل كافة المشاكل والخلافات التي تنشب بينكما وربي يسعدكم ويهنيكم ويبعد عنكم الشحناء والتشاجر ويصلح لكم الحال ويستر عليكم

اترك رداً أو حلاً لهذه المشكلة