الاخوة الاعزاء مشكلتى انى شاب تزوجت منذ خمس سنوات وبعد الزواج اكتشفت ان زوجتى مهملة الى أبعدحد فى كل شىء فى الدنيا ابتداء من نفسها مرورا ببتها واللة العظيم انا لا ابالغ فمنذ اول أسبيوع للزواج أكتشفت رائحة فمها وأمرتها بالذهاب للدكتور وذهبت وطبعا الدكتور هزاها ورفضت الذهاب مرة اخرى وقالت هغسل بمعجون والمعجون لايفيد فى حالتهالان عندما مشاكل فى الاسة ولو استعملتة يوم عشرة لا والبيت لا تهتم ابدا بالنظافة وممكن يمر اسبوع بدون كنس ولا ترتيب اى شى وطول اليوم مشاهدة مسلسلات وتليفزيون ولا تسال عن اى شى فى الدنيا وكانها ليست من هذا العالم ونسيت اقول شى بانى اعمل خارج مصر وبنزل مصر أجازات متفرقة وعندما أشتكيت لاخواتى قالو لى ان بعدك عنها السبب فاخذتها معى وجاست سنة كاملة فاصبحت أسواء مماكانت لانها الاول كانت عندما انتقداها بعنف كانت تقوم تعمل اى شى لمجرد انى اسكت فقط وانى موجود فترة قصيرة ومسافر وعندما حضرت معى النوم الى بعد الظهر واول شى تفعلة تفتح التليفزيون والكلام طناش عظيم ولو اد الامر انى اخاصمها لاتتاثر وزوجتعى لاتعرف انا بشتغل اية ولا دخلى اية ولامعايا اية ولاعاوز اعمل اية زوجتى لاتكوى ملابس ولايهماها مظهرها وتعطى بال ابدا للنقد مهما ان كان وكذلك يطبق هذاعلى كل فى حياتها ياعنى من الاخر انا لزوجتى مجرد انسان يصرف عليها ويشبع رغبتها الجنسية ولا اقول انها لا تحبنى ولاكنها طبعها كدة وحياتها كدة وليس عندها اى مشكلة ولا تريد ان تتغير علما بانى واللة العظيم مش من الرجال الذين يضربو ويشتمو وزيد على دا كلة ان المال لايمثل عندها اى قيمة ومصرفة جدا ؟؟؟؟؟ انا عارف هتقولو ولية اتجوزتها هقول انى لم اكتشف عيوبها غير بعد الجواز واهلها السبب ولان امها فى منتهى النظافة والترتيب
مشاكل الازواج
زوجتي مهملة في نفسها وبالبيت
اضيف بتاريخ: Thursday, March 24th, 2011 في 10:41
كلمات مشاكل وحلول: زواج, مشاكل الازواج, مشاكل زوجية, مشاكل زوجية, مصر
ياجماعة تعالوا نتكلم بالعقل لا العاطفة … من المعروف ان الطبع يفلب التطبع و النظافة مثل اى عمل فلو لم تكن الزوجة تكن تحب العمل فكيف تنجح فيها .. ممكن هذا و لكن لفترة قصيرة مثل المسكنات ثم تعود الحكاية كما كانت فانا ارى انك تتزوج من اخرى و تجعل هذه الكسولة معك.. و ان تزورها كل اسبوع يوم او اثنين فان وجدت انها لا تبالى فطلقها و سوف تكون هى سعيدة بذالك … .وحسببى الله فى كل ام لم تعلم بناتها مسؤلية الزواج .. و الله انك سوف تكل عمرك بهذا الشكل و النكد و حرق الدم
علي فكرة والدتي نفس المشكلة و كنت اشاهد ابي دائما منهار عصبيا ر نفسيا ،،و كنت بحكم صغر سني كنت لا اعرف السبب و لا افهم لماذا يتعصب ابي دائما علي امي.،،و كن بعد وفاته و بحكم السكني مع امي فهمت كل شئ ،،،امي مثل زوجتك تماما،،،و انا حاليا ورثت التعب النفسي و العصبي من والدي،،،
وعلى فكرة انا عندى زى هذا بس مش لهذة الدرجة بس واللة كلة محصل بعدة بس انا مش عارفة انا محتاجة دكتور ولا اية عشان انا عارفة مفروض اعمل كدى وكدى ولازم عليا انى اسعد زوجى بس مبعملش لية معرفش وانا بتكلم مع نفسى كتير مفرود اسعدة مفروض اريحة بس للاسف انى مبعملش لية مش عارفة بس فى حاجة جوايا بتقول انى مش جايفة وانا مبحبش الاهمال بس الواقع انا كدى اية التناقض دة مش عارفة وماهملة فى كل شى هو اة انا بحبة بس عند الحوار معة اقولة انت صح بس مش عارفة اية الحل هل ولو فكرت اغير نفسى ممكن يكون يوم او يومين وارجع لطبيعتى مرة اخرى معرفش اعمل اية
ال انا شيفاة انة باسلوب حلو يلة انا هسعدك فى عمل هذا واعمل معاها وشجعها عشان انت ممكن تعقدها لو كلمت اهلها شوف هى بتحب اهلها يعرفوا عنها اى شى ولا لاة الاول يشجعها وهى لو حست بحبة اكيد هتحاول تصلح حالها بس لازم بعد التشجيع ميجيش يطينها ويقول لها كلام يكون سلبى اى مثلا دى شغلك ولازم تعملية هو اة شغلها بس هى فيها طبع يعنى من الصعب تغييرة لو انت بتحبها لازم بالتشجيع واكيد زى ما قلت لو هى حست بكدى بحب وحنان وفية شى هيزعل زوجها عمرها مهتعملة
المشكلة كلها فى ال كان معودها على كدى من البدايةاى اهلها اى لازم تشجيع ولازم يستحمل مع التشجيع لازم واكيد هيكون فية تغييير
اكيد باذن اللة
انا عايزة أقول حاجة انتو ليه بتخلو الغلط على طرف واحد دايما يمكن مراتو مريضة يمكن فيها اكتئاب وهو ولاسائل عن مشاعرها المرأة مش الة للتنظيف وخلفة العيال يمكن هو مقصر معها نفسيا او تكون معها خمول بالغدة دي بتحسسها بالخمول والارهاق معظم الوقت اعرضها على دكتور وسويلها التحاليل اللازمه واذا مافيها شي اعرضها على دكتور نفسي عاد ربنا ياخد بيدكم كلكم
حبيبى أنا عندى نفس المشكلة بالضبط بس زوجتى مضت أكثر من أربع سنوات معى فى سفرى وأهلها مابيشفوش أهملها وكل ماننزل لمصر تبتدى المشاكل وأنا هنا بقدر الإمكان بستحملها عشان فى غربة لدرجة أنى فى سفريتى الماضية أخذت القرار بالطلاق وأستخرت اللة وتكلمت مع أحد المشايخ فنصحنى بذلك ولكن مشكلتى الوحيدة أنى بحبها ومرتبط ببنتى أوى والمشكلة الأخرى أنى منتظر طفل أخر وهى تزداد سوء يوما بعد يوم والأكثر أنها لاترى نفسهابالبشاعة دى ولاتقبل النقد وأنا قرفت وأنا دلوقتى مش عارف أعمل أية لدرجة انى ساعات بقعدأيام كتيرة مابنكلمش وعندها قدرة على كدةوأنا كل المزعلنى حاجة وحدة بس بنتى وطفلى الجديد وللأسف أحترت أعمل أية معاه
اولا الله يكون في عونك لاكن مشكلتك سهلة انتحلها لاكن انا حاسيس ان مزودالكلام شوية لا عمر ما فيه واحده ست زوجها لسه قادم من السفر واجازتو كبيرها شهر وتكون بالقذاره ده يئما انتي الي اديتها الفرصة عموما الله يكون في عونك لاكن انتي بلوتك خفيفه عارف ليه وانتو كمان قولو ليه انا تزوجت من امراءة جميلة جدا ومن عائلة محترمة وشديدة ومشهورة وعشان ان تتزوج من كل الي كتبته طبعا لازم اكون في نفس المستوي اتجوزت والحمد لله مراتي طلعت بتحب الاتي
1 لا يوجد غسيل في الحمام ليه عشان الهدوم القذرة في كل مكان في غرفة النوم
2 لايوجد كوب اعمل به شاي لان الكوبيات قذرة غسالة الاطباق بازت عشان المدام كسلت تتصل بي السوبر ماركت ووضعت مسحوق غسيل اتوماتك وحلفت انا مش مسلحها في سري
3 معاد الاكل وبالاصح الغذاء بعد منتصف اليل ليه عشان المدام تعبانه من ايه انا والهي مش عارف
الامر من ده مراتي حملت وجابيت توام وتم تربيتهم عند والدتي لماذا لان الهانم راحت اعدت عند والدتي والدتي سنه عشان عارف ان اخوتها علي اد صحتهم ومعندهمش ناس بيسعدو والدتي في اعمال المنزل زي والدتي
المفاجة انا زهقت رحت رايح ماسك المدام رنته علقه محترمه سمحوني والهي غزب ان عني عارفين تعمل ايه راحت تشتكي لعيلتها كلها قلولها تستهلي المصيبة رجعت البيت الي انا وضبته وطلع عين امي انا وواحده من عند اميوجوزها والهي لمدة يوميم المدام جيت شئلييب البيت خليتو زريبا يا مؤمنين الطفل يعمل حمام في البمبرز لازم نغيره بعديها لا المدام بتغيره بعديها بيومممممممم ليه عشان مش قدرة تخش الحمام
انا خدت ولادي واختفيت رحت عند واحد صحبي في شرم وجيبت بيبي سيتر عشان تربي الاولاد وقلت اختفي واشوف حتعمل ايه عارفين اختها قلتلي ايه قلتلي مراتك زعلانه اوي عشان مخدش هدوم العيال معاك اختها قلتلي طلقها اعمل ايه الله يكون في عونها وعوني ويارب يهدو ونخش الجنه بسببهم امضاء مهندس
السلام عليكم: قال سبحانه: والاتي تخافون نشوزهن معضوهن واهجوروهن في المضاجع واضربوهن ..وقال أيضا… ولا يخرجن إلا أن ياتين بفاحشة مبينة, الطلاق لا يكون إلا بفاحشة ( الكذب , السرقة , الزنا, …) أما مثل هذه الأمور فتتصلح والنساء كلهن مثل بعض مثل كفتي الميزان تنزل كفة فتصعد أخرى والنعيم المطلق لا يكون إلا في الجنة والحياة الدنيا كلها معاناة وفي مثل هذه الحالات يكون اللوم الأكبر على الرجل وعلى طريقة تعامله وتجيهه للمرأة في يلزم تتلقى تربية أو تنشأة أسرية من جديد أي من الصفر ولا تنتظر أن تاتيك جاهزة للإستعمال (الدعاء , الصبر , المثابرة , الإستمرار , الصدقة , المحافظة عى الصلوات , فعل الخير , كثرة ذكر الله …..) كلها مفاتيح لحل المشكلات وتفريج الكربا والله الموفق.
اية ياجماعة الحل الاخير علشان انا عندي واقسم بالله نفس المشكلة بنفس التفاصيل وعندي طفلين ومتزوج منذ سبع سنوات والمصيبة انني متزوج عن (((( اللي اسمة حب )))) الشيء الذي كرهتة بعد الزواج ولقيت بدل منة اهمال وتليفزيون ليل نهار والعاب علي الكمبيوتر ومفيش نظافة والغريب ان التهديد بردة ليس لة نتيجة فقد قلت لها مفيش مرواح عند اهلك والبيت بالشكل دة فاختارت انها لاتذهب الي اهلها علشان عدم تنظيف البيت واشهد الله اني غير مقصر في اي شيء وهي نفسها لما نقعد ونتكلم تقولي انها احسن واحدة متجوزة في اصحابها وجيرانها وربنا رزقها باحسن راجل وبعدين الاقي المنظر دة فارجوكم اعطوني الحل الاخير
السلام عليكم ورحمه الله وبركاته
اخى العزيز
احيك اولا على صبرك عليها فقد مررت بنفس المشاكل التى كانت عندك وعشت خمسه سنوات فى عذاب ولم يرزقنى الله منها باولاد ولاكنى كنت اعيش معها فى مصر وبعد محاولات عديده للاصلاح منها قررت الطلاق من فضل الله علينا انه احل الطلاق صحيح انه ابغض الحلال لكنه يكون افضل الحلال وقد اكرمنى الله بزوجه صالحه تخاف على مالى وعرضى واولادى وتخاف على اكثر ما اخاف على نفسى الحياة تمر والعمر يجرى
الشخص يتزوج ليعف نفسه عن الحرام ويجد السكينه والرحمه انها ليس اخر نساء العالم انا اعيش الان اجمل ايام حياتى واطلب منك قبل ان تاخذ قرارك ان تصلى صلاة الاستخاره وفقك الله لما هو خير
الله يكون فى عونك من كل حاجة معلش الدنيا مبدتيش الواحد كل الى هو عاوزه وانصحك ان تكون طويل البال شوية ومام هى مش نظيفة من الاول عمرها ماهتكون فى الاخر وهات حد ينظف البيت عشانك انت تقدر تكمل ولو مقدرتش انت ليك الحق ان تعيش حياتك زى ماتحب احسن عمرك يضيع منك وانت مش تحس
قوللها انك مضطر تتجوز لأنك مش لاقي فيها الزوجة اللي تتحمل مسئولية بيت وأسرة وزوج وأولاد ، وشوف رد فعلها هايكون إيه ، واعمل قدامها انك بتكلم واحدة ، وخلي حد من اصحابك يبعتلك رسايل على الموبايل على إنه واحدة ومن خلال الرسايل دي خليه ينتقد تصرفات زوجتك وخليها تحس بده كله واهملها لفترة على إنك تعرف واحدة تانية ، هاتلاقيها تعمل كل اللي انت عايزه ، ولو طلعت ماعندهاش دم البعيدة اتجوز وعيش حياتك حتى لو مخلف منها وماتضيعش عمرك ، اللي هاتعمله ده فرصة أخيرة ليها لو مامسكتش بيها تبقى هي الجانية على روحها ، وربنا يهديهالك ويهدي سرك
طيب بما انك عملت كل حاجه وحاولت معاها كل الاساليب القرار دلوقتي هيكون قرارك انت واعمل الحل اللي تشوفه انت ولو شايف انك تسيبها وتتجوز فده بيرجعلك بس قبل القرار ده والله الطلاق صعب وانا ست متجوزه واللي بحبه لنفسي بحبه لغير وقلبي مش مطاوعني اقولك طلعها حاول محاوله اخيره وشوف هيا بتحب ايه واحرمها منه لو بتحب التلفزيون شيله من البيت خالص لو بتخرج امنعها تخرج شو الحاجه اللي شغلاها عن النظافه واحرمها منها وغير اسلوبك خليك عصبي شويه وجدي لابعد الحدود وكل يوم قولها من اول ما تصحى انا هخرج وعايز ارجع البيت لو جيت ولاقيت اليت معفن كده اوعي اشوفك في البيت روحي بيت اهلك ولما تتعلمي تنظفي نفسك وبيتك ابقى ارجعك خلي كلامك وتصرفاتك جديه والنبي حاول معاها كل الطرق قبل ما تفكر في الطلاق الطلاق ده هيكون اخر حل تختاره
انت لم تذكر ان كان لديك منها اطفال المهم ان لو ما كانش فى اولاد الافضل وانت فى نقتبل العمر هو ان تتركها وان تحاول من جديد مع من تفهمك وتعرف ان اولا النظافه من الايمان لانى سأقول لك وبقل صدق لقد تقذذت واشمأزيت منها وانا لا اعرفها بما بالك بمن يعاشرها الله يكون فى عونك
هات واحده تنظف البيت كل فترة وريح دماغك اصل النظافه دى طبع
السلام عليكم ورحمة الله وبركاته
اولآ أحب أشكر الأخ زائر والأخت ساره علي اسلويهم وحوارهم الهادئ جزاكم الله كل خيـــــر
حقيقي متتسرعش في موضوع الطلاق أبدآآآ وأسمع كلام ساره بجد كلام عين العقل
وانا مهما هقول مش هقول اكتر من زائر وساره
كلامهم كان فيه المفيد كلوا
واتمني لك حياه سعيده أن شاء الله عن قريب مع زوجتك
واللة انا مش عاوز اسود الدنيا لانى بطبعى مش موتشام ولاكن جلست معها مائة مرة وقلتلها انى بخاف اعزم اى واحد ومراتة علشان مراتة مش تطلع وتقول علينا معفنين وكلمت امها وعلى فكرة دى مرات ابوها ومش امها لان امها ميتة وللحق الست محترمة جدا ومش مقصرة لدرجة انها فى المناسبات هى الى بتنظف البيت مكانها وقالت غلبنا معها وكذلك خالتها وستها ولاكن ارجع واقول هما السبب لان ابوها كان بيكوى لها ملابسها ومرات ابوها مش كانت بتخليها تعمل حاجة خوف من كلام الناس ليقولو بتشغلما وتتعبها علشان مش بنتها
في ايه يا جماعه بالراحه شويه على الراجل كل حاجه ممكن تتصلح وكل عقده ليها حل والطلاق مرفوض في حالتك اوعى اخي تتسرع وتطلقها في حجات بكون ما فيش خيار غير الطلاق زي الخيانه انما الحجات التانيه ممكن تتصلح وبعدين دي مشكله بسيطه انا عارفه انك متضايق من طبع زوجتك بس هيا هتتغير و والمفتاح بايدك اول حاجه هتعملها انك تكلمها باسلوب لطيف وتقولها انا تعبان نفسيا من شكل البيت ومن قله نظافته وكل ما تشوفها اتفرج على مجله او تلفزيون وقول بصوت عالي اهو كده البنات جمال ايه ونظافه ايه وشياكه ايه دي الستات الشاطره كل ده وما فيش حاجه اتغيرت روح لاهلها وكلمهم وامها نظيفه واكيد هتسمعها كلمتين ولو ده ما جبش نتيجه جبلها والدتك ابقى خليها تزورك كتير يمكن زوجتك تتكسف منها وتهتم بالبيت واقولها كل فتره انا النهاره هيجو صحابي ونظفي البيت مش عايز الناس تتكلم عليكي ولو ده كله منفعش تهددها انك هتتجوز وكمان لما تروح تكلم اهلها قولهم هيا فضلت كده هتجوز لاني مقدرش اعيش كده هسيبها لوحدها في مصر هيا والاولاد وانا لما اسافر هتجوز ومش هرجعلها لاني قرفت من الوضع ده صدقني الكلام ده مهم جدا وهيجيب نتيجه واهلها هيشدو عليها جامد لما يعرفو انك هتسافر وتسيبها وتتجوز ست غيرها
مش موافقه انك تتطلقها كده علطول لازم تعلمهايعنى اقف كده وقولها قومى نظفى البيت ادخلى خدى دش مثلا بشاور بعطر معين انت بتحبه جيبلها هدوم نوم وقمصان شيك البسى ده وريهونى عليكى موضوع اسنانهالازم تعالجهاوتحجزلها عند الدكتور غصب عنها وقولها بقرف انت فكرتنى بعكس حالتى اناجوزى بيغسل سنانه بالعافيه بس بقى يغسلها باصرار منى واقوله عشان النفس وخصوصا انه مدخن بجانب المعجون لازم خيط الاسنان الصحى يزيل اى جوانب تعمل رائحه واطلب منها تغير ملابسها ديما صدقنى انت لو بينت مدى اهتمامك بنظافتك ممكن تغير وبين اهتمامك بالست الجميله النظيفه انابقولك انازيك بس طبعا مع جوزى اصمم على حلق ذقنه ياخد دش انااختار هدومه الحاجات دى كلها بتفرق انامستغربه تكون امها نظيفه كده وهى مهمله كده دالبنت ديماتقلد امهافى كل شئ وعمتا احناياستات عشان نبطل حجه اى راجل انه يبص بره الواحده تكون مهيئه نفسها واخر شياكه المهم انت حاول تغيرهابكل الطرق واشتريلها اللى يعجبك مع الوقت هتبدا تتعلم النظافه لكن لو بقى لقيت نفسك مش طايق تكمل حياتك معها اسمع كلام الاخ فارس وطلقها وربنايكتبلك اللى فيه الخير هو الواحد مش بينصح بالطلاق بس عشان بهدله الاولاد لكن لو مفيش خلاص
لو مش مخلف منها الافضل تهددها انك هطلقها لو انظبتش ا وتوديها لاهلها فترة ورجعها لو لقتها زى ماهى طلقها وامرك لله واديها كل حقوقها ده احسن ليك لانها مش هتتغير
لو مخلف منها اضربها بالجزمة القديمة واضبطها عشان خاطر الاولاد ده منك انت لو ملقتش نتيجة للضرب طلقها وخد اولادك معاك لانها هتعلمهم الاهمال وعدم النظافة وتبقى مصيبتك كبيرة لو عندك بنت منها واتعلمت من امها
الافضل الطلاق عشان تريح نفسك
الأخ صاحب المشكله أنصحك ألا تستمع الى كلام الأخ الضايع واللى ضيع نفسه وهرب من المسؤليه وحتى بلده هرب منها وللأسف يحرضك على خراب بيتك . فالانسان القوى الذى يحاول أن يجد الحلول ويصبر حتى يجنى ثمار ما زرع أما الهروب فهو عجز وتخاذل.
يجب ان تكون حاسما معها وان تعطيها ردا رادعا علي كل هذا وان لم تستجب اخبر اهلها وليس اهلك لازم تعرف امها واهلها يكلموها لازم الست متهملش في بيتها وزوجها ونفسها امال دي عايشة ليه لا هددها اعمل اي شئ عشان تكسر حتة اللامبالاة اللي فيهها دي بجد بعد كل اللي كانت بتعمله ده انت لازم تبقي حاسم وتعالي علي نفسك شوية واقسي عليها بسرعة عشان تقطع عرق وتسيح دمه وعشان مترجعش لكده تاني صدقني هتتعب شوية في قسوتك معاها بس هترتاح العمر كله الحق نفسك قبل ما تهتم بحد تاني اسألها لو مش متمية بجوزك امال اهتمامك بيبقي لمين ؟؟؟؟؟؟؟؟؟؟؟؟؟ قللها علي طول مطفشاني من البيت بتكسف اجيب حد من اصحابي من كثرة اهمالك للبيت قللها قربت اهج من كثرة اهمالك ليا وهكذا بس لازم تكون قاسي معاها جدا لحد ما تتعدل وحتي لو جوواك مشفق عليها مش مهم بس لازم تظهر عكس كده والا لو فضلت معووجة مش هتتعدل تاني
اسفة ان ردي قاسي جدا بس لابد منه لأني مقـــــــدرة فعلا قد ايه يكون الرجــــــــل مهمل من مراته
أخى العزيز أمها لم تقصر كما قلت لانها فى قمة النظافه . فمن أين جاءت زوجتك بهذه الصفات التى لا تعجبك واكتشفتها بعد الزواج ؟ أنا فى ظنى أنك سبب رئيسى فى هذه المشكله بعدم اتخاذ قرارات حاسمه معها فى كل هذه الامور وبالتدريج وبدون عنف وهذه تحتاج الى حكمه وتروى ولكنك مثالى زياده . فهناك بعض النساء اذا رأت زوجها لا يتخذ قرارات حاسمه فى وقتها تتمادى ولا ترجع الا كما يقولون
( بالعين الحمراء) أنا لا أقصد الضرب أو العنف ولكن أقصد الحزم من غير شده مفرطه. غير من طريقتك وخليك على رأيك اللى انتى شايفه أنها تنظف أول بأول وتهتم بالبيت وبنفسها. هو ده العلاج
اخى الفاضل السلام عليكم ورحمه الله وبركاته اولا ثانيا اقسم لك بالله العظيم انك انت حكيت عن نفس المشكله التى كنت اعانى منها ولمده تذيد عن 7 سنوات وكنت اظن انها سوف تتغير مثلك بالظبط والله يا اخى التغير كان للاسوءوليس الافضل والان انا الحمد لله سبتلها بيت طويل عريض عايشه فيه وكرهت مصر على اللى فيها ومعنتش بنزل منذ مايقارب 10 سنوات واللاكتر من ده كله انى خلفت منها3 اطفال وانا بقيت اربيهم لوحدى فى الغربه اخى الفاضل لو انت فعلا عايز تنهار نفسيا وعصبيا وماديا ابقى مع هذه المرأه اما ان كنت تريد ان تحتفظ بكرامتك وبنفسك اخلع كفى 5 سنوات من عمرك ضاعوا معها هباءا وهذه نصيحه منى لك واقسم بالله لو بقيت طيله حياتى بدون زواج لن ولم ارجع هذه المرأه الى عصمتى مره اخرى يلههووىىى عليها الله يسامحك فكرتنى باوسخ ايام مرت عليا فى حياتى لا يا اخى والله يوجد اخوات فاضلات يستحقن الحياه الكريمه افضل من هذه المرأه وانت ليس لك زنب فى ان تزوجت شخصيه مثل هذه المرأه حتى لو انت عندك منها اطفال اتركها ولا تسمع كلام اى رد بعد كده انا بقولك انت حكيت عن قصتى التى لم ابوح بها على النت او غيره لاى مخلوق ولكن لم اتماسك عندما قرأت قصتك وربنا معاك طلقههههها