في مشاكل بتبقي اغرب من الخيال وصعب ان اي حد يصدقها بس برغم من كده بتحصل انا بنت عندي 24 سنه وحيده ووالدي متوفي مليش غير والدتي وهي كمان المهم انا ليه ابن خال حبيته من وانا عندي15 سنه وهو حتي مكنش يعرف ولا انا حوالت اصارحه بكده واحتفظت بمشاعري لنفسي لحد مدخلت الكليه الي هو معيد فيها في الفتره دي قربنا لبعض لحد مهو الي اعترفلي بمشاعره وحبه ليه كنت في وقتها حسه اني اسعد واحده في العالم وربنا عوضني عن كل حاجه خسرتها كان هو كل حاجه بالنسبه ليه اب فقدته واخ ملقتهوش وصديق واقف جنبي ديما وحبيبي عمره مهيسبني وحصل الي كل بنت بتتمناه جه اتقدملي وكلم والدتي لكن الي حصل انها رفضته لاسباب ومشاكل بنها وبين والده الي هو المفروض اخوها هو مستسلمش بسهوله اتقدملي اكتر من مره بس راي والدتي زي مهو مش بيتغير وانا كمان مغيرتش راي واستمريت في حبي ليه خمس سنين فضلت مستمريه في حبي ليه خلصت الكليه وكمان اشتغلت ومن هنا تبتدي المشكله انه قلي لزم يكون لحكايتنا دي نهايه يا نتجوز ونحافظ علي حبنا يا خلاص كل شي وليه اخر فكرت وقررت اني مش هضيع حب عمر لاني مش هقدر احب حد تاني كده وكمان هو ابن خالي وهيخاف عليه وهو مش ليه دعوه بوالده ورفض والدتي مش مبرر كافي بالنسبه ليه وحصل واتجوزنا وكان جواز شرعي لاني كان سني يسمحلي بكده بس انا اصريت علي شرط ان والدتي متعرفش لاني كنت خايفه انها تزعل وتتعب هو وافق يمكن ظروفي كانت تسمح بكده لان عملي في مكان غير الي والدتي عايشه فيه فكنت تقريبا مقيمه في مكان عملي كنت في الاول سعيده الا ان ممرش وقت واحساسي بالذنب تجاه والدتي ابتدا يزيد مبقتش بفكر في حاجه غير في كده هو حاول يساعدني ويقلي اننا معملناش حاجه غلط وهو اتقدملي اكتر من مره وهي رفضت بس برده منفعش والموضوع زاد اكتر لما عرفت اني مش هقدر اجيب اطفال حسيت ان ده سببه اني عملت كده من غير رضا وموافقه والدتي بقت حياتي جحيم مش عارفه اعمل ايه اكمل معاه وهو قلي انه هيكلمها ويعرفها بس انا خايفه من رد فعلها ومش عارفه ممكن يحصل ايه ولا اني اسيبه بس انا بحبه ووهو كمان لدرجت انه واللهي مش همه موضوع الاطفال وانا مش هقدر اعيش من غيره مش عارفه اعمل ايه ارجوكم ساعدوني
اختي بارك الله فيك الزواج صحيح شرعاولاحرج عليكم وامك نشاءالله بترضى عليك بس حاولي تقرب منهاوتفهميهابكل الحقيقةوانكم خبيتوعليهاعشان مايجرى لهاحاجة وان الراجل كويس وبيحبك ومرتاحةمعه وماحدياخدذنب غيره واخبريهاانك مش حامل وزوجك مستحمل الوضع داولواحدغيره ماكان بيتحمل ونشاءالله تسامحك وتبارك لكماالزواج وترضاعنكما وربي يسعدكم في حياتكم
بصي ربنا بيقطع من ناحيةوبيوصل من ناحية تانية يعنى عدم الخلفة دى حاجة قوية تخلى مامتك تعطف عليكى ومتزعلش منك اوى جايز لو كنتى قولتلها انااتجوزت ومبسوطة وحامل كان جرالها حاجةبعيدالشر لكن انتى روحيلها اتكلمى معاها براحة قوليلهاانابحبك اوى بس محبتش اعمل حاجة غلط واتجوزنا على سنة الله ورسوله وربنا قابلنى ومبحملش وطبعا دى حاجة من عند ربنا بس انتى حتقوليلها كدة تستعطفي قلبها وقوليلها جايز كنت خدت واحد وانتى وافقتى عليه ولو مطلعتش حامل كان طلقنى بس دة استحملنى وحيستحملنى وانامبسوطة معاه وكدة يعنى واحضنيها وبوسي راسها بس المهم تعرفيها دلوقتى احسن من بكرة متضمنيش ممكن تعرف من برة ساعتها المصيبة حتكون اكبر وربنايريح بالك ويوفقك
عزيزتى السائله اهدأى ولا تقلقى أول شىء أنكى فى يد أمينه وهو زوجكى وأبن خالك والزواج تم وخلاص فلا تدمرى نفسك ووالدتك مسير الوقت يداوى اللى حصل لأنه أمر واقع أما بالنسبه للأولاد أعتقد أنه موضوع نفسى فكثيرا ما يحدث عدم الخلفه بسبب اضطراب الحاله النفسيه فلا تقلقى على أمك فهى تحبك وسوف تنزل على رغبتها لأنها تحبك لا تخبريها الأن واتركى ربنا يدير لكى امورك
طبعا غلطتى لانك مقولتيش لامك وحاولتى معاها 100مره كانت ممكن توافق بالضغط عليها بس نسيبنا من اللى فات ده دالوقتى جوزك على سنه الله ورسوله طبعا مش هتسيبيه بس لازم تحاولى تعرفى امك بهدوء وتقوليلها خبيت عليكى عشان خايفه على زعلك وغضبك عليا بس عملت كده لانى مش قادره اعيش من غيره حاولى تبينلها كده وواحده واحده وانتى مهدلها الاول الموضوع لازم تعرف هى ملهاش غيرك وانتى كمان عشان كده بقولك اتسرعتى لان كان مسيرها توافق عشان سعادتك وانتى وحيدتها بس موضوع الخلفه ده نصيب ودى حاجه بايد ربنا وربنامش بياخد ذنب حاجه بحاجه يعنى ماتضيقيش نفسك وربنايعوضك خير يارب المهم كمان واضحلها الموضوع ده حبيبتى هى هتقدر مشاعرك دى امك وخصوصا لماتعلم موضوع انك اتجوزتى وعدم الحمل وكده وهتقول ايه حصل حصل خلاص وهترضى عنك معلش كلى شئ فى اوله صعب ربنا يوفقك ويرزقك الذريه الصالحه مفيش حاجه بعيده عن ربناديماادعى وقولى اللهم لاتزرنى فلردا وانت خير الوارثين
يا حببتى انا بقولك متسبهوش ولا حاجة لكن حاولى مع ماما مره تانية يمكن فى مره تكون هاديه وتوافق لان باين عليكم بتحبوا بعض جدا لان معظم الردود هتقولك سبيه وانا صغيرة معرفش اذا كنتى تسبيه عشان ترضى امك ولا لأ احسن حاجة تقربى من ربنا وصلى الاستخارة وربنا هيرشدك لطريق الصواب وفى اتنين هنا بيعرفوا يحلوا المشاكل توتا وحبيبة الرحمن