مشاكل الحب والزواج

ازاي نرتبط واهالينا كرهوا بعض

أنا فتاة تقابلت مع شاب منذ 3 سنوات بالصدفة المهم بعد فترة وماكنش في بنا أي كلام حب

إنما إحساس من بعيد طلب يتقدملي فقلت كلم أهلي وبالفعل كلم أهلي وفي البداية وافقوا ورحبوا لأنه حد يعمل بمكان مرموق وومحترم ومتفوق لكن والدي كان مسافر فاضطر يكلم عمي اللي كنت رافضه ابنه وبعدين رفضت نسيبه فتعلل بأمور واهية ورفضه وللأسف مسيطر على والدي ولأن من مكان الزواج فيه قبلي فالموضوع ماتمش ده في السنة الأولى وانفصلنا وقلنا خلاص

لأن ماكانش في بنا أي علاقة إلا مجرد عايز اتقدملك وبس

لكن بعد فترة رجع كلمني وقالي بحبك وعايز اتجوزك ونحاول تاني وانا كنت بصراحة بحبه وبدعي ليل نهار يعود ويتقدملي المهم قلتله طيب لكن حصلت حالة وفاة في عيلته استنلى فترة ورجع اتقدملي لكن راح لعمي التاني اللي قالي اني هيقف جنبي

بس للأسف سابه متعلق 6 شهور الكلام ده في السنة الثانية وبعد بقي بيكلمني وشفته مرتين عادي في مكان عام

وكله كان بيقولي انهم وافقوا بس نستنى شوية لحد ما والدي يجي من السفر وفعلا والدي جه لكن هو ماكانش عايز يقابله لأن أعمامي عاملوه معاملة سيئة وقالي هو مش هيفرق عنهم لكن في النهاية جه ووالدي وافق واتخطبنا واتفسخت بسبب  اهلي اللي عاملوه مشاكل كتير قصدي باقي العيلة لأن فيه مشاكل قبلية شوية بين العيلتين

لكن اهلوا ماعندوهمش اي مشكلة المهم اتفسخت بس هو ماقالش لأهله حاجة وسافر وبعدين سبنا بعض اكتر من مرة وبردوه بنرجع المشكلة انه بعد السنتين بدأت اشوفوه ونتكلم في التلفون كتير وبعض الكلام كان خارج وبيعذبني ده وخايفة ان غضب ربنا يكون سبب المشاكل لكن بقول ربنا ارحم واكرم من عبده الضعيف وعارف ان احنا حاولنا كتيير نقنع اهلي لكن للأسف انا مابقتش صغيرة عندي 26 وهو35 ولسه بيحبني وفكر يكلم اهلي تاني بس اهله عرفوا المشاكل دي وطبعا كرهوني وكرهوا اهلي ودلوقتي مش عارفين نحل مشاكل اهلي ولا اهله وبيقولي انا مش هافضل في المشاكل دي 3سنين كفاية

وانا بعدت عنه فترة بس رجعنا نتكلم تاني

مش عارفة افكر

مخي وقف عن التفكير لدرجة اني وافقت على ناس تانيين عشان ارضي اهلي بس بردوه المواضيع ماكملتش من غير سبب

بس انا بحب الإنسان ده جدا وهو كمممان اتمناله الرضى يرضى بيعذبني بحبه وببعده ورجوعه بانه عايزني احيانا نفسه نبقى سوا واحيانا مش طايق يفككر في الموضوع وكمان نفسي افرح ابي وامي بيا هما مضايقيين قوي ومش عارفة ارضي حد ولا ارضي نفسي ولا ربنا لأني عارفه اني مزعلة ربنا وبعيط في الصلاة بس غصب عني

انا زي اي بنت نفسي احب واتحب نفسي يكون عندي اسرة نفسي يكون ليا زوج واطفال نفسي افرح يوم واحد بس في حياتي ومش عايز باقي عمري

هو اول واخر إنسان احبه واتمناه في حياتي عمري ماحبيت قبله ولا بعده وبشوفوه حتى وهو بعيد انا تعبت وزهقت حتى من نفسي هو كويس في كل حاجة واهلي مش معترضين عليه شخصيا لكن معترضين عشان التعصب القبلي والحات دي  وانا مفيش حد يساعدني ويفكر معايا او يقف جنبي وهو كويس بس بحس انه رغم اللي عمله كله ضعيف شويه وبيستسلم للمشاكل ومش بيواجه الموقف في وقتها لكن بعدين وده ضيع حاجات كتيييييير ازاي اتصرف واحل مشكلتي ازاي ابني حياتي

الإنسان بيعيش مرة واحدة فلازم يدافع عن الحياة اللي عاوزها طالما مش عيب ولا حراااااااااااام بس ازاااااي

اهلي مضايقيين بش مش زي احساسي وانا قلبي مكسور وانا حاسة إني لاقوة ولاحيلة لي ومش قادرة اصيغ حياتي ولا اخد قرار فيها مش زي احساس وانا كل صحباتي اتجوزو وكلهم بقوا امهات ماحدش يقدر يحس الوحدة اللي انا فيها وانا وسط الناس والألم والعذاب من ضميري ومن زعل أهلي وقبلهم ربي وهو كمان نفس الحال وتعيس جدا دايما أعمل إيه

مشاكل وحلول ذات صلة

اضيف بتاريخ: Monday, August 7th, 2017 في 04:33

كلمات مشاكل وحلول: , , , ,

ردود to “ازاي نرتبط واهالينا كرهوا بعض”

  1. ابوالبتول
    07/08/2017 at 13:42

    لاحول ولاقوة الابالله اختي العزيزة عاوزك انت والشاب هذا اللي تحبية تدافعوا عن حبكم الطاهر والبري ولاتستلموا امام المتغريات في الحياة من مشاكل وخلافات لاذنب لكم فيها انتما تريدان الحلال وربنا بيسر امركما ويجمع بينكما على الخير حاول مرارا مع اهلك ابوكي وامك وتكلمي معهما لاجل يوافقا على زواجك من هذا الشاب وهوايضا لايياس يجي ويتكلم مع ابوكي ويحاول اقناعه بالموافقة على الزواج او يشرك احد من اقاربكم اواصدقاء ابوك ممن لهم كلمة وتاثير عند ابوك لاجل يوافق ويقتنع وصدقينى مافي اب يرفض زواج ابنته او مايبغا لها السعادة في هذة الدنيا مع الانسان اللي تحبه ويقدر يسعدها في حياتها بس ضغوطات اعمامك ومشاكلهم تجعل ابوك عامل خاطر لاخوانه لاجل مايزعلهم اويغضبهم وان شاءالله ربنا يقدم اللي فيه الخير والصالح لكم وانت لاعادتتكلم مع الشاب من وراء اهلك لاجل مايزعلوا منك ويعاندوا في رفضهم الزواج لك منه اتركي الامر لله عزوجل وادعي ربك ان يفرج عنكما ويسهل الامور والتوفيق بيد الله عزوجل واتمنى لك كل الخير والسعادة مع الانسان اللي اختترتيه ويجعله من نصيبك وتكتمل فرحتكما في القريب العاجل باذن الله تعالى

اترك رداً أو حلاً لهذه المشكلة