احنا عرفنا بعض من على النت بالصدفه كان بيحبنى بسمكنش شاف شكلى ومكنش يعرف ان دى انا لان مكنتش معرفاه اى حاجه عنى ولانى ساكنه معاه ف نفس الشارع بالصدفه طلع ابن صحبت مامتى ارتبط بيا وحبينا بعض كان ف الاول ماكنش بيقولى راحه فين ولا جايع منين!قولتله انت مبتقوليش راحه فين هتروحى امتى الكلام ده ليه من يومها وهوه مطلع عينى 24 ساعه معلق على لبسى و متتاخريش بره الخروج بمعاد منعنى اخرج مع صحابى خالص ونادرا لما بنزل مع ماما ويوافق بيكره اروح كليه لما بكون لبسه طقم شيك يهزأ فيا يقولى ايه المنظر ده انا بحبك على طبيعتك انا مش عايزك تتزوقى لى الناس انا حبك كده. حتى كتير لما بدخل محل يقولى خليكى معايا على الموبيل ااقوله انت مش بتثق فيا يقولى انا بغير لما بغير عليكى يبقى مش بثق انا بضايق اووى حتى لما تليفون البيت يرن وهو معايا على التليفون يقولى ردى عشان يشوف بكلم ازاى مع الناس يقولى كنت فكرك بتكلمينى انا بس بحنيه يفضل يزعق لما اخرج يقولى انتى ليه بتبصى على الناس انا مش مالى عنيكى ممكن يكون بسرح اقوله والله مقصد الوقتى بقى طول الخروجه عينى عليه عشان مايقولش كده كتيررر اوى بيمسك موبيلى ويشوف المحادثه بينى وبين صحابى عشان يشوف بحكلهم خاجه عليه او اذا كان صحابى بيجبوا سيرت ولاد ولا لاء الحركه دى بتموتنى وكمان منعنى احط اى ميك اب خالص والمفروض اى بنت بتحط لو خفيف مش بيوافق ابدا لما بحط وهو موافق يفضل يقولى ايه المنظر ده ويزعق وكمان انا من قبل مايعرفنى انا لبسى محترم جداا واسع وطويل لما بلبس اى حاجه يفضل يقولى لما اخرج معاه لبسك ضاق جدااا وتخنتى وسعى لبسك شوايه وطويله طقم ده مش يتلبس تانى جيت بصيت لقيت كل هدومى مش هتتلبس كمان مكنش بيشتم ابداا كان بتكسف الوقتى بقى لما اضيقه او نتخانق يقفل ف وشى ويزعق ويقول اى لفظ خارج بس مبيشتمنيش شخصيا مكنش كده اتخنقت معاه كذا مره قولتلوا انا مستحملش اتجوز راجل يشتم قدام ولادى قالى انتى اللى بتخرجنى عن شعورى. هو كان ليه علاقات كتير زمان اوى الفيس كان مليان بنات وموبيل بتاعه كان مليان ارقام بنات بدا يمسح ويتغير عشانى عمره مدخل ف علاقه جد ف حياته انا اول وحده تبقى معاه 4 سنين البقين كانوا موجرد نزوه مبتكملش 3 شهور هو اتغير عشانى كتير بس ليه صحابه بيخلوه يكلم بنات من فتره قريبه اكتشفت انه اتعرف على بنت على موقع من المواقع كانت بتكلمه على الموب لما بنام واسيبه ويكلموا سواه كان الكلام صعب جدا البنت دى مش من هنا من نفس البلد اللى احنا عايشيه فيهااا اتعرف عليها كانت بتنايمه وتكلم معاه كلام خارج كانت عارفه انه مرتبط وانا بصدفه بدلت معاه الموبيل وكان خلاص بدا يبتدى صفحه جديده مع. . نفسه يبتدى صفحه جديده معايا وادانى الموبيل بتاعه كمان الفيس مسحت كل البنات اللى كانت عنده وادانى الباسورد ماكنش ادهولى قبل كده ف دخلت عليه وقولت هسمحاه لو عليه ايه مسحت كل البنات قرات الشات بينه وبين صحابه لقيت صحابه بيبعتلوا ايملات بنات وبيكلمها ارقمهم كمان روحتلوا ووجهتوا بالكلام ده حسيت ف عينه الندم اتاسف ليه قالى انا كان ممكن امسح كلام ده بس حبيتك تشوفى عشان ابدا صفحه جديده مع نفسى قولتله خلاص بدل الموبيل بتاعك معايا ادهويلى عمره ماكان بيدهولى روحت قولت مش هقلب فيه خلاص هسمحه على اى حاجه بالصدفه بقلب ف الاغانى لقيت تسجيل لبنت بعتهوله بدأت اقلب ف كل الموبيل لقيته متزل برنامج بيسجل المكالمات للى بيتصل عرفت انه كان بيكلم بنت من بلد تانيه بتنايمه ويقولها انتى مراتى وكلام وحش اوى اتصلت بيه قولتله تعالى خد نوبيلك مش عايزه اعرفك روحتلوا اديته موبيله اقعد يقولى والله نزوه وانا حيوان ان فرطت فيكى بس انا بحبك والله فضل يتاسفلى سبته ااكتر من شهر. رجعتله تانى مش قدرت اسيبه رجعت قالى انا بقيت انسان تانى سمحته الوقتى فضلنا نتخانق كتير على اللبس والغيره واصحابى ومكياجى وانى تخنطت انا جسمى عادى زى ما انا و 24 ساعه خناق اعمل ايه انا تعبت منه من اسلوبه
حبيبتي انسي الكائن داه و طلعيه من حياتك دا بينكد عليكي من دلوقت و امال هيعمل فيكي ايه لو اتجوزتو !!! اكيد هيعذبك و هيحول حياتك لكابوس عشان عرف انك بتحبيه بدا يتحكم فيكي كانو ابوكي او اخوكي حتي همامالهمش حق يبهدلوكي بشكل داه ربنا يعوضك عن اللي احسن منه عشان اهم حاجة في العلاقة الثقة و الاحترام و هو ما عندوش داه الحب اللي بشكل داه هيوديكي في دهية و هتندمو عليه بعدين داه انسان متسلط يعشق انو يسيطر عليكي مش معقول كدا و لو هو بيحبك صح زي ما مايقول هيمسك نفسو شوية عشان انت كمان انسانه ليكي شخصية و كيانك ولو عايز يغيرك لدرجة ديه يروح يخترعلو عروسه يمشيها علي هوا داه فين احترام شخصية الاخر و بعدين هو شكاك و الغيرة اللي عندو في الجواز هتبقي مرضية و مش بعيد يضربك الحقي نفسك من دلوقتي و فكك من المخلوق داه اسف ع التعبير بس شكلو انسان مستفز -_- ربنا يبعتلك واحد احسن منه بمليون مرة يحترمك و يثق فيكي و يسعدك =)
انتي وهو هتفضلوا تشكوا في بعض هو هايشك فيكي لأن خد فكره ان البنات بايظين وشايف ان كل البنات زي النوعيه اللي بيكلمها وأنتي هاتفضلي تشكي فيه عشان لقتيه مابيوفيش بوعده وليه علاقات مع بنات وعلى أيه وجع القلب أفسخي خطوبتك معاه وربنا يرزقك بأبن الحلال بس لو أنتي شايفه ان بعد الجواز هاتقدري تستحملي الشك والغيره دي يبقى براحتك
لازم تفكري كويس الخطوبه تتفشكل من الاول احسن من انها تتحول لطلاق