انا بنت عندى 19 سنة لسة بدرس انا اتعرفت على شاب على النت من حوالى 7 شهور واتكلمت معاة حبيتة اوى وخلاص بقيت مش قادرة ابعد عنى بس هو من بلد غير بلدى وكمان هو ناوى يسافر الكويت يشتغل هناك ووعدنى انة لما يسافر هيكلمنى على طول وقال انة هيخلى باباه يجى يخطبنى بس بصراحة خايفة اوى ومش عارفة اعمل اية بس انا دايما ادعى ربنا انة يجعلى نصيب فية وانا بحمد ربنا انة عوضنى بية عن حبيبى الاولانى ياريت لو حد عاش نفس الحكاية يرد عليا
الحب على النت
حبيته على النت بس خايفة اوى
اضيف بتاريخ: Sunday, December 12th, 2010 في 16:26
كلمات مشاكل وحلول: الحب, الحب الاولاني, الحب على النت, بنت, مشاكل الحب
بصى انا هقولك حاجة لازم الحب على النت ده يبقا دور النت فيه مجرد التعارف لكن انتى لازم تشوفيه وتكلميه فىا لحقيقة وتعرفى طباعه واخلاقه فىا لواقع وان حصل وحبيته وانتى قلتى بتحبيه بس مش عراف هل شفتيه او لا
انا عرفت بنت من على النت من 4 سنين وشفتها ولحد دلوقتى عارفها بس مبقتش اعرف حد على النت من زمان اوى وهى كمان وشفتها وعايز اقولك انها الوحيدة الى حبيتها فى حياتى والى مهما حصل خلال 4سنين من بعد وفراق ونرجع تانى نكلم بعض لسة بحبها وطبعا انا واثق فى اخلاقها ثقة عمياء والنت كان بالنسبالى مجرد الوسيلة الى عرفنا فيها بعض واوقات بنتكلم على النت وانا ان انشاء الله ناوى اخطبها قريب جدا
لكن ان اتنين يعرفو بعض ويحبو بعض من غير ما يشوفو بعض حتى لو صور او كاميرا دا الى مرفوض تماما ايه حبتيه انتى لا قعدتى معاه ولا شفتيه فى الحقيقة ده ممكن يبقا فراغ عاطفى او لعب عيال
وانصحك انك تشوفيه الاول لو اخلاقه كويسة وحسيتى حاجة ناحيته وانه بيحبك خليه يتقدملك وربنا يوفقك
اغلب الشباب اللى بيدشون على النت ويتعرفوا على بنات ليها اسباب 1/وقت فراغ 2/للتعارف ويعيش وقت جميل مع بنت وليس عنده ايمان بالله وانا اقول اتقى الله هل ترضاة على اهل بيتك
الحب حب يحصل في اي زمان واي مكان مع اي انسان ولاكن الزواج مش عارف قصص انة مسافر ويبعت والدة دي كتير بسمعها ولاكن دائما بيحصل فشل ومن وجهة نظري ان الشاب اللي بيوهم بنت بالحب علي النت بعد ما يقرب منها ويحاول حتي يخطبها بيحس ان زي ما عرفتة عرفت كتير وحاتعرف بعد منة ومن هنا مش معقول يتوافق جواز مع حب من علي النتلان اصل مبداء الشاب ان يدخل شات علشان يصاحب بنت ويعيش وقت جميل فقط لا غير فقط لا غير
انا اؤيد كلام الاخ سميح فى كل شىء هيعيرها وكمان مش هيثق فيها كل متقعد ادام شاشه كمبيوتر وصحيح الموضوع تعود وارتياح كميا مابين اتنين او ساعات ادمان شخص بس الحب ليه اركان كتير اللى بيحب حد على الاقل بيتمنا يلمسه او يقولو بحبك وهو باصص فى عينو مش كلمه على شاشه هتعملى تحضنى الشاشه كل متشتقيله
كل الناس دي حبت وعاشت علي النت يانهار ابيض اعتقد بعد كده مفيش ررود اكتر من كده
السلام عليكم ورحمة الله .. انا مريت بتجربة التعارف من النت والعلاقة استمرت 10 شهور تقريبا .. لكن بعد ما فكرت كويس فى موضوع الارتباط ده لقيتوا مينفعش جملة وموضوعا لاسباب كتير .. اولها ان العلاقة اللى بتكون من النت مش ممكن تصل لمرحلة الحب لان الحب كلمة كبيرة واحساس وشعور نبيل مش كلمة فى الهوا تتقال فى الشات لحد منعرفوش ولا نعرف اخلاقه ولا صفاته وبيتهيألى ان الحكاية كلها عبارة عن تعود ان احنا اتعودنا نكلم حد فى وقت معين .. ثانيا لو حصل ارتباط بين الشخصين هل من الممكن انهم يصارحوا اهلهم انهم اتعرفوا من النت .. بيتهيألى اى حد بيسمع سيرة النت بيقول على طول انه فى بلاوى هتيجى من وراه ما بالكم بارتباط وتكوين اسرة ولو حصل مشكلة بعد الزواج مثلا اليس من الممكن ان يعاير الزوج زوجته بانه تعرف عليها من النت .. ولو فى نت فى البيت اكيد هيكون الزوج مش واثق فى زوجته لانه اتعرف عليها من النت وممكن ييجى فى باله انها ممكن تتعرف على حد غيره .. نصيحة ليكى ولكل القراء ان يبتعدوا عن التعارف او الارتباط من النت لانه بيسبب مشاكل كتير.. اخيرا انا عايز اسأل سؤال لكل البنات اللى مقتنعة بموضوع الارتباط من النت .. لو افترضنا انك ام ومعك بنت فى سن الزواج هل توافقى انها تتعرف وترتبط بحد من النت ؟؟؟؟؟؟؟؟؟؟ .. اسف على الاطالة وشكرا ليكم
من الواضح ان اغلبيه اللى ردو عاشو نفس التجربه وكل واحد بيقول الحل ع حسب اللى شافه عمتا احب اقولكم انى مخطوبه ومكتوب كتابى كمان من ع النت والحمد لله انا وهو اسعد اتنين فى الدنيا وعايشين اجمل قصه حب
انا شايف ان كل المعلقين عاشو نفس التجربه وكلهم فشلو فيها اشمعنى يعنى انتى الى هتنجحى انتى كمان هتكونى فريسه الحب الوهمى وفريسه لحبس انفاسك بغرفه بعيد عن كل البشر لازم تعرفى كويس جدا ان الحب الحقيقي بيكون فى النور مش فى الظلام حتى تحسى بيه اخرجى من الظلام الى انتى فيه والوهم الى انتى تعيشيه ده ده اسمو وهم وهو يعنى منتظر ايه بعد كل ده علشان يبعت والدو الى يحب مبينتظرش فرصه سفر او لا الى يحب بيعجل دايما فى اتمام نهايه تتجسد فى الحصول على الحبيبه او الحبيب لاكن من رابع المستحيلات انو يكون من نصيبك لانو حب النت اسمو وهم بيتجسد بداخل الانسان لوجود الوسيله الى بتادى اليه وهي سلك نت وجهاز كومبيوتر لولاهم لعيشتى بالنور ولوجدتى الحبيب الى يدق بابك ووقتها بيكون حب طاتهر شريف عفيف كلو عزه نفس وكرامه متسمعيش كلام الى يقولك اختبريه او استحملى لما تشوفى هيضيع من عمرك كتير فى الانتظار وما احلى الكلام على النت تعرفى ليه لانو بيكون فى سكون تام زيو بالظبط زى الى بيجلس بينو وبين نفسو ويفكر فى الثراء وقتها بياخدو التفكير فى انو يملك سياره ويملك طياره ويكون غنى جدا ويكون عندو مركز مرموق جدا ماهو مجرد خيال اما الحقيقه غير كده متنتظريش اكتر من كده اخرجى لللنور واهجرى الظلام انتى نفسك قريتى كل التعليقات وجدى جميع المعلقين عاشو نفس التجربه وكلهم فشلو فيها اظن لو كل دول ميكفوش يبقى انتظرى لما تكونى التابع لهم وشكرا
انا بجد مهما قولت وعدت مش هقدر اقول اكتر من الناس الجميلة اللي قالته فوق
بس سدقيني النت ده عامل زي البحر
اوقات بناخد منه حاجات كتيرة حلوة
واوقات بياخد مننا حاجات اكتر
بناخد منه حاجات نستفيد منها ف علمنا وف حاياتنا واحيانا بنحرك مشاعرنا لما بنقابل شخص بيتوافق ف نفس تفكيرنا وبنحس انه احنا ياسلام روميو وجوليت وعنتر وعبلة
وفجاة هوا او هيا يقولك انا عندي ظروف بقى ولحد هنا وستوووووووووووووووب
وخلينا صحاب احسن
وسدقيني مفيش شب بيقبل على نفسه انه يتجوز بنوتة تعرف قبله شباب كتير
لانه ازاي الراجل ده هيقول ف باله انا ازاي هتجوز واحدة واستامنها على بيتي وهيا كلمت قبلي شباب كتير والله اعلم ايه هوا الكلام والشك بقى هييجوا دوره والظن والكلام ده كله
فعشان كدة ياريت كلنا نفوق ونفتكر حاجة واحدة وبس
انه كل شي نصيب
والللي ربنا كاتبهولنا هنشوفه
وكل واحد له نصيبه
والنصيب ده محدش يعرفه غير ربنا وبجد لو ربنا كاتبلك نصيبك فيه هتاخديه
ولو مكنش ليكي
يبقى مش لازم من دلوقتي تتعلقي بيه عشان متنهاريش وضيعي مستقبلك عشانه مع احترامي ليه طبعا
وربنا يوفقك ويوفق الجميع
اساسن انتي ممكن تختصر الموضوع وتقول انته بتحبني اتقدم ليه واتقوزو قواز شرعي مافيش ذنب ولاحاقه على العموم انتي بتعصي ربنا واكتر الشباب بيلعب بمشاعر البنات وانا شاب ولو اتكلم مع بنت حالعب بمشاعرها واخليها تتعلق بيها
انا عايشة نفس حكايتك تقريبا وكتبت موضوعي بس مش نزل مش عارفه ليه المهم انا نصيحتي ليكي تخليكي معاه وتشوفي اخرتها بس زي ما قالو الاخوه توقعي منو انو ممكن يغدر بيكي وممكن ينفذ وعدو زي ما انا متوقعه من حبيبي اللي بحبو على النت والاخت الكريمة قالت تختبرية انا عملت كده بس عرف اني دي انا
اختى العزيزة … غالبا انا فى نفس تجربتك بس من فترة قليله جدا من حوالى شهر ونصف اتعرفت على بنت كويسه جدا جدا وطيبه وبجد حبيتها وهيا كمان حبتنى اوى اوى لدرجة انها كل يوم لازم تكلمنى على النت وبصراحه انا عارفها لانها من نفس البلد بس انا مكنتش اعرفها نهائى ولكن هيا تعرفنى بس بصراحه فى البداية انا كنت بكلمها عادى كأصدقاء ولكن حسيت من ناحيتها بأحساس غريب صارحتها بالحقيقه وتقبلت الموضوع بحرارة ولكن لم اكن اعرفها وطلبت منها صورة ارسلت لي الصورة عرفتها ولكن انا مش موجود حاليا فى البلد انا مسافر الخليج واتفقت انا وهيا ان شاء الله لما انزل هيكون فيه خير بأذن الله بس قلت لها لازم اشوفها واتكلم معاها قبل كل شئ حتى افهمها واعرف طبعها وكل شئ عنها لانه مفيش جواز بصورة او بمكالمه تلفونيه يعنى انا قولت لها ان شاء الله لما انزل اللى فيه الخير يقدمه ربنا …. وعادى بكلمها على التلفون وعلى النت هل انا غلط كده ولا صح ياريت حد يقولى راية وشكرا
بصي انا مريت بنفس تجربتك وانا في نفس سنك او اصغر منك بسنة و الحمدلله اني بجد طلعت منها على خير
السبب في اني وقفت الموضوع كان ان بابا عرف وطبعا اتبهدلت ساعتها لكن بجد عرفت قيمة اللي عمله بعدها
انا دلوقتي عدي 21 سنة وصدقيني نظرتي للحياة اختلفت تماما وبقيت اقول ايه الهبل اللي انا كنت بعمله ده ازاي كنت بثق في واحد كل معرفتي بيه عالنت والموبايل ممكن يكدب في اي حاجة ومش هتعرفي ولو عرفتي مش هتقدري تعملي حاجة
نصيحتي ليكي بجد خدي قرارك الصح انتي وقرري انك توقفي الموضوع وقوليله انت عارف مكاني لو عايزني بجد ابقى تعالى اخطبني لكن مش هينفع نتكلم تاني لأن ده غلط
ياريت اكون قدرت افيدك….
والله انا عشت تجربتك بس ندمت فى الاخر لانو مافى حاجة تستمر
أنا عشت نفسجربتك وانشاء الله هتقدم لخطوبتها ومش شرط أقول عرفتها أزى ممكن تقولى عرفتيه فى أى حته مش مهم طريقه التعارف المهم الشخص ممكن تتعرفى على حد من أى حتى ويكون مش كويس وعلى فكره فكره الاختبار دى صح أنا الى بحبها عملت كده وقولتلها أنى فى وحده أدتنى رقم تلفونها ونا صادق والحمد لله بس برضو ممكن يكون هو بتسلها
…….. على فكره انا فى نفس مشكلتك بظبط والله . الحب ع النت موجود بالفعل والمشاعر ما بتفرق نت ولا غيره انا عايش نفس التجربه اقسملك بالله انى كنت احب واحدة اربع سنوت كل يوم مع بعض كنت معتقد انى هو دى الحب الاول والاخير لكن بعد ما تعرفة ع الانسانه دى ع النت وع فكره انا مصرى وهى خلجيه والله اكتشف انى فعلا االاربع سنين الى كنت فيها مع الانسانه الاخره كان لعب عيال ما عرف طعم الحب والعشق والاخلاص والصدق والاماانه غير معها وانا عارف ومتاكد انى صعب ومستحيل نكون لبعض بس مستحيل انسانه او افكر احب بعدهاا بس انا عندى امل كبيررررررررررررر فى (ربنا ) ربنا قادر ع كل شى مهما انى كاانت مستحيل فانا اقلك ياختى الكريم اهم شى تتاكدى فعلا اذا كان بيحب صدق وبيخاف عليكى وحاب يكون معاكى ع نور ونيتو خير اذا كان كده لا تفكرى تخليه وتبعدى عنه احناا فى زمن الحب مثل الهماله النادره من المستحيل تحصلى حد يحبك من قلبه ويخاف عليكى (( بس موجود فعلالا االحب )() اقلك شى مهم كمااان اهم شى يكون الحب مبنى ع الطاهره واكيد انى فهمتى قصدى الحب الطاهر واتمنى من الله يوفقك يارب ويجمعك ع خير وسعاده مع الشخص الى تحبيه ويختاره قلبك ( وياريت تدعيلى انى ربنا يوفقنى انا كمان _ لانى فعلا اعشقها وقسمن بالله _ ع فكره انا طارح مشكلتى ع الموقع واتمنى اذا حد عندو حل ليا يشرفنى ويقول رايه(( عنوان المشكله _ احب انسانه يجنون ولكن الزواج بنا مستحيلٍِِْ
لو سمحـــــــتى بلالش تصدقـــــــى اى شئ فى الشـــــــات.
واشك انه بيحبــــــــــك او ممكــــــــن يتقدملك.
انا واحـــــــد من الشباب واسهل كلمـــــــــه عندنا هى كلمه “بحبــــك”.
كلهـــــــــــــا أوهـــــــــــام….اسمعــــــــى نصيحتى ومش حتندمى.
يا اختى حبيتى واحد وفشل الحب وبعدين حبيتى على النت ومش عارفة اخرته ايه والله اكبر خطر على البنات النت ده تبقى قاعدة فى غرفتها ولا تخرج وبكدة يبقا الاب والام مطمنين ولكن للاسف انها ممكن تتكلم مع واحد وتشوفه ويشوفها وهى بردة فى غرفتها اكبر خطر ع البيوت والبنات ربنا يستر على ولايانا حب النت دة اعتقد ان اكتر الشباب بيكونوا مش كلهم ولكن اكترهم بيسلوا وخلاص عشان البنات تعرف كل بنت تاخد بالها من نفسها ولا ترخص نفسها لحد ما تاخد نصيبها
بصي انا عشت نفس تجربتك بالظبط حبيت واحدة وسبنا بعض بعضها حبيت واحدة على النت بس عايزة اقولك على حاجة احنا سبنا بعض لان لما مامته عرفت قالت استحاله اججوزك واحدة عرفتها على النت على العلم كنت معاه عادى جدا ومكنتش بشوفه كتير غير مرتين عشان يشوف شكلى بس ووكلام الحب دة مكنش فيه وسبته مرة قبلها قولتله مينفعش وهو اصر ورجعتله تانى ودى النتيجة بصي لو اهله واهلك هيتقبلو فكرة تعرف على النت دى خلاص كملى وافقي على الخطوبه وربنا معاكى بس لو هتكذبي على اهلك واهله على طريقه تعارفكو فصدقيني ابعدى عنه احسن ما تتعلقي بيه اكتر
عزيزتى ثقى بالله اولا ان كان هذا الشاب جاد فعلا فى كلامة يبقى هيرسل والده لخطبتك قبل ما يسافر الكويت وان سافر الى الكويت قبل ماينفذ وعده يبقى ده غير جاد فى قوله
ولا تتغرى فى الكلام المعسول من احد ولا تجرى وراء الاوهام
انا اعرف ناس كتير ارتبطو من على النت بس تكون علاقة محترمة ويبقى ليها اخر مش حكاوى القهاوى
وفقكى الله
ﻻزم تفهمي ان النت والشات طاااعون العصر والحب عن طريقه مصيده الشباب بصيدو البنات بالنت
اسمعيها مني انا اتعرفت على 50000 واحد بالنت وكلهم نفس التفكير
عايزين يلعبو انتي ممكن تختبريه
تعملي اميل جديد تضيفه فيه وتختبريه تسئليه اذا كان بحب وﻻ ﻻ
او مرتبط
ﻻزم تتاكدي بالنت زي ماعرفتيه بالنت وانا اختبرت شباب كتير وفشلوووو في اﻻختبار
ﻻنو النت واقع وهمي مافيه قانون او حكومه ﻻزم تحذري
يا بنت الكرام انا كنت اعتقد ولازلت ان الحب عن طريق النت لا يفرق عن الحب التقليدي إلا انه نادرا ما ينتهي بزواج ولكن اذا انتهى بزواج فأعتقد انه سيكون من انجح الزواجات لانه ابتنى على مشاعر واحاسيس من دون اي اعتبارات اخرى لكن يجب عليكي ان تكوني مستعدة لخاتمه غير سعيدة مثلا ان يختفي او ان يتوقف عن الكلام معاكي واذا ما حصل هاذا الامر فعليكي بالوقوف من جديد وعدم النظر للخلف
ربنا يكرمك إن شاء الله بس إوعى تعملى حاجه غلط ويا ريت ما تعمليش حاجه غلط