الحب على النت

بعد علاقة حب فاشلة من النت كرهت نفسي

انا عندى 22 سنة حياتى فيها مشاكل كتير اوى كنت قبل كده بتحملها بالنوم او البكاء والعزلة عمرى ماكنت بحكى لحد من صحابى على مشاكلى وكنت عمرى مابكلم اى ولد كنت بخاف من ربنا اوى لحد مافى يوم عرفت الشات بالصدفة اول مرة دخلت حسيت انى لقيت كنز حاجة كنت محتاجاها من زمان انى اتكلم واخرج اللى جوايا لحد مافى يوم عرفت واحد قالى انه بيحبنى وانا استنيت فترة وحبيته اتكلمنا فون حبيته بكل روحى وثقت فيه اوى لحد ما فى يوم اتقابلنا بسنى ولمس جسمى كنت ساكتة مقلتش لا يومها حسيت ان الغلط منى عشان لو انا بنت محترمة بجد مكنتش هوافق على حاجة زى دى بعدها زعلت من نفسى جامد بقيت بعيط كتير اوى لحد دلوقتى ندمانة المهم بعدها عرفت انه بيكدب عليا وسبته بيحاول يرجعلى بس انا مش بقدر ومبقتش عاوزاه دلوقتى مبقتش عارفة انا فيا ايه حزينة وتعبانة مش عشانه خالص انا بقيت بكرهه بس عشانى انا ظلمنى حسة انى مبقتش انفع بقيت بكرهه الولاد وحتى لو واحد اتقدملى هقله ازاى انى عملت كده انا بقيت بكرهه نفسى وحالتى القديمة رجعت تانى مش بتكلم ولا حتى الشات بدخله وبقيت بعيدة عن ربنا مش بالصلاة بقلبى بقا بعيد عنه انا بجد مشاكلى كرهتنى فى الدنيا ملهاش حل بس ربنا قادر على كل شىء

مشاكل وحلول ذات صلة

اضيف بتاريخ: Friday, July 29th, 2011 في 06:46

كلمات مشاكل وحلول: , , , , ,

13 رد to “بعد علاقة حب فاشلة من النت كرهت نفسي”

  1. heart
    03/10/2011 at 11:11

    انا شايفة ان منثقش فى حد من النت خالص لان معظمهم يبقوا بيتكلموا لى اغراضهم الدنيئة ومش بشخصيتهم الحقيقية

  2. valentino
    17/08/2011 at 05:15

    من الواضح انك انسانه انطوائيه وبتحبي الوحده وملكيش اصدقاء والشات كان بالنسبه ليكي نقله تانيه خالص كنتي بترمي في همومك بستفاضةاهم شئ اننا نتعرف بالحطا ومش نكرره
    واتعلمنا وفهمنا لكن انا عندي حل بالنسبه للوقت الفراغ اللي عندي
    حاولي تدرسي اي شئ كورس انجليزي دروس في حفظ القران الكريم
    اعملي حاجه مفيدة واستفادي من الوقت او اشتغلي اي حاجه في اي مجال الشغل مش عيب
    اعتقد ان ده انسب حل للوقت الفراغ
    والله الموفق

  3. نوارة المغرب
    09/08/2011 at 20:17

    السلام عليكم بوسي حبيبتي اعتبريها تجربه وعدت خلاص حاولي تملئي فراغ وقتك اتقربي من اصدقائك حقيقين لاانهم هم الواقع وحاولي تبعدي عن النت عشان هو خيال لا تجربه راح تقويك مش حتقتلك بس في شباب يستغلون بنات عشان عاداتهم السريه على النت دوري على الحب في الوااااقع ابعدي عن الخيال وراح تتغلبي راح يجي يوم وتضحكي وتقولي انا عملت كدى اتمنى ليك الخير اختي

    بنت المغرب

  4. بنت بنغازى الحرة
    09/08/2011 at 15:38

    دة كلة مشكل عند بعص البنات الشباب وان راى ان كل بنات وشاب بتعدو عن هذة الشى

  5. amjad
    05/08/2011 at 19:09

    بدي حل الطول شو علاجه بدي اطول من ما انا عليه

  6. nada
    04/08/2011 at 08:23

    انا غلط انك سلمتيله نفسك بس قربى من ربنا واستغفرى ليه وبعد كده يوم ما تفكر انك تحب هتلاقى اللى بيحبك وهيقدرك بس استنا

  7. صاحبة المشكلة
    03/08/2011 at 20:50

    شكرا ياجماعة على الردود ربنا يكرمكم

  8. مفيش حب في حياتي
    02/08/2011 at 19:08

    انازيك تمام عندي مشاكل كتير اوي وملهاش حل وتعبانه جدا بس عمري ماكلمت ولداوحتي عملت علاقه من علي النت لان المشاكل اللي فيها كانت اسباب ان اتعقد من الولاداصلاوالله فعلا انادايماوحيده لوسمحت لوينفع تسيبلي ايميلك ونبقي اصدقاء

  9. نورهان
    02/08/2011 at 08:20

    حبيبتى ماينفعش تحبى من وراء شاشة الجهاز الحب عبارةعن احترام و السعى ورا بناء بيت و اسرة جميلة تشوفيه و يشوفك و تفهموا بعض كويس 0و باحترام و كتير علاقات راحت من ورا النت و طلاق ومصايب والمفروض مشاكلك تدورى بذكاء على مين يصون السر و تفضفضيلة بمشاكلك

  10. حياتى كلها لله
    01/08/2011 at 15:21

    اختى في الله اول حاجة لازم تستغفري ربنا وتوبي اليه علي ان شاب غريب باسك ولمس جسدك لان ليس له الحق في هذا وان الله غفور رحيم تانى حاجة لازم تعرفي وتتاكدى ان كل الشات كدب في كدب ومينفعش ابدا حد يحب حد من ورا شاشه كمبيوتر مش شايفه ومفيش حاجة اسمها حب من النت دة اسمه وهم من النت اعرفي ان كل مشكله وليها حل ومش مهم ان الانسان يغلط المهم انه يتعلم من غلطوا وميكررهوش واعرفي كمان ان نصيبك هيجى لحد عندك بانسان تستاهليه ويستاهلك مش مع واحد بيلعب بمشاعرك وقلبك ومتندميش علي تجربتك لانك اتعلمنى منها وعرفتى نوع من الناس بيعمل ايه المهم انك متوقعيش في الخطأ دة تانى

  11. Ahmed Nabil elmasry
    31/07/2011 at 14:40

    مشكلتنــا أننـا نسـي أخطـاءنـا وأخطـاء غيرنـا بسهوله لأننـا لا نجد من يذكرنــا بهــا .. هل تعلمـي يا أختـاة أن الغرب يقولون على المرأة المؤمنه حقــا الطاهرة النقيه التي تلبس حجابها
    يقولون لهــا انت أنت الملكه .. فيا اختــاه عليكي أن تعودي أولا لله سبحانه فإنه يغفر الذنوب وهو الغفور الرحيم . ألم تعلمي أن الله ينزل كل يوم إلى السماء الدنيــا ويقول هل من تائب فأتوب عليه هل من مستغفر فأغفر لـه .. فاحذري يا اختي من كل هذه الذئاب البشريه واعلمي أن عفتك وشرفك أغلى ما تملكين , وأن صاحب الخلق والدين إذا أراد الزواج فإنه لن يبحث إلا عن صاحبة دين وخلق مثله.
    فلنتعلم من أخطاءنا ونصبر ونحتسب لأمر الله فكن لله كما يكون يكن لك فوق ما تكون ..

    وفى الختــام كما قال صلى الله عليه وسلم وفقكم الله آواكم الله نصركم الله ..

  12. sad heart
    30/07/2011 at 13:50

    انا زيك تماما مشكلتك نفس هيا هيا مشكلتي … وعمل نفس النظام بدافع الحب .. بس انا كان قايلي كده عشان خاطر نحل مشاكلنا لاني ابوه مش موافق . فلما يقوله اني غلط معاها يوافق ويرضى وفي الاخر بعد ما الواحد ضحى بكل شي مياخدش اي شي …الواحد فعلا ندمان اوي لاني ميستاهلش اي شي وخصوصا ثقة اهل وهتنسي ومش هتفتكري اكيد .. انا حاسة بيكي اوي .. عامة ربنا بيسامح ويغفر ..

  13. mohamed eldairoty
    29/07/2011 at 10:34

    اولا نتى مشكلتك دى بتمر على بنات كتييير جدا..بتكون بنات محترمه زيك كده..بس الشباب اليومين دول مش بتاع جواز.عايز يتسلى بأى واحده وخلاص..واللى بيقعوا ضحيه ليهم هما البنات اللى زيك..المحترمين اللى بيصدقوا اى كلمه بتتقال لهم..انا مش هقولك انك مش غلطتى..لا انتى غلطتى فى انك سبتيه يبوسك ويلمس جسمك كان المفروض انك تقوليله انا مش بعمل كده ولو عايزنى وبتحبنى بجد تعالى اتقدملى و بعدها اعمل اللى انت عايزه..ولو اتقدملك يبقى خير و بركه لو خلع يبقى كان نيته وحشه..بس فى الاخر كويس انك عرفتى غلطتك وبقولك متدايقيش و زى ما فى شباب مش كويسين اكيييد فى شباب احسن و كويسين وبقولك كلمه من شاب..بلاش تحبى من الشات و الكلام ده..اينعم هو فى نسبه من الناس حبوا بعض و اتجوزوا من الشات بس دى نسبه قليله جدا..ف متستعجليش على الحب و متزعليش و ان شاء الله يجيلك واحد يتقدملك و تتجوزوا و تحبوا بعض و تعيشوا حياه سعيده..واسف انى طولت عليكى..سلام

اترك رداً أو حلاً لهذه المشكلة