الحب قبل الزواج

تعملى ايه لو كنتى مكانى

اضيف بتاريخ: Friday, April 29th, 2011 في 05:21

كلمات مشاكل وحلول: الحب, الزواج, مشاكل

25 رد to “تعملى ايه لو كنتى مكانى”

1. wega

   

   18/06/2011 at 12:13

   انا كمان اتخادعت كتير بكر تحبى اللى احسن منه ما فيش اى حاجه تستاهل انك تزعلى عليها
2. شوشو

   

   15/06/2011 at 17:36

   الصراحة احسن حاجة عملتيها انك سبتيه دة مريض بجد واذا كان بيضربك وانتو لسة امل لو كنتو اتجوزتو كان زمانة عمل فيكي اية احمدي ربك انك خلصتي منة
3. مش مهم

   

   01/06/2011 at 01:37

   بصى الا اقدر اقوله ان ملوش اى ميزه انك اصلا اتفضلى معها علشانها الا نسان الكدب مش بيتغير ابدا وغير كده مش من حقه انه يتحكم فيك اصلا او حتى يشتمك انت الااديتله حجم اكبر من جحمه معكى وعلى فكره سهل جدا انك تبعدى صلى لربنا وادعيلو وغير رقم الموبيل خالص وسيبك من اكيد ربنا هيكرمك بانسان كويس وجميل زيك باذن الله
4. الحب فى التضحية

   

   06/05/2011 at 14:17

   صدقينى كل شىء قسمة ونصيب ومتقوليش انك خايفة تسيبيه متلقيش حد يحبك او انه لما يكون نفسه يروح لغيرك اوعى تفكرى كدا عشان متندميش الحب موجود وبردو الناس الكويسين موجودين بس احنا اللى مش شايفينهم ولو ليكى نصيب فيه او فى غيره مش هتاخدى غير نصيبك بس
5. الحب فى التضحية

   

   06/05/2011 at 14:12

   هوا اكيد طريقته عجباكى فى انه بيحسسك انه راجل وانه بيخاف عليكى بانه بيقولك كلمى دا متكلميش دا متخرجيش مع صحابك بس للاسف مش دى الرجولة ومش دا التعامل مش كل حاجة سب وشتيمة واهانة الحب دا حاجة تانية ان الواحد يخاف على حبيبته من كلمه تطلع حتى فى وقت ضيقة تجرحها غير كدا انه عنده 23 سنة ولسا مبيشتغلش ومكونش نفسه وكمان بيخونك وبترجعيله انصحك انه مهما قالك تانى متخليش حبك يضعفك خلى عندك عزة نفس وصدقينى بيعمل معاكى كدا لانه شايفك ضعيفة بحبه وانه كل لما بيسيبك ويرجعلك بتوافقى بجد فكرى فى كلامى كويس ومش هتندمى
6. همسه

   

   03/05/2011 at 07:28

   المشكله بصراحه ان اسلوبه عاجبك انتى بيحسسك انه راجل وانك زى ماتكونى مراته ومسؤله منه وبتنفذى اوامره كل ده مش مهم لكن الاهانه والضرب لازم تفهمى ان ده حيكون طبعه بعد كده ولازم تفهمى انه هوائى اول ما تسيبيه يرتبط بغيرك هو مش حيريحك حتى لو كملتى حياتك معاه لكن لو انتى فعلا عاوزة تسيبيه غيرى خطك او مترديش عليه لما يتصل ولو رديتى قوليله انك اتخطبتى وكل شىء قسمه ونصيب
7. نونااه

   

   01/05/2011 at 23:09

   انا عايزه اقوللك حاجه الحب عمره ما كان بلاهانه والغيره عمرها ماكانت بالتحكم حرام ده بني ادام عايز يؤمر فيكي وخلاص وتنفذي طلباته .حاولي تسيبيه وفكري في كل الوحش اللي بيعمله معاكي هتلاقي نفسك شويه شويه بتنسي.وعايزاكي تقكري كده لما تتجوزيه وده طبعا مش هيحصل حاليا لانه بدون عمل .هيعمللك ازاي وبيمد ايده فالشاري امال فالبيت بقي ده اكيد هيعللقك.فكري كده في حياتك الجايه معاه هتكون اززززززززاي؟؟؟؟؟؟
8. مواطنة مصرية

   

   30/04/2011 at 22:06

   ليا صديقة امي المقربة كانت زيك بتفكر في شخص حبته واتخطبت له لكن كانت اخلاقه معاها صعبه جدا وكان بيضربها ويهينها ويحلف انه هيتغير والان عندها اولاد وكبرت وبتلعن اليوم اللي عرفته واتجوزته وللاسف الطلاق صعب لانها من بلد اخر ومش عاوزة تتنازل عن اولادها وحكايات كتير من هذا القبيل ممكن اقولك انتي سطحيه وسلبية ليه كدا هو الحب بهدله واهانه وشتايم هو معندوش ثقة في نفسه بالمرةوهيطلع عقده عليكي ده حتى مش واثق في والدتك ولا فيكي ولا في اصحابك ولا في نفسه ويعرف عليكي ويحاول يرجع لما تحسيسه انه مابقاش شئ فطبعا بيجنن علشان كدا بيرجع علشان حضرتك الساذجة اللي بيحاول يعمل راجل عليها
   حبيبتي ماتيجي كدا نخاطب العقل شويه وتكبري وتاخدي قرارك الصحيح مترميش نفسك للبني ادم ده وتجوزيه ده ماينفعش
   انتي حبي نفسك شويه واعرفي انك تستاهلي شخص محترم عاقل يحبك يحترمك يحترم امك يحترم اولادك مش يطلع عقده عليكم انتي وولادك بعد كده
   الله يهديكي ربنا بيبينهولك بكل موقف وانتي بتعاندي القدر ربنا هيعيطيكي انسان محترم طيب وسيبك من اخينا ياخد واحدة زيه تعرف تربيه وتربي عيلته وبلاش انتي ارجوكي اللهم مابلغت اللهم فاشهد وانتي ماتلوميش الا نفسك وبتمنالك انسان فاضل يعرف ربه واحترام ادميت الناس اللي حاوليه ولعلمك انتي اخطأتي في حق امك لما يتجرأ ويقولك ماتخرجيش معاها وكانها مش مصدر ثقه دي اهانه ليكي وليلها
   أنا لومنك اخلع واجري ولو خلص مناديل مصر كلها بكا بالسلامة يا معقد اشتري نفسك من العيله دي
9. Hanoon

   

   30/04/2011 at 19:44

   السلام عليكم
   حبيبتى انتى قوليله انه يجى يتقدم لو وافق خلاص خليه يروح يكلم اهلك …..
   ولو حسيتى انه بيتهرب وبيتحجج وبيتلكك واصلى وفصلى ……
   خلاص سيبك منه وغيرى رقمك وماتكلميهوش تانى مهما حاول يكلمك او يوصلك .!!!!!!!
10. رجل قانون

    

    30/04/2011 at 13:07

    سيبك منه وفهميه انك اتخطبتى وان والدك مصر ع العريس اللى متقدملك وبعديها تغيرى الخط بس تفهميه الاول ان خطيبك مش عايز حد يكلمك وهو اللى طلب منك تغيرى الخط
    ولازم تبعدى عنه وتلتزمى شوية عشان اللى بتحكيه ده مصيبة
    خليكى عفيفة عندك حياء منتش سلعه رخيصه لازم اللى يجيلك يحفى عشان كلمة منك
11. صاحبة المشكلة

    

    30/04/2011 at 05:31

    ميرسى ليكو بجد بس انا مشكلتى انى مش عارفة ابعد لانة متمسك بيا جدا ومش بيسبنى ولو سبتة بيعدى شهر وبيدور عليا فى كل حتة ولو لقانى بيعيطلى ويتاسف ويقولى انا غلطان واتغيرت وبيبقى خاسس ومتبهدل اما انا فببقى احسن من الاول بكتير ساعات بفتكرة بس مش بحاول اكلمة خالص وهو وعدنى مليون مرة انة يبطل الفاظة دى بس كل منتعارك يقولها ويقولى انتى نرفزتينى بحاول افهمة اننا بشر ولازم نتعارك لاى سبب ومهما كان فى مليون عقاب لو انا غلطانة غير الالفاظ بس مفيش فايدة انا عارفة ان لسة قدامة كتير بس خايفة ميتغيرش وخايفة يتغير ولما يكون نفسة يروح لغيرى لانى بجد مبقتش اثق فية بس من كتر تمسكة بيا مش عارفة ابعد مع انى لما ببعد برتاح بس طول مهو مش بيسئل عليا وخايفة اسيبة ملقيش حد يحبنى مع ان فى كتير كانو بيحبونى حتى من صحابى وانا مش وحشة ولا فى اسلوبى ولا فى شكلى بس من كتر المعاملة معاه حسيت انى شوية بقيت بتغير من جوة لدرجة انى مرة غصب عنى من كتر مبتشتم وبسكت فى مرة رديت بلفظ قذر مع انى عمرى مبقول الالفاظ دى ولا حتى مع صحابى ولا بحب اسمعها
12. القلب الحزين

    

    30/04/2011 at 00:37

    على فكرة انا كمان كنت زيك كدة بالظبط بس الفرق الى بينى وبينك انة مخنيش بعد ماحبنى بجد بس كل شوية يسبنى علشان حاجات تافهة بس تقريبا انا حاسة بيكى لان انا كمان فى الموقف دة وتعبانة اوووووووووووووى ومش لاقية حل ومع احترامى لاراء الاخرين ان الى مش فى الموقف نفسة بيقول الحل بتاعة ومفكر انة سهل علينا ننسى بسرعة بس دا صعب جدااا احنا فعلا مش قدامنا غير ربنا نعيلة وبس وربنا يوفقنا كلنا ويريحنا امين معلش طولت عليكوا
13. احمد ايطاليا

    

    29/04/2011 at 23:40

    اختي ربنا يوفقك الافضل انك تتركية خالص لان الشخص الازى دا موش بتاع جواز ولا هيعرف يتجوز دا بتاع حورات وكدب وخداع لو كدب مرة هقولك ماشي سامحية لكن دا كدب مرات ومرات والافضل ليكي ولية اقوولها صراحة انا موش بحبك واتقدملي عريس طفشية وانفدي بجلدك وربنا يوفقك
14. رانا

    

    29/04/2011 at 20:52

    sorry قصدى خطك يعنى شريحة الموبيل
15. semsem

    

    29/04/2011 at 20:52

    انتى لازم تسيبيه دا ملوش امااان خالص وبعدييين انتى عندك 23سنه وهو لسه معملش اى خاجه ولا جهز نفسه وبعدين دا بيسبلك بالدين يعنى مهما كانت مميزاته سبه بالدين يمحيها اوعى ترجعيله وربنا يوفقك
16. رانا

    

    29/04/2011 at 20:50

    غيرى خطتك اللى زى ده ما ينفعش تديله الامان واللى يخون مرة بيعيش طول عمره خاين وواضح ان اخلاقه مش كويسة وطبعه وحش وغيور اوى وبعد فترة هيتحول الحب لتوق يخنئك بيه حولى تبعدى عنه تدريجيا” وطالما انت محترما اكيد هتلاقى المحترم اللى يحافظ عليكى بس بأدب واحترام وان شاء الله ربنا هيسعدك
17. مصريه وافتخر

    

    29/04/2011 at 20:03

    حبيبة قلبى واضح من كلامك انك حبتيه والا مكونتيش فكل مره ترجعيله بس خليكى معايا كدا وخلينا نفكر سوا تخيلى حياتك معاه بعد كدا لو اتجوزتوا هتكون عامله ازاى ضرب واهانه وبهدله على اتفه الاسباب اذا كان بيعمل كدا دلوقتى امال لماتبقوا فبيت واحدهيعمل معاكى ايه وانتى بتقولى ان اهله كمان كدا يعنى دى طريقتهم ودا اسلوبهم بيتهيالى صعب اوى ان الواحده تعيش مع واحد يلغى وجودها بالشكل دا وكمان بيهنها اوى كدا وبدون تقدير منه ليها بتقولى اصده ازاى بس مش دا السؤال الصح السؤال الصح هو انتى فعلا عايزه تصديه ولا لأ لانك لوعايزه فى الف طريقه وطريقه يعنى مثلا غيرى رقمك او خلى حديقفله من اخواتك او او او صدقينى فى ألف حل وحل المهم تكونى عايزه تعملى دا بجد حببتى ياريت تخافى على نفسك اكتر من كدا
18. dolly

    

    29/04/2011 at 19:14

    انا ولا اعرفه تانى دة ميستهلكيش اصلا ولسه هتضيعى سنين من عمرك لحد ماهو يكون نفسه علشان يقدر يجي يتقدملك غير كل دة كداب وخاين وزى ماقولتى عيوبة مغطية مميزات يبقى مايستهلش لانه مش هيتغير انتوا بقالكوا تلات سنين لو كان عاوز يتغير كان اتغير وعملك اعتبار فحياته نصيحة منى سبية واما يتصل مترديش اصلى نايمة اصلى برة اى حاجة الحجج مش بتخلص وزى ماسبتيه ممكن تسبيه تانى المهم تدورى على نفسك وحياتك مدام هو مش بيدور عليها اساسا يبقى تفضلى معاه لية وكمان واضح ان المستوى بتاعه متدنى وانتى يعتبر بتهينى نفسك ومن دلوقتى شتيمة وضرب امال بعد كدة اية دورى على مصلحتك افضل

    اسفة للاطاله واتمنالك التوفيق
19. الصقر العربى

    

    29/04/2011 at 17:40

    والله انا مش عارفه انتى اصلالالا عاوزه ايه
    يا بنت الناس هذا انسان مريض
    اذا كان بدون زواج يضربك و يشتمك و ياحكم فيكى
    ما سالتيش نفس سؤال
    بعد الزواج لما تكونى ملكه هيعمل معاكى ايه
    هذا انسان مريض بحب التملك و فرض سلطته على غيره
    خلاف انه خاااااااااانك مع بنت تانى
    خلاف انه كذاب
    و يسب الدين
    ازاى هتتزوجيه
    كان المفروض تقعطى علاقته بيه فوورا لما عرفتى و تاكدى انه على علاقه ببنت عيرك
    ولا انتى معندكيش كرامه
    انا لو مكانك
    ادوس عليه و على حبى
    فى سبيل كرامتى
    واكيد ربى هيرزقكك باللى يعرف قيمتك و يحبك اكتر منه
    ابعدى عنه لانك مستحيل هتعيشى معه سعيده بعد الزواج
    تحيااااتى
20. الفيلسوف

    

    29/04/2011 at 17:22

    اختى الغالية ,, سلام عليكم
    من الواضح انه مبيحبكيش ومش هيعمل حاجه او يتغير عشانك هو ميستهلكيش وانا مش عايزك تتعلقى بيه اكتر من كده عشان متتصدميش لانه الى اتعود انه يكذب ويخون ويشتم ومش عايز يتغير عمرك ما هتكونى سعيده معاه لو انتى بجد اقتنعتى انه خلاص الموضوع انتهى مش هتديلوا فرصه وهتعرفى تصديه بس انتى اقتنعى من جوه نفسك , وقربي من ربنا وباذن الله هيعوضك واسف انى طولت عليكى , ربنا يكرمك يا رب
21. ايمى الزملكاوية

    

    29/04/2011 at 17:00

    اممممممم مش حكاية غيرى الخط هاتى خط تانى المصيبة ويا خوفى لو كان عارف بيتك بس انتهت المشكلة كويس انك فاهماة ومش حابة لان سلبياتة اكتر من المميزات ربنا يوفقك ويكون فى عونك ويقوبكى
22. مونى

    

    29/04/2011 at 14:52

    تصدقى انا فى اول الكلام كنت فاكره انكو مخطوبين بس واضح انه غير كده خالص واحد زى دة متستحقش انك تعبريه اصلا دة عندة حب تملك عايزك وعاوز غيرك برضو دة مريض يابنتى سبيه وريحى نفسك
23. omda

    

    29/04/2011 at 14:12

    الحب يعنى اتنين بيدوا ولكل فعل رد فعل لو انتى شايفه انك بتدى اكتر ما بتخادى يبقى مش حب والعكس
    واضح انك قرفتى منه بس طيبتك بتخليه يصعب عليكى وترجعيله
    ياما اتنين بيحبوا بعض جدا بيكتشفوا بعد الجواز استحاله العيشه بينهم
    طيب تقولى ايه عليكى انتى و هو قبل حتى ما ترتبطوا رسمى بيعمل كده
    راجعى نفسك وقسى قلبك وخدى قرار و نفذيه
24. آه ياعمرى

    

    29/04/2011 at 13:49

    ايه ده كله يا بت الناس دا جوزك المفروض ميعملش معاكى كده دا مش بنى ادم نهائى لما بيعمل معاكى كده ومفيش بينكم حاجه رسمى امال لو حصل واتجوزك ولو انى معتقدش ان ده هيحصل هيعمل فيكى ايه اخلصى من الكابوس ده بسرعه دا بيمارس عقده عليكى وانتى ياعينى شكلك طيبه وبت ناس محترمين
25. hani-2

    

    29/04/2011 at 12:34

    السلام عليكم
    أنت تعيشين في وهم مع هدا الشخص وعن أي حب تتكلمين ؟؟؟؟؟؟
    الحب الممزوج بالشك والغدر ليس حبا ويجب أن تتركي هدا الخائن لانه سوف يحطمك أكثر وان شاء الله سوف يعوضك الله بزوج صالح اما هدا الشخص فلا يستحق انسانة بريئة وطاهرة مثلك …