الحب من طرف واحد

وضاع الحب ولكن من طرف واحد

انا دلوقتي طالب في سنة تالتة كلية و لما دخلت الكلية في سنة اولي بعد فترة من بداية الدراسة اتعرفت ببعض البنات الزميلات و من وسط هؤلاء البنات تقربت من بنت اووووووووي و كنا بجد مثل لاحلي اصحاب و كانوا يطلقوا علينا وسط الكلية اننا نكمل بعض و كنا نعم الانتيم الاصدقاء بجد اقرب ولد و بنت ممكن يعرفوا بعض اصدقاء لدرجة كبيرة جدا مش ممكن حد يتخيلها نعرف عن بعض كل حاجة و كنا محترمين مع بعض جدا و الله كانت زي اختي و بخاف عليها جدا و متخيلتش يوم اني ممكن احبها و كنت بحكلها علي اي حاجة جوايا و هيا كمان و اخوات لدرجة كبيرة و بنتفق مع بعض و نرتاح لبعض و عمرنا ما زعلنا من بعض . كانت كل حاجة ليا  و بالنسبة لها كل حاجة و بعد فترة معينة بدأت تعجب بصبيان و ترتبط و انا برضو نعم الصديق المخلص و لكن مع الوقت بدأت اضايق بيني و بين نفسي بس برضو كنت الصديق المخلص و لكنها مع الوقت و انا بجانبها في كل لحظات ضعفها و هيا كمان بتساندي احزاني و لكن وسط ارتباطها لاقيتها في بعض  الاوقات بتنسي هذا الصديق المخلص و كل كلامها عن اني هفضل صديها و اقرب واحد ليها اصبح وهم بس انا كنت اتعلقت بكلامها و رسمت الصورة لصداقتنا اللي هتستمر لاخر العمر و بدأت تخسرني علشان خاطر حيببها و لما يسبها تبدأ ترجع تاني و انا برجع لاني  بقيت مش بقدر استغني عنها و تقولي هنرجع اصحاب تاني و انا مش غلطانة و انا ليها حبي بيزيد يوم بعد يوم و مع ذلك مش قادر ابين و هيا بتنجرح و نفسي اعوضها بحبي ليها اللي ممكن يملي الدنيا كلها لانها قالتلي ان الصداقة اغلي من اي حب و كنت خايف اخسرها لو قولتلها و لكن بعد فشل ارتباطها نصحوني اصحابي اني اقولها و اصارحها بمشاعري يمكن يبقي عندها قبول ليا و توافق و لكن كنت برفض لااني عارف اننا اصحاب و اخوات و لكن بعد تفكير قولت اخلص من العذاب اللي انا فيه و جايز توافق و صارحتها بحبي كنت متوقع انها تصدني و لكن لاقيتها بتاخد و تديي عشمت نفسي انها وافقت و لكن كان ردها اني مش عايزة انجرح تاني .. و انا اجرحك ازاي و انا بحبك و نفسي تعوضيني عن كل جرحي و حد يقدر يجرح نفسه انتي نفسي و احاول معاها شهور و شهور و اقطع و ارجع تاني اصرحها  و كنا برضو بنتكلم مع بعض و تقولي هنفضل اصحاب  لحد الوقت الحالي مش قادرين نبقي اي حاجة لبعض و لا اصحاب و لا احباء و انا لسه بحبها و هيا شكلها هترتبط و داخلة علي جواز و انا مش قادر ابص لغيرها حاسس انها خدت قلبي معاها و اصبحت تلومني علي اني حبتها و اكاني اجرمت في حقها..  بس انا برضو بحبها و مش عايز حبي ليها يضيع نفسي تكمل معايا بقية عمري و نرتبط رسمي بعد لما نتخرج … بس هيا مش بتحبني و انا مش اقدر ابعد عنها و انها مش مجرد حب و هيروح ديه كل حاجة في الدنيا ليا .. و بقيت بالنسبة لها و لا حاجة …… و حاسس اني ضايع من غيرها انا بحبـــــها اووووووووي … قوللي اعمل ايه؟؟؟؟؟؟؟؟؟؟

مشاكل وحلول ذات صلة

اضيف بتاريخ: Friday, November 5th, 2010 في 21:18

كلمات مشاكل وحلول: , , , , , ,

39 رد to “وضاع الحب ولكن من طرف واحد”

  1. الاميرة الحزينة
    06/04/2011 at 17:49

    لا تحزن يارب يارب تحب وحدة تسعدك وتحبك وتحبة متزعلش يا اخى هى لا تستحقق بل تستحق وحد تكون بتحبك انت الاول والاخير بنسبة لها

  2. الاميرة الحزينة
    06/04/2011 at 17:46

    الحب صعب صعب اوى يا اخى كان اللة معك انت مش غلطان هى مش رضية تكسب حب حقيقى

  3. No0oR
    18/01/2011 at 15:59

    طيب كويس الحمد لله انك قدرت تعمل كده ده كويس

    وان شاء الله هتنسا

    وربنا هيعوضك خير

    وهي مفتكرش انها زعلانه

    هي اكيد كده وصلت للي هي عوزاه

    وانت كمان توصل للي انت عاوزه بإنك تنسا وتقدر تعيش حياتك

    اما بالنسبه لاخباري اهو الحمد لله عايشه

    انت ايه اخبارك وعامل ايه مع الامتحانات؟؟؟

  4. عاشق بلا قلب
    15/01/2011 at 19:16

    @ noor . بجد انا مبسوط جدا بالتواصل ده
    و انا فعلا بعدت عنها و بقت بالنسبة ليا حد عادي جدا .. بس خايف تعتقد اني بعمل كده علشان رفضت حبي ليها .. و نفسي اوصلها اني مش بعمل كده علشان هيا مش رضيت بالارتباط ده . و اني حاولت كتير اني اخلي علاقتنا عادية بس مش بقدر .. و قررت اني ابعد و لما بشوفها بعمل اني مش اعرفها .. بس ده لوقت احس فيه انها خلاص طلعت من حياتي ساعتها ممكن ارجع اكلمها زي اي زميلة عادية .. و انا بحاول اعمل كده في الوقت الحالي .. بس يا تري هيا زعلانة من ده ؟؟؟؟
    و خلاص الموضوع راح لحاله لانها فعلاً يا نور مش تستاهل .. ربنا يوفقها و يعوضني خير
    احكيلي عنك انتي ايه اخبارك ؟؟؟؟؟؟ ……. مستني رأيك
    ))))))))))))) عاشق بلا قلب

  5. No0oR
    06/01/2011 at 07:01

    ولا يهمك عاشق

    خلاص لو هي كده ابعد عنها بجد

    وخليها تصدق انك تقدر تبعد وتنساها

    ولما هتلاقيك بعدت فعلاً

    وتحس انك بتتكلم بجد وتقدر تبعد

    هتقرب هي منك

    وحتى لو مقربتش مش مهم متقربش انت كمان منها

    واعتبرها واحده زي اي واحده

    هتتعب في الاول بس بعد كده هتتعود

    وهتنساها وتلاقي واحده تستاهل حبك

  6. عاشق بلا قلب
    31/12/2010 at 19:29

    @ noor .. انا اسف اني اتأخرت عليكي في الرد
    فعلا انتي كلامك صح .. انا طول الوقت محسسها بحبي .. بس حتي و انا بقولها اني مش بحبها هيا مش قادرة تقتنع و بتحاول تكذبني لانها متأكدة اني هفضل احبها .. و لكن لما بحاول افتح الموضوع بتقولي ان الموضوع انتهي .. لدرجة ان خلاص مبأش ينفع نعرف بعض اصلا.. كل المشكلة ان طول الوقت بحاول اسأل ليه اكتر ناس بنحبهم مش بنعرف نبقي جمبهم و قريبين ليهم ؟؟؟ . يا تري ليه .. يا خسارة … شكرا ليكي يا نور و مستني ردك …..

  7. No0oR
    22/12/2010 at 23:28

    عفوا ياعاشق
    ده واجب عليا

    انا فاهمه اللي انت بتقوله

    بس هي رافضه برضو الحب

    وبترفضه كل ماتكلمها فيه لانك قدامها على طول

    على طول محسسها بحبك

    فهي مش فارق معاها حاجه

    وعارفه انك مش هتعرف تنساها

    علشان كده مش هاممها

    عموما هي لو ليك هتكون ليك مهما حصل

    لو مش ليك مش تزعل نفسك وانساها

    لان في كتير كده مش يستاهلو فعلا

    بيكون عندهم حب امتلاك وخلاص

    اول مايمتلكو الشخص اللي قدامهم

    خلاص يقولوله شكرا

    معلش لو كلامي هيضايقك

    بس بجد حرام اي انسان يتعذب بسبب الحب

    والطرف التاني مش فارق معاه وعايش حياته

    ومعلش اني اتأخرت في الرد

    كان في مشكله عندي ومش كنت بعرف افتح

    اتمنالك السعاده ياعاشق

  8. عاشق بلا قلب
    18/12/2010 at 20:23

    طبعا شكرا علي ردك ..
    بصي انا هقولك انا ممكن اني اكون زودتها معاها .. بس فعلا اللي ميقدرنيش ميستهلش حاجة و انا فعلا قربت انساها … ميرسي علي التواصل

  9. اللهم فارج همي
    10/12/2010 at 14:31

    لو عايز تبعتلي رد ابتعو عندى في مشكلتي انا وانا هابقي اشوفو اوكي

  10. اللهم فارج همي
    10/12/2010 at 14:30

    علي فكره انت صعبان عليا اوى لان انا عارفه ومجربه يعني اى حد يحب حد وميكنش حاسس بيه اصعب احساس بجد يلا ربنا معانا

  11. اللهم فارج همي
    10/12/2010 at 14:24

    السلام عليكم ورحمة الله وبركاته علي فكره انا اللي كاتبه مابقتش عارفه الطيبين بيدوقو هما الجرح ليه واى لسه شايفه رادك علي موضوعي امبارح والنهارده شفت موضوع انت وميرسي لردك علي موضوعي اولا انا هقولك رادى علي موضوعك علي فكره انا قدك بظبط في تالته اكاديميه ومريت بكل الكلام دا او مادخلت برضو وعملت نفس اللي هيا عملتو معاك بس انا الفرق اللي بيني وبينها اني مخلتهوش بيتعلق بيا انا عرفتو شهر وجه قالي بحبك وانا مكنتش عايزه ارتبط لان الواحده لمه بتلاقي الواحد ميت عليها مابتحسش بحاجا من نحيتو اوى بتتخنق لازم تدى فرصه للي قدامك هيا كمان تحبك مش تزودها معاها اوى في حبك دى مشكلتنا كا بنات وشباب برضو نفس الشىء ولعلمك انت بكره هتحب وهاتجوز وهاتنساها عارف انا بقالي فتره كبيره مابكلمش الواد اللي كاتبه مشكلتو دا وانت رديت عليها ولمه بشوفو ولا بيفرق معايا عارف ليه لانو مقدرش حبي وانا اللي مايقدرنيش يبقي علي جزمتي ياريتك تبقي كدا ياريت عشان تعرف تعيش ومع الوقت هاتنسي صدقني

  12. عاشق بلا قلب
    25/11/2010 at 20:33

    @ nooooooooooooor. شكرا لمشاركتك
    صدقيني الي حد ما اللي انتي بتقوليه ده مناسب و انا فعلا لما ببعد بحس انها عاوزاني افضل قريب . و افضل اكلمها و نعرف بعض . بس برضو ايه الفايدة و هيا كل لما يجي الكلام في موضوع الحب تحسسني اكاني غلطت في حقها و انا غلطان اني حبتها و ده غلط كبير جدا . و مش عارفة ان الحب ده حاجة جميلة . مفيش داعي لكل ده انا حبتها و هيا محبتنيش يبقي خلاص ادينا بنقضي وقت و كده كده كل واحد هيبقي ليه حياته و هنتخرج و محدش يعرف حد تاني .
    الموضوع اصلا خلاص معدتش فه كلام يتقال………….
    كل شيئ نصيب
    مستني ردك

  13. No0oR
    24/11/2010 at 10:44

    عاشق بلا قلب ، لمسة حزن
    انا مش شايفه انكو تفضلوا على الحاله دي
    لان انتو كده كل واحد فيكو بيضحي بنفسه علشان خاطر حد بيحبه
    بس المشكله ان حبه ده من طرف واحد
    انا والله جربت اللي انتو عايشينو ده
    بس انتو لو هتفضلو قدامهم كده
    بتسمعولهم وبتحسسوهم ان انتو معاهم ومش قادرين تبعدو
    وان انتو هتفضلو مصدر الحنان والراحه النفسيه بالنسبالهم
    يبقا هما كده هيطمنو لان هما كده مش محتاجين حاجه تانيه
    لازم تبعدو
    لازم هما اللي يحسو بإنهم خسروكو
    لازم كل واحد فيهم يعرف قيمة الحب اللي كان بين ايديه
    والله عمرهم ماهيحسو بقيمة حد فيكو طول ماانتو قريبين منهم
    انا قصتي كانت قريبه من كده
    مش هحكيها علشان طويله
    بس انا لما بعدت عنه
    عرف اني بحبه وحس بقيمة وجودي معاه
    وهو اللي كلمني واعتذرلي
    والله العظيم طول المكالمه كانت اعتذار
    وهو اللي قال مش هنبعد
    وقال دلوقتي عرفت قد ايه وجودك معايا بيفرق
    وكلام كتير مفيش داعي من ذكره دلوقتي علشان انا عاوزه اقدم ليكو حل بس
    هو صحيح بعد كده سبنا بعض هههههههههه بس ده كان بقرار مني
    لكن والله من وجهة نظري انا انسب حل انكو تبعدووووووووووو
    وهما اللي هيحاولو يرجعو
    طالت المده او قربت هيرجعو

    وبتمنى الحل بتاعي يقدم ليكو اي فايده

    وآٍسفه ع الاطاله

    ربنا يسعدكو ويوفقكو ويوفق كل اتنين بيحبو بعض

  14. عاشق بلا قلب
    19/11/2010 at 20:34

    @ لمسة انا مقدر اللي انتي بتقوليه و عارف انك فعلا بتتعذي من غيره و نفسك فعلا تسمعي صوته و تكلميه .. بس مينفعش بعد اللي حصل . و جايز انا بالنسبة ليا الوضع مختلف لان هيا اصلا مفيش حد في حياتها و هيا دايما بتقولي اننا نفضل اصحاب ده ممكن اللي خلاني اتصل بيها و فعلا انا اتصلت بيها . و هيا من اول ما عرفتها و هيا عمرها ما فكرت تسأل عليا و لا تهنيني في اي مناسبة و انا من زمان واخد علي كده معاها .
    بس انا عاوز اقولك حاجة جديدة اني و انا بكلمها لاقيت نفسي مش حاسسها و مش سامع صوتها و حاسس انها غريبة عني و مش هيا البنت اللي بحبها .. و زعلت جدا لان الحب ده كان اكتر حاجة حقيقية في حياتي و قعدت اسأل نفسي ايه الي حصلي ازاي مش بقيت احس بيها
    و انا دلوقتي مش عارف ايه اللي حصل .. تفتكري اني مش بقيت احبها زي الاول ؟؟؟؟؟
    مستنيكي تردي عليا ..
    اما بالنسبة ليكي .. فلازم تعيش حياتي و تكمليها علي اساس انه مش بقي فيها و بقي حد عادي خلاص لان كفاية اللي ضاع منها . امنالك حياة سعيدة

  15. لمسة حزن
    16/11/2010 at 15:35

    اللى انا عملته بانى بعدت عنه لانى مش بقى من حقى انى اكون معاه
    غيرت رقمى وكل حاجة يوصلى بيها وكمان عشان نفسى بانى محنلهوش
    بس مش عارفة اللى انا عملته ده صح ولا غلط بس اللى انا عارفاه
    بانى هتعذب اوى فى بعده عنى ولااسمع صوته لانى فعلا قررت بانى اطلع من حياته نهائى
    بس انت عارف انى اتمنيت من ربنا بانه يعرف قيمتى كويس بعد مااسيبه
    انا اصلا ببقى مش موجودة حتى لو معاه رقمى فين وفين لما يسال ويتصل عليا
    يلا ربنا يحميه ويسعده ويارب دايما امع عنه اخبار كويسة

  16. عاشق بلا قلب
    15/11/2010 at 15:08

    @ لمسة حزن .. طبعا كل سنة و انتي طيبة و عيد اضحي سعيد
    صدقيني انا اللي بنصحك مش قادر انسي .. و سعات فعلا زي ما بتقولي بحن و بفتكر الايام اللي كنت فيها اقرب واحد ليها و هيا كانت اقرب حد ليا و اقول بجد مين اللي السبب معقولة بعد كل ده و الكلام اللي كانت بتقوله اني هفضل اقرب حد ليها حتي لو اتجوزت يبقي وهم و نبقي في يوم ولا حاجة و كل صداقتنا ديه و لا حاجة و نزعل من بعض و اصحابنا هما اللي بيصلحونا .. انا عايز اقولك اننا كان عمرنا ما بنزعل من بعض و لا حد كان ممكن يدخل بينا و يعرف اي حاجة بتحصل .. بجد بفضل استعجب من اللي بيحصل ده .. و بالرغم انها بتعمل حاجات بكون مخنوق منها اوي
    بقعد مع نفسي و اتخيل اني بحب فيها .. و ببقي سعات كتير نفسي اكلمها و قولها كلمة حبيبتي بس مش بقدر علي كده .. لانها مش عاوزة كده .. انا عايز اقولك اننا كنا زعلانين من بعض قريب لاول مرة بحس انها كانت مضايقة جدا اني مش بكلمها و مش بعبرها .. طب ازاي عايزة ايه مني ..
    و كتير بقولها احنا لازم مش نعرف بعض بعد اللي حصل لاننا اصبحنا و لا حاجة لبعض .. تقولي احنا عايزين نرجع اصحاب .. و اقولها مش هينفع و هيا توافق اننا نبعد .. بس برجع و اكلمها لاني مش بقدر اشوفها و مش اكلمها و اشوفها بتكلم حد تاني و مش اضايق .. لانها كانت و مازالت كل حاجة .. بس صدقيني بقيت بقدر احوش نفسي و مش اكلمها .. و ده بحمد ربنا علي اني بقدر اعمل كده .. و انا مش معاكي انك تلومي قلبك .. لان صدقيني عمر القلب ما كان ليه زنب .. زنبه اللي كان نفسه يحب و يتحب . زنبه انه اتمني يعيش احلي احساس في الدنيا . زنبه اللي كان نفسه في حد يخاف عليه و يحس ان حد بيهتم بيه و هوا كمان يخاف علي حد و يهتم بيه .. زنبه كمان انه اتحرم من احساس الحب ده .. بس ممكن يكون زنبه انه حب بجد لانسان مأدرش معني حبه ليه .. بس صدقيني انا مينفعش الومها و لا الوم الانسان اللي انتي حبتيه .. لان هوا كمان ملوش زنب .. انتي ممكن تقولي زنب الظروف القدر اللي خلاكي تحبيه .. بس برضو مش هتعرفي تلقي باللوم علي مين بالظبط .. كل اللي اقدر اقوله ربنا يسامح اللي كان السبب ..
    و عيد سعيد .. و اتصلي بيه و اقوللي كل سنة و انتا طيب . و انا كمان هعمل كده
    علشان برضو في يوم من الايام كنا اصحاب و قريبين لبعض
    مستني ردك عليا

  17. لمسة حزن
    14/11/2010 at 21:50

    فاهمة وده اللى هيحص قعدت مع نفسى وقررت بانى لازم انسى
    بس ياريت فعلا اقدر انساه لانى بجد حبيته اوى المشكلة انى بحن بسرعة
    ولمما بقعد نفسى وبفتكر الايام كانت بيننا سواء كانت صداقة او حب
    بتوجع اوى وبقول ليه حصل كل ده بس بقول الحمد لله
    انا فرجناله لانى شيفاه مبسوط سعيد وانا قولتهاله فى يوم لو انت مبسوط معاها
    وعايز ترجعلها ارجعلها قالى ازاى قولتله انا يهمنى تكون مبسوط حتى لو مع واحدة غيرى
    انا اه اتمنى انى اكون بدالها بس انا عارفة انى مش هقدر اخد مكانها فى قلبك
    قالى ساعتها انتى حاجة وهى حاجة وعرفت بانك انتى اللى بتحبينى وبتخافى عليا
    اكتر من اى حد حتى اهلى مش بيهتموا بيا زيك كدة بس يلا مفيش نصيب انه يكمل
    انا اتمنيت بانه يدخل العيد واحنا مع بعض احباب بس الظاهر انى مليش نصيب
    بقى من نصيب واحدة غيرى
    ربنا يسعده ويصبرنى ع اللى انا فيه ويهون عليا
    الله يسامحك ياقلبى

  18. عاشق بلا قلب
    14/11/2010 at 18:43

    @ لمسة حزن
    بصي انتي جايز اول ما صارحك انتي كنتي مش حاسة انه صادق في حبه و كنتي عارفة انه لسه سايب البنت ديه بس انتي صدقتيه لانك كنت فرحانة اووي و نفسك في اللحظة ديه و كنت عاوزة تصدقي .. و جايز برضو كنتي عارفة انه لسه بيحب البنت التانية و مش صادق في حبه ليكي و انه ممكن يكون عاوز ينساها بيكي .. بس المشكلة انك كنتي عاوزه و نفسك في انك تعيش الحب معاه حتي لو كان وهم حتي لو دقايق ثواني بس نفسك في اللحظات ديه معاه … انا زيك في اول لما صارحتها بحبي و كنت عارف انها مش موافقة و هيا مجرد بتسمعني و تنسي بيا حبها و حبيبها اللي سابها بس انا كنت فرحان باللحظات اللي هيا بتخليني اعبر فيها عن حبي ليها و كنت عارف انها مش هتستمر كتير و عارف انها في يوم هتاخد القرار و تقولي انا فعلا خلاص مش عايزة الحب . بس الحقيقة هيا مكنتش بتقولي انها موافقة هيا مجرد كانت بتدي لنفسها فرصة و تديني فرصة اعبر عن حبي .. لدرجة اني نفسي في لحظة رومانسة جميلة و اقولها كل كلام الحب اللي في الدنيا و اقولها بأعلي صوتي انا بحبك .. بس ده مش هيحصل و لا عمره هيحصل لان انا خلاص قررت ان ادوس علي كل حاجة .. وربنا يوفقها و انا خلاص مش عايز حاجة تاني غير اني افضل علي ذكراها .. و انتي كمان اقنعي نفسك بأن خلاص و كل حاجة انتهت . صدقيني علشان تعرفي تعيشي زي انا كده اتعودت بأنها متكنش حاجة في حياتي مجرد حد عادي بس هيا لسه مش كده في الحقيقة و حسست نفسي علي ان ممكن في لحظة و اعرف انها ارتبطت .. ياريتك تنسي كل حاجة و تكملي حياتك . و اكيد ربنا يوفقك
    بس اوعي في يوم تدي قلبك لاي حد ميستهلوش و تقنعي نفسك بالحب الا اذا حسيتي انك نسيتي خلاص
    مستني ردك

  19. لمسة حزن
    13/11/2010 at 23:37

    كلامك جميل اوى ياعاشق وفعلا قصتنا وحدة
    بس اللى حصل النهاردة واللى فوجئت بيه بانى اللى حبيته
    رجع لحبيبته اللى قالى بانى عمرى ماهرجعلها
    انا مش زعلانة ده نا فرحناله بس زعلانة ع انى كنت مجرد صورة ليها بالنسبالة
    زعلانة ع الايام اللى جه وصارحنى فيها بحبه ليه حبنى مادام لسة بيحبها
    لما سالته قولتله انت مبسوط قالى اه قولتله ربنا يهنيكم ويسعدكم
    وتكون اول واحدة تحضر خطوبتكم
    انا فعلا كنت بتقطع من جوايا وانا بقوله كدة واول ماعرفت انه رجعلها
    حسيت انى مش عايزة حاجة من الدنيا دى مش عايزاها
    ليه قالى انه بيحبنى وليه رجع للى بيحبها تانى مع انها كانت سبته واتخطبت
    وسابت خطيبها ورجعت ليه تانى انا حاسة بيه لانى فى حالته مش قادرة احس بحد
    ولاادى قلبى لاى حد علاقتنا قلت اوى مبقتش زى الاول

    مش قادرة اعيش حياتى من غيره بس انا زى ماانا لو احتاجنى هيلاقينى
    اعمل ايه حد يقولى انا تعبانة اوى وتعبت اكتر لما عرفت انه رجع
    للى كان بيحبها

  20. عاشق بلا قلب
    13/11/2010 at 16:42

    @ لمسة حزن و كل اللي شاركوني مشكلتي .. شكرا لمشاركتكم ليا و ردكم عليا..
    انتي بجد كل كلمة بتقوليها اكأنك بتفسري حالتي .. بس الفرق بينا انك انتي اللي بتحبي و انا اللي بحب هوا اللي بيجرح و هيا اللي بتجرح .. زي ما انتي بتقولي انكم كنتوا اصدقاء اوي احنا برضو كنا كده كنا بنكمل بعض كنا اقرب اتنين لبعض بنجي سوا بنروح سوا و نقعد سوا كل حاجة تخصني او تخصها كانت معروفة لينا .. كنت عارف كل حاجة عنها و ان اي يخصها .. انا بجد كنت مبسوط بده اووووي و كنت فرحان ان اخيرا الحلم اللي حلمته اتحقق ان الاقي حد قريب مني .. عمري ما كنت اتخيل اني في يوم ممكن اتعلق بيها او احبها .. كنا دايما نقول احنا صداقتنا هتستمر طول عمرنا و هتبقي خرافية .. و كنا بنلمح لبعض اننا عمر ما الحب هيدخل بينا .. كانت بتحكيلي علي اي حاجة جواها و انا كمان اي بنت كانت بتعجبني كنت باجي احكيلها …. و في يوم بعد ماجت تقولي انها معجبة بانسان بس الموضوع فشل .. الشك ساورني و فكرت ان خلاص هتسبني علشان اي بني ادم هترتبط بيه .. بالرغم من اني كنت كل حاجة متخيلتش يوم اني ممكن اكون مش اول واحد في حياتها و هيا كمان ممكن حد ياخد مكانها .. و قولتها ان القرب اللي بينا خلاني مش قادر اسغني عنك و انتي مسيرك هترتبطي و هتسبيني لكن انا خلاص مش عايز اي حاجة غيرك . و قولتلها احنا لازم نبعد عن بعض .. و كنت بتقطع كل اللي الكلام ده كان بيخرج غصب عني .. قعدت تقنع فيا ان ده مش هيحصل .. و اشهر جملة ليها ” انا ممكن اسيب حبيبي علشان خاطر صديقي ” . بس انا صممت علي موقفي و هيا قالتلي براحتك طالما انتا عايز كده خلاص زي ما تحب . كنت هتجنن ازاي توافق بالسرعة ديه .. كان ساعتها مش عارف و مش قادر افسر حبي و قربي ليها و كان مجرد حد قرب من حد اوي و اتعلق بيها كاصحاب .. و حسيت ان الدنيا ساعتها فضيت من حوليا و بقيت لوحدي كنت نفسي اموت لان اقرب حد ليا سابني .. لكنها صلحتني و قالتلي انها كانت بتهزر و قالتلي علشان احسسك ان الموضوع مش هيبقي عادي علينا .. ياه فرحت ساعتها اوي و حسيت ان الدنيا كلها اتملت ناس و بقيت اسعد واحد في الدنيا و رجعنا تاني و قولت خلاص مش هتبعد و هنبقي اصحاب حتي لو ارتبطت و هيا اقنعتني بكده . لحد لما بدأت تبعد شوية شوية و تخبي عليا حاجات و انا برضو لسه الصديق المخلص .. لحد ما ارتبطت و باعت كل حاجة كنت ساعتها بدأت احس بالحب ناحيتها و برضو مبينتش حبي ده . كانت علاقتنا قلت شوية و لكن برضو مع بعض و لكنها لما سابت الانسان ده و عايزة نرجع تاني انا فرحت بكده .. و فكرت بعد ماسألتها و قالتلي انها مش بتفكر فيه اني اصارحها و قولتلها و صارحتها كنت حاسس في الول انها مبسوطة ان كل القرب اللي بينا كاصحاب يتحول لحب كبير من ناحيتي .. و الله ما كنت عاوزها تحبني زي ما بحبها انا بس كنت عايزها تسبني اعبرليها عن شعوري اللي كاتمه جوه قلبي كتير اوي .. و بدأت قصة الكفاح زي ما حكيت اني ابعد و ارجع اصارحها و ترفض برضو علشان مفيش حب حقيقي و الحب كله خداع و جراح … لكن صوابعها مش زي بعضيها و في ناس بتحب بجد و انا بحبك حب الدنيا كله و اقولها اديني فرصة اعوضك و اعوض نفسي لكن مفيش امل .. كانوا اصحابي بيقولولي علشان مش عرفت غيرها و لا قربت لحد تاني .. و انا اقولهم لا ده مش حقيقي لان لاقيتها غير كل البنات ديه حد مختلف و انا مش قادر احس حاجة مع حد تاني ..
    و هيا دلوقتي عاوزني انسي كل حاجة لكن انا مش هنسي و عايزة تبعد خلاص براحتها .. و انا برضو هفضل احبها .
    بس عارفين المشكلة ايه؟
    انها حتي لو وفقت في يوم هقولها معدش ينفع.. الوقت فات حتي لو لسه بحبها اوي … و كل يوم بعقد اسألها في خيالي” انتي عملتي كده؟ ليه ضيعتي حبي ليكي و اقولها مش هتلاقي حد يحبك قدي ؟”
    و كل يوم بتغلط اكتر .. بتعمل حاجات بتضايقني لدرجة اني نفس انساها .. علشان احسسها انها و لا حاجة ..
    >>> نهاية قلب … كله عشق و حب لحد ميستهالش
    مستني ردكم عليا .. و شكرا
    عاشق بلا قلب

  21. لمسة حزن
    13/11/2010 at 11:43

    ميرسى اوى ياعاشق على نصيحتك بس زى ماانت مش قادر تنسى اللى بتحبها
    وتكون بس عايز تكون معاها متسبههاش عشان لو احتجتلك تبقى جمبها
    انا زيك واكتر انا طالبة فى الفرقة الرابعة وبحبه من سنة تانية
    انا معاه وبكلمه لسة لانى مقدرش اسيبه لوحده لانه دايما بيرتاح معايا
    وانا مقدرش اشوفه مضايق او مبسوط ومكونش معاه والمشكلة انه بيقعد يحكيلى
    انه اتعرف على دى ودى وبنات كتير كنت بتقطع من جوايا وانا بسمعله
    وبقوله شوف لو ارتحت مع حد فيهم وحبيت واحدة روح اخطبها وكمل حياتك معاه
    انا بجد بتمناله السعادة مع انى نفسى يكون هو نصيبى ولما بقعد افكر فيه ببقى اتجنن
    من كتر التفكير ليه حصل كل ده وليه مبقاش ليا ولا انا ليه انا عارفة نصيب
    بس انا فعلا حبيته ومش قادرة احس باى حد غيره ورفضت عرسان كتير بسبب
    الموضوع ده لانى فعلا مش قادرة انساه وكل مااحاول ابعد
    بلاقيه يقرب منى تانى او اسمع انه فيه حاجة ساعتها بجرى وبتصل عليه
    وبسمعله واخفف عنه وانا متاكدة بانه عارف انى لسه بحبه وقالى فى يوم
    لو لفيت الدنيا عمرى ماهلاقى حد حبنى قدك ولا خاف عليا زيك ولا فى حنيتك
    واخلاقك
    مش عارفة بجد اعمل ايه حيرانة اووووووووى

  22. عاشق بلا قلب
    12/11/2010 at 14:46

    @ القلب محتار و القلب غفار .. طبعا متشكر لمشاركتك ليا
    و متشكر اكتر علي النصيحة الغالية ديه
    بس مفتكرش في حاجة هتغير .. لو كان علي الكلام اتقال كتير و اذا كان علي الاحساس اتحس اكتر
    و برضو لو علي الافعال اتعمل كتير و اتفعل اكتر
    و انا مش محتاج اقول و لا اتكلم تاني … لان خلاص فات
    وقته .. و انا منذ وقت قليل اوي قررت ان ارتباطي يكون بحبي مش بيها هيا لان بجد
    انا مش بقيت عاوز الارتباط ده ……
    صدقيني لو في ظروف غير كده … رسالتك ديه كانت هتفرق كتير ..
    مستني ردك عليا
    >>>>> عاشق بلا قلب

  23. القلب محتار والقلب غفار
    11/11/2010 at 18:50

    أنا عندى رأى ممكن يفيدك
    ابعتلها رسالة وقولها : سأظل أحبك وإن طال إنتظارى … فإن لم تكونى قدرى فقد كنت إختيارى.
    صدقنى الكلام دا يأثر فى أى حد وياريت تعمل اللى مقدرتش أعمله
    *****
    على فكرة مشاكل الناس بقدر أحلها أكتر من مشاكلى

  24. عاشق بلا قلب
    11/11/2010 at 12:36

    @ سيد العاطفي .. طبعا انا شاكر مشاركتك ليا للمرة التانية
    و انا اعمل بنصيحتك و انا فعلا بعمل بيها . بس خايف الصبر ينفذ و الحب يضيع
    بس هتصدقيني لو قولتلك اني هفضل احافظ علي الحب ده لاخر يوم في عمري .
    حتي لو هيا كان ليها نصيب مع حد تاني …

  25. سيد العاطفى
    10/11/2010 at 21:09

    ايوه كده يا صحبى خليك معاها ولا تيأس
    فلا يأس مع الحياه ولا حياة مع اليأس
    لازم تتابع اخبارها حتى لو من بعيد
    ودايمآ يكون كلامك وتصرفاتك ناحيتها تدل انك مازلت بتحبها وعايزها
    واهم حاجه لازم تظهرهالها دايمآ انك ما تعرفش بنات غيرها خالص لا علاقه بجد ولا حتى صداقه
    عشان تبقى فى نظرها انك مخلص ليها ومستنيها
    واوعه تحاول تكرهها فى اللى هيا بتحبه عشان ما تاخدش عنك فكره انك انانى بتفكر فى نفسك وبس
    لكن اظهر قدامها انك بتتمنالها السعاده حتى لو مع غيرك
    وصدقنى كل ده هيأثر فيهاوهيخليها بكره وبعده تفكر فيك وتحبك وتبقى فى نظرها فتى احلامها
    ومن كل قلبى ادعيلك ربنا يوفقك ويسعدك ويروق بالك باللى شاغل بالك
    (سيد العاطفى)
    مصر___بنى سويف

  26. عاشق بلا قلب
    10/11/2010 at 19:30

    @ سيد العاطفي .. شكرا لمشاركتك ليا
    طبعا متشكر اوي علي النصيحة ديه
    انا فعلا بحاول احسسها علطول اني حبي ليها .. عمره مهيروح و لا هيقل يوم و علطول قريب ليها
    و هيا كمان .. حتي و هيا مش عايزة تقرب ليا .. فعلاقتنا لسه مستمرة و مش عايزة تبعد عني
    و انا اكيد هعمل بنصحتك و هستمر في كده
    و مبرووووووووووك ليك … مستني ردك عليا

  27. سيد العاطفى
    10/11/2010 at 00:52

    انا من رايي يا صحبى
    انك تفضل معاها على طول يعنى تحاول دايمآ تكلمها وتقرب منها
    ودايمآ توضحلها اكتر انك بتحبها
    وانك هتسعدها ومش هتسيبها خالص وهتحقق لها كل احلامها بمشيئة الله
    وان هى بعدت عنك انت قرب منها عشان تحس انك بتحبها كتير وانك متمسك بيها وانك عايزها بجد وانك مازلت بتحاول ولم تيأس
    انت لو عملت زى ما بقولك كده احتمال كبير تفكر فيك وتحبك
    خصوصآ لو اللى هى بتحبه دلوقت سابها او سابته هى لانه مثلا انسان مش كويس ساعتها هتلاقيك قدامها وغصب عنها هتحبك وهتتمسك بيك وهى هتلاقى الكل بيقولها خليكى معاه اللى هو انت لان كمان الناس هيقولولها خديه هو بيحبك احسن ما تاخدى واحد مش بيحبك
    على فكره الكلام ده عن تجربه بس الفرق بينى وبينك انكم انتوا كنتوا اصحاب لكن احنا كنا يادوب قرايب وبعد ما اللى هى بتحبه سابها لقتنى بحبها ومتمسك بيها وعايزها فقربت منى وحبتنى وخطبتها
    وانا انصحك بكده وان شاء الله طول ما انت نيتك كويسه وناوى تسعدها يبقى ان شاء الله هتكون من نصيبك وربنا يوفقك واتمنى التواصل منك
    (سيد العاطفى)
    مصر—بنى سويف

  28. عاشق بلا قلب
    09/11/2010 at 22:00

    @ mano …. شكرا لمشاركتك ليا
    انا معاك اني المفروض كنت اصارحها في وقتها جايز الوضع يكون غير كده
    بس تصدقني لو قولتلك اني كنت بحس باني حبي ليها بيزيد يوم بعد يوم . و كنت بكدب نفس و اقول اننا علشان قريبين لحد لما بدأت اغير عليها كانت ارتبطت بانسان .. و مينفعش كنت اقولها لان ساعتها هخسرها و هيا اصلا بتحبه .. ايه الفايدة طب ما احنا كده اصحاب و انا قريب ليها .
    و انا مبسوط و هيا مبسوطة طالما هفضل جمبها ..
    لحد لما فركشت و قولت دلوقتي ممكن اقولها و فعلا صارحتها ..
    و انتا صح انا كنت بغامر .. و لا عمري حسيت انها بتبادلني نفس الشعور .. و ديه المشكلة
    و مع ذلك قولتلها قولت اجرب .. اريح نفسي من العذاب و انا كنت مش قادر ابعد عنها .. جايز طالما مش عارف ابعد بارادتي .. ابعد غصب عني
    اما بالنسبة لمشكلتك
    فهيا مش مشكلة طالما الحب من طرفين .. يبقي هيا لو بتحبك فعلا تسيب خطيبها علشانك و انتا تعمل المستحيل علشانها ..
    الفلوس عمرها ما بتعمل الحب .. احنا اللي بنعمل الفلوس
    و متصدقش في المثل ده ” اذا دخل الفقر من الباب .. هرب الحب من الشباك ”
    وربنا يوفقكوا و مبروك مقدما ..
    مستني ردك

  29. عاشق بلا قلب
    09/11/2010 at 21:48

    @ لمسة حزن … شكرا لمشاركتك ليا
    بصي انا هختصر كل الكلام في اني اقولك ان في حاجة صادقة جداااااااا بتقول
    ” ان بعد الحب مفيش و لا اصحاب و لا اخوات ”
    و طالما انتي مفيش حد قدر ياخد مكانه و يشبع عاطفتك .. هتفضلي تحبيه طول عمرك
    و صدقيني لو اقولك انك في الحقيقة عمرك ما اتمنتي السعادة ليه .. لان السعادة الحقيقة و انتو سوا مش تشوفيه مع حد تاني
    و نصحتي ليكي .. شوفي نصيبك مع غيره و حاولي تنسيه .. و ان شاء الله ربنا هيرزقك بالافضل و ساعتها جايز تكونوا اصحاب ..
    مستني ردك

  30. عاشق بلا قلب
    09/11/2010 at 21:43

    @ nana … شكرا لمشاركتك ليا
    انا فعلا بحبها حب الدنيا كله ..
    و هيا فعلا نسيتني و غيرت كل كلامها ليا لما ارتبطت بس كانت بترجعلي تاني علي اساس اننا اصدقاء و اني اقرب واحد ليها لكن دلوقتي انا مأدرش اكون جمبها لانها شايفة اني مليش حق فيها خالص ..
    و فعلا لو حصل نصيب ليها مع حد تاني مش هتفكر تبض في وشي
    و علي فكرة هيا مش احلي وحدة و لا احسن بنت بس بشوفها كل البنات في الدنيا ..
    و انا حاسس انها بضيع و انا خلاص بحاول ارضي بالامر الواقع
    مستني ردك

  31. عاشق بلا قلب
    09/11/2010 at 21:37

    @ بسمة امل … شكرا لردك عليا
    دعائك مقبول طبعا .. بس مينفعش افضل جمبها و احسسها بحبي لان ده اصبح مشكلة بتواجهنا .. و رضو مينفعش افضل اراقب . انا عايز احكيلك علي موقف حصل فعلا
    ” في كل يوم كنا مراوحين و قالتلي امشي انتا و مكنتش عايزة نمشي سوا .. فانا شكيت خلتها تمشي و ركبت المترو وراها و خمنت هيا ممن تستني حد فين .. و فعلا شوفتها مستنية صديق ليها .. و شافتني و عرفتني بالولد .. و لما قولت قدام اصحابي و عتاب ليها و اني زعلت انها ضحكت عليا .. قالتلي انتا ملكش حاجة ” يعني هيا عاوزة تقضي علي الحب ده بأي طريقة .. بس انا علي الرغم من اللي بتعمله انا هفضل مرتبط بحبي ليها لكن هيا ماتت بالنسبة ليا ..
    مستني ردك

  32. عاشق بلا قلب
    09/11/2010 at 21:29

    @ ضاع الحب يا ولدي .. شكرا لمشاركاتك ليا
    انتا صح هيا فعلا كانت صديقة جميلة جدا و كنا فعلا نعم الاصدقاء و كنا قريبيين لبعض جدا و هيا قالتلي انتا كنت اقرب واحد ليا و كنت بقولك كده علشان نكون اصحاب مش حاجة تانية .. قولتلها بس انتي اللي بدأتي لما كنت اهم واحد في حياتك و فضلتي عليا حد تاني قالتلي ده حبيبي .. و فعلا مش لازم اتعلق بيها اكتر من كده ..
    مستني ردك

  33. mano
    08/11/2010 at 12:34

    ياجماعة المفروض اللى يحب واحدة يعرفها فى سعتها ميستناش ويعذب نفسه ويوم ميجى يقلها يكون على يقين تام انها بتحبه او حتى بتعزه كصديق او شعور جميل من ناحيتها ويقول واللى يحصل يحصل ..الحب مش بالعافيه لو بتحبك هتقلك وانتهت بدرى بدرى دا اللى المفروض صحبنا كان عمله واللى انا المفروض كنت عملته لانى زيك كدا عرفتها ومن اول يوم حبتها وبايت احب اقعد معاها واتكلم معاها كتير ومش عارف اقلها وجات فى يوم قلتلى انا متقدملى عريس وبابا موافق عليه انا قلت بتقلى كدا عشان اتحركقلت لا دى عادة البناة تقلك عريس ومفيش عريس اصلا
    بعد فترة انا وفقت عليه بس مش مبسوطة زى اى بنت يوم خطوبتها انصحنى اعمل ايه؟؟؟؟؟ مباتش عارف اتكلم لان المشكلة عند اى شاب مشكلة مادية فى الاساس …….ومرة واحدة اتخطبت وجابت خطبها الكليه مرة وحبت تعرفنى عليه هربت منهم وجيت بعد فترة وانا عارف انى غلطان اعترفتلها وهى كمان اعترفتلى وقلتلى انت ليه مقلتليش من الاول كنت هستناك قلى انا اعمل ايه دلوقتى وبتقلى انا بغير عليك لحد دلوقتى ……….. كل اللى انا عايزة انى اسيبها فى حالها مش عارف ولا هيا كمان بتسبنى فى حالى نتلكك لبعض ونتصل ببعض على حجات تافهه ونتفق مش هنتكلم نيجى نتكلم بردو انا عارف انه غلط لانها مخطوبة بس هى غصب عنها وانا غصب عنى فقلولى ممكن اعمل ايه عشان اكرها وانساها …….انا ارتحت جدا لما عرفتها وهى كمان وبعدها زعلت بسبب انها صعبانة عليا وانا مش بايدى حاجة اعملها لان المشكلة مادية فانساها ازااااااااااااى؟؟؟؟؟

  34. لمسة حزن
    07/11/2010 at 22:37

    انا بنت ونفس حكايتك هى حكايتى بانى حبيت انسان
    حب محدش يتخيله حبيته سنتين من طرفى انا كنا انا وهو اصدقاء
    كنا بنكمل بعض فى حاجات كتير وكتير قالوا لينا كدة كانت اسرارانا كلها بعض
    كان بيرتاحلى اكتر من اى حد فى الدنيا دى غصب عنى حبيته معرفش هو حس ولا لا ساعتها
    بس لما حس بعد لانه كان خايف عليا واول ماحس انه حبنى جه واعترفلى بحبه ليا
    حسيت انى طايرة قولت الحمد لله ان ربنا استجاب لدعائى طول السنين دى
    وفجاة كل حاجة راحت منى وقالى انا مش عارف عايز ايه
    ساعتها قولتله انا معاك سواء صديقة او حبيبة هو اختار انى اكون صديقة
    ونرجع زى الاول مع بعض بس انا مش قادرة اعامله صديق بحبه اوى ومش قادرة انساه
    انا سعادتى انه يكون سعيد حتى لو مع واحدة غيرى بس المشكلة فيا بانى
    مش قادرة احب تانى ولاقادرة ادى قلبى لحد لانه لسة ملكه وهيفضل ملكه
    اخد منى كل حاجة حلوة مسابش غير الذكريات انا زيك مش عارفة اعمل ايه
    ياريتنى اقدر بانى انساه بس ازاى انسى اول حب فى حياتى اول احساس حسيته
    اول دقة قلب دقها ليه نفسى اوى اشوفه دايما مبسوط وسعيد حتى لو ع حساب سعادتى

  35. nana
    07/11/2010 at 00:42

    يا صاحب الكلام دة باين من كلامك انك حبتها اوى بس نصيحة منى مش اكتر وعن تجربه حبك متدهوش غير لليستاهله حتى لو هى جميله وكل صفات الكويسة ومناسبه ليك ومش بيتحبك ربنا هيرزقك بواحدة احسن منها تسعدك هى دلوقتى فى نظرك احن واحدة فى الدنيا بس متزعلش هى عندها استطاعة تسيبك فى اى وقت بدليل انها لما حبت شخص تانى بعدت عنك ولما هتتخطب هتبعد لان خطيبها عايز كدة هو احساس وحش اوى بس خليك على يقين ان ربنا يرزقك بالاحسن واهم حاجة النصيب لو نصيبك معاها هتبقي ليك حتى لو اتجوزت وعدى عليكو سنين ولو غير كدة لا قدر الله لو العالم كله موافق واتخطبتو ممكن تشوفها واحدة تانيه غير ال حبتها

  36. بسمت امل
    06/11/2010 at 23:06

    العفو
    اولا انا دعيتلك من كل قلبي ان ربنا يحببها فيك وترجعلك وهي بتحبك اكثر مما انت بتحبها.
    ثانيا:خلي املك في ربنا كبير لو اتخطبت ده مش معناه انك خسرتها خلاص دي مجرد خطوبة ويمكن مايحصلش نصيب وترجعلك مين عارف ؟؟؟؟؟؟؟؟؟؟
    ثالثا:انت مالكش خيار تاني الا انك تراقب كل حاجة تحصل معاها وخليك ديما قريب منها
    ده بس الي اقدر انصحك بيه وربنا يوفقك

  37. عاشق بلا قلب
    06/11/2010 at 12:30

    اولا: انا شاكر مشاركتك ليا
    ثانيا: ازاي هيا بتحبني و هيا عايزة تبعدني عنها لاننا خلاص فقدانا اجمل صداقة بينا.
    ثالثا: و انا ازاي هفضل معاها و اوصلها حبي؟ و انا قولت كتير و هيا عارفة انا بحبها قد ايه و مع ذلك برضو مش موافقة. و بعدين الحب مش بالعافية.
    رابعا: انا خلاص مش في ايدي حاجة اعملها و حاسس ان خلاص هيا ضاعت مني ؛ لكن اهم حاجة اني هفضل مرتبط بحبي ليها لاخر العمر .
    هستني ردك عليا و شكرا

  38. ضاع الحب يا ولدى
    06/11/2010 at 11:52

    احيانا ترى الانثي الصديق صديق وانت بتقول انها كانت بتحكيلك على كل حاجه وكانت قريبه منك بس يمكن تكون مش حاست اتجاهك غير صديق فقط فانا انصحك متعلقش نفسك بيها اكتر من كده وهى لو نصيبك اكيد هرجعلك قال الحبيب صلي الله عليه وسلم:
    لو اجتمعت الامه على ان يضروك بشئ لن يضروك الا بشئ قد كتبه الله عليك ولو اجتمعت على ان ينفعوك بشئ لن ينفعوك بشئ الا قد كتبه الله لك وكله خير باذن الله

  39. بسمت امل
    05/11/2010 at 23:37

    ربنا يحببها فيك وترجعلك وهي بتحبك اكثر مما بتحبها اعمل المستحيل عشان توصلها حبك اوعا تخلي غيرك ياخذها منك حبك ده جميل اوي انتم عارفين بعض كويس اوي واكيد لو كنتم من نصيب بعض هتكونو اسعد زوجين في الدنيا ربنا يوفقك ويسعدك بيها

اترك رداً أو حلاً لهذه المشكلة