مشكلتى انى ليا اخت اكبر منى بسنه اتزوجت من اربع سنين واحنا الحمد لله عائله ميسوره ماديا لكن جوز اختى دا يما بيضربها وبيبهدلها وعملها عاهه مستديمه بعينها وبخيل جدا ومش بيصرف الا بالقطاره مع انه غنى ومشكلهم وصلت لمحاكم ومع اننا عائله محترمه ومرموقه لكن دخلوه وسطنا بهدلنا والدى واللدتى تعبوا واصابهم المرض بسب تصرفاته الموضوع انعكس عليا انا اخترت خطيبى وكان زميلى بالجامعه واتقدملى فى اخر سنه وصليت استخاره والحمد لله وافقت عليه هو اقل منى فى المستوى المادى بس لمده خطوبه سنه ونص مشفتش منه اخطاء تذكر كمان انا حرسصه فى التعامل جدا يعنى مش بخرج ولا لمس ايدى حتى الان الحمدلله بس انا خايفه اوى بعد الزواج يتقلب عليا خصوصا انى حكيتله غ=على مشكله اختى لانها عاوزه تتطلق وكان ملاحظ تغييرات فى بيتنا ياترى انا غلطت انى حكيتله فى ناس بيقولوا الرجاله بتتقلد من بعضها واثق فيه ازاى هو بيظهرى انه بيحبنى وبيشاركنى فى كل حاجه الحمد لله بس اللى شوفتى من اختى محسسنى بالغدر دايما مش عارفه اعمل ايه
مشاكل الحب والزواج
خطيبى طيب وبحبه بس خايفه اكمل معاه
اضيف بتاريخ: Friday, March 9th, 2018 في 04:35
كلمات مشاكل وحلول: الاستخارة, الزواج, حب, زواج, صلاة الاستخارة
شوفي يابنتي الغالية اولا مشكلة اختك مع زوجها وانه يضربها ويعاملها معاملة وحشة وبخيل جدا معاها فحلها انها تطلب الطلاق منه فورا والمحكمة تخليه يطلقها غصبا عنو وعن اللي خلفوه مافيش احد يجبرها على العيشة مع شخص كهذا حتى لو كان في اولاد بينهما فهذا يؤثر عليهم وعلى مستقبلهم اما مسالة خوفك انو هذا اللي حصل لاختك ممكن يحصلك انت فانت غلطانة مش كل الرجال زي زوج اختك لاتظلم خطيبك او تفكري في مثل هذة الامور ومش كل حاجة تحصل لك ولااهلك تقوليها لخطيبك دي اشياء خاصة واسرار البيت والعيلة ماتقال لحد كوني حريصة على استقرار علاقتك بخطيبك والمحافظة عليها وربنا يتمم لك بالخير ياعسووله وعقبال الزواج عماقريبا ان شاء الله