هل بظلم نفسي لو قبلت اكون زوجة تانية

انا قربت اتخرج وعرفت شخص عن طريق النت هو محترم كلامن كان عادي وبعد كده حبيته وهو قالي انه بيحبني وعاوز يرتبط بيا
بس قولتله ان صعب دلوقتي علشان الدراسة وهو مش في نفس المحافظة وهو قال ان قدامه سنتين وباذن الله اكون خلصت وهو جهز نفسه واتقدم علشان اهلي يقبلوه وعائلته لما حكالي عنها حبيتها بجد وحبيت انه يبقى زرجي المستقبلي وبدعي ربنا بكده _ حكالي كل حاجة عنه وقال ان فيه سر
و كان دايما بيعرفني انه عاوز يتجوز اربعة لو امكن وان ده حلال وكنت بتعامل مع الجمله بهزار في الاول وبعد كده بدات اقنعه ان الرسول _ صلى الله عليه وسلم _ كان بيتجوز لحكمة من ربنا وانه كان بيقدر يعدل وده صعب في الرجال الفترة دي قال يعني ممكن اتنين مثلا مش لازم اربعة يبقى اربعة
المهم حكالي انه عرف بنات كتير بس بيراعي ربنا اوي ومش بيحب يعمل حاجة حرام وفي بداية كلامه قال هيعاملني بما يرضي الله دي اللي شدتني في الكلام معاه وانه محترم وطيب بس كل فترة يقولي في سر لو عرفته هبعد عنه وبالصدفة وهو بيحكيلي عن خطوبة خطبها بساله عرفت انه متجوز واتصدمت بس لاني بحبه كنت قابلة اني ابقى زوجة تانية ومازلت قابلة بس خايفة اكون بظلم نفسي وبغضب ربنا مش عارفة بجد اعمل ايه ابعد عنه ولا اقوله كل لما احاول ابعد قلاقيه بيسال عليا ولو مقصر في السؤال بسبب شغله وبيته بيتصل يعتذرلي ومن كلامه دايما عاوز يقرب فترة الزواج وبيتعب علشاني لانه عاوز ربنا يكتبلنا الحلال لاني دايما بقوله عن الموضوع ده بس هو معزور وانا بجد تعبانة نفسيا ومش قادرة اركز في حاجة حاسة اني بعمل حاجة غلط لاني بكلمه في التليفون من ورا اهلي ___ بالله عليكم حاولوا تفهموني اعمل ايه انا الحمد لله متدينه بس حاسة ان كلامي معاه برتكب به ذنب ومش عارفة ابعد خايفة اكون بظلمه وفي نفس الوقت حاسة اني بظلم نفسي وبغضب ربنا كل لما اتحجج بحاجة علشان نبعد لحد لما السنتين يخلصوا بنرجع تاني نتكلم

مشاكل وحلول ذات صلة

• اتصرف ازاي مع خطيبتي قبل الزواج
• هل اعتبر خائنة لحبيبي الحالي
• هل فقدت القدرة على الحب
• اتجوز ازاي علي الضيق
• اوافق واقرب منو واتخطبلو ولا اطنش
• خطيبتي لم تحترم مشاعرى وجرحتنى
• بحب خطيبي لكنه عمل علاقة قبل الجواز