مشاكل الحب والزواج

هل بظلم نفسي لو قبلت اكون زوجة تانية

انا قربت اتخرج وعرفت شخص عن طريق النت هو محترم كلامن كان عادي وبعد كده حبيته وهو قالي انه بيحبني وعاوز يرتبط بيا
بس قولتله ان صعب دلوقتي علشان الدراسة وهو مش في نفس المحافظة وهو قال ان قدامه سنتين وباذن الله اكون خلصت وهو جهز نفسه واتقدم علشان اهلي يقبلوه وعائلته لما حكالي عنها حبيتها بجد وحبيت انه يبقى زرجي المستقبلي وبدعي ربنا بكده _ حكالي كل حاجة عنه وقال ان فيه سر
و كان دايما بيعرفني انه عاوز يتجوز اربعة لو امكن وان ده حلال وكنت بتعامل مع الجمله بهزار في الاول وبعد كده بدات اقنعه ان الرسول _ صلى الله عليه وسلم _ كان بيتجوز لحكمة من ربنا وانه كان بيقدر يعدل وده صعب في الرجال الفترة دي قال يعني ممكن اتنين مثلا مش لازم اربعة يبقى اربعة
المهم حكالي انه عرف بنات كتير بس بيراعي ربنا اوي ومش بيحب يعمل حاجة حرام وفي بداية كلامه قال هيعاملني بما يرضي الله دي اللي شدتني في الكلام معاه وانه محترم وطيب بس كل فترة يقولي في سر لو عرفته هبعد عنه وبالصدفة وهو بيحكيلي عن خطوبة خطبها بساله عرفت انه متجوز واتصدمت بس لاني بحبه كنت قابلة اني ابقى زوجة تانية ومازلت قابلة بس خايفة اكون بظلم نفسي وبغضب ربنا مش عارفة بجد اعمل ايه ابعد عنه ولا اقوله كل لما احاول ابعد قلاقيه بيسال عليا ولو مقصر في السؤال بسبب شغله وبيته بيتصل يعتذرلي ومن كلامه دايما عاوز يقرب فترة الزواج وبيتعب علشاني لانه عاوز ربنا يكتبلنا الحلال لاني دايما بقوله عن الموضوع ده بس هو معزور وانا بجد تعبانة نفسيا ومش قادرة اركز في حاجة حاسة اني بعمل حاجة غلط لاني بكلمه في التليفون من ورا اهلي ___ بالله عليكم حاولوا تفهموني اعمل ايه انا الحمد لله متدينه بس حاسة ان كلامي معاه برتكب به ذنب ومش عارفة ابعد خايفة اكون بظلمه وفي نفس الوقت حاسة اني بظلم نفسي وبغضب ربنا كل لما اتحجج بحاجة علشان نبعد لحد لما السنتين يخلصوا بنرجع تاني نتكلم

مشاكل وحلول ذات صلة

اضيف بتاريخ: Monday, April 16th, 2018 في 04:15

كلمات مشاكل وحلول: , , , , ,

2 رد to “هل بظلم نفسي لو قبلت اكون زوجة تانية”

  1. ابوالبتول
    22/04/2018 at 21:23

    شوفي يابنت الناس علاقتك بهذا الراجل علاقة محرمة ولاتجوز اتقي الله في نفسك وفي اهلك وسمعتهم وكرامتهم وثقتهم فيك مش عارف انت ليه عملت كده مع علمك انك متزوج وكذب عليك في الاول وله علاقات مع بنات وتتكلم معو من وراء اهلك هل دي اخلاق البنت المسلمة المتدينة المحترمة لا والف لا انما تصرفات شيطانية قد توقعك في المهالك وتجلب لك ولااهلك العار والفضيحة اقطع علاقتك بهذا السافل الخاين الحقير نهايئا وللابد وحافظي على دينك وخلاقك وشرفك وسمعة اهلك وكرامتهم واياك والاستمرار معو في هذة العلاقة المحرمة علشان ربنا يرضى عليك ويسترها معاك ويؤفقك ويكرمك بابن الحلال الصالح اللي يستاهلك ويقدرك ويصون مشاعرك ويسعدك طوال حياتك

  2. Dr-aaa
    17/04/2018 at 04:52

    انت بتظلم نفسك مش بتظلميه ،،هو عايش حياته ومعاه زوجة مهما فهمك غير كده،،وحتى لو اتزوجك حيتزوج عليك أو حيهملك لصالح زوجته الأولى،،فوق لنفسك لو سمحت،،وحافظ على ثقة اهلك فيك ورضا ربنل،،واقطع علاقتك به فورا قبل ماتندم وقت ماينفعش الندم،،بكرة ربنا يرزقك بالي أحسن منه رجل صالح صادق غير متزوج

اترك رداً أو حلاً لهذه المشكلة