مشاكل الخطوبة

حاسه إني اخر اهتمامات خطيبي

انا ليا مخطوبه 4 شهور في الصيف اتخطبت لشخص كويس ومحترم ومتدين واهله ناس كويسين وطيبين جداا … انا عايشه خارج مصر وهو في مصر هو مشكله انه كان خارج من شغله وبدور على شغل هو عمره 35 وانا 30 وهو بدور على شغل مع انه مادياته كمان مش اوي .. انا مابصتش للناحيه دي وقلت ده رزق وربنا يرزقه .. لكن المشكله معاملة خطيبي اتغيرت لما كنت بمصر كان مهتم بيا اوي ولما سافرت اهتمامه قل اوي ولما كنت اسأله كان يقولى ده بسبب البعد وانا في بلد وانتى في بلد .. المشكله انه هو بيقول كلام بس الفعل مافيش … وبقولى انا مهتم بيكي وانتى كل حياتي وكل الكلام ده لكن عند الواقع والفعل مافيش دنا الي بجري وراه عشان يدور على شغل عشان نتجوز .. ومشاكل كتير بسبب الموضوع ده .. واخر مشكله انه سافر مع صحابه عشان يشوف شغل في المحافظات ولا قالي وعرفت منه بالصدفه لما بعتله قلتله مالك مختفي قالي انا مسافر تاني يوم بالليل كلمته اطمن عليه ماردش وبعت مسجات كتير برضه ماردش .. وفضلت طول الليل قلقانه عليه وماصدقت الصبح يجي وكلمته ورد عليا وقلتله ليه ماردتش عليا بمسج تطمني عليك قالى اصله ماعييش رصيد ومش بعرف هنا اماكن عشان اشحن … قلتله ازاى تسافر من غير ماتشحن قلي أصل كلمت اهلي والرصيد خلص !! انا الي زعلني طيب وانا فين من كل ده ؟ ولما قلتله كده قلي انا اسف وانا تعبان ومشغول والكلام ده .. انا بجد مش عارفه اتصرف ازاى انا حاسه إني اخر اهتماماته هل ده عشان مادقتش معاه بالفلوس ورضيت بالقليل مابقتش مهمة عنده ولا ايه بالزبط … انا تعبانه ومش عارفه أكمل ولا لأ أصل الفلوس وقلنا مش مشكله طب والاهتمام كمان مافيش فضل ايه ؟ وخايفه اكون بظلمه ويكون فعلا مش قصده
ساعدوووني ارجوكم اعمل ايه

مشاكل وحلول ذات صلة

اضيف بتاريخ: Thursday, December 7th, 2017 في 04:56

كلمات مشاكل وحلول: , , , ,

ردود to “حاسه إني اخر اهتمامات خطيبي”

  1. ابوالبتول
    10/12/2017 at 00:07

    احساسك في محله نعم هو مش مهتم بك ولامفكر ان له خطيبة والمفروض يسال عنها ويعرف احوالها تجديه مشغول مع اصحابه سهرات في الكباريهات والنوادي مع البنات الساقطات وهن كثر او مصاحب له وحدة منهن ومقضيها اونس وفرفشة ويعتذر لك باعذار كاذبة لاجل يتهرب من تحمل مسوولية الارتباط بك ولازم تعرفي انه شخص غير جدير بالارتباط من اصلو ويجب عليك انهاء تلك الخطوبة قبل ان يفعلها هو ولسعك شابة وبعزالشباب ياقمر والف من يتمناكي سوف تلاقي نصيبك مع ابن الحلال اللي يستاهلك فعلا ويقدر مشاعرك وجاهز للزواج وتحمل اعباء الحياة ويسعدك طوال حياتك معه

اترك رداً أو حلاً لهذه المشكلة