تركت خطيبى بسبب افعاله القذرة

انا  بنت عندى 22 سنه عمرى فى حياتى ما ارتبطت بحد واهلى كانوا دايما بيقولى ان الارتباط حلو ومش وحش وانا كنت مترددة لحد ما اتقدملى واحد انا متعلمه وهو مش متعلم خالص لكن قابلته اول مرة زى جواز الصالونات ياعنى اى كان نوع التسميه المهم مستريحتش اول مرة ماما قالتلى هخليه يجى تانى قلتلها مش هينفع قالتلى ما تخديش اول انطباع من اول مقابله المهم جه تانى مرة وفضل يتكلم معايا بصراحه انا كنت مندهشه بطريقة كلامه بيتكلم بتفتح جدا ولا اكنه غير متعلم لانه كان دايما مسافر برة فاوفقت وبعد كدا اخد طبعا رقم تليفونى وبدا يتكلم معايا فى التليفون وفجاه لقيته بيطلب منى انى احبه واثق فيه بس انا حاولت افهمه ان الحب مش بيجى كدا وان بيجى مع الوقت وانه مش بالطلب قالى اوك هسيبك اسبوع عشان تحبينى فيه قلتله اوك عشان انهى الموضوع بعد اسبوع سالنى ان كنت حبيته ولا لا فقلتله طبعا لا ياعنى لسه المهم الموضوع عدا وعشان يبطل يسال قلتله ايوة حبيتك بس انا عمرى ما حسيت باى حاجه خالص المهم بدا بعد كدا تصرفاته تتغير معايا ودخل على طريق تانىى خالص وبدا يطلب طلبات قذرة جدا ولما اقوله لا حرام انا معرفش نصيبى فين وانت مش من حقك تاخد حاجه دى انت مش جوزى قالى خلاص عاوز اكتب كتاب قلتله بردوا لا مافيش كتب كتاب قالى خلاص مش هطلب كدا تانى ويحلف كتير وبعد يومين يرجع انيل من الاول حاجات قذرة فاكر نفسه متجوز مش خاطب لحد ما وصلنى انى قرفت من الموضوع اساسا فقررت اسيبه وقلت لاهلى على الاسباب دى كلها وسبته لكن امى لحد دلوقتى بتعاملنى وحش لانى سبته ويكاد يكون مش بتكلمنى اساسا وانا بقالى سيباه من بعد العيد الاضحى اللى فات وانا مش عارفه اعمل ايه وحاصلتلنا مشاكل كتير فى البيت بسببه هل كدا انا غلطانه الى عملته دا صح ولا غلط عشان انا بجد تعبانه ومن كتر المشاكل اتعقد من الارتباط خالص وبقيت برفض اى حد يجى فياريت تفدونى واسفه انى طولت عليكم

مشاكل وحلول ذات صلة

• خيبة بعد الزواج واشمئزاز من زوجي
• عاوزة ربنا يباركلنا و نتجوز كده اكون غلطانة
• طلقت مراتي عشان بحب غيرها واهلي ضد ارتباطي بحبيبتي
• هل فقدت القدرة على الحب
• استناه يتخرج و لا ابعد عنه
• وعدت حبيبتي الأولى الملتزمه بالزواج .. هل إستعجلت ؟؟؟
• احبها حب عفوى منذ 3 سنين