انا كنت مخطوبة خطوبة تقليدية وما كنتش بحب خطيبى مع ان ما كنش فى اى عيب وكنت بحاول انى ابعده عنى لغاية ما سبنا بعض وانا كنت عارفة ان هو بيحبنى وبعد فترة حبيت انى ارجعله تانى لانى عرفت انى كان معايا جوهرة وسبتها تضيع منى لان هو كان قلبه اتكسر ورفض انه يرجع تانى لان هو حاسه ان انا مش كنت بحبه وحاولت معاه لكن رفض ودلوقتى عرفت انه كتب كتابه وانا مش استحمل الوجع الى جوايا ومش عارفة انساه ازاى وانا بجد تعبانة اوى
مشاكل الخطوبة
ضياع الحب بعد الخطوبة
اضيف بتاريخ: Tuesday, September 21st, 2010 في 03:46
كلمات مشاكل وحلول: الخطوبة, خطوبة, مخطوبة, مشاكل الخطوبة
المشكلة اننا مبعرفش قيمة الحجاة ألا أما تضيع من ايدينا ادفعي انتي الثمن بقي لكل شيء ثمن هذا هو ثمن غرورك وتعاليك عليه وأنا ارجح انك كنتي مشغولة بآخر اثناء فترة الخطوبة عشان كدة محستيش بيه
انتى اللى عملتى كدة فى نفسك اتبطرتى على النعمة و ربنا اخدها منك و فازت به واحدة تانية احسن منك قدرته و صدقينى لو استمريتى على الطبع اللى فيكى دة ربنا هيرزقك بواحد يسود عيشتك . فانا انصحك انك تغيرى من نفسك و تكونى و تفكرى تفكير منطقى شوية لان الحب بيجى لاسباب ما بيجيش من فراغ زى ما اوهمونا فى الافلام بمعنى لو واحدة معاها واحد مافيهوش عيب و بيحبها من الطبيعى و المنطقى انها تحبه سيبك من الارواح و الكلام الفارغ دة الا اذا بقى كانت متعلقة بحد تانى من البداية اصلا
لَا تَحْسَبُوهُ شَرًّا لَّكُم بَلْ هُوَ خَيْرٌ لَّكُمْ
كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا
انت خلطتى فى حق نفسك الاول لكن لايفيد حاولى تنسيه وابدءى حياه جديده خلى فيها نظرتك موضوعيه وشاورى الناس فى قراراتك المستقبليه وخاصه من يتمنى لكى الخير
كان الله فى عونك
والله البنت ديه فى بادئ الأمر كانت مغروره متزعليش منى فانتى يابنت الحلال لازم تنسيه وعلى فكره هو عمره ما هينساكى وكتب كتابه علشان ياكدلك ان هو نساكى بس العكس وربنا بس هو خلاص اتزوج فحاولى تنسيه وتقربى لربنا اكتر وان شاء الله هتنسيه مع مرور الايام ونصيحه انا عارف ان انتى جميله وعندك شئ من الغرور فحاولى تحسنى من شخصيتك وربنا معاك اخوكى هيثم بركات