قريت فاتحه من غير علم امي ومش مرتاح

انا شاب عمري 29 سنه , اتعرفت على فتاه عمرها 23 سنه محترمه جدا وبنت ناس محترمين حصل بيننا اعجاب وحسيت انها الانسانه اللي بدور عليها بس هي قالتلي ان ارتباطنا لازم يكون رسمي علشان ماتحسش انها بتعمل حاجه غلط , لكن شاءت الظروف ان والدتي تتعب صحيا وجالها مرض السرطان لكن في المراحل الاولى الحمدلله لكن ما زالت تعبانه ودايما بتدخل المستشفى علشان تاخد العلاج وفي ظل الظروف دي طلبت مني البنت اني اجيب اهلي واتقدملها لكن انا قلتلها ماينفعش في الوقت الحالي وفضلنا ايام كتير في المشكله دي لحد ما فاتحت والدي ووالدتي وقلتلهم اننا نروح نتقدم بس ويحصل تعارف بين العائلتين بس مع الاسف والدتي ماقدرتش تيجي معانا وده بسبب حالتها الصحيه بالاضافه ان اهل البنت في محافظة تانيه يعني سكة سفر وفعلا اخدت والدي ورحنا اتقدمنالها وقلنا ان شاء الله قراية الفاتحه والاتفاق بعد ما والدتي تقوم بالسلامه وبعد ما حصل توافق بين والدي واهلها ووافقوا على الطلب لقيت البنت بتقولي اني لازم اجي اقرا فاتحتها في الوقت الحالي , قلتلها ماينفعش بسبب تعب والدتي زعلت وادايقت وقالتلي ان اعمامها وخالاتها بيسالوا علي قلتلها ياريت تراعوا الظروف لكن لا حياة لمن تنادي , وبعد اسبوعين اتفقت انا ووالدي نروح نقرا الفاتحه ونتفق لكن والدي قالي ماينفعش نقول لوالدتك علشان ماتزعلش وانت اول فرحتها وبالفعل رحنا قرينا الفاتحه ووالدتي ماتعرفش وبعد كده طلبت مني اني اشتري الدبلتين وقالتلي احنا مش حنعمل خطوبه في الوقت الحالي بس لازم البس الدبله علشان محتاجه اعرفك اكتر ونخرج مع بعض براحتنا وخصوصا ان احنا لسه مانعرفش بعض وطبعا بعد مشاكل جبت الدبلتين وقلتلها البسيها لوحدك ولما نعمل خطوبه ان شاء الله حبقى البسهالك وطبعا والدتي ماتعرفش الموضوع ده المشكله ياجماعه ان حسيت منها بالانانيه لانها ماراعتش ظروف امي من رغم انها بتحبني جدا جدا ومتعلقه بي قوي واهلها ناس طيبين قوي بس انا حاسس بعدم ارتياح وان حبي ليها بيقل قوي وبقى تقريبا شبه منعدم لان علاقتنا روتينيه جدا وعلشان مابشوفهاش غير كل فين وفين حاسس اني مش مرتبط وعلاقتنا يادوبك في التليفون وبس اه بشوفها بس بشوفها كل اسبوعين مره واحده بس بس انا مش مبسوط اه بكون مبسوط لما بكون قاعد معاها بس بعد كده حاسس بعدم ارتياح لدرجة اني بهرب منها وبمل من كلامي معاها في التليفون ومن رغم انها اتفقت معايا ان احنا حنخرج نشوف بعض براحتنا بعد قراية ما نلبس الدبل بس مع الاسف زي ما احنا وانا حاسس اني مش عارفها واتخنقت فعلا من مكالمات التليفون لان معظمها بنتكلم عن الشقه والجهاز والتزامات الجواز حاسس اني مش مرتبط لان كنت دايما بقول لنفسي اللي حرتبط بيها حتبقى معايا دايما وقريبه مني بس احنا بعاد عن بعض لانها في محافظه وانا في محافظه تانيه وغير كده علاقتنا روتينيه جدا وانا قفلت خال بسبب كل اللي حصل ده

مشاكل وحلول ذات صلة

• كان نفسى اتستر واجيب اولاد زى اى بنت
• اخاف ان يرفضني زوجي بعد ان يرى جسمي
• خطيبتي جافة عاطفيا
• مش حاسس من ناحية خطيبتى بحاجة
• حلمت بشاب تقدم لي وامي تطبخ اللحم
• اهلي رفضوا حبيبي لانه مطلق والان يخونني
• اقرب الناس لي اخذ شرفي