مشاكل الشباب النفسية

اعمل ايه عشان اعالج سرعة الانفعال والعصبية

انا شاب 24 سنه اعانى من مشكله وهو انى سريع الانفعال والغضب جدا جدا مع اى شخص يستفزنى فمثلا لو دخل الزبائن المحل وفعل شىء اقل شئ استفز وانفعل لمده طويله حتى وان كان هذا الغضب داخل نفسى  ويمتد هذا الغضب ايضا الى افراد اسرتى فلا اقبل منهم اي كلام ولا اقتنع به  ..ومع ذالك بندم كتير اوى لما استفز على احد الاشخاص واقول لنفسى بعد ما اهدأ انه لماذا انفعلت على هذا الشخص لهذه الدرجه بحس انى فى شخصيتين الوجه الطيب جدا والوجه الذى يكون عصبي عند استفزازه او قول شى يضايقنى  .. .. ارجو حل و علاج سرعة الانفعال منكم اعمل ايه علشان اكون هادى فى التعامل مع الناس ..حتى لو كانت الناس هيا الى غلطت فيا بنسبه 100%100

مشاكل وحلول ذات صلة

اضيف بتاريخ: Monday, October 11th, 2010 في 08:22

كلمات مشاكل وحلول: , , , , , , ,

13 رد to “اعمل ايه عشان اعالج سرعة الانفعال والعصبية”

  1. wa2el
    17/06/2013 at 01:17

    اعتقد عندك ذو القطبين ( bipolar) انا كمان عندى ده مرض نفسى عباره عن شبه انفصال فى الشخصية ممكن تتعصب بسرعه وممكن ترجع عادى فجا

  2. دودو
    02/11/2012 at 11:58

    نفسى ابطل عصبية الناس كلها بتبعد عنى بسبب المشكلة دى اعمل ايه انا باقيت مكروها وانا مش وحشة خالص بس المشكلة دى هى اللى عملة فيا كدة

  3. عبدالإله العنزي
    23/12/2010 at 19:38

    بسم الله الرحمن الرحيم
    الله سبحانه وتعالى قال : “فاصفح الصفح الجميل” (الحجر 85)
    وايظا قال سبحانه : “والكاظمين الغيظ والعافين عن الناس، والله يحب المحسنين”
    وحط ببالك ان العالم ما اصبح عالم الا لما تعلم وايضا الحالم ما اصبح حالم الا لما تحلم فا
    اتبع دروس وعلى ما يقلولو تصنع الحلم ستصبح حليم
    اخواني الصحابي اللي اتى للرسول صلى الله عليه وسلم وقال له يا رسول الله اوصني
    ايش قال له الرسول عليه الصلاة والسلام ؟
    قال له لا تغضب فا قال للرسول اوصني قال لا تغضب كررها ثلاثا
    معناتها ان اي اتخاذ لقرار ساعة الغضب هذا دليل على انه قرار فاشل وراح تندم عليه نقولها بصراحه نزعل احيانا من اهلنا ونلاقيهم حنونين علينا وبعدها بشوي لما يروح الشيطان العوذ بالله منه نندم ونبي نصالحهم ولما نقرب منهم يجينا الشيطان مره ثانيه ويقول ترا كذا بتكون ضعيف ، لا تعتذر لا ولا ولا لين نطلع من عندهم وينطبق علينا قوله ” اخذته العزة بالاثم ”
    الدنيا لما نفهمها حلوه
    لااااااااا تعصب فرفش 🙂

  4. الحب الحزين
    03/11/2010 at 10:26

    حاول أن تقترب من الله اكثر وكل ما تلاقي نفسك هتتعصب اتوضأ وصلي استغفر الله سبحه لان مشكله العصبية مشكله كبيرة لانها بتزعل الناس منك حاول مرة واثنين وعشرة وسيطر علي نفسك لان يجب انت تكون قادر علي السيطرة علي النفس بكل ما فيها لانك لو استسلمت ممكن هتستسلم لاي حاجة والله معك ويحفظك

  5. الصديق
    15/10/2010 at 04:26

    انا نفس المشكله و بتسببلى مشاكل كتير

  6. اسلام
    12/10/2010 at 02:01

    على فكرة انا حالتى زي حالتك بالضبط وانا حصلى مشاكل كتير بسبب العصبية دي ولحد دلوقت مش عارف اعمل اية انا هروح لدكتورنفسانى انا انصحك انت كمان روح لدكتور مش هتخسر حاجة اتكلم معاة وشوف النظام اية

  7. kitty
    11/10/2010 at 21:49

    انا بنت وبقيت كدة انا كمان بس العصب دة نتيجة ضغوط نفسية حاول تحل مشاكل حياتك وصدقنى مش هتتعصب

  8. السيد
    11/10/2010 at 19:38

    انا اعصابي دايما تعباني عندي قلق في الحياه

  9. صوت الرعد
    11/10/2010 at 18:49

    قالوا : عد للعشرة .. وهذه مقولة صحيحة ..

    سيدنا عليه الصلاة والسلام قال : ليس الشديد بالصرعة إنما الشديد من يمسك نفسه عند الغضب.

    وقالوا : الحلم سيد الأخلاق.

    عزيزي ، بمجرد شعورك بأنك ستغضب أو غضب .. قم بتغيير الحالة وكسرها ، وهذه تحتاج لتمرين .. عد للعشرة وغير من هيئتك .. فإذا كنت واقفا ، اقعد ، وإ كنت قاعداً قف .. أو امشِ أو اخرج من المكان الذي أنت فيه ولو لثواني ..

    فالسلوك هو أحد المكونات الثلاثة لمركبات الحالة والتي تتكون من الإدارك ، الشعور ، السلوك بحسب العلوم الحديثة

    جرب .. لن تخسر ، وروض نفسك

  10. مودى
    11/10/2010 at 16:00

    عايز اقول حاجه كمان اما تزهق لازم تمسك نفسك وتستغفر فى نفسك وفى مثل بيقول اكفى القدرة على فمها الغرب بيطردونا وهى دى الحياة الى عيشنها وكل سنه وانتم طيبين

  11. مودى
    11/10/2010 at 15:56

    اولا لازم تكون مسؤل عن تصرفاتك وكمان الرجل الصح لازم يكون مسؤل عن اى شى خارج من فمه وكمان لازم تعمل زى فؤاد المهندس (خد حبايه شجاعه)او حبايه ترمادووول او تدووول وانتم فهمين بقه مش هتخليك تزهق هتخليك تتمزج طبعا

  12. ضياء
    11/10/2010 at 13:46

    افهم دينك الاول

  13. القلب المجروح
    11/10/2010 at 13:26

    لازم طباعك دى تتغير لانها هتسببلك مشاكل كتير وهتبوز علاقتك مع كل الناس واهم حاجه المعامله بين الناس هى اللى بتنظم الحياه والدين نفسه معامله
    عشان كده حاول انك تقرب من ربنا وتقرآ قرآن كتير واحاديث واشياء فقهيه عن معاملة الناس فيما بينهم
    وتحاول تفرق بين اللى يضايقك واللى ما عملكش حاجه يعنى مش كل واحد تتعصب عليه
    وممكن تلاقى الموضوع صعب فى البدايه ده شى طبيعى لكن مع مرور الايام هتتعود وهتلاقى ان ده هو الصح
    وعايز اقولك على حاجه عشان تعرف ان الطباع دى بتجرح الناس منك
    خطيبتى جرحتنى وبوزت العلاقه بينى وبينها بسبب ان كانت طباعها زيك كده وانا كنت عكس كده
    وربنا يوفقك

اترك رداً أو حلاً لهذه المشكلة