مشاكل الشباب النفسية

تائه معرفش سكة الجنس التاني

السلام عليكم
انا حبيت اكتب هنا ببساطه عشان عارف ان محدش هيعرفني
انا : 19 سنه طالب في كلية الهندسة في اسكندرية
طول عمري دحيح
معرفش سكة الجنس التاني
انا دلوقتي بالرغم من اني في هندسة و هي كلية من كليات القمه
الا اني بعيش أسوأ عصور حياتي
انا فوجئت ان كل الناس من جمبي
عايشه حياتها عادي و بتتكلم مع بنات
فجأه لقيت نفسي زي مابيقولوا في ضهري
دا ملوش في اي حاجه
و بيدوخ مالمية الساقعه
و خام
و لو كلم بنت ممكن تلعب بيه

انا حيران مش عارف أعمل ايه ؟
حتي لما فكرت أبقي صايـع عملت أكونت ع الفيس بوك جديد غير بتاعي و عملته للصياعه
و بقيت أتكلم كلام قلة ادب بالصريح كدا
و بردو فشلت اني اعمل علاقة حتي لو مشبوهه

اعمل ايه ؟؟

مشاكل وحلول ذات صلة

اضيف بتاريخ: Friday, November 19th, 2010 في 10:26

كلمات مشاكل وحلول: , , , , , , ,

12 رد to “تائه معرفش سكة الجنس التاني”

  1. احمد وحيد
    11/08/2013 at 01:44

    انا عندي نفس المشكله
    بس مشكلتي ان اي حد يقابلني يقول علي غلبان مليش شخصيه مع اي حد مبعرفش مليش صاحب خالص حتي اخويا حاسس انو بيعملني كاني عايل صغير حتي امي مش حسا بيا هيا كمان بتقول عليا غلبان محدش بيحبني خالص بس في حاجات كتير في حياتنا غلت لغايت متعودنا علي الغلط ادمنا الغلط واول حاجه مدمنها العاده السريه
    ومش عارف ابطلها سني 20 ادمنتها 8 سنين مشعارف انا بعمل كدا ليه ودي مشكله من مشاكلي

    حد يرد عليا يعرفني الصح

  2. نصيحة من طالبة جامعية متلك
    21/08/2012 at 18:29

    ههههههه انا بنصحك تفوت بشلل بهالجامعة و تتعرف على العالم (يعني تفوت بشلل شباب و بنات) و مع الوقت اذا كنت أنسان ظريف رح تلاحظ أنو في كم بنت حابينك و وقتها فيك تتقرب من وحدة بس اتأكد أنك بتحبها… و ما تتضحك عليها… أنت ناقصك علاقات اجتماعية عامة مع البنات قبل ما تفكر بالحب و خليك محترم و لا ترجع تفكر بهالقصص تبع الفيس بوك و قلة الأدب…اذاما كنت محترم البنات ما بتحبك و بلا صغر عقل و ضياعة وقت بالكلام الفارغ على الفيس بوك..

  3. راجية رحمة الله
    07/12/2011 at 14:08

    السلام عليكم ورحمة الله وبركاته انت يا ابني لازم تحمد ربنا على انه جعلك مستقيم وانت تحاول ان تضيع نفسك بنفسك لازم تكون عندك تقة بالله وتخاف الله فهدا الاصل يجب على كل الشباب تكون محترم متكلمش بنات وتتقي فيهن الله ولو واحد عاوز وحدة يروح ويخطبها من اهلها وانا اتمنا منك ابني ان تحاول اتخطب فتاة ملتزمة تعرف شرع ربنا والله سيوفقك ابني لا تنحرف فالشيطان عدو لدود بارك الله فيك

  4. ثعلب الثلوج الازرق
    23/07/2011 at 21:56

    اولا : السلاو عليكم ورحمةالله وبركاته

    ثانيا: ههههههههههههههههههههههههههههههه

    انت امرك غريب الناس كلها بتتمنى انها تكون محترمة ملهاش علاقات مشبوهها خوفا من الله وعز وجل وانت زعلان اكمنك خام ومش صايع وفشلت فى عمل علاقة مشبوهة احمد ربنا انك كدة وانت هيجى وقت وهتعرف طريق الجنس الثانى وهتعيش حياة طبيعية جدا بس انت متستعجلش الامور وادعى ربنا ان كل الشباب يبقوا زايك محترمين وملهمش فى حاجة ..

    وشكراً

  5. سمسمة
    25/01/2011 at 14:50

    اولا انت عرضت مشكلتك بس انا ليا نعلش سؤال انت محددتش ف رسالتك انت عاوز تكلم البنات ف شكل ايه؟لان الواضح انك عايز تتكلم بطريقة غير شرعية بدليل انك عملت اكونت علفيس بوك وستخدمت الفاظ غير مستحبة اذن انت بتبحث عن اي علاقة دون تحديد مش فارق معاك شريفة ولا لا لكنك لوحددت شكل العلاقة صدقني هتستريح.وبعدين انت شاغل نفسك بحاجة تافهة لان ممكن جدا البنت اللي هتكلمها وتعمل معاك علاقة متكنش كويسة ممكن تضيع مستقبلك تماما لان دي شغلتها تصطاد الشباب وبعدين تضيعهم والا مكنتش اتفرغت لكدة..وفي حاجة مهمة اكيد عندكو في الكلية بنات محترمات فممكن اوي تتكلم معاهم بادب وبالطريقة دي هتلفت نظر الباقيات وممكن كمان من اسلوبك المهذب معاهم تلاقي بنت نفسها برضو تكلم شاب وبالتالي تقربو وتنشب علاقة طيبة طالما في حدودز.وبكره ياسيدي لماتتخرج هتنشغل بالحياه ومش هتبقي فاضي للحجات دي ..فياريت تركز في دراستك لان مستقبلك اهم من البنات..

  6. اختك بالله
    30/11/2010 at 00:17

    والله يااخي انت ومجتمعنا غلط مع ستين اسف الولد في مجتمع الصياعه طبعا لازم يكون يعرف بنات ويغضب الله عشان يكون مفتح لالالالالا الف لالالالالالالالالالا الولد مثل البنت في الاسلام مؤدب متدين وقور يخاف الله يحافظ على نفسه وشوف ربنا كيف يكرمك بزوجه صالحه تعوضك صبرك خير وحور عين بالاخره هذه الدنيا زائله الرجل بعقله بقوته بزعامته وليس بعلاقاته مع النساء فهذا يسمى زير نساء ولا احد يحترمه والله معك

  7. sorour elbosaty
    27/11/2010 at 11:42

    ربنا هيكرمك بواحدة زيك كده خام وممكن تبتدوا مع بعض قصة حب أسطورية وصدقني اللي زيك كده بتبقى حياته أسعد ما تكون وعمر السعادة فيها بيبقى أطول أصبر وربنا هيكرمك بإذن الله.

  8. اللهم فارج همي
    27/11/2010 at 01:43

    انت عامل زيى بس انا بنت وفي تالته جامعه برضو مابعرفش احب ومابعرفش اكلم شب ولو حصلت وكلمت ببقي هبله في تعمولي معاهم ومابعرفش اكسب حد واكتر حاجا ملاحظاها اليومين دول اني لمه ببقي صريحه من حد يزعل مني ويكرهني ولمه اكدب احور ابقي بنت ميه ميه معرفش الوحد يعمل اى بظبط يروح يموت نفسه احسن صح ياقمر سيبها علي الله وخليك علي طبيعتك دانا مش بيعجبني غير الشب اللي زيك بس للأسف كل اللي معايا في الجامعه اكمنها خاصه شباب صايعه

  9. Mero
    20/11/2010 at 01:25

    السلام عليكم ورحمة الله وبركاته

    يا أخي الحبيب

    إيه رأيك في اللي زيك كده بس دلوقتي عنده حوالي 27 سنة

    لا تستغرب فهو والحمد لله يشعر بسعادة كبيرة ان ربنا سبحانه وتعالى نجاه من فترة المراهقة على خير
    ولم يمس فتاة من قبل ولم يصاحب بنت او تكون له حبيبة من قبل

    لا تهتم بكلام الناس ووالله الذي لا اله إلا هو انت على الطريق السليم

    ويجب ان تثق في نفسك تماماً وتأكد ان عدم وجود علاقات عاطفية في حياتك لا يعني انك لا تعرف ان تكون علاقة من هذا النوع، تأكد تماماً ان هناك فرق بين من لا يستطيع ومن لا يريد ان يفعل هذا الأمر إلا في الحلال أو من لم يفعل هذا الأمر بسبب إنشغاله بدراسته او عمله فهو أيضاً هدف نبيل

    وأنا أعتقد والله أعلم انك إنسان محترم، والحمد لله انك كنت “دحيح” كما ذكرت لأن هذا أبعدك عن الفواحش التي يقع فيها الكثير من زملاءك ومن هم في سنك

    حاول ان تشغل نفسك بأمور مفيدة مثل لعب الرياضة أو الأعمال الخيرية التي تفيد المجتمع مثل الاشتراك في انشطة الجمعيات الخيرية وغيرها، ولكن لا تهمل دراستك، حتى تستطيع مادياً ان تتزوج وهنا يمكنك البدء في البحث عن عروسة وتأكد انك ستجد نفسك طبيعي جداً وستعرف كيف تتعامل معها تماماًـ فلا تقلق من هذا

    أي،، اترك هذه الامور للوقت المناسب وحين تستطيع تكوين علاقة زواج شرعي
    وثق انك بإذن الله تعالى قد افضل من غيرك عندما تحب – فحينما تخطب بإذن الله تعالى ستجد انك تستطيع التعامل مع خطيبتك برومانسية وبطريقة أفضل مما يفعل زملاءك وستجد أنك لا تقل عنهم أبداً ،، المهم ان يكون هذا بغرض تكوين علاقة زواج شرعي حلال

    وأخيراً أذكرك:
    ليس معنى اختلافك عن 99.9% من الناس أنك انت على خطأ وأنهم هم على صواب، وتذكر حال الانبياء والمؤمنين السابقين واتخذهم قدوة، وخاصة في العصر الذي نحيا فيه الآن، وتذكر حديث رسول الله صلى الله عليه وسلم عن أحداث نهاية العالم والتي يؤكد كثير من العلماء اننا نمر بها الآن ومنها حديث ورد فيما معناه أنه سيأتي على الناس سنوات خدّاعات، يُصَدق فيها الكاذب ويُكَذَب فيها الصادق

    يعني لو كل الشباب والبنات بيصاحبو وبيعملوا علاقات في غير إطار الزواج الشرعي فهذا لا يعني انهم طبيعيين وانك لست طبيعي لأنك لست مثلهم
    وأما لو كنت خائف من أن تكون إنسان غير قادر على تكوين علاقة عاطفية بالجنس الآخر فتأكد ان هذا هو مجرد وهم وسيتبدد بإذن الله تعالى حينما تخطب في يوم من الأيام

    ولا تخاف من ان تتزوج بنت أخلاقها والعياذ بالله سيئة فالطيبون للطيبات

    أما عن الآن فنصيحتي لك ألا تحاول مجاراة الناس وألا تحاول ان تصاحب بنات كما يفعل أصحابك وتأكد ان فشلك في هذا ليس فشل في شخصيتك ولكنه نعمة انعم الله بها عليك وذلك لأن معرفتك انك تفعل شيء خطأ تجعل اي علاقة لا تكتمل، أما عندما تكبر قليلاً عن ذلك وينضج عقلك أكثر وأكثر وتكون قادر مادياً على الزواج وتقوم بالبحث على عروسة وتجدها بإذن الله حتى لو بمساعدة الأهل والمعارف ممن تثق بهم فستجد نفسك كما قلت لك ناجح جداً في علاقتك معها وذلك لأن عقلك الباطن يعرف انها علاقة سليمة وفي العلن وليست شيء خطأ تفعله في السر (كما حاولت من قبل من خلال الفيس بوك)

    وأخيراً أذكرك بقول الله تعالى:
    بسم الله الرحمن الرحيم
    “وعسى ان تكرهوا شيئاً وهو خير لكم وعسى ان تحبوا شيئاً وهو شر لكم”
    صدق الله العظيم

    فلربما حافظ الله عليك مما يفعله غالبية أبناء جيلك لكي يطهرك ويحفظ كما حفظ سيدنا يوسف عليه السلام، ولكي يهديك بزوجة صالحة تسعدك لأنه من المعروف ان “الطيبون للطيبات” وكذلك لا تنسى ان رسول الله صلى الله عليه وسلم قال في حديث ما معناه انه لأن يُطعَن أحدكم في رأسه بمخيط من حديد خير له من ان يمس امرأة لا تحل له

    تخيل هذا ! يعني لو غرزوا إبرة حديد في راسك حيكون أقل وأهون من انك تمس بنت لا تحل لك !

    إحمد الله الذي حفظك حتى الان مما يقع فيه كثيرون في هذا الزمان وتقرب اليه وستشعر بالرضا رغم سخط الناس

    وقد قال رسول الله صلى الله عليه وسلم:
    “من أرضى الله في سخط الناس رضي الله عنه وأرضى عنه الناس، ومن أسخط الله في رضا الناس سخط الله عليه وأسخط عليه الناس”
    صدق رسول الله صلى الله عليه وسلم

    فإحمد الله…وكن واثقاً بنفسك

    والسلام عليكم ورحمة الله وبركاته
    ———————————-

  10. monster
    19/11/2010 at 19:59

    يعم احمد ربنا الستات ماورهاش الا وجع الدماغ ..عموما عليك ان تكون واثق من نفسك لان الثقه بالنفس هى اول خطوه لانجاح اى علاقه اجتماعيه ف الحياه سواء بين افراد الجنس الواحد او بين الجنس والجنس الاخر ..الثقه بالنفس اهم شىء فالتفوق الدراسى مش كل حاجه ف الدنيا لازم يكون بجانبه ثقه بالنفس ولازم تتاكد ان مفيش حد ممكن انه يكون احسن منك واليك بعض النصائح:ـ
    اولا : اهتم بمظهرك جيدا
    ثانيا: حاول ان تكون لبقا ف الحديث فلا تتدخل فى ما لايعنيك وتدخل حينما تحس انه من الممكن ان تتدخل ف الحديث
    ثالثا: حاول ان تحدد هدفك ولا يكون الامر على المشاع حدد علاقاتك واجعلها مركزه لكى لا تتشتت وفقد كل شىء لان الذى يريد ان يأخذ كل شىء يجد فى النهايه انه يقفد كل شىء
    ياريت تجرب الوصفات دى وتبقى تخش تانى وتقولنا ازاى الحال …وربنا يوفقك

  11. yasser
    19/11/2010 at 19:47

    انسى الناس دى كلها—هل تحب ان ترضى الناس وتعمل زيهم ولا عايز ان ربنا يرضى عنك ؟ اسأل نفسك السؤال ده !!!—وبعدين انت عادى و دى مش ظاهره غير طبيعيه–انا عندى 27 سنه ومش مرتبط ولا اى حاجه ومع كده مليش اى علاقه مع الجنس الاخر الا مجرد الزماله(صباح الخير وبس) واوقات مش بقولها كمان-وبعدين مفيش علاقه بين كليات القمه او القاع او حتى دبلوم بل بالعكس اوقات الدبلوم يبقى فاهم واشطر مننا فى التفاهم معاهم -طبعا قصدى الكلام المحترم وبس–وبعدين العلاقه الشرعيه والطبيعيه مع الانثى هى الزواج الشرعى وانت ربنا يكرمك وتتخرج وتكون نفسك ويكرمك ببنت الحلال المحترمه اللى حافظت على نفسها وتتجوز –مش كيميا يعنى–اما العلاقات والحاجات دى فطالما ان الواحد ميقبلش ان اخته تكلم شاب او موبايل او شات ,يبقى ليه عايز تحلل الحاجات دى لنفسك–لكن طبعا كلنا محتاجين نحس بالحب وان فيه واحده بتحبك وتسأل عنك لكن كل حاجه ليها وقت–فى ايام الكليه كنت بحب بنت واتمنى اشوفها كل يوم وكنت احب ارتبط بيها لكن بالعقل كده بعدت عنها لان الظروف متسمحش بكده—-لا حظ–هل انت احسن منهم؟من زملائك يعنى ؟ –انت احسن لو استمريت بانك تبعد عن العلاقات اللى مش كويسه-لكن لازم تفهم كل حاجه–اسمع حكايات اصحابك–افتح الموقع دا واعرف المشاكل وافكار لحلها–يعنى خليك مدردح و فاهم بس مش صايع وبتاع بنات–خلى عندك ثقه بالله وبنفسك –البنات دلوقتى احيانا بيعاكسوا الشباب –اتمنى لك التوفيق من كل قلبى وياريت تلغى الحساب اللى مش كويس ع الفيس بوك لان ربنا هيحاسبك على كدا –و كبر دماغك وخليك روش كدا و ناصح ……سلااااام

  12. علي المصري .. صعيد مصر
    19/11/2010 at 12:52

    أتقي الله في نفسك وإستمر على طاعة الله وعدم الإختلاط بالجنس الآخر حتى يكرمك الله بالحلال
    وأترك من يتكلم يتكلم فالإنسان لا يعجبه أحد أفضل منه في شئ ويحاول توبيخه دائماً

    وأنت في نعمة فلا تعصي الله بالإختلاط وأنت لست بالخام كما يقولون بل هذا هو الإلتزام الصحيح ونتائجه ستفرح بها عندما يكرمك الله بالزوجة الصالحة
    إستمر بارك الله فيك
    والسلام على من إتبع الهدى
    علي المصري _ صعيد مصر _ أحفاد شيخ العرب همام أمير الصعيد وزعيم الأمة جمال عبد الناصر

اترك رداً أو حلاً لهذه المشكلة