سلام عليكم و رحمة الله و بركاته
انا شاب مصري عندي 19 سنه في كليه كويسه جدا الحمد لله
انا مشكلتي اني نفسي مابقاش لوحدي انا علاقتي بأهلي مش قويه اوي زي اي حد يعني والدي مسافر من و انا صغير و والدتي علاقتي بيها بردو مش عميقه جدا زي اي حد و عمري موسقت في اي حد.. عمري ما كان ليا صديق مقرب .. كمان انا نفسي اني الاقي بنت احبها
المشكله ان انا مبعرفش اتعرف على الناس دايما بحب ابقى منعزل .. تقريبا اصحابي ممكن اعدهم على ايدي قليلين جدا … مابعرفش انام من كتر الاحساس بالوحده و الالم ..
نفسي ابقى زي اي شاب اخرج و اصاحب و احب
يا ريت حد يتكلم معايا و يقولي لو عندو حل او كان حاسس بكده عشان انا والله العظيم تعبان جدا
والله انا ذيك بالضبط ومش مصاحب غير واحد !
دايما بتعامل مع البنات انهم اصحاب بس عمري مبعرف احب ؟ مش عارف لية ؟
وثقتي منعدمة بكل الناس !
وبردوا مش عارف اية الحل ؟
والله انا زيك واكتر لا اثق فى الناس لانى اتعرضت لمواقف خبانة تكفى لانعدان الثقة ولسلل انتقالى من مكان لاخر وبسبب الحاقدين والحساد اصلحت فى عزلة اجتماعية انا حاسس بيك وانا كل يوم بالليل بابكى لدلا من الدموع دم على عدم وجود الاصدقاء المقربين الذين استطيع ان ابوح باسرارى وهمومى معهم وياريت تعتبرنى صديق ليك
مرحبا والله انا متلك انا بنت وكتيير متعذبة بقصة الاصدقاء عي المشكلة الكبيرة انو ماتلاقي اصدقاء المهم انا في بني كتيير حابة رافقها اول شي بتعرف ناس كتيير وتاني شي قصة حياتها بتسبه كتيير حياتي بس بتعرف شو عملت اتصلت فيها وقلتلها انا حابة رافقك بس اذاغ بتدايقي انا بنسحب فتقربنا من بعض شوي واكيد شوي شوي بتصير رفيقتي
بصراحة أفضل شىء يكون أصحابك معدودين على الأصابع لكن أهم شىء يكونوا كويسين وولاد ناس محترمين ومن الآخر والله البعد عن الناس غنيمه لأنك هترتااااااااااااااااااااح وشوف مشاكل غيرك اللي مختلطين زياده عن اللزوم اما بالنسبه لسفر والد فده علشان يأمنلك مستقبلك وربنا يعينه على القرف الله هو فيه في غربته وبالنسبة لأهلك في البيت حاول تتقرب منهم حتى لو هتشوف شوية دخلات حلوه وأفشات في الكلام من الأفلام وإعملها معاهم علشان تحس إنك في البيت وياريت تعمل كده بسرعة قبل ما تتنيل على عينك زيي وتسافر وتندم على الأيام اللي مستمتعتش فيها مع اهلك وإنت لسه في البيت.
http://mashakel.masreat.com/مشاكل-العمل-المصريين-في-لبنان/
انا مش عارفه انت زعلن عشان مش بتغضب ربنا يعنى الشباب اللى انت بتشوفهم حب وغرام من غير جواز طيب دى علاقه حرام اساسا وانت عندك وقت فراغ اوك انا ماعك خاليك مع ربنا استغل الوقت مين عارف ممكن تكون انت احسن واحد فيهم فى المستقبل ما تبوس تحت رجاليك انك اقل منهم فى حاجه بل العكس انت احسن منهم بكتير بس الشيطان دايما بى يحوت فى دمغك انك اقل منهم وانت احسن على الاقل انت مش بتغضب ربنا انت عارف انا كنت فى نفس المشكله دى زمان بنفس القصه ملل ومافيش حد مهتم لا اسره ولا حتى اصحاب وكنت كائيبه بجد بينى وبين نفسى وبدات افكر فى الانتحار كمان وكنت تعبانه اوى بس لغايه ما اهتميت بدينى وبقيت قريبه من ربنا والله كل امراض النفس دى انتهت خالص وانا لما عاملت ربنا فى كل تصرفاتى والله والله انا دالوات احسن من كل اصحابى كالهم اجوزت وعندى اولد وزوج الدنيا بتحسدنى عاليه اما اصاحبى اللى كنت فكرهم احسن منى زمان لغايه دالواتى ما حد فيهم اجوز خالص شوفت ازى انك احسن واحد ولازم تفوق وتعرف ربنا بجد عشان ما تخش فى دوامه انت مش ادها وكمان انت بتقول انك وانت نايم مش بتعرف تنام طيب استغل ده ليك يعنى اقراء قران صالى اسمع عمرو خال او اى حد بتحب تسمع ليه وبلاش الاغانى عشان حاتحرك مشعرك واساسا سماع الاغانى حرام والشيطان حايدخل ليك من هنا الحب والعشق وممكن كمان العاده السريه وغيرها خد بالك انت كويس واحسن واحد وساعد نفسك على قراءه القران وا لصلاه وانت حاتخف وحاتحس بسعاده عمرك ما حسيت بيها الا بزكر الله طتمئن القلوب وكمان اعمل زى انا كنت حاسه نفسى ياتيمه بس كنت دايما بقول انى بنت ربنا وحفيده الرسول وكنت باشتكى لربنا وكنت اعود اكلام معه كتير وكنت بعدها برتاح جدا
جرب حاتخسر ايه وربنا يبعد عنك شيطانك وولد الحرام اختك توتا
حاول تعد وسط زمايلك ف الجامعه وسط اى جروب تدخل معاهم فى حوار فى موضوع بيكلمو فيه
واكيد وسط الزمايل هتلاقى نفسك قربت من صديق او اتنين المهم يكونو كويسين بجد
وفى ناس كويسه ومحترمه اللى عاوزهم هيلاقيهم
وواحده واحده هتلاقى نفسك بتتكلم وتبقى اجتماعى
وبكره هتلاقى البنت اللى تحبها وهتقول لاصحابك انا مش فاضلكم
بس متستعجلش
انا رأيى من رأى MR–LONELY واعتقد انك مع الوقت هتتغير لكن دى طبيعتك انك تحب الوحده ومهما اتغيرت وعرفت ناس كتير هتفضل تحب الوحده —لكن لو مفيش عندك انطواء او خجل يبقى الحل بسيط وهو انك مع الوقت والتخرج والشغل مش هتلاقى وقت تكون مع نفسك او تحس بالوحده
بسم الله الرحمن الرحيم أنا لما قريت الكلام المكتوب بجد أنا شكيت فى نفسى أنا أكون بعت الكلام دوت وأن ناسى ولا حاجه لأن كل كلمة مكتوبه بتنطبق عليا بالظبط بس الكلام الزيادة عليه أنا مش مشكلتى أنى بحب العزله أو ماليش بردو أصحاب كتير لدرجة أنى كنت بقعد فى البيت لمدة شهر أو ساعات شهور مابخرجش من البيت غير علشان أصلى صلاة الجمعة بس على فكرة الوحدة مش وحشه زى البعض ماهو متصور أنا منعزل علشان مجرحش نفسى بطبائع الناس اللى أتغيرت زمان كان يبقى الواحد فخور لما حد يقوله أنت طيب أو مؤدب لكن دلوقتى عادوا بيقولوا عليها خيبة علشان كده ماكنتش بخرج غير للضرورة فقط لكن زى ماقولتلكم قبل كده أن دى مش مشكلتى مشكلتى بجد هى أهلى للأسف ماحدش حاسس بيا ولا بمشاكلى ده بالعكس أنا بحس أنهم بيبقوا شمتنين فيا ممكن أى شخص من اللى ماشفش ومعرفش يقول كلام كتب أهلك هم اللى بيحبوك وهم اللى بيخافوا عليك ماشى أنا معاك فى الكلام دوت بس ساعات الأهل بيعملوا تصرفات مش حاسين بيها أو بمعنى أصح مش عاوزين يصلحوا غلطهم علشان ماطولش عليكم أنا بحاول أصبر نفسى وأكيد ربنا عنده الحل ليا ولكل شاب فى نفس ظروفى بس النصيحة اللى ممكن أقدمها لكل شاب فى نفس ظروفى أنه يتقرب من ربنا بالصلاة وقرآة القرآن وياسلام لو مضياق شوية يخطف رجله لحد الجامع أنا مش هقول على نفسى أنى مقطع حصر الجامع بس على قدر الأمكان بحاول أمحو ذنوبى وأصبر نفسى وبجد أنا الصلاة هى أقرب صديق وأحن من الاهل نفسهم لأن فى الصلاة الأنسان بيلاقى نفسه معلش أنا اسف طولت عليكم بس على قدر الامكان كنت بختصر فى كلامى والسلاموا عليكم ورحمة الله وبركاته
بص يا اخى على حسب كلامك انت فى كلية كويسة والحمد لله والدك مسافر مش بمزاجه بل علشان يوفر لك العيشة الكريمة الكويسة سواء انت قريب من والدتك او بعيد عنها فهى امك اللى بتخاف عليك وبتحبك يعنى انت مشكلتك بسيطة جدا بين مشاكل الناس او يمكن مفيش مشكلة اصلا عيش حياتك ببساطة وما تعقدش الامور ركز قى دروسك وكليتك عيش حياتك زى اى شاب عادى مش لازم يعنى انك تتعرف على بنات وتحب دى وتسيب دى علشان تبقا شاب كويس بالعكس انت لما ربنا يكرمك ببنت الحلال مراتك يعنى صدقنى هتديها حب كبير جدا وهتلاقى نفسك بتعوض نفسك عن الايام دى دلوقت يعنى وربنا يوفقك
بص يا صاحبي انا زمان كنت بحس بنفس الاحساس بتاعك ده تقريبآ .. بس انا اختلف عنك في حاجات
يعني انا مثلآ عندي اصحاب واعرف ناس كتير جدآ وعندي صحاب مقربين اللى هما اعرفهم من وانا لسه في ابتدائي .. بس كانت مشكلتى انى بحب الوحده وعاشق للغموض بحب قعدة البيت مع انى املك المقومات انى انزل واخرج مع اصحابي او مع حبيبتى وعندي عربيه وانسان مرفه بس انا اللى برفض دايمآ ومش هقولك انى كنت بقعد في البيت مع اهلى .. لأ انا كنت بقعد لواحدى واقفل عليا مش بالمفتاح ولا حاجه بس مقفول عليا وبرضه مش بعمل حاجه غلط وانا لواحدي ..
بعديها بفتره فكرت مع حالى واول حاجه ابتديت بيها انى اقعد مع اهلى وابتدى صحابي يوحشونى وبعديها ابتديت انزل واخرج واعمل علاقات كتير مع ولاد وبنات وكبار وصغار
بعديها لاقيت ان مفيش صاحب يتصاحب وان مفيش حد يستاهل لمجرد انك تتكلم معاه كله بيحب نفسه وكله بيدوس على كله ومحدش بيخاف على حد المهم عشان مطولش عليك ملكش غير اهلك حاول تتقرب منهم وصدقني مش هتلاقي حد اكتر منهم يحبك ويقدرك ويخاف عليك ..جرب بنفسك شوف لو حصللك حاجه واكيد حصل مين هما اللى بيكونو اول ناس ده لو كان اصلا حد تانى غيرهم هيخاف عليك او هيكون قلقان عليك اللى مدايقنى انك مش مقلاب من اهلك قرب منهم واترمي في حضنهم هتلاقيهم هما دول احن الناس عليك ..
سلام بأه
لا تخاف انتا رح تلاقي الصديق المناسب بس يمكن عشان انتا مو عارف كيف تتعرف على الناس
انتا خلك نكوت شوي مو لازم تير ايموا ترى اجي عليك واصورك واحطك مع الايموا بس للاسف راحت موضتهالارم احطك في مكان مناسب يمكن مع اي شي حلو(هه مالي داعي)
انتا اكيد عندكط بنت حلوه تحبها قولها انك تحبها