السلام عليكم انا خاطب من سنه تقريبا دائما في مشاكل مع خطيبتي لأنها عنيده جداااا.. هقول بعض المواقف كانت مره عندها درس وبعد ما خلصت الدرس اتجمعت هي وصديقاتها مع بعض في بيت احداهن وقعدوا كتير ف اتصلت بيها ااقولها انتي فين قالتلي انا لسه مروحتش قولتلها انتي بقالك 5 ساعات قاعده مينفعش تتأخري عند حد الوقت ده كله قالتلي بالحرف كده..انت ملكش تقولي اعمل ايه ومعملش ايه طبعا خاصمتها بعدها اسبوع.. بردو موقف تاني كنت عندها وابن عمها كان موجود وجلس معنا وهما يعني متربيين مع بعض في بيت واحد وابن عمها كان مشتري موبايل جديد قالتله هات اشوفه وخدت منه برامج وهو خد موبايلها عادي واخدت منه برامج المهم بعدها كنت انا وهي مع بعض واخدت موبايلها وفتحت النت من عندها المهم لقيتها بتقولي انت ازاي تفتح النت وتلعب في موبايلي مش في حاجه اسمها خصوصيه وطبعا هنا انفجرت غاضبا في وجهها وقلتللها يعني ابن عمك يمسك تليفونك وانتي تمسكي تليفونه عادي وانا مينفعش امسك تليفونك قالتلي ابن عمي مفتحش النت وانا عارفه انا بعمل ايه قولتلها بعد كده مشوفكيش ماسكه تليفون اي حد تاني ولا حد يمسك تليفونك قالتلي شغل الاوامر والنواهي ده مش عليّا. طبعا زعقتلها بما فيه الكفايه وقفلت معاها علي كده ومن اسبوع مكلمتهاش….. تنصحوني بإيه اكمل ولا افركش ولو كملت ازاي اتعامل مع الشخصيه العنيده بالشكل ده
الوصف
مشاكل الشباب قبل الزواج|الشباب و مشاكل الخطوبة والزواج
بحث مصريات
COPYRIGHT (C) 2024موقع مشاكل وحلول | احد مواقع شبكة مصريات
ستتعبك ان استمريت معها وستضطر للتنازل عن مبادئك
البنت دي لسه صغيرة متتحملش مسئولية … انت مقلتش سنك ايه عموما هي مش مناسبة ليك دا لعب عيال دا .. دور ع واحدة تناسبك ومتطولش ف الخطوبة هي اقصي حاجة سنة علشان المشاكل بتكتر وربنا يسعدك
شوف ياااخي الحبيب من البداية انت وخطيبتك مافيش اي تفاهم بينكما وهي عنيدة جدا وعاوزه تمشي كلامها حتى لوكان غلط باي طريقة وانت غير متقبل الوضع ده فمن الاحسن فسخ تلك الخطوبة وكل واحد يذهب لحال سبيله والزواج قسمة ونصيب ولااعتقد انها قد تتتغير او تبطل العناد اللي فيها ده وربنا يكرمك بغيرها بابنة الحلال اللي تستاهلك وتقدرك وتصون مشاعرك وتسعدك طوال عمرك