امي تخيرني بينها وبين حبيبتي
كانت هناك مشاكل بين اقارب الفتاة واقاربي قبل اكثر من 22 سنه من اللان
تعرفت عليها فاحببتها واحبتني بصدق واصبحت لا اطيق الحياة بدونها. فاخبرت امي عنها واخبرتها عن وضعها للعلم هيا مطلقه ولديها طفل.
رفضت رفضا نهائيا. اخبرت اهلي بذلك وطبعا الرد كان الرفض اخبرتهم باني لا اريد فتاة غيرها. كشريكه لحياتي طبعا لا فائده من المناقشه
خيرتني أمي بينها يا ان تختار هذه الفتاة يا.أنا ، لا اريد ان اخسر امي ولا اريد ان اخسر حبيبتي مالحل برايكم انقذوني ؟
اريد حلا مقنعا
مشاكل الشباب مع البنات
امي تخيرني بينها وبين حبيبتي
اضيف بتاريخ: Wednesday, March 13th, 2013 في 11:09
كلمات مشاكل وحلول: الحب, الخطوبة, شاب, فتاة
لو اخترت أمك هتخسر حبيبتك وممكن أمك تعارضك في أي واحدة تحبها بعدها.
أما لو اخترت حبيبتك فهتكون كسبتها وهتقدر تكسب أمك مع الوقت والتودد والتذلل ليها
أجل الموضوع فعلا شوية وحسسها إنها بتقتلك لما تبعدك عن البنت دي وقول لها مش هعمل حاجة إلا برضاك، ولما تلاقي مفيش حل قول لأمك مش هقدر أبعد عنها ومش هقدر أبعد عنك
هتجوزها وهفضل على قلبك بردو
وحتى لو غضبت منك فترة بعد جوازك أكيد أكيد هترضى عنك بعدها بفترة
لكن احذر واحترس إنك تزهق من عدم رضى أمك عنك
اوعى في يوم تبطل تعتذرلها وتحاول ترضيها بكل رقة وود
مهما كانت غلطانة لازم لازم تتودد ليها وتقرب منها ومتبعدش عنها
لو طردتك كل مرة تروح لها ارجع لها تاني ولو مليون مرة حتى
متخسرش آخرتك بغضب أمك
حقك تتجوز الإنسانة اللي بتحبها
وحق أمك إنه ترضيها مهما عملت فيك حتى لو عايزاك تكفر بدينك لازم تفضل جنبها
ومتنساش تخلي زوجتك تقرب منها هي كمان وتتحملها مهما عملت ومهما قالت
بس كن رفيق بزوجتك ومتجبرهاش على كده خليها تعمل كده برضاها وبدافع حبها ليك
وربنا ما يحرمك من أي منهما ^_^
خلاص ايه المشكلة حاول ارضاء والدتك وارضاء حبيبتك ازاى؟؟؟؟
1-أجل الخطوبة والزواج الفترة ديه
2-حاول تحسس والدتك بأنك فعلا مضايق جدا جدا جدا ولا يمكن أنك تعيش من غير تلك الحبيبة
3-حاول تتكلم مع والدتك اكتر من مرة فى الموضوع ده بهدوء وتراض
4-احرض دائما على ارضاءها
5-حاول باكتر من موقف توضحلها سبب اختيارك للبنت وتوضحلها مواقفها الجميلة معاك وانك مخترتهاش عشان عيلتها
6-متحاولش تزعق او تتخنق أو تبين غضبك من موقف والدتك مهما وصل درجة غضبك لان ده للاسف من عوامل زيادة اصرارها
7-بينلها أنك لا يمكن أنك تتجوز حد غير اللى بتحبها هذه وان الدنيا فعلا حتنتهى اودامك
وتاكد اخى الحبيب اذا وجدت معوقات كثيرة فى طريقك اعلم ان كل شئ بيد الله وكل شئ نصيب واحرض دائما على ارضاء والدتك لنيل رضا اللــــــــــــه
وشكر
والسلام عليكم
اسمع كلام والدتك واوعى تتزوج هذه البنت!! ومطلقة كمان؟ وعندها ولد؟ ياابنى والدتك عندها وجهة نظر وقلبها حاسس بحاجات كتير اوعى تسمع كلام حد من الناس اللى بتقولك لا خد اللى بتحبها بعد الجواز مفيش حاجة اسمها حب فى حاجة اسمها عشرة!! وانت واخد انسانة مطلقة يعنى هتقارن بينك وبين جوزها الاولانى … عارف انت لو متجوز قبل كده او مطلق او عندك اولاد كان ممكن اقولك ماشى تجرب حظك مع حد ذيك انما دى اول جوازة ليه خد بنت بنوت .. بنت عذراء تحبك حب برىء واوعى تفتكر ان حب البنت دى ليك هيكون اكتر من حبها لأبنها يوم ما تزعق او تعلى صوتك على ابنها يوم ما هيكون يوم اسود على دماغك لانو مش ابنك والموضوع هيتم التعامل معاه فى قمة الحساسية وخصوصا بقى لو خلفت منها يبقى انت بتربى اتنين ولد مش ابنك وولد ابنك وتعامل ده بطريقة وتعامل ده بطريقة وعلى فكرة انا لا بقول انت وحش او هى هى وحشة لا انا بقولك ان ده حاجة طبيعية ومعظم الناس مش بتحب الصراحة !!! كلهم بيحب يمثل على كله انا واحد كبير وبديلك نصيحتى خليك مع راى والدتك الله يخليلك ياها وخليك فاكر اوعى تخسر والدتك مقابل ست !!!! الف ست بتعوض ولكن غضب امك عليك لا تعوضه كنوز الدنيا انا ياما امى كانت تنصحنى ومسمعتش كلامها وبعد تجارب وتجارب وعذاب النتيجة ان الاهل صح فى كل شى ونحنا الخطأ!! وسيبك من اللى بيقولك حرية وده راحتك وخد اللى بتحبه وامك مالها ومالك !! اقوله وحياة ابوك ياشيخ خلي فى نفسك لو انت انسان عاق متخليش غيرك عاق!! بالعكس دى الحاجة الوحيدة اللى اهل بيدخلو فيها هوة الجواز علشان ده نسب ومصاهرة واعراض وشرف وكلام كده كتير قوى !!! وانت حر انا شايف مامتك كلامها صح 100% اخلع من القصة دى وشوف انسانة ابتدى معاها حياتك وفكك من موضوع الحب ده .. معلش هتتعذب شوية انا عارف وممكن تكتئب بس نصيحة انقذ نفسك دلوقتى قبل ما تضرب نفسك بالجزم بعدين .. وانت حر طبعا
لا طبعا ارضي نفسك واتزوج البنت الي بتحبها نصيحة من اخت مستحيل تعيش السعادة بدونها انا جربت متلك بلضبط اتزوجت غصبن عنهم بلاخر صاروا تحت الامر الواقع والان عادي مفيش مشكله قبلوها ارجوك لاتتخلي عن البنت الي بتحبها
استكملا لحديثي
صدق أن أمك لم تفكر الا بنفسها فقط برفضها زواجك منها
بدليل وجود الخلتفات العائلية
لكن ماذنبكم أنتم بأن تتحملوا أعباء ومسئوليات أخطائهم
وأنت شاب إن لم تستطع اتخاذ قرارك بنفسك فكيف ستستطيع بناء عائلة التي أساسها اتخاذالقرارت والمشورة
وإن كانت حجتها بعد ذلك أنها مطلقة فقل لها قد يمكن أن تكوني أنت محلها بيوم من الأيام
والناس سواسية كأسنان المشط
كما لا فضل عربي على أعجمي إلا بالتقوى
أي يحق لكل إنسان أن يعيش ويتزوج ممن يريد وحق المطلقة كحق الآنسة
وإن أصرت بحجة الطلاث قل لها تخيلي أنه أنا من طلق (عن نفسك) فكيف ستنظر لي الفتيات الأخريات بعدها
وأنصح للجميع
“عش كما تريد أنت لا كما يريده الآخرون”
حتى لاتندم وإن أخطأت باتخاذ قرار أهون على قلبك من تنفذ قرار غيرك عنك وهو خاطئ فوقت الندم في ذلك الوقت قد فات أوانه وستظل كما الرصاصة في القلب ذكرى
تعقيبا على حديثي السابق
إن كنت تظن أنك إذا لبيت طلب أمك فأنت ترضيها فهذا صحيح
ولكن هل هذا الرضا من الأم الذي وجد بالشريعة
طبعا لا
طالما لم تتجاوز حدودك في في طريقة الحديث معهم
لماذا لأن طلبك بالزواج فيه مصلحة عليا وﻷنت تريد المرأة الصالحة
ولست تعارضهم في أمر الله كمثال طلبوا منك أن تصلي فعارضتهم
هنا فيه إثم
أو أن تتزوج امرأة فاسقة
السلام عليكم ورحمة الله وبركاته
مع احترامي للجميع
لا شأن للأهل باتخاذ ثراراتهم عت حياة أبنائهم الشخصية
ويا أخ ضع أهلك تحت ابأمر الواقع خذ أهلك على بيت البنت واطلبوها رسمي بحجة انك مآخذهم تفسحهم
ولكن قبلا حاول مع أعمامك ثم أخوالك للضغط على أهلك واقناعهم
وإن لم تأت جهودك بشيء
عليك التوجه للمحكمة فالقاضي الشرعي أولى بأن يزوجك إياها بعد أن تعرض عليه قصتك
يا أخي الفاضل
لاتنسى قول عمر بن الخطاي ( متى استعبدتم الناس وقد ولدتهم أمهاتهم أحرارا)
فأين لأمك الحق في اختيار شريكة حياتك
فهذه حياتك أنت لا حياتهم وأنت الذي سيعيشها وليس هم وما أدراك بخيارهم وما ستواجه من مشاكل زوجية بعها
وما من أهل سيدومون لأبنائعم
فتزوج من يدق لها قلبك
حاول تقنع ولدتك لو ولدتك ماقتنعتش يبقى لازم تسسيب اللى انت بتحبها عشان ترضى ولدتك ورضا الام يترتب عليه رضا الله عز وجل اسئل الله لك التوفيق