السلام عليكم انا شاب عندى 19 سنه وبحب بنت اصغر منى بسنه بحبها لدرجه لا توصف وبموووت فيها بس للأسف حصلت مشكله اعز صاحب ليا طلع هو كمان بيحبها وعشان يبعدنا عن بعض راح قال لمامتها انى انا بقول عليها كلام مش كويس المهم كلمتها علشان افهمها انى ده عمره مايحصل منى لانى بحبها بجد بس للأسف هيا مقتنعتش بكلامى وكمان بنتها الى بحبها مكلمتنيش من سعتها والموضوع ده عدى عليه 5 اشهر وانا مبكلمهاش خالص بس مش قادر واخر مره شفتها رجعت بيا كل الايام الجميله الى عشناها سوا ومش قادر انساها وانا متأكد انها بتحبنى بس مش عارف ايه الى حصل بجد مش قادر تعبت من كتر العذاب الى عايشه راح منى اعز صاحب قصدى الى كان اعز صاحب وراحت منى حبيبتى ونفسى ارجعلها عشان لو رجعتلها ترجع كل حاجه حلوه تانى مش عارف اروح اوقفها فى الشارع ولا اعمل ايه بس للأسف مش عارف كرامتى ولا قلبى لانى بجد اتظلمت من ناس كتير.
مشاكل الشباب مع البنات
بحبها وعايز ارجعلها ومش عارف
اضيف بتاريخ: Friday, January 21st, 2011 في 03:49
كلمات مشاكل وحلول: البنات, الحب, بنت, مشاكل الشباب
هي يا صاحبي لو كانت بتحبك زي ما انت بتحبها كان صدقتك انت وهي هيك بينت انها كانت تستنى فرصة عشان تتركك وانت حاول فهمها مرة ولو بتحبك بترجعلك وطول ما انت مو غلطان لا تفكر ولا تخاف كل واحد بوخد نصيبو وبعرف حالو
كولكو زى بعض وحياة ربنا صنف واحد رجاله ربتحبو تجرحو وانا صعبان عليا الى عندو مشكله ده لانو حبها بجد ومحدش حاسس بيه
لا يا رشا دا كلام احنا بنقوله
كل واحد مننا يقول الحب دا مره واحده بس
لكن لأ والله
اللى بيظلم وبيتخدع , وحب تانى وكان حب كويس وطاهر
بيحس ان الحب الآول اللى اتخدع فيه دا كان هبل ولعب عيال
وبعدين لو كل واحد قلبه بيشيل واحد فى فى العمر مكنش حد اتجوز ولا كنا عايشين اصلاً
ما كلنا بنحب اسرتنا ( البيت ) وشوف البيت فيه كام واحد
وكمان النصيب الأكبر من الحب بيبقى لله سبحانه وتعالى وكمان بنحب الرسول
وبنحب حبيب عادى وبنحب صحابنا
اذن القلب بيشيل كتير
وليه اعمال كتير
القلب مش موجود فينا لمجرد واحد حبناه وخدعنا وبعد كدا القلب قال خلاص هو حب واحد بس فى الحياة !!
لأ طبعاً اللى خدعنا بنقدر ندوس على مشاعرنا وننساه
انما الغلط يا رشا اننا نحب 2 فى نفس الوقت
وكلامى منطقى بعيداً عن الشعارات والكلام اللى بنقوله دا كل يوم
عايز اقول حاجه لزملكاوي الا قلب الا يحب مره صعب انه يحب تاني الحب الاول مابتعوضش
يعني ايه لما شوفتهالما شوفتها رجعت بيك الا يام الا عشتوا سوااذاي هو انتوا متجوزين اكيد اتكلمت مع حد بدون ماتقصد ماخدتش بالك من كلامك اكيد حكيت علي الا حصل بينك وبينها لزميلك دا وعلي اساس كدا راح قالهم ماتزعلش حتنسي الايام ياما بتنسي هي كدا ثبتت انها مش بتحبك في مثل يقول الا يحبنا نحبه والا كارهنا نكره حتنساها لانها شكلها مابتحبكش
اولاً مش عايزك تحس ان الكل جاى عليك وانك مظلوم والكلام دا
القلب اللى حب مره ممكن يحب تانى طالمام الحب الآولانى دا فشل ومكنش فى صالحلك
تمام ؟
ثانياً انت حاولت تتكلم ومحدش اقتنع بكلامك وبتقول انها بتحبك
طيب مانت عارف اللى بيحب بجد بيصدق وبيقتنع من غير اى حاجه مقنعه
يا اخى دا الواحد لما بيحب بجد وتيجى حبيبته تكذب عليه ويبقى عارف انها بتكذب بس بيحاول يصدقها ومش يكذبها من حبه ليها لأنه مش متوقع انها ممكن تعمل كدا
وبتوصل اننا نكذب نفسنا واحاسيسنا عشان الطرف التانى
هتقولى دا مامتها اللى مش صدقت كلامى , مش حبيبتى
هقلك خلاص اتوكل على الله وكلمها وحاول تقلها انك مش عملت حاجه وانك مش قادر تبعد عنها
عشان تعرف راسك من رجلك بدل مانت لاعارف تقرب منها ولا عارف تبعد
لازم تكلمها عشان من كلامها تحكم اذا كانت تستحق كل دا او انها تستحق انها تتنسى
حاول تلاقى اى طريقه و اى مناسبة تكلمها
بس تكون مناسبه كويسه بلاش توقفها فى مكان مينفعش تقفوا فيه وتروح تكلمها
لأ حاول تكلمها فى مكان زى الجامعه او مكان بيعد عن بيتك او بيتها
واستخير ربنا فى كلامى دا وان شاء الله ربنا هيقدم اللى فيه الخير
وهى لو من نصيبك ان شاء الله مهما حصل برضوا هتبقوا لبعض
ولو مش من نصيبك لاقدر الله يبقى هى مش خير ليك ومش تنفع ليك