السلام عليكم ،، انا شاب عندى ٢٢ سنة وبار بوالدى الحمدلله ولكن معاملة والدى ليا صعبة جدا على الرغم من انى كويس جدا معاه وطيب جدا وحنين جدا عليه وعمرى ما برفضله طلب وحتى لو ظلمنى فى اى حاجة احتراما ليه وخوف منه مش بتكلم ، دايما بلتزم الصمت ، ولكن دايما بيجرحنى بالكلام قدام اخواتى الاصغر منى وكمان قدام الناس الغريبة “للعلم” مش بيعمل كده غير معايا انا ( مفيش حد من اخواتى بيعاملة ربع معاملتى ) ومفيش حد فى العالم بيعامل والده زيى ، كل اخواتى كويس معاهم ، إلا انا دايما بينتقدنى فى كل كبيرة وصغيرة صح او غلط مفيش حاجة فيا بتعجبه ” دايما يتعصب ويقولى انت غبى انت حمار انت مابتعرفش تفكر انت كذا كذا كذا” وبكون واقف قدامه ايدى ورايا ووشى فى الارض زى ما اكون عسكرى وواقف قدام الظابط بتاعة” وصلت لدرجة عدم الثقة فى نفسى وانطوائى بقيت بحب العزلة والقعدة لوحدى خوف من انى اتكلم مع اى حد واقول حاجة غلط وانا مش حاسس ! ” طبعا انى اتكلم معاه فى امور الدنيا العادية مثلا سياسة او كورة او اى حاجة زى اى ابن بيتكلم مع والده دى مستحيلة !!!! ودايما بندم وبقول انا اللى بعمل فى نفسى كده بسبب شخصيتى الضعيفة معاه وأقول لنفسى لو بدافع عن نفسى “دى ابسط حاجة ” مش هيعمل فيا كده ولا هيعاملنى كده ، عشان دايما بسكت سواء كنت ظالم او مظلوم مش بتكلم ، احيانا بحس انه مستضعفنى ودايما بيصدرنى لأى طلب او اى حاجة هو محتاجها حتى شغل ” البيت ” اخواتى البنات بيكونوا قاعدين ويطلب منى طلب خاص بشغل البنات بضطر اقوم وانفذله طلبه احتراما ليه ومن غير ما اقول حاجة ودايما بقابل طلبه بأبتسامة وبكون مبسوط وانا بخدمه بس فين برضو حقوق الاب على ابنه !!
ادمرت نفسيا
مشاكل عائلية
معاملة والدى تدمرنى نفسيا
اضيف بتاريخ: Friday, August 8th, 2014 في 07:25
السلام عليكم ورحمة الله وبركاته
انت مش ضعيف ومش وحش بالعكس انت انسان جميل جدا وانا حسيت كده من طريقة كتابتك لمشكلتك مهما كان ده ابوك اللي صرف عليك وكبرك ورباك وكمان ربنا وصاك عليه وسيدنا محمد صلي الله عليه وسلم كمان وصانا وقالنا انت ومالك لأبيك ونصيحتي استغل نقطة فشلك لنجاح
بمعني انك تعمل كل اللي هو عايزه وتثبت لنفسك وليه هو كمان انك مش فاشل وانك احسن واحد في اخواتك وفعيلتك كلها ذاكر كويس وانجح واشتغل وهات فلوس ومتطلبش منه حاجة ولا فلوس ولا أي شئ وشوف انت نفسك تشتغل ايه وأشتغل وأثبت ذاتك ونفسك وخلي كل الناس تشاور عليك ويكونو كلهم نفسهم يصبحو ذيك في يوم من الأيام وحسس ابوك دايما انك راجل يقدر يعتمد علي نفسه وانه يقدر يعتمد عليك وفالنهاير انت الكسبان
شوف يااخي الفاضل الابن الكبير بيكون عليه العب والضغط الكثيرمن قبل الاهل وعليه يقع الحمل الكبير في تعاملات الحياة لانه في نظرهم اصبح راجل ويتحمل المسوولية من بعدهم وعاوزين يحسسوك بقيمةاعباءالاسرةوتحمل الصعاب في الحياة كون عاقلا وحكيما وفاهم الشي ده ماتفكرش لبعيد انهم لاسمح الله يكرهوك ومايحبوك كون بار بهم ومطيعالهم وباخلاقك وادبك وتعاملك الحسن معهم تكسب رضاهم وقلوبهم وتنال رضا رب العالمين قبل كل شي مهماعملوه معك اصبر وتحمل وتغاضي عن السئيات معهم وقابلهم بالاحسان والمعروف والبر واجب عليك حتى لوكانوا كفار مش مسلمين ومهماعملو معك يجب عليك صلة البر والاحسان اليهم ولاتقل لهما كلمة اف اوتتضجر من العيش معهم ربي يبارك فيك ويجعلك من خيرةالابناءالصالحين البارين باهلهم ويكرمك بكل الخيروالرزق والبركة والتوفيق في حياتك
أتمنى انني افيدك بس انت اول حاجة ﻻزم تعرف هو ليه بيعاملك كدة تقدر تسال امك مثﻻ او واجهه وقول له ولما تعرف ااسبب اعتذر له ولو انت خايف لما يطلب منك طلب او يزعق لك قول له فين حقوقك علي وكون واثق من نفسك وقول الحمد لله وادعي ربنا وكون واثق بربنا وانشغل بأي عمل وحط في بالك انه اي واحد ﻻزم يكون فيه مشاكل في حياته بس ﻻزم يعرف يتعامل معاها وانت يعني اكيد بتاخذ حسنات عشان برك لوالدك