مشاكل عائلية

فرحي اخر الاسبوع ده ومشاكل حماتي

انا انخطبت من سنة واربع شهور ومكتوب كتابي من شهرين وفرحى اخر الاسبوع دة مشكلتى ان حماتى بتدخل في كل حاجة كانت كويسة لحد قبل كتب الكتاب واول ماتكتب وهى بتعمل مشاكل مع انها جابت الانتريه ودهنت الشقة والنجف والستاير على مزاجها ومحدتش رايي ولماجيت اتكلم وامى تتكلم تقولها مش ليكو الحاجة تبقى حلوة وسكتنا شوية اخو جوزى يوقع بينى وبين جوزى واهله وانا جوزى طيب جدا وبيحبنى جدااا بس ابوه متوفي وهى اللى بتصرف فعشان كدة بتتحكم فيه وهو بيقولى حقك عليا وبيراضينى وبيجى لاهلى ويقولهم حقكم عليا انا وهو كويس بصراحة بس اخواته وامه بيتدخلو في كل حاجة واخر موقف لمااهلى فرشه الشقة اتصلت تانى يوم تقول اية اللبس دة واية اللى في النيش دة اناابنى يستاهل اكتر من كدة مع ان والله العظيم اناوالدى في السعودية وجايبة كل حاجة ماركة من السعودية واغلى حاجة وهما اصلا جايبين حاجات عادية جدا وفيه حاجات رخيصة ووحشة وانا واهلى والله مااتكلمنا وقلنامش مهم المهم هو يكون راجل وبيحبنى اناقلقانة اوى ومش عارفة اتعامل ازاى مع اهله وهما من النوع اللى يرمو الكلمة ويعمله المشكلة ويجو بعدها يتكلمو ويهزرو عادى ولا كأن حاجة حصلت مستفزين اوى اعمل اية افيدونى الله يخليكم انافرحى اخر الاسبوع دة ومش حاسة بفرحة ومع العلم انابموت في جوزى وهو كمان انااسفة انى طولت عليكم

مشاكل وحلول ذات صلة

اضيف بتاريخ: Saturday, February 12th, 2011 في 12:38

كلمات مشاكل وحلول: , , ,

7 رد to “فرحي اخر الاسبوع ده ومشاكل حماتي”

  1. حياة عمرى
    01/04/2011 at 20:16

    انا منراى خديها بلسياسة يعنى قولها وان معرفتيش وقفيها عند حدها عشاتن متتعبكيش فى حياتك دى نصحتلى وعلى فكرة والله العظيم انا ماعايزة اخرب عليكى بس خايفة الاتتعبى بعد كده ومتقدريش تكملى بس الاول حاولى بلسياسة وان منفعش وقفيها عند حدها

  2. maya
    17/02/2011 at 03:25

    انا شايفة ما تسأليش فيها ابدا ابداوافرحي بكل فترة بتعدي مع جوزك خاصة انة انسان كويس وده المهم ولما تتجوزوا حيكون ليكي وبس .بس انا حابة اقلك حاجة دي امه يعني ازا كنت بتحبية اتحمليها عشانوا ونصيحة ما تنقليش اي حاجة بتحصل بينك وبينو اوبينك وبين امه لأهلك عشان ما يحصلش كره.انتي اسمعي منها وطنشي لمهم ابنها معاكي وجوزك على سنة لله ورسولة

  3. صاحبة المشكلة
    13/02/2011 at 04:16

    شكرا على ردودكم بس حبيت اوضحلكم ان شقتى فوق شقةحماتى في نفس العمارة يعنى ادعولى كلكم

  4. المحلله
    12/02/2011 at 21:21

    بصى انتى موضحتيش انتى شقتك لوحدك ولاساكنه معاهم لو شقتك بعيده عنهم خلاص انسى كل حاجه وابدئى مع جوزك لوحدكم ومتحطهمش فى اعتبارك بس برضوا تعامليهم معامله كويسه عشانه لكن فى حدود حطى لنفسك حدود معاهم فاهمه بلاش تدخل زياده عن اللزوم لو اتكلموا على الحاجه اللى انتى جيباهاردك يبقى واضح دى حاجات مستورده وعجبانى وعجبه جوزى كده بادب ومن غير غلط يحاولوا يوقعوا متديش فرصه لحد يدخل بينكم وبمشاكلكم اهم حاجه هو طيب وكويس معاكى يعنى تقدرى تكسبيه بحبك وبعطفك وهو طالمااتجوز بيكون لبيته والف مبروك ياقمر ماتفكريش فى حاجه تضيع عليكى فرحتك امالو شقتك فى نفس البيت ربنايكون فى عونك من تدخلهم مهمااقتصرتى هيفضلوا يدخلوا اتمنى انك تكونى ساكنه بعيد عنهم لازم قبل الجواز تحصل حاجات كده على العفش والفرش انسيها وابدئى حياتك ربنايسعدك ويرزقك الذريه الصالحه

  5. مين اللي يعرف خيره فين؟؟؟؟
    12/02/2011 at 19:28

    الف مبروك وربنا يتم لك على خير….احمدي ربك انهم بانو لك قبل الفرح مش عشان حاجه بس عشان تعملي حزرك وتبردي اعصابك على الاخر…ولا تهتمي…انبسطي وتعلمي التسامح الشديد…عشان تستمري معاهم وبكده همن حيحبوك …اياك تستفزي منهم …دي مشاكل اغلب الحموات…فاحمدي ربك انه شقتك منفصله عنهم….ماتهتميش مدام عريسك طيب …كله يهون عشان الناس الطيبه….

  6. جلوريا
    12/02/2011 at 19:11

    شكرا على ردك يانانسي بس فعلا صعبان عليا اهلى اللى بيجبو احسن واغلى حاجة وكل شوية يتحرق دمهم بسببهم ياريت ياجماعة تردو عليا انااراءكم بتعجبنى اوى وفيه حد اسمه زملكاوى ردوده بتعجبنى جدا قولولى رايكم ياجماعة ومع العلم اننا ساكنين في عمارة بتاعتهم لكل واحد شقة وحماتى في الشقةاللى تحتنا

  7. nansi
    12/02/2011 at 16:04

    م ام مجدي ترسل لكي لا تعتبريهم موجدين وافرحي مدام جوزك بيحبك وانتي بتحبية وان دة شغل حموات ولا تعطيهم فرصة كي يفرحو فيكي ومبروك علي الفرح وربنا يتمم بخير يا بنتي ويسعدك

اترك رداً أو حلاً لهذه المشكلة