مشكلتي طويلة شوية بس اسمحولي اعرضها عليكم لعلي اجد عندكم حل انا شاب عندي 24 سنة وبابا وماما منفصلين منذ كان عمري 6 اشهر وتربيت مع جدتي وكانت لي اكثر من الاب والام وابي متزوج وهذه هي المشكلة مراتة كرهتني في حياتي من معاملة سيئة وكلام علية وكانت بتخلي بابا يعاملني وحش لدرجة انة لما كان بيعطيني المصروف بيكون بدون علمها، علما بأن مصروفي الشهر اقل من مصروف ابنتة بإسبوع والدي يعمل بالخليج منذ اكثر من 20 عاما وحالتة المادية كويسة جدا ومعة ما يستطيع به ان يساعدنا انا واخوية ولكن عندما طلبنا منة مساعدة خاصة انة يملك شقق ومغلقة بدون فائدة واراضي ولكن مشكلتة انة بيستشير مراتة في كل شئ وهيه مش بتوافق وبينفذ كل اللي بتقول عليه مع انة رجل متعلم ومثقف جدا وفاهم بأمور الحياه ومتدين جدا، وصل الحال انة كل اجازة بيشتري شقة بإسمها او دهب بألاف الجنيهات ونحن لا نستطيع ان نأخذ منه اي شئ والأن بدأ يبيع املاكة ليشتري لها ما تطلبة هي او اولادها لا اجد ما افعلة علماً بأني انا واخوية بنعاملها بإحترام جدا علشان هو يكون راضي عننا بس احساسنا بالظلم وحش جدا احيانا لا استطيع ان انام من كتر التفكير واظل اتسأل لماذا يحدث لنا هذا، انا واخوية تعليمنا كويس والحمد لله والناس يشهدوا لنا بالخلق وابنهم فاشل في كل شئ لدرجة انة بيشرب مخدرات ولكن ابي يراه افضل مننا، انا مش عارف ايه الحل خاصة ان حقنا بيضيع امام اعيننا حاولنا معاه بكل الطرق بالكلام، نصيحة اخواتة له، اصحابة، ولكن دون جدوي لدرجة وصل تفكيري لرفع قضية حجر وعدم حسن التصرف في الممتلكات ولكن ما يمنعني انة ابي وتربيتنا وتعاليم ديننا تمنعنا ان نفعل ذلك.. اتمني ان اجد عندكم حل
مشاكل عائلية
مرات بابا كرهتني في حياتي
اضيف بتاريخ: Tuesday, April 5th, 2011 في 03:29
كلمات مشاكل وحلول: الخليج, شاب, مشاكل اجتماعية, مشاكل عائلية
السلام عليكم
اخي الكريم الحمد لله ربنا الرزاق وهو ارحم من الام بولدها على عبادوا انت عامل ابوك بكل ما قال عليه دينا الاسلامي
وابتدي حياتك واعتمد على نفسك وربنا مش حيضيع حيقك انت واخوك وخلي صلتك بربنا قوية وهو الرزاق ومحدش بياكل رزق حد والله يفتح عليك كل ابواب رحمناتوا يارب اختك في الله
انا بصراحة حاسة بالي انت فيه لاني مريت تقريبا بنفس الظروف ويمكن اكتر منها كمان بس لازم تعرف انك لو عاملت ربنا في ابوك كويس عمر ما ربنا هيضيع تعبك ولا صبرك ده علي الفاضي يمكن ربنا وراللك ده في ابنهم البايظ علي حد تعبيرك وانت واخوك ربنا يحفظكوا كويسين واخلاقكم كويسة ويعالم لو انت اغضبت ربنا ورفعت عليه قضية الفلوس الي هتخدها هتروح فين انا علي فكرة محامية كان ممكن اعمل كل انت متصورة مع ابويا لكن سالت شيخ قالي ان ده فيه قطع لصلة الرحم وسمعت كلامة ومعملتش حاجة وربنا عوضني وتتصور والدي دلوقتي حالتة المادية ادهورت وملقاش الا انا الي واقفة جنبة وديما بيدعيلي مش كدة برضة احسن من لو مات يدعي عليا يبقي الفلوس عملتلي ايه فكر كويس فبل ما تتصرف في اي حاجة وربنا يوفقك
الحياء خلق لكن الخجل مرض …… لو كان أبوك يستنفع بهذا المال لعلاج أو شيء يهمه هو … هنا لا بأس … أما حالتك أن رزقك يضيع …هدرا في سبيل وحدة مبتخافش ربنا … في هذه الحالة لازم تتخلص من الخجل و تطالب بحقوقك … في أجواء هادئة …ضمن حدود شرعية …. في حال تقطعت بك السبل و لم تجد حلا … فلجأ إلى رب العزة فوالله لن يضيعك ما دمت قد عملت بالأسباب … في أجواء هادئة في حدود شرعية … و الله المستعان … الله يفرج عنك أنت و أخوك و جميع أمة سيدنا محمد … سلام .
يا ريت تستعوض ربنا فى كل اللى بتفول عليه وابدا حياتك من الصفر مع نفسك وان شاء الله ربتا هيكرمك بس حاول تحافظ على نفسك واخلاقك النبيله و والله ربنا مش بيسيب حد حقك هيجى لغايه عندك من غير سعى لكن اوعى ترفع قضية حجر على ولدك علشان مرات ابوك ما تاخدهاش فرصه وتشعللها اكتر زى ما تربيت بعيد عنه اكيد هتقدر تكمل حياتك بعيد عنه
بصراحة اسأل محامي وحاول تثبت كلامك ده بأوراق ولو باباك لسه مرجعش عن اللي في دماغه يبقي لا حرج عليك من رفع القضية لأنك هتبقي استنفذت كل الحلول المتاحة من كلا م ومحايلات وغيررررررررررره