اولا . السلام عليكم ورحمه الله وبركاته انا طالبه فى سنه 2 ثانوى وانا علمى وكنت مختاره فى المرحله التانيه علمى رياضه لان كان املى الوحيد انى ادخل كليه هندسه بس للأسف ده محصلش انا بحمد ربنا سبحانه وتعالى انا جبت مجموع نتيجة الثانوية العامة مش حلو خالص وحاسه انى مش هدخل بيه كليه انا جايبه في نتيجة الثانوية العامة 69.5 ياترى لو حولت احول ادبى ولا علمى متأدب وهل لو شديت ان شاء الله حيلى فى سنه 3 هجيب كليه حلوه
انا كنت بفكر اعمل تحسين للمجموع بتاعى بس متردده وفكرت برضو انى اخد تانيه تانى ممكن حد يجاوبى ويقولى اعمل ايه بالظبط ؟؟؟
لانى بجد مبقتش مستحمله اه وفى اضافه صغيره انا لما كنت فى الاعدادى كانت صحبتى هى اللى طلعه الاولى على البلد بسم الله ما شاء الله ولما رحت الثانويه كنا برضو مع بعض وبنشجع بعض كان مجموعى فى 3 اعدادى 254 من 300 يعنى كانت النسبه المئويه 84.6 لما طلعت تالته اكيد كل واحد فى المرحله دى بيدور على مصلحته هى بعدت وانا كمان بعدت واتصحبت على اصحاب تانيين بس للأسف ضالونى ومكنتش بذاكر كانت ميزة صحبتى الاولى كنا بنعمل تحدى مع بعض فى المذاكره اما لما بعدنا عن بعض واتعرفت على اصحاب تانيه مبقتش اذاكر وبقوا يجولى على البيت ونقعد بالساعات واضيعها يعنى جيت فى السنه المهمه وضيعت كل حاجه من ايدى انا اسفه على الاطاله وارجوا المساعده
شدى حيلك وربنا هيوفقك ان شاء اللة
انا من رايي تحولي ادبي وتجتهدي وتعملي اللي عليكي وتسيبي الباقي ع ربنا واكيد تبعدي عن اصحاب السوء لانهم في النهايه مش هينفعوكي بحاجه فكري في مصلحتك ومتنسيش ان شهادة البنت بتزيد من مكانتها بين الناس وكمان بتزيد من قيمتها ومتنسيش ان الله لايضيع اجر من احسن عملا
بصى انت ممكن تحولى علمى متأدب وتدخلى كليه زراعة
بصي يا اختي الكريمة انا طالب مرحلة اولى ادبي انا بصراحة انصحك تكملي ادبي لو هتقدري تمش فيها بس انتي علشان كنتي علمي فمش هتاخدي جيولوجيا هتخدي تاريخ ومادتين كمان انا افضل لو انتي كويسة في الحفظ فلسفة وعلم نفس و ان شاء الله بسهولة ممكن تعلي مجموعك بس اهم حاجة تبعدي عن اصحاب السوء و تقربي تاني من الناس الي يخلوكي تذاكري انتي لو جبتي السنة الي جاية 200 هتكوني جبتي 83.5 وبالمستوى الرفيع يبقة 84.3 تقريبا وان شاء الله لو ذاكرتي بجد تجيبي اعلى من 200 انا اعرف ناس نفس القصة كده وجابو 203 ان شاء الله ربنا يوفقك و استخيري ربنا على حكاية التحويل وان شاء الله خير ليكي
السنوات اللي فاتت مش مقياس خالص معظمنا كان في السنوات اللي فاتت مستواه كويس ولكن الثانويه العامه هي اللي بتحدد حولي ادبي
لو تقدرى ع ادبى حولى وشدى حيلك فى تالته واختارى اصحابك لانهم هم الاهم دول اللى بيساعدوكى ع كل شء فانت ابعدى عن اصدقاء السوء واستعينى بالله ولو عايزه تكملى علمى يبقى استميتى عشان تحسنى مجموعك وبلاش تعيدى السنه الواحد ما بيصدق يخلص من سنه بتعبها وقرفها وزهقها وكمان الامتحانات كانت كويسه السنه دى الله اعلم باللى جاى فبلاش تعيدى واحسن مذاكره بجد بعد صلاة الفجر