مشاكل الثانوية العامة

هل مجموعى فى نتيجة الثانوية العامة مناسب

اضيف بتاريخ: Friday, July 22nd, 2011 في 16:29

كلمات مشاكل وحلول: الثانوية العامة, مشاكل الثانوية العامة, نتيجة

44 رد to “هل مجموعى فى نتيجة الثانوية العامة مناسب”

1. على مر الزمان

   

   06/01/2013 at 12:26

   على كل حال شكرن طلعت لكل الناس معادى انا ولا انا حضي زي العمى وروح الله يسامحك دنيا وأىخرة
2. على مر الزمان

   

   06/01/2013 at 12:07

   انا داخلة ادارة معلوماتية في الثانوية العامة اول سنة الي انا قدمت كل اشي عندي بس اختي الكبيرة حلمت باني هجيب معدل عالي 92 بدي اعرف شو تفسير الحلم هذا وانا خايفة من المعدل الي بدي اجيبو (وياريت بدي حل لهذه المشكلة ارجوكم )وشكرن
3. hagar

   

   03/08/2012 at 06:58

   انا فى تانيه ثانوى مجموعى 86.88 انا علمى ونفسى اكمل علمى واحقق اللى بتمناه بس محتاره اكمل ولا لاء انا ممكن اكمل علمى واشد حيلى بأذن الله وادخل الكليه اللى انا عايزاه ولا اعمل ايه ارجو من حضرتكم النصيحه
4. a3mel 2a

   

   30/07/2012 at 16:30

   انا جبت 91 % السنة دى فى تانية الحمدالله كل المواد كانت كويسة والجير هو اللى منقصنى لتقصيرى فيه وانا علمى وانا مش بحب الرياضة فعلمى رياضة مستبعد…..الاختيار علمى علوم وادبى وعلمى علوم تنسيقه عالى اوى فممكن لو شديت حيلى اجيب حتى علوم مش لازم طب ولا احول ادبى احسن… بس الكل بيقول مستقبله وهتشتغلى ايه والكلام دة كله ولو حولت ادبى ايه احسن كليه ادخلها ممكن تشركونى الراى
5. واقعية

   

   29/07/2012 at 23:42

   انا مش هقولك كلام تفائل وخلاص دة مستقبلك ولازم تركزى انا لسة مخلصة تالتة علمى رياضة وكنت شاطرة في تانية وجايبة 96,5 والسنة دى وصلت الى 91 ومش هدخل هندسة وليا اصحابى علمى علوم ودة واللة العظيم كلام واقعى جدا جايبين 97 ومش هيلحقوا لا صيدلة ولا علاج طبيعى ولا اى حاجة و التنسيق مش هيقل ابدا امتحانات رياضة2 وخاصة الميكانيكا والتفاضل والتكامل كانو صعبين جدا وبالرغم من كدة التنسيق لم يقل نهائيا لكن لو حولتى ادبى وبنفس مجموعك ممكن تدخلى كليات كويسة زي السن واعلام ولو شديتى حيلك شوية ممكن تدخلى سياسة واقتصاد فكري كويس بعقلك وصلى واعملى استخارة ومتجريش ورا وهم وفى الاول و الاخر اللى ربنا عاوزة هيكون
6. sad girl

   

   22/07/2012 at 17:52

   كملى طبعا علوم انتى كجموعك كويس وع فكرة تنسيق السنة اللى جاية هينزل مش هيبقى زى السنى دى وان شاء الله هتلحقى صيدلة
7. It's my dream

   

   21/07/2012 at 22:52

   انا كنت فى تانية ثانوى و جبت 96.5 انا نفسى فى صيدلة مش اى حاجة تانية بس انا خايفه جدا انى حتى لو شديت فى تالتة ثانوى مجبش صيدلة و ده حلم عمرى و احنا عندنا فى عيلتنا كلنا فى كليات القمة انا بعود اقول طب مااكمل علم رياضة مادام انا كده ضامنه إن شاء الله هندسة بس انا مش حباها انا بعشق صيدلة …. حد يساعدنى اعمل إيه !!!!
8. sad girl

   

   19/07/2012 at 16:59

   اناطالبةفى الصف الثانى وجبت 95،9 مش عارفة اكمل علوم ولا رياضة انا نفسي فى علاج طبيعى او صيدلة
9. arar

   

   18/07/2012 at 02:51

   انا جبت 95 % فى ثانية ثانوى و دلوقتى رايحة تالتة ثانوى مش عارفة اكمل علمى علوم ولا احول علمى رياضة و تفتكروا الحق كلية طب او صيدلة لو كملت علمى علوم
10. bella

    

    15/07/2012 at 23:40

    انتي احسن حاجة تحولي ادبي وبنا يكرمك وتعلي المجموع وتدخلي اقتصاد وعلوم سياسية بدل ما تجازفي في العلمي خليكي في المضمون عشان ما تتعبيش اعصابك اكتر من كده
11. غصن الامل

    

    23/04/2012 at 21:22

    انا فى 3 اعدادى نفسى ادخل كلية الالسن هدخل الثانوى بازن الله بس مش عارفة فى ثانوى عام اختار اية ادبى ولا علمى علوم ولا علمى رياضيات
12. روان

    

    10/11/2011 at 11:06

    ارجوكم يا جماعة قولولي هيا تانية علمي صعبة انا لسة في اولي بس الموضوع مخليني مش عارفة انام وتوتر غير عادي انا مش عارفة مستواياة ينفع يدخلني صيدلة ولالا انا كنت جايبة في تالتة اعدادي 256 ومكنتش بذاكر اوي ينفع اعوضها في ثانوي ولا صعب ارجوكم ردوا عليا
13. ندى سعد

    

    01/10/2011 at 11:17

    يا جماعه انا جبت فى تانيه ثانوى 97.8وكنت محتاره اكمل علمى رياضه ولا علوم بس بصراحه انا بحب الرياضه جدا والاحياء صعبه ومش بفهم فيها حاجه ممكن تقولولى انا اللى عملته صح ولا غلط انى اخترت علمى رياضه
14. اية

    

    02/09/2011 at 07:39

    انا محتارة انا جايبة 97 ومش عارفة احول علمى رياضة ولا ايه ولو محولتش يا ترى هلحق صيدلة ارجوكم ردوا عليا
15. نانا

    

    25/08/2011 at 05:26

    انا رايى انك تفضلى علمى وتكملى فيه واعملى اللى عليكى وياريت تحققى حلمك وربنا يوفقك ويوفقنا جميعا
16. مصرية والفخر ليه

    

    19/08/2011 at 15:54

    سلام عليكم …احب اقول ل_الملاك الحائرة_ بصى يا جميل لو دى مجموعك فعلا يبقى كملى علمى رياضه وان شاء الله هتلحقى هندسة الكترونية او ممكن ربنا يوفقك وتلحقى هندسة مدنى بس انتى شدى حيلك كده فى تالته وخاصة فى رياضة2 والفيزياء .تمام.. وبالتوفيق ان شاء الله… وابقى سمعينا اخبارك
17. راجيه الفردوس

    

    18/08/2011 at 21:35

    انا من رايى تكملى علمى علوم انا اعرف بنت كانت 92 فى 2 ومجموعها اترفع ل 97 فى 3 ودخلت كليه طب بشرى وكان ايامها التنسيق اقل ارمى حمولك على ربنا واجتهدى بجد لانك ممكن تعملى زيها واحسن كمان
18. الملاك الحائرة

    

    18/08/2011 at 16:42

    اناواحدة رايحة تالتى ثانوى وجبت فتانية 95 وخايفة ومحتارة اكمال علمى رياضة ولاعلوم بيقولو انى لوكملت علوم ملحقش حاجة وانامش عارفة اكمل علمى رياضةو وخلاص ارجوكم الرد سرييييييييييييييييييييييييييييييعا
19. مصرية والفخر ليه

    

    09/08/2011 at 18:20

    سلام عليكم انا عاوزه اقول ل wa7da me7tara مجموعك كويس جدا جدا بس فى ادبى هتدخلى احسن كلية فى ادبى لكن علمى مش هتلحقى.. وما تنسيش حاجه مهمه ان الامتحانات السنة دى جت سهله اوى وكمان التنسيق الى حد ما كويس والمجاميع بتاع المرحلة الاولى عاليه اوى يبقى اكيد اكيد امتحانات السنة الجاية هتبقى صعبة والتنسيق هيجى عالى والهندسه هتاخد من حوالى 96% فبلاش تضيعى نفسك وما تلحقيش حاجه وتوكلى على الله وحولى ادبى هتلحقى كليات قمة فى ادبى وربنا يوفقك ان شاء الله وابقى سمعينااخبارك… ودى نصيحة من اخت اكبر منك وكانت علمى رياضة برضه وعارفه ان رياضة2 صعبه جدا وخاصة الهندسة الفارغية وربنا معاك على كل حال يا رب
20. طالبة

    

    07/08/2011 at 04:43

    يا جماعة اى حد فى اداب علم نفس ياريت تقولى على شروطها انا جايبة 84فى المئة والدرجة النهائية فى علم النفس حد يفيدنى ياجماعة بجد
21. wa7da m7tara

    

    05/08/2011 at 07:34

    يا جماعه انا جايبه 88فى تانيه و محتاره اكمل علمى رياضه ولا ادبى ز بجد محتاره جدا و خايفه ما الحقش حاجه خالص وخايفه برده رياضه 2 تبقى صعبه 🙁
22. طائر الجنة

    

    04/08/2011 at 02:27

    سيبى حملك على الله وكملى علمى علوم وشدى حيلك وان شاء الله ربنا هيكرمك لان الله لا يضيع اجر من احسن عملا وعلى فكرة انا جايبة 94 فى ثانية علمى علوم وسوف اكمل واعمل ئل على لانى عندى ثقه كبيرة فى ربنا وان شاء الله تدخلى الكليةة ئل بتحلمى بيها ومتهتميش بكلام اى حد واعملىئل انتى مقتنعه بيه
23. الزعيم

    

    04/08/2011 at 01:17

    من من وجهة نظرى المتواضعة (لازم تحولى علمى رياضة وتذاكرى بجد وتنسى السنة اللى فاتت علشان تدخلى هندسة ان شاء الله
24. طالبه

    

    31/07/2011 at 03:39

    شوفى هدفك ايه وكملى عشانه خليه ادامك دايما وخلى ايمانك بربنا قوى وتقربى منه دايما وشكيلوه همومك واستخيرى ربنا وانشاء الله هيهديككى للخير وسمعينا اخبارك بعد كده
25. مصرية والفحر ليه

    

    26/07/2011 at 18:27

    سلام عليكم انا فى تالته ثانوى وجبت مجموع 96.5 علمى رياضه والله يا جماعه انا مش عاوزه كلية هندسه بس بابا مصمم وانا نفسى فى كلية اعلام انا دخلت علمى رياضه علشان ارضيه مش اكتر مع انى بحب الرياضة جدا بس كهواية فى الحل وبس …اعمل ايه انا؟ ادخل الكلية اللى نفسى فيها ولا ارضى بابا ادخل هندسة اللى انا مش عوزاها حد يقلى رايه من فضلكوا
26. طالب ثانوية عامة

    

    26/07/2011 at 04:05

    بصي انتي عندك حل من اتنين يا تكملي علمي وتشدي حيلك وومكن في النهاية تجيبي 97 لو جبتي 203 و قفلتي المستوى و لو جبتي 200 تقريبا هتجيبي 96.5 على اعتبار انك جايبة 190 السنة دي بس الارقام دي ممكن تختلف يعني تقل او تزيد 1 او 2 من عشرة يعني دي ارقام تقريبية
    او تحولي ادبي وتشدي حيلك وتدخلي سياسة واقتصاد والاختيار يرجع ليكي
    يعني العلمي مفتوح قدامه كل الكليات ادبي وعلمي بس الادبي بتبقى اعلى شوية في العلمي و استخيري ربنا وان شاء الله خير و على فكرة انا ادبي مرحلة اولى جبت 92.7
27. محمد

    

    25/07/2011 at 22:11

    انا زعلان من نفسى علشان مجموعى انا حصلت على% وعلان ومش هعرف اذاكر بعد كده نهائى95.6
28. سوسو

    

    25/07/2011 at 13:56

    انا جيبت 70 هل مجموعى هيدخلنى كلية التربية بالعريش اى تخصص
29. شهد

    

    25/07/2011 at 13:51

    انا جيبت 69 هل يدخلنى كلية التربية بالعريش تخصص امومة وطفولة
30. الطائر الـ ع ـاشق

    

    25/07/2011 at 03:04

    اللحمد لله علي كل شئ انا طالب ف الصف الثاني يعني رايح تالته بمجموع 97.5 مش مجموعي والله متظلم ف الكيمياء لدرجه المهم اللحمد لله علي كل حاجه يمكن ربنا مخبي لكل واحد الافضل لقدام وانا اعرف شخص مش لحق صيدله ودخل علوم والان دكتور في كليه علوم
    سؤال مجموعي حلو علي صيدله ولا ؟
    في ناس بتقولي ممكن مش تلحق
31. فيفي حلالة المشاكل

    

    25/07/2011 at 00:46

    كلة تبع قدراتك انتي عيزة اية وربنا معاكى خليكى في علمي
32. nona

    

    24/07/2011 at 18:58

    اناكنت ف تالته علمى رياضه وجبت ف السنتين 86 مممكن الحق تجاره انجليزى ولا الاولويه لبتوع ادبى؟؟؟؟؟؟؟؟؟؟؟ يا ريت حد يجااوبنى بسرعه
33. SALAMA

    

    24/07/2011 at 02:08

    انشاء الله ربنا يراضيكى لأجل أمك ولا تفقدى الأمل أبدآ ودعواتى لكى
34. كريستين

    

    23/07/2011 at 23:33

    انامجموعى 96.46% مرحلة ثانية علمى علوم نفسى احصل كلية طب اسنان او صيدلة فى اى جامعة مش مشكلة المكان والكارثة الكبرى شائعة ارتفاع التنسيق يعنى لازم مجموعى يكون 100% علشان احقق امنية حياتى وحرام تعب سنتين بلا مقابل………………….. الرحمة بنا وباولياءامورنا يا معالى الوزير
35. نورهان حسن

    

    23/07/2011 at 18:34

    ان انا جبت السنه دي 96.3ونفسي ادخل طب حتي ياريت اقاليم بس طبعا مجموعي مش هيحصل ودلوقتي يارب الحق صيدله او اسنان
36. ايمى

    

    23/07/2011 at 17:59

    ارضي بنصيبك واكيد ربنا مش هيكتبلك حاجه وحشهوشدي حيلك السنه الجايه وباذن الله ربنا هيكرمك
37. medo

    

    23/07/2011 at 12:27

    حولى ادبى احسن وشدى حيلك وحاولى تزودى مجموعك
38. وفاء

    

    23/07/2011 at 07:24

    انا جبت فى ثالثة ثانوى 95.6 ياترى ممكن الحق كلية صيدلة او علاجطبيعى بجد هعل لو مدخلتش حاجة منهم لان زمالي اقل منى فى كل الدرجات ماعدا الفرق فى لاحياء والرياضة الاحياء نزلتنى علشان صعبة والرياضة رفعتهم علشان سهلة وهيلحقوا هندسة بسهولة
39. هديل

    

    23/07/2011 at 02:54

    انا من راى تكملى فى علمى علوم انا اخوية كان كدة فى المرحلة الاولى 93.6 و هوه كان عاوز يروح صيدلة . بس هوه راح علمى رياضة ( علشان مجموعة طبعا ) و كان بيذاكر بجد جاب فى المرحلة التانية 97.2 غير المستوى الرفيع دلوقى زعلان جدا لانه لو كان فى علمى علوم و كان جاب المجموع ده كا قدم فى صيدلة .
40. م@y

    

    23/07/2011 at 02:46

    انا انشاء اللة السنة دى هكون فى المرحلة الاولى و انا محبطة جدا انتم رايكم ان الثانوى صعب و لا اية
41. STMsadbird

    

    23/07/2011 at 01:43

    انا طول عمري متفوق و ذكي و موهوب رسم و غناء و الى حد ما شعر و ديما مدرس الرياضة في 3 ثانوي كان يقول علي عبقري بس انا عندي مشكلة ضعف في عضلات عيني اليمين تسببلي عدم تركيز و بكدا مش اقدر استخدز تركيزي الكامل و كانت تعباني جدا في 2 ث و جبت 88% و يمكن حاولت اتغلب عليها في 3ث و كان المجموع الكلي للسنتين 92.4% و كان نفسي ادخل هندسة لاني ذكي جدا و مشكلتي هي عيني اللي تعوقني و مفيش حد مقدر كدا انا حتى لو مش جبت هندسة بحمد ربنا لاني مع تعبي و قلة مذاكرتي و الدرجة الزبالة اللي جبتها في 2 بسبب صعوبة الامتحانات و تعب عيني فانا قدرت اجيب درجة الى حد ما كويسه صحيح بالنسبة لذكائي و قدرتي مش كويسة بس بالنسبة لاني كنت و مازلت عيني تعباني في التركيز فالدرجة كويسة
    فمن رأيي تكملي علمي زيي و 92 مش وحشة انا كنت جايب 88 و مع ذلك كملت و ربنا يوفقني و يوفقك يا رب
42. زينب

    

    23/07/2011 at 00:05

    اهم حاجة انك تكوني مؤمنة بالله وسيبي حمولك ع ربنا وهو هايقف جانبك بجد ربنا كبير اووووي وبيحب اللي اخلص وتعب وسهر الليالي وزاكر وقبل دا كله محدش ينسي ربنا بقراءة القران والتقرب بشدة لربنا
43. lمحمد

    

    22/07/2011 at 23:51

    ممكن تحلى المشكلة دى عن طريق تحويل الى علمى رياضة واكيد كلية هندسة هترضى بيها امك
    ولكن عليكى أن تحاولى ارتفاع مجموعك خمس درجات واذا اردتى صيدلة عليكى ان تعلى بمجموعك 15 درجة ودة مستحيل ولكن ممكن ان تدخلى كلية علوم ابحثى عنها ان اردتى
44. H Hanood

    

    22/07/2011 at 21:26

    انا بقول كملى علمى وشدى حيلك فى تالته جامد وباذن الله هتدخلى كليه محترمه ومجموعك مش وحش اوى بس انت توكلى ع الله واحسن مذاكره بجد بعد الفجر تصحى تصلى الفجر وتفطرى وتذاكرى لحد ما تروحى دروسك او مدرستك وواجبات الدروس خليها بعد ما تيجى من الدروس اكتب الواجبات بس وادخلى نامى ع عشره بليل واصحى الفجر ذاكرى المواد التانيه اوعى اوعى تحولى ادبى لو انت مش من النوع الحفيظ ممكن تضيعى فى ادبى خليكى علمى وانا مدرس الفيزيا بتاعى قال كليات علمى احسن بكتيير من كليات ادبى استخيرى وعايزين نسمع اخبار حلوه