مشاكل الثانوية العامة

هتجنن بعد نتيجة الثانوية العامة

اضيف بتاريخ: Sunday, July 17th, 2011 في 15:55

كلمات مشاكل وحلول: الثانوية العامة, مشاكل الثانوية العامة, نتيجة

56 رد to “هتجنن بعد نتيجة الثانوية العامة”

1. عبده

   

   16/07/2014 at 12:25

   أنا جايب 78,5 وليا درجات مظلوم فيها أعمل إيه وأدخل كلية إيه
2. alzoubi

   

   17/05/2013 at 17:49

   أنا طالبة دارسة الثانوية في سوريا وحصلت نسبة 72% وبدي أدخل جامعة بمصر فشو التخصصات اللي بتطلعلي بالنسة هي ؟؟؟
3. مهندس طموح

   

   15/12/2012 at 14:32

   Hossam Mohammed نص كلامك الاول صح اما بلنسبه للظوظ فهي لكل مجتهد نصيب
4. مهندس طموح

   

   15/12/2012 at 14:28

   انا طالب في هندسه جبت في اعدادي 86.63 % وعندي امل كبيييير في ربنا اني اوصل لي 90 السنادي في اولي بس المشكله اني دخلت كهرباء وصعبببه جدا واوقات بيجيلي تخيل اني لو جبت مقبول هبقي تمام قوي
   افيدوني ؟؟؟؟؟ بنصيحتكم ؟؟
5. no name

   

   22/08/2012 at 02:58

   انا جبت ف 2ث 90.2 وكان نفسي ادخل اسنان بس غالبا دة حلم لان التنسيق بتاع السنادى مش مبشر للسنة الجاية..انا مش عاوزة احول رياضة 2 لانى ببساطة مليش ميول لهندسة ولا لاى حاجة تابعة ليها.. وادبي طعا مش عوزاها … فهل تنسيق السنة الجاية ممكن ينزل ولا هيفضل ف الرينج دة زى مهو ياريت حد فاهم ف حوارات التنسيق والكلام دة يرد عليا انا عاوزة اعرف ازا كملت علمى علوم ليا نصيب ف كلية كويسة ولا لا!!
6. ياسو

   

   17/08/2012 at 00:00

   انا ادبى وجبت فى تانيه 53 مظلومه والله بس نفسى تقولى انا ممكن ازيد كام درجه عشان اخش كليه كويسه فى ثالثه ياريت تنصحونى عشان انا تعبانه اوى
7. عبدالرحمن

   

   08/08/2012 at 13:14

   أنا داخل تانية ثانوي وكنت علمي علوم ولللأسف مجموعي في تانية 67 في المية وقولت هكمل علمي علوم وهخش معهد فني صحي هل انا كدا مش صح فهموني وكنت هحول رياضة وهدخل معهد فني صناعي ومنه هخش هندسة عشان انا مليش في الأدبي اطلاقا افيدوني لو سمحتم لأن الواحد خلاص
8. mai mohmed

   

   28/07/2012 at 03:58

   انا فى ثانية ثانوى وجبت 91 كنت علمى علوم وكان نفسى فى صيدلة بس طبعا مش هينفع ومش عارفة احول ادبى ولا علمى رياضة انا مبحبش الحفظ بس انا بزاكر بعنى لو حطة فى دماغى احفظ هحفظ بس برضة بتعب انا عايزة حد يساعدنى ومش عارفة لو شديت حيلى السنة الجاية هجيب مجموع ولالا والمشكلة انى جايبة فى الكيميا 49 والنقصنى الانجليزى ياريت المساعدة اختار اية ولا اعمل اية
9. دودو

   

   25/07/2012 at 19:12

   انا جبت 85 فى ثانيه السنادى بصراحه انا فعلا اتظلمت فى الفرنساوى والكيماء بس الحمد لله ربنا يصبرنا على الكوسه الى فى بلدنا وبسال بس هل اقدر عايزة ادخل فنون جميله ان شاء الله الادبى سهل وربنا هيوفقنى السنه الجايه عشان انا فعلا تعبت

   سؤالى اقصى درجه ممكن اوصل لها من مجموعى تبقى كام يعنى 93 مثلا
10. نورا

    

    25/07/2012 at 12:49

    انا 2 ثانوى السنه دى وادبي انا جايبه 15و74% ونفسي ادخل اداب بس مش عارفه كليه اداب بتقبل من كام وربنا يسهل واجيب مجموع حلو السنه اللى جايه اهم حاجه القرب من الله ورضا الوالدين والمذاكرة وربنا ينجحنا كلنا ويكرمنا يارررررررررررررررررب
11. no name

    

    23/07/2012 at 18:19

    ممكن المساعدة انا طالبية ثانوى عام حصلت على 85 فى المئة 3 ثانوى والله مظلمومة كنت فى ثالثة 94 فى المائة وعارفة ان التظلم مش بيجيب درجات ممكن المساعدة ايه الكليات الى ممكن الحقها علما بانى علمى علوم
12. ميرو

    

    22/07/2012 at 15:28

    حبيبتى الحل الوحيد انك تحولى ادبى اولا الادبى سهل جدا عن العلمى وخصوصا فى تاثتة ثانوى وكمان امتحانات ادبى اسهل وصدقينى مجموعك هيزيد فى تالتة وتلحقى ان شاء الله كلية كويسة لكن لو كملتى علمى مش هتلحقى اى حاجة كويسة انا كنت زيك علمى وجبت فى تانية 89 وحولت ادبى وجبت فى تالتة 100 شوفتى بقى الفرق وجبت مجموع السنتين 94.5 ودخلت ألسن نصيحة لكل اللى جاب مجموع مش حلو فى تانية يحول ادبى احسن
13. reem

    

    18/07/2012 at 01:29

    انا في سنه تاني علمي وجايبه86 مع العلم انا مستوايا اعلي من كدا وكل صحابي الي اقل مني جابوا اعلي مني بس معرفش دا حصل ازاي انا حابه ادرس السن اوي حاسه اني هيجرالي حاجه لو مدخلتهاش ومعرفش هجيب مجموعها ولا لا
14. bosy

    

    18/10/2011 at 14:08

    ربنا يكرمك يااااااااااارب بصى خلينا نعمل اللى علينا ونسيب البااااااقى على ربنا انا جبت فى تانيه 93 وانا دلوقتى كملت علمى علوووووم بس مش عارفه ايه الكليات اللى ممكن التحق بيها
    عموما ان لكل مجتهد نصيب وفعلا مش معنى اننا منجحناش فى ثانويه عامه اننا فشلنا فى كل حاجه وربنا يكرمنا ياااااااااااااارب بالخير دايما واعرفى دايما والله ان ربنا كاتبلنا الخير عالطووووووول وان لو حاجه وحشه حصلتلنا بتبقى من اعمالنا وذنووب احنا عملناها ودرس نتعلم منه
15. اسلام مالدينى

    

    07/10/2011 at 03:22

    انابرده جبت فى ثانية ثانوى51% ومظلوم والله ورحت عملت تظلم فى الفرنساوى والكمياء لقيت ليه20 درجة فى الفرنساوى و10 درجات فى الكمياء والله ورفعونى الى 66 % الحمد لله طب ليه بيعملوا كده يعنى الواحد لو مكنش عمل تظلم كان انتحر والله بجد حسبنا الله ونعم الوكيل وانشاء الله الواحد يعوض فى ثالثة وادخل اداب او حقوق
16. يالا

    

    15/08/2011 at 16:04

    انا جبت 88في سنه تانية ومش عارف اكمل علمي رياضة في سنه 3 ولا احول ادبي
17. طالبه

    

    05/08/2011 at 22:30

    بصى ياحبيتى انتى تشوفى انتى هتستريحى فى ايه وعملى استخاره وتقربى من ربنا دايما وصلى الصلاه فى اوقاتها بس انا شايفه انك تحاولى ادبى وتشدى حيلك وربنا يوفقك وتتحققى كل الى بتتمانيه انا وانتى وكل الى زينا انشاء الله اممممممممممممممين ويارب اكون افدتك بشىء عايزه اسمع اخبارك سلااااااااااااام
    ربنا معاكى انشاء الله
18. نوئة

    

    02/08/2011 at 13:12

    hk انا خلصت ثالثة ثانوي وانا علمي علوم وكنت جايبة في تانية 73جبت في مجموع السنتين 78 في المية كان نفسي ادخل مرحلة تانية بس ملحقتش بس الحمد لله على كل شئ انا راضية بقضاء ربنا والحمد لله
19. peter

    

    30/07/2011 at 15:06

    اخر كلام شوفى تنسيق السنة دى وفكرى مع نفسك وشوفى الكليات اللى بتحبيها ورتبيها وشوفيها من علمى ولا ادبى وربنا يسهل وحددى ومتخافيش
20. طالب ثانوية عامة

    

    26/07/2011 at 03:54

    بصي يا اختي الكريمة ادبي او علمي حسب الميول لو هتقدري فادبي يبقى حولي علشان مجالها بالنسبالك اوسع يعني لو جبتي 200 هتكوني جبتي 84.8 وبالمستو الجغرافيا الي بيتقفل ان شاء الله تكوني جبتي 86 ولو جبتي مثلا 203 هتكوني جبتي بالمستوى 86.7 تقريبا يعني هيبقى في كليات كتيرة قدامك ان شاء الله بس خلي بالك لو كملتي علمي الكليات الادبي هتبقى اعلى في المجموع و انتي تستخيري ربنا على التحويل وممكن تستني 3 او 4 ايام علشان تعرفي تنسيق الكليات علشان تعرفي انتي ممكن يجيلك ايه
21. peteratif

    

    24/07/2011 at 11:45

    انا هشد حيلى وازاكر بجد واحكم على نفسى وهكمل علمى رياضة ممكن ادخل هندسة خاصة لكن ف النهاية هبقى عملت اللى عليا وما استسلمتش للهزيمة وارادة ربنا هتكون ف علمى او ادبى وزى ما يكون انتى لو خايفة ممكن تكملى علمى علوم وممكن تلحقى علوم يعنى شدى حيلك نفسك تكملى رياضة وتدخلى مثلا تربية رياضة برحتك بس صدقينى ربنا مش هيضيع تعبنا ابدا ولا يسمح بكدة واسالى تانى ولو حاسة انك عايزة ادبى ومستعدة نفسيا برحتك انا ممكن اكون حيرتك بس هو علمى افضل فى كل الاحوال سواء رياضة او علوم وساعة التنسيق فى الرغبات هتلاقى كليات كتيييير اوى تقبلك من مجوعك لكن لحد يوم التنسيق نتعب ونشد حيلنا واجرنا لن يضيع ابدا
22. المظلوم

    

    22/07/2011 at 04:07

    انا طالبة فى ثانية ثانوى وجبت 85% ومش عارفة ابقى رياضة ولا احول علوم لكن ادبى مرفوض تماما ومحتارة اعمل اية ولا السنة الجاية ممكنh اجيب مجموع كويس والحق ولا اية وممكن ادخل كلية اية
23. صاحبه المشكله

    

    22/07/2011 at 01:56

    سوري ياجامعه الكلام وصل غلط في الرد عشان داخله من موبايل أنا بشكركوا كلكم ويشكر اي حد رفع معنوياتي بس ممكن حد زيي يقولي هو هيعمل إيه هتحولوا ادبي ولو حولتو هندخل إيه ولازم اجيب كام في٣ عشان ادخل آداب بصوا كلكم زي العسل وميرسي للي كتب رده اكتر من مره بجد أنا بستغرب من شجاعتك هتكمل علمي رياضه وانت مجموعك كده ربنا يوفقك والله بدعيلك ويارب كل واحد ياخد اللي ربنا كتبه ليه أنا طبعا كنت هنتحر بس مفيش فايده أنا عملت تظلم لان مش دي درجتي في الكميا وتقريبا نزلوها في النت غلط ربنا يسهل ومعلش تقولولي لازم اجيب كان عشان ادخل آداب
24. صاحبه المشكله

    

    22/07/2011 at 01:46

    ميرسي بجد لسكوت كلكو رفعتو معنوياتي شويه احب اقلكم أني هحاول اجتهد في تالته ان شا الله وميرسي ليمول كلكوا بس هي آداب بتقبل من كام يعني لازم اجيب كام في ٣ وميرسي للي كتب رده اكتر من مرخ بس أنا شايف انك هتخاطر اووي في علمي رياضه ربنا معاك ومعانا كلنا
25. reem

    

    21/07/2011 at 09:26

    حبيبة قلبى اكيد دية خير ليكى ربنا مابيعملش حاجة ووحشة اكيد فى حكمة فى كدة اللة اعلم شدى حاليك السنة الجاية على فكرة انا قدك وفى حكاية تحويلى ادبى دية قرارك انتى
26. قارءة القران

    

    21/07/2011 at 07:53

    انتى لازم تحولى ادبى بجد انتى مش هينفع خالص تكملى علمى حتى تكونى ضامنة كلية احسن ما انتى متعرفيش مصيرك اية
27. peteratif

    

    20/07/2011 at 23:10

    يا جماعة عايزين نعرف بعد دة كله راى صاحبة المشكلة ايه
28. peteratif

    

    20/07/2011 at 23:06

    محدش يحول غير اللى مش واثق فالله وفنفسه ودة يبقى ضعف وانهزام وخليكوا فاكرين من طلب العلا سهر الليالى يعنى اللى يتعب يلاقى من جد وجد كه يكمل المشوار لاخره وربنا مش هيخزى حد ابدا امين
29. نور الهدي

    

    20/07/2011 at 13:00

    بصي اوعي تزعلي وان شاء الله لما تحولي ادبي حاتجيبي مجموع عالي ومتنسيش ان في تالته في مستوي رفيع ممكن يزودك 5درجات علي فكره انا خلصت ثانويه عامه وكان ليه اصحاب كتييييييير زيك كده والحمد لله جابوا مجاميع عاليه في ادبي والادبي اسهل كتير من العلمي وان شاء الله تطلعي معيده في الكليه اللي هتخوشيها بس اوعي تقصري في مذاكرتك واعملي اللي عليكي ومتنسيش حق ربنا عليكي في الصلاه والصيام واكثري الدعاء وربنا مع الجميع
30. محمود سيد على محمد مصطفى

    

    20/07/2011 at 07:13

    انا جايب 58 فى المية دول هيدخلونى اية بس تعليم مفتوح انا نفسى اخش كلية اعلام بس المجموع مش هينفع اقبل بس فكرت انى اقدم فى كلية اعلام بس عايزة كلية تكون خاصة بمصرفات مش غالية يعنى فى المعقول ياريت اللى يعرف كلية خاصة بمصرفات مش غالية يقولى ويرد علية نفسى اخش كلية اعلام
31. ياسمين

    

    19/07/2011 at 22:01

    لا ظبعا ماتكمليش علمي حولي ادبي على طوووووووووووول انا لسه مخلصه ثانويه عامه كنت حجايبه في تانيه 62عشان كنت جايه من السعوديه وكنت علمي ولما حولت ادبي جبت السنه دي 86 يعني السنتين 75 الحمد لله وهدخل اداب لوكملتي علمي صدقيني مش هتلحقي حاجه انا مجربه بجد نصيحتي حولي على طول ماتضبعيش وقتك بالله عليكي ماتفوتيش الفرصه عشان ماتندميش وشدي حيلك يمكن تجيبي مجمود وتدخلى تربيه ربنا يوفقك ياقمر
32. عاشقه الرومانسيه

    

    19/07/2011 at 21:47

    بصى انا كنت طالبه ف 2 ث وجبت 74 ف الميه بس احب اقولك على حاجه مش كل حاجه ف النجاح ف الثانوي المذاكره لازم رضا ربنا الاول ورضا الاب والام صدقينى انا يفولك كده عن تجربه شخصيه انا لما كنت ف 2 ث كنت بذاكر ف اليوه 22 ساعه بس مكنتش بصلى الفرض ف معاده ومكنتش بمسك المصحف وكان بيتهيقلى ان كده انا المذاكره دي هتخلينى من اوائل الجمهوريه بس اتضح ان القرب من ربنا رقم واحد رضا ابوكى وامك رقم اتنين والبعد عن اصدقاء السوء رقو تلاته وامذاكره رقم اربعه اصلها معادله ومتنفعش تطلع النتيجه صح الا لما تكتمل كل المكونات ونتيجه الثانويه العامه اللى بتتمنيها هتلاقيها بتنظيمك للمعادله صح ويا ريت تكونى فهمتى كلامى
33. منونه المصريه

    

    19/07/2011 at 20:16

    انا لو منك حاولى ادبي و معلش اكيد ربنا شايلك الخير فى حاجه تانيه

    حظ سعيد
34. peteratif

    

    19/07/2011 at 18:47

    كتبت الرد مرتين علشان تهتمى بيه وتقريه
35. لملوم

    

    19/07/2011 at 16:56

    اولا صلي استخاره كتير لحد ما ترتاحي لاختيار ما بين النقل او لأ وبإذن الله متخافيش من اولها خلي املك في ربنا كبير .. بإذن الله هتلاقي الخير بس انا حصلي زيك والله ودخلت علمي عشان طول عمري كنت بجيب 99 والله وافتكرت الثانوي كمان هبقى كدا بس لما دخلت علمي في ثانيه بقيت 93 وشويه وبعدين في ثالثه جبت 89فاصله 20 ونقصت جامد والله ماكنش في حاجه شغلاني ده نصيب بس مع الأخذ بالاسباب اكيد انا قصرت في حاجه بس مش واخده بالي منها وانا اتخرجت واملي في ربنا كان نفسي في هندسه بس مجموعي ميدخلنيش الحمدلله على كل حال .. عايزاكي تشدي حيلك مش باقي كتير سنه وحده تحدد كل احلامك واكيد انتي بتحلمي بكليه حلوه .. ربنا يوفقك ياااااااارب ويسرلك الخير ومش تنقلي خليكي والله العلمي حلو ومممتع انتي شاطره ولازم تتحدي نفسك وترجعي زي ما كنتي وأحسن لو مش قادره خالص انقلي واستخيري وخدي رأي اهلك وشوفي رأي الاغلبيه هما هيساعدوكي وعارفين مستواكي .. ربنا معاكي ويسهل عليكي
36. gasmen

    

    19/07/2011 at 15:23

    انتوا كلكم كلامكم صح وجميل بس فى حاجه انتوا مش واخدين بالكم منها هى تحول علمى او ادبى على حسبب قدرتها هى هتقدر تمشى فى علمى وتحسن من نفسها وتشد حيلها هوه سواء علمى او ادبى لازم وان شاء الله هتشد حيلهابس انهى اللى هيناسبها اكتر وحباه وهيجققلها احلامها علمى وله ادبى ده السؤال اللى المفروض تسئله لنفسها هوه اه الى بيحول من علمى لاادبى بسمع انو يقدر يحسن من مجموعه وبيعلى اوى بس دى تتوقف على قدره الانسان هل الانسان ده حابب الحفظ ويقدر يمشى فى ادبى او لا وفى برضوا اللى بيدونه فى علمه وبيزيد لانو حاببه وقادر يمشى فيه وفى طبعا اللى بيقل زى مفى الحلو فى الوحش هى صاحبه القرار الاولى وهى اللى عارفه قدراتها وعارفه هى حابه ايه واحلامها هتحقق باانهى طريق فيهم فهى اللى لازم تحدد وتقرر وربنا عمره مبيجيب حاجه وحشه ولازم نحمد ربنا على كل حاجه
37. اميرة

    

    19/07/2011 at 15:08

    انا فى 2 ثانوى وجبت 80 وكان نفسى اجيب مجموع عالى اوى وكل صحابى اللى اقل منى جابوا فى التسعنات وانا عندى احباط وعلى طول بعيط وتعبانة اوى ومش عارفة اعمل ايه انا كدة كدة هحول ادبى بس مش عارفة كليات ايه اللى ممكن ادخلها ممكن تقول انا لازم اجيب كام فى 3 علشان الحق تربيه وشكرااااااااااا
38. مقهورة

    

    19/07/2011 at 04:21

    انا جبت 88% واللى مزعلنى اكتر ان فه زمايلى فى نفس مستوايا ويمكن انا احسن جايبين اعلى منى بكتير وانا علمى وعايزة اعيد تصحيح كميا لكن سمعت ان الدرجات نادر ناخدها واا كان املى كلية علوم مش عارفة لو شديت حيلى فى تالتة ممكن اجيبها ولالا
39. جنات

    

    19/07/2011 at 02:08

    ربنامعاك بس لازم تعرفى انك غلطانة ومقصرة ومتضحكيش على نفسك لان مش معقول انت ذاكرتى كويس ونصيحة منى اجتهدى وكملى علمى على فكرة انا لسة طالعة اولى ثانوى
40. sahar

    

    18/07/2011 at 23:54

    هو ده اكيد فيه الخير ليكى وده نصيبك
    وانا من رايى تحولى وان شاء الله هتزيدى السنه الجايه انا دلوقتى رايحى اولى كليه وكنت علمى فى تانيه وجبت ف تانيه 77 ومكنتش متوقعه ده طبعا وحولت والسنه دى الحمد الله جبت 93 واعملى استخاره كمان
41. peteratif

    

    18/07/2011 at 23:11

    انا من سوهاج واحب احكيلك قصة سنة الثانوى 2 ويارب تفيدك وتفيد الجميع انا السنة دى تانية زيك علمى جبت 74 وكنت نفسى ف هندسة طبعا كنت لازم ازعل لكن مزعلتش ولسة فى امل ف ربنا انا بدات دروس بعد امتحانات اخر السنة ف اولى بتلاتة ايام يعنى مخدتش اجازة لكن اعترف مكنتش اذاكر خالص بدات مذاكرة فى نص شهر خمسة طبعا دة كسل وناس قالتلى حول ادبى لكن فى ناس قالت كمل وانا اعرف ناس نفس ظروفنا وف تالتة ذاكرت مذاكرة شبه اعدام مفيش دقيقة ضاعت ومن 70 الى 90 ودة بفضل ربنا وانا هكمل علمى ورياضة كمان وربنا هيدى المجموع وهيدى الكلية لما نتعب فعلامتخافيش وشدى حيلك خليكى علمى وهتدعيلى بس ذاكرى كويس زى ما انا هعمل وربنا كريم ممكن تكملى علوم لانه مجالاته اكتر وممكن تضمنى فيه حاجة حلوة واعرفى ان الفرص كتتتتتتتيييييييييير اوى ربنا معاكى ومتسمعيش للكلام السلبى اللى ياخر وكونى واثقة ف ربنا وف نفسك واوعدى نفسك انك تتعبى وثقى دايما ان ربنا لايمكن ابدا يسيبك بعد التعب وهيديكى احلى فورصة وادعيلى ربنا يحفظك ويفرحك
42. peteratif

    

    18/07/2011 at 22:25

    اولا سلامى ليكم كلكم رجاء لو سمحتى اقرى ردى كويس وربنا هيفرحك ويفرح كل الطلبة ربنا معاكى
    ثانيا احب احكى قصتى باختصار ويارب اساعد كل الناس انا تانية ثانوى وبدات دروس من اول الاجاز مخدتش غير 3 ايام اجازة وكنت بصرف كتير اوى لكن مشكلتى اللى حسيت بيها فى الاخر هى انى انا مكنتش بذاكر الدروس وربنا اراد وجبت اكتر من تعبى 74 مجموع وانا مش زعلان وهكمل علمى ورياضة كمان وفى ناس اصحابى ف تالتة زادت كتير وف علمى بس ذاكرت بمعنى كلمة مذاكرة وانا مشعايزك تحولى ادبى ومتسمعيش لحد مش فاهم حاجة وربنا بعت مجموع وهيبعت كلية مناسبة انا قدامك نفسى ادخل حاجة كويسة هندسة او غيرها دى ارادة ربنا ومش عارف انا هعمل ايه ف تالتة لكن حكمت على نفسى اعدام فى المذاكرة وربنا اكيد هيكرمنى شكرا
43. Soso

    

    18/07/2011 at 21:37

    الموضوع اصله توفيق من ربنا لكن لازم تعملى اللى عليكى واكتر سواء علمى ادبى الكل سيان وكله خير ان شاء الله
44. neno

    

    18/07/2011 at 18:40

    على فكرةانابرده زيك فى تانية ثانوى وجيبت 85% كان املى وامل اهلى انى اجيب مجموع اكتر من كده لكن الاحياء نزلتنى جامد اناعلمى علوم بس الحمد لله على كل شئ بس المشكلة دلوقتى مش عارفة اكمل علمى ولااحول ادبى انا محتارة وان شاء الله هعمل صلاة استخارة واشوف وربنا يسهل بس والدتى مصممة انى اكمل علمى مع انى اناحسة ان ممكن احقق حاجة لو حولت ادبى والحق نفسى يااااااااااارب اهدينا للقرار الصواب باذن الله ربنا معاكى ان شاء الله
45. المحتار

    

    18/07/2011 at 14:15

    أنا ادبي وبجد متعقد نفسياً علشان دخلت اساساً ثانويه عامه وحطمت كل أحلامي انى ادخل حاسبات ومعلومات علشان مش هينفع ادخل علمي رياضه
    ودلوقتى مش عارف هعمل فى نفسي ايه
    ربنا يستر
46. nonna

    

    18/07/2011 at 11:53

    حولى ادبى وانشاء الله هتعلى اكتر من كدة بكتير انا لسة مخلصة تالتة ثانوى وكنت زيك مجموعى دايما عالى جدا جدا وجيت فى تانية جبت 63 ومكونتش عارفة ازاى بس جيت فى تالتة بعد ماحولت زدت 20% زيادة وربنا يوفقك وانشاء الله هتعلى اكتر منى بكتير معتمنياتى لكى بالنجاح والتفوق انشاء الله والله ولى التوفيق
47. سندباد

    

    18/07/2011 at 05:11

    انا خلصت الثانوى السنة دى الحمد لله ربنا وفقنى ويارب احقق حلمى وابقى جراح بس عندى واحد صحبى اوى ربنا ما اردش انه يجيب مجموع كويس وانا زعلان عليه اوى وبالذات انه فاكر ان امله فى الحياة ضاع هو صحيح الزعل لابد منه بس دى مش نهاية العالم وفى حياة جديدة مستنيانه واكيد ان الخيرة فيما اختاره الله وماتزعليش اوى وانا رايى انك تحولى ادبى وتحاولى تكيفى نفسك وتخططى مستقبلك على كلياته
48. المظلومين فى الدنيا الحقيرة

    

    18/07/2011 at 03:22

    حرام على كل مصحح لم يراعى الطالب ومجهوداتة طول السنة … انا واحد املى انا اخش هندسة ارضا لابى وامى واخوتى وانا حالل حل كويس جدا (افكر اعمل تظلم ولكن الظلم مستمر فى مصر …مزاكرة طول السنة واجتهاد مستمر انا عايز حد يقلى اعمل اى يا ,,,,,ياناس امانة عليكم حد يرد على ,,,امى هتموت وابى القرية بتعتنا مش مسدقة المجموع بتاعى امل شاب فى الحياة ضاع (بصدق لو انا استحق المجموع دى انا مش هزعل او لو انا مذكرتش مكتش زعلت …اطلب من الموقع ارسل طلبى الى الوزارة انا …فقير جدا انا ول الفقراء ملهمش نصيب حتى فى التعليم (انا معيش مصاريف التظلم) حرام حرام ياناس هى دى الحدوتة وهى دى حكيتى مع الثانوىة ….ولك اخيرا احب ان اوجه رسلة عامة الى كل واحد مصدوم من مجموعه..زالرضا بقضا الله وقدره(خالد
49. ليلى

    

    18/07/2011 at 02:43

    اناانا تانية ثانوي علمي علوم جبت 88% وعايزة احول علمي رياضة مع ان مستوايا في الرياضة متوسط نفسي بس اجيب في 3 ثانوي 93 معقولة اقدر نفسي ادخل كلية قمة بجد يااااااااااارب
50. noor mohammed

    

    18/07/2011 at 01:20

    اولا عليكم السلام ورحمه الله وبركاته انا زيك فى سنه تانيه وكنت علمى وكان اختيارى فى سنه تالته كان علمى رياضه بس للأسف مقدرتش احقق اللى انا عاوزاه انا راضيه بقضاء الله وقدره بحمد ربنا ومش ندمانه على المجموع اللى جبتوه بس دى ميمنعش برضو انى زعلانه بس زعلانه على نفسى لان كان فى مقدرتى انى اجيب مجموع احسن من كده واول لما وصلتلى نتيجتى انا انهرت بس مكنتش زعلانه على النتيجه كنت زعلانه عشان انا قصرت فى مذكرتى وانا بعترف ومكنتش بروح دروس لانى من النوع اللى مش بحب اروح دروس وده السبب فى حالتى دلوقتى انا مؤمنه بالله ومؤمنه كمان بحكمه اكيد ربنا سبحانه وتعالى هيئلى انى اكون فى مجال تانى احسن من اللى انا اخترته وصار حلم بنام وبصحى وانا بحلم احققه انا بقولك متزعليش وعسى ان تكرهوا شىء فهو خير لكم احمدى ربنا فى ناس غيرنا بيتمنوا النجاح انا من رأى حولى ادبى لان العلمى دلوقتى بقى شئ مستحيل تحققى منه حاجه فى حاجه اسمها الاهم ثم المهم وانا بصفتى طالبه وبفكر تفكير علمى اكيد هشوف انسب حل واتخذ القرار الصح فيه بس قبل ما اتقدم على خطوه لازم افكر مليون مره قبل ما اعملها عشان مندمش عليها فى الاخر يعنى على سبيل المثال صلى صلاه استخاره وشوفى ايه اللى هيحصل ؟؟ وعاوزه اقولك حاجه كمان ربنا سبحانه وتعالى عمره ما بيضيع تعب حد انتى لو كنتى اجتهدتى واديتى المذكره حقها يعنى ادتيها على اكمل وجه كنتى هتجيبى المجموع اللى انتى عاوزاه وكنتى بتحلمى بيه انا اعترفت انى انا اللى كنت مقصره فى حق مذكرتى عشان كده ربنا جزانى على قد حقها ومش زعلانه وانتى كمان متزعليش فكرى فى اللى جاى وارمى الماضى ورا ظهرك اما بالنسبه للكليات دى يرجع لمجموعك بتاع سنه تالته لما تعرفى المجموع وتشدى حيلك شويه هيبقى ليكى حريه الاختيار فى كذا كليه انا مقدرش اقول ايه الكليات اللى ممكن تلحقيها الا بعد ما تجيبى نتيجه تالته دى كان رأى من وجهة نظر مشكلتك واحمدى ربنا المؤمن دايما منصاب وشكر ويارب اكون افدتك بحاجه السلام عليكم ورحمه الله وبركاته
51. shosho

    

    17/07/2011 at 23:17

    اااانا مجموعى 97% وانا كنت متوقعة انى اجيب اقل من كدة بس انا عايزاكى تفكرى مع نفسك هل انت قريبة من ربنا ولا لا يمكن انتى كنتى مهتمة بحاجة ثانية شاغلة وقتك اكثر من المذاكرة زى انا كنت مشفولة بقرص كمبيوتر على فكره انا فى ثانية ثانوى زيك شدى حيلك السنة الجاية وانشاء الله توصلى للمجموع اللى يدخلك احسن كلية
52. نورا

    

    17/07/2011 at 22:59

    متزعليش انا خلصت الحمد لله انا كنت جايبه فى تانيه ثانوى 67 وجبت فى تالته ثانوى 90 هى 2 بتبقى اصعب هاتعوضى السنه الجايه وعلى فكره انا كنت علمى وحولت ادبى
53. محمود

    

    17/07/2011 at 22:35

    حولى أدبى وشدى حيلك فى الحفظ
    بس حاولى تدخلى كلية تحبيها لآنى دخلت تربية علم النفس ولسة مخلصها السنة دى و كنت جايب 93 فى المية تقدير عام بس بلعن أيامى إن أنا دخلتها
54. اميره الاحساس

    

    17/07/2011 at 21:37

    على فكره انا زايك 2 ثانوى وعلمى بس شكلى هحول ادبى انا مجموعى79%بس امى مش راضيه انى احول ادبى وعايزانى اكمل علمى
55. Hossam Mohammed

    

    17/07/2011 at 21:24

    نصيحه من مجرب (لازم تعرفي ان النجاح في الثانويه العامه لايعني النجاح في الحياه .وان اللي جاب أكتر منك ليس بالضروره احسن منك) .والثانويه العامه صدقيني حظوظ
56. مسلمة مصرية

    

    17/07/2011 at 16:03

    انا حاسة بيكى بجد ربنا ياررب معاكى ويصبرك انا لسة داخلة اولى ثانوى بس والله حسة بيكى ربا يصبرك وقولى الحمد لله ولعله خير واعرفى ان ربنا مابيعملش حاجة وحشة وخلى ثقتك فى الله كبيرة وان شاء الله تتعوض ربنا يصبرك