انا شاب في الثانويه العامه حاليان معاي 3 مواد مكمله للثانويه العامه انا مشكلتي بسيطه من كتر ماهيا بسيطه مش عارف احله انا من عيله كلها متفوقين عاوزني اجيب في نتيجة الثانوية العامة 75 % بس مش اكتر عشان اخش حربيه انشاء الله او شرطه او حقوق جيت السنادي مكملتش نتيجة الثانوية العامة عندي 50% مكنتش مصدق كنت هنتحر كنت هودع الدنيا تعبت عشان اجيب مجموع ومجبتش طيب اعمل اي اعمل اي اكتر من كدا بس في الاخر عرفت ان الي قسمهولك ربنا مفيش احسن منو انا بحب وحدا بحبها اوي اوي مش متخيل ان ممكن تسبني عشان فشلت من نظرها اخويا يزعل مني ومش عاوز يكلمني خااااااااااااالص نفسي اعرف دي حياتي ولا حيات غيري الدنيا دي متوقفه علي الثانويه العامه ولا اي الحل الوحيد عشان اعيش راضي وهادي البال في الدنيا دي لازم لازم لازم لازم اجيب مجموع طيب ليه ثاويه عامه متبقاش ليه ثانويه الحياه ثانويه العمر ليه ليه كل واحد يفشل ويجيب مجموع اقل من قرينه يسمي فاشل وساقط وصايع ليه ليه انا ممكن اعمل اشياء في حياتي احسن من الي ممكن تحققهولي الثانويه العامه ليه انا داخل الثانويه العامه عشان اتعلم وادرس مش عشان مجموع واتوظف بيه ليه ليه كل واحد بيبص ايه الي خدو من مجموع وعمرو ما نظر اي الي استفادو من الثانويه من تعليم يفيده في حياته ليه ليه حياتي زي غيري زي اكتر من غيري ليه انا معملش اشياء جديده من استفادتي من الثانويه العامه مش زي غيري اجيب مجموع اخش كليه استني عشان اتوظف لي حياتي تشبه الف لا مليون لا لا مليارت ليه سوال مش عارف اجاوب عليه ولا حد غيري مش عارف يجاوب عليه عارفين ليه عشان السوال ده بيتحس مش بيتقال انا تعبت انا زهقت من حياتي الاحباط ملي حياتي الدنيا في حياتي سواااااااااد خااااااااالص محبط محبط محبط قلت فكر الناس بعد الثوره هيتغري طلع الي في المخ في الناس دي عمرو ما هيتغير انا مش عارف اعمل اي نفسي اصنع اشياء تفيد بلدي وتفيد اهلي وتفيد نفسي بس ازاي ازاي ازاي وانا حياتي متوقفه علي حاجه تافهه الثانويه العامه يعني اي ثانويه عامه ولا حاجه ولا حاجه شيئ من لا شيئ زي الحب مفيش حب بجد في الدنيا دي اكيد اي حب وراه مصلحه زي حبيبتي كانت عاوزاني اطلع دكتور مهندس ضابط المهندس والدكتور صعب لكن الضابط انشاء الله انشاء الله بس هيا سبتني عشان زي مقلتلكو من نظرها فشلت عارفين انا مزعلتش علي النتيجه زي مازعلت عليها اول حب في حياتي وعتها اني اخلص واتجوزها بقالي 3 سنين بحبها حب جنون بس اعمل اي ادي الحياه عارفين انا مش قادر اخرج من المنزل عشان النتيجه بقالي 3 ايام مش قادر اخرج دي الثانويه العامه ياتعيش ياتموت وانتا عايش لو كنت جبت مجموع كنت انشاء الله هخش حربيه او شرطه هتجوز الي بحبها اخويا هيجبلي عربيه سعرها 180 الف بجد مش هزار هعيش مرتاح اخر راحه بس شفتو الي حصل خسرت كل الامتيازات دي انا والدي وامي عايشين بس مش بيدخلو في حياتي زي اخوي اخوي ده اكبر من 11 سنه تقريبا اعمل اي هل ممكن حياتي تستمر علي الحال ده هل ممكن كل الي هقدر اقوله عسا ان تكرهو شيئ وهوا خير لكم
انا عارف اني دوشتكو بس حياتي دي تشبه كتييييييييييييير زيي لازم يكون في حل للمشكله دي اني اروح المدرسه الثانويه عشان اتعلم واستفيد مش عشان اجيب مجموع مش عشان وظيفه مش عشان فلوس انا عايش في الدنيا دي عشان افيد واستفيد مش عشان استفيد بس لازم افكر ازاي ابني بلدي وابني مجتمع صالح مبني علي اليقين مش علي الشك مش عشان مجموع ثانوي عاااااام ياخصاره كان نفسي افيد بلدي كان نفسي اصنع جزء لو حتي طرف من المجتمع بس يكون صالح يكون مبني صح مش علي مجموع ثانويه عامه كان نفسي يمكن غيري يجي ويعمل الي مكنتش قادر انا اعملو لالالالالا انا كنت قادر اعمل كدا بس الحااااجز العملاق المستحيل عبوره مجموع الثانويه العامه ليه الي يفشل في المجتمع ده لازم واحد يمثله في حياته ليه ليه ليه انا عشان مجبتش مجموع يبقي خلاص حياتي انتهت ليه من نظري انا انتهت ومنظر غيري اقلكم حاجه انا انسان بلا انسان عشت حياتي كلها عشان اجيب مجموع ومجبتش عشان هدف عندي وانا سني 4 سنين بس الهدف ده اتزرع فيا مش انا الي زرعته في نفسي يمكن كان هوا ده السبب عارفين انا فااااااااااااشل فااااااااااااااشل فاااااااااااااااااااااشل فااااااااااااااااااشل زي ما بيقول البعض لا مش البعض العالم اجمع بس انا هسبت العكس بعون الله انشاء رب العالمين اعوض الي راح مني في السنين الي فاتت والسلام عليكم ورحمه الله وبركاتو.
مشاكل الثانوية العامة
محبط وفكرت بالانتحار من نتيجة الثانوية العامة
اضيف بتاريخ: Monday, July 18th, 2011 في 23:29
كلمات مشاكل وحلول: الثانوية العامة, شاب, مشاكل الثانوية العامة
متنسااش ان فيه علماء وعظمااء في التاريخ والعالم مخدووش شهاااده ولا استفاادوا بيها بس فيه حاجه اسمها العقل والاخترااع والتفكير دا اللي وصلهم لاعلي حااجه واحسن حااجه
وانت ليه تتعب نفسك وتضايق نفسك بالشكل دا عشان جبت مجموع وحش وتضايق وتزعل من حبيبتك عشان بتحكي عنك كدا اولا انت ممكن تكون مش كويس في مزكرتك لكن كويس وموهوب في حجاااااات احسن وافيد من الدرااسه ممكن تدخل اي كليه وتاخد كورسات وتنمي موهبتك واكيد كل انسان ليه موهبه
ماكلش دعوه بكلام الناس كلام الناس داا بينداااس تحت اوسخ جزمه
وحبيبتك مش بتحبك لانها لو كانت بتحبك كانت عمرها مااا سبيتك وتخلت عنك بسبب مجموعك !!
انا جيبت في تانيه ٦٢ وكان نفسي ادخل فنون جميله بس معرفش حقدر ع مجموعها ولا لا وان ماقدرت
حتفوق واخد كورسات تفيدني في رسمي واشتغل في مجاالي اللي بحبو وادخل اي كليه وخلاص لكن مجالي وموهبتي حتتتفضل هي حياتي
انافي ثالثه ثانوي ومشكلتي اني عالطول في توهان ومفيش تركيز خالص وعالطول بابكي وفي كسل ومش عايزه ازاكر ومش بقيت ليا هدف ولا عايزه حاجه مع اني جبت مجموع كويس في ثانيه ودلوقتي بحس اني في عالم ثاني ومشكلتي اني والله مش اعرف السبب وحاسه بضياع واهلي تعبوامعايا وانا تعبت وخايفه ابقي كده عالطول واخيب امل امي فيا وخصوصا اني يتيمه الاب وانابنتها الوحيده هل انا مريضه نفسيا؟
مشكلة مجتمعنا المصري ان محدش بيدور هو حابب ايه المهم احسن حاجة وخلاص يعني في ناس محترفة في الاعمال اليدوية لو دخلوا صنايع يبقوا ممتازين بس اهلهم يقعدوا يقولوا ثانوية عامة وفالاخر يجيبوا مجاميع قليلة ده مش علشان هما وحشين لا ده علشان ديه مش ميولهم لازم يا جماعةنختار صح نختار الي تيجي عليه ميولنا ياما ناس دخلت طب وطلعوا اطباء فاشلين بسبب ان ده مش ميولهم وهكذا في كل المجالات الفرق بين كل واحد وواحد دلوقتي الابداع في العمل الكل بيدور على الابداع
والله بجد كلكم ناس زى العسل وارائكم جميله اوى ولازم الواحد يستفيد من مشاكله ومشاكل الناس اللى حوليه وبجد مفيش اكتر من المشاكل يعنى لو كل واحد جتله مشكله اكتاب وياائس وقفت حياته عليها على الرغم ان الحياه عمرها مبتوقف على حاجه او على حد والمشاكل بكده مش هتحلل وعمرها مهتحل غير بااراده الانسان القويه والامل واحب اشكركم على انكم بتحاولوا تفيدوا الناس من مشاكلكم والمشاكل اللى بتحصلكوا وكمان بتحاول تساعدوا وتحلوا وتقفوا جمب ناس محتاجنكوا بجد وربنا يجزأئك خير وعلى قد نياتكم ويارب يستفيد من ردنا ويعرفنا النتيجه وانو عمل ايه وايه النتغير اللى حصله
شكرا اوي اوي اوي اوي اوي اوي اوي اوي اوي اوي متشكر جدا جدا جدا انا هعمل كل الكلام الي انتو قلتو عليه ده بجد شكرا اوي اوي مش عارف اقول اي انتم دليل علي المجتمع الصالح والله متشكر جدا جدا علي كل نصيحه وكل اهداء انازي مايكون عادت ليا الحياه بفضل ربي ونصائحكم احب اشكر كل من (ليلي واحمدوالفقير الي الله وسماوموني وجاسمين وموني وميمي) بجد شكرا اوي علي كل كلمه اتوجهت ليا انا خلاص الثانويه العامه هتكون فتره في حياتي وتعدي بس المهم في الي جاي لازم اكون احسن والمجتمع المصري الي انا عنصر منه لازم يكون احسن واحسن بكتيييييييير كمان انا بحب بلدي اوي اوي اوي والله نفسي اخدمها نفسي ارد جميل من جميلها علي نفسي نفسي بلدي تكون احسن بلد في العالم نفسي نفسي المجتمع المصري يكون ارقي واحسن واقوي مجتمع في العالم نفسي عشان يحصل كدا لازم لازم كل واحد يفكر ويحب انو يبني وينفع البلد هتكون افضل واحسن انشاء الله وشكرا علي كل واحد بيفكر يبني البلد دي بلد شبابهالايعرف المستحيل لايقهر لايستسلم انا شاب مصري صعيدي اتولت علي ارض زراعيه وعشت علي ارض زراعيه و هاموت علي ارض زراعيه شفت ازاي الفراعنه بنو اعظم دوله في العالم علي ضفاف النيل وعلي ارض زراعيه قلت بيني وبين نفسي ليه انا مكملش الي بنو من حضاره ليه انا مرجعش الامجاد تاني لحد امتي هفضل افتخر اني انا يبقو اجدادي الفراعنه طيب لما حد يسالني طيب انتا عملت اي من الحضاره دي هقلو انا فرد من مجتمع فرعوني طيب ده ميكفيش لازم يكون في هدف او شيء واضح انا عملتوي في حياتي افتخر بيه قدام العالم اجمع اقول انا مصري من اعظم حضاره ودوله في العالم اني رجعت الامجاد تاني لازم يكون هدف كل شاب وشابه مصري انوي يفكر ازاي يفيد بلده عشان يرجع الامجاد تاني للبلد لازم انا عاوز اقول حاجه بس انا اسف لو كان ده غلط الحاجه دي تتلخص في اني انا ومره قاعد ازاكر فكرت اي الي استفدناه من الحضاره الفرعونيه احنا الاحفاد معابد تركت لما اثار تركت لنا لقب ترك لنا طيب والعلم من دي الحضاره فين حضاره بالقوه دي العلم بتاعها راح فين نسب لمين مين الي استفاد منو مين الثار والمعابد والقب قابل للزوال لكن العلم هل هل ؟ قابل للزوال لا لا يبقي اكيد هياجي يوم يعدي علي مصر ميكونش في اثار من الحضاره الفرعونيه ولا معابد العظيمه بس هل هيكون في علم من دي الحضاره هل هل هياجي يوم يقول في انا المصري يقوم يرد عليه الاخر يقلو اي مصري يقلو مصري يعني الي ابتكرو العلم الي انتا بتدرسه بس ده في المستقبل البعيد بعد مشيئه الله عز وجل لازم يكون في شباب في مصري يحمل كل صغيره وكبيره من علم الحضاره الفرعونيه حتي يبقي شيئ واهم شيئ من الحضاره الفرعونيه مش اثار ومعابد انا لا انكر اهميه الاثار لكن اقدر اهميه العلم من تلك الحضاره علم انتفع بيه في حياتي اليوميه وشكرا اوي اوي اوي علي استماعكم لي وانا اسف جدا جدا اني طولت عليكو بس انا عندي افكرا ومقترحات كثيره جدا تفيد البلد بس للاسف مش لاقي حد اتكلم معاه غير انتو يا اعظم شباب عرفته وشفته في حياتي شباب مصر يعني حضاره مصر شباب مصر يعني امجاد مصر مجتمع مصر يعني ارض مصر وشكرا اوي اوي واتمني اني اتواصل معاكم يا شباب يعيش من اجل مستقبل افضل .
انا بقي جايب 95 في المية وانا في سنة 2 ثانوي ونفسي اجيب مجموع اعلي من كده واخش اقتصاد وعلوم سياسية
اه وحابه اقول اوعي ابدااااا تقلل من نفسك لا انت انسان قوي وناجح بدليل انك عرضت المشكله وف اخر نويت تثبت العكس مش استسلمت اوعي اوعي تستسلم لاراء ناس فيك والله ما هتخلص خليك واثق ف نفسك
انا زيك كده جبت مجموع وحش جدااا فعلا احنا عندنا قاعده ال يجيب مجموع زباله يبقي فاشل بس والله مش مقياااااااااااس ف ناس كتير مكملتش تعليمها اساسا ونجحت ف حياتها مهنيا لاسف مش ف دماغي ناو شخص معين بس والله فيه
بص انتا فعلا حاول تثبت العكس وباذن الله ربنا يوفقك وحبيبتك ال سابتك ربنك يعوضك بانسانه تقف جنبك دايما لان الحب الحقيقي ان تقف جنب حبيبك ف مصاعب وتسانده
ايه ده ايه التشاؤم ده كل شىء قسمة ونصيب محدش بياخد اكتر من نصيبه سواء زكرت اومزكرتش هو كان كده كده مجموعك ال50 % احمد ربنا الحمدلله على كل شىء ومعلش محدش بياخد كل حاجه من الدنيا فى ناس معهاش شهادات خالص وعشتها احلى من الامعاهم شهاده اشتغل وطلع طاقتك فى شغلك ولو يهمك حكايه الشهاده الجامده وانت مقدر 180 الف الاخوك كان هيجبلك بيهم عربيه ادخل اكاديميه اوادخل هندسة بالفلوس الفلوس والخاص دلوقتى مخلاش اى حاجه ادخل الانفسك فيه بفلوسك ده اول شىء لو انت بتبص من ناحيه الشهاده وكده اولا 50 % ممكن يدخلوك تربيه رساضيه كليه مش وحشه اهي كويسه واسمك معاك فى الاخر بكالريوس لو الحربيه كانت هدفك ومجموعك مجبهاش معلش ربنا مش ريدلك انك تدخلها ممكن تطوع نفسك فى الجيش واهو كله زى بعضه وثانيا حبيبتك الابتقول حبيبتك ديه عمرها محبتك ولا هتحبك والازى ديه اوعى تامنها على حياتك مش ديه الاهتصونك والله وهتتعب كتير بعد كده الفلوس مش كل حاجه المفروض تكون بتشترى راجل يقدر يتحمل المسئوليه مش شهاده حبر على ورق والاله والله والله اعرف ناس خريجه هندسة وتجارة انجلش والسن وبيشتغلو فى سنترالات وفى قهاوى عاوز ايه اكتر من كده واهم معاهم شهاده قمه قادتهم بايه الشهاده من غير شغل وديه مبتحبكش لوبتحبك تصبر معاك وتستناك وتشجعك وتبقى معاك على الحلوة والوحشة ده لوحصل نصيب واتجوزتو وحصلت اى مشكله وخسرت لقدر الله فلوسك اول واحده هتتخلى عنك هيا لانها عينها عمرها مهتكون مليانه معلش فى كلامى بس الحب الانت بتقول عليه مش ده وعلى فكره انا واحده كبيرة يعنى انا قدك وجايبه 75 % الحمدلله وعادى بس طبعا تفرق لانى بنت بس معلش كل واحد بياخد نصيبه ومحدش بياخد اكبر من نصيبه حاول تشتغل نمى مهراتك شوف بتحب ايه واعمله العب رياضه روح نادى اشششششششششتغل والله محد هينفعك غير شغلك لما تقدر تتحمل المسئوليه اشتغل اى حاجه الشغل عمره مكان عيب اوعى تستنى من اخوك حاجه ولاعربيه ولاموبايل احسن حاجه انت مش اقل منه انك تشتغل وتجيب فلوسك بنفسك وبص على قدك فى كل حاجه واختار واحده تصونك وتخاف عليك وتبقى معاك على الحلوة والوحشه وربنا يكرمك ويكرمنا جميعا ويوفقك وتدخل الانفسك فيه بس مش عشان وقعت فى اول الطريق تدى لدنيا نظرة تشاؤم الجاى احسن وديما ازكر الله وخليه فى حياتك وربنا هيكرمك بس اشتغل واتعب وانت تلاقى ان ربنا كرمك ونصيحه منى مهما عملت ومهما بكيت ومهما حصل مش هتاخد اكتر من نصيبك ربنا معانا جميعا
وربنا يعينك ويوفقك ويوفقك وتثبت لينا كلنا العكس وانا واثقه من كده وواثقه انك هتبدا صح وتفكر صح وتغير من نفسك وحياتك وربنا هيعوضك وفكر ان ربنا عملك كده عالشان تبقى احسن يعنى فى كل الاحوال انت اللى مستفيد من كل اللى حصلك ده مش زى ماانت بتفكر ان كل ده ضرك وضدك بالعكس الظروف دى مش ضدك الظروف دى عالشان تخليك اقوى واحسن ومفيش حاجه بالسهل لان اللى بيجى بالسهل بيروح بالسهل انها اللى بيجى بصعوبه مبيضعش ابداوالف مليوون مبروك ياقمر ومتنساش الحاجه الساقعه وربنا معااك ومعاااااااانا كلنا ياا رب
بص انت ليك كلام صح وكلام غلط هوه فعلا اننا بنبص للثانويه العامه على انها حياه او موت رغم ان التعليم ده رزق فى الحياه زى الفلوس زى الاولاد انت ممكن تموت نفسك من المزاكره وفى الاخر مش هتاخد غير اللى ربنا قسمه ليك كبير صغير انت ورزقك ونصيبك مينفعش تعترض عليه لان ده قضاء ربنا مينفعش تغيرهلازم تحمد ربنا ولو احبط نفسك زى ماانت بتعمل وبتقول على نفسك فاشل وعاوز تموت نفسك كده انت غلط وغالطان فى حق نفسك واهلك وطبعا ربنا لان ده طبعا حرام وغير كده وكده انت مستعد انك تقابله دلوقت مستعد انك تتحاسب مرتكبتش اى زنب بيتهالى لا لاننا كلنا زنوب المفروض تبدا من جديد وتفكر صح فى حياتك بالنسبه للمجموع انا معرفش انت فى 2 او فى 3 بس انت لو فى 2 تقدر ان شاء الله تعوض وفى ناس كتير جابت زيك كدهووصلت ل80 وزياده كمان يعنى باايدك لو صلحت من نفسك غيرت من طريقه مزكرتك حسابتك نفسك شوف انت غلطت فى ايه وصلحه من الاخر تعيد حسابتك من اول وجديدولو انت فى 3 ده نصيبك مينفعش تعترض عليه لازم تحمد ربنا وتقرب منه طبعا فى اى وقت وفى اى مكان وفى اى حاجه سواء حلوه او وحشه واعرف ان ربنا عمره مهكتبلك او يردلك غير الخير لان ربنا رحيم اوى بينا وغفور وبيحبنا كلنا وبيقف جمبنا فلازم نرد لو جزء واحد من اللى ربنا بيعمله لينا رغم اننا مش هنقدر لان نعم ربنا كتيره اوووووووووووووى علينا وان شاء الله التنسيق السنادى يجى كويس ويناسب مجموعك وبالنسبله لحبيبتك دى مش تستاهلك وله بتحبك اصلا فمينفعش تندم على حاجه بياعاك ومش تستاهل حتى مجرد التفكير فيها لان اللى يسبك فى اكتر وقت انت محتاجه فيه ويسيبك فى وقت الشده ووقت زى ده يبقى ده مش حبك يبقى ده مسهموش حب اصلا تسليه بالنسبالى ولعب عيال زى مبيقلوا اللى ميقفش جمبك فى عز محنتك يبقى ميستاهلكش وله يستاهل اى حاجه انت عملتلها ليه وبالنسبله للعربيه واخوك لاما يلاقيك حسنت من نفسك وشديت حيلك فى المزاكره وغيرت من نفسك هتلاقيه واقف جانبك وبيساعدك على كده كمان لان ده اخوك استحاله يكون بيكرهك او يكون ضدك والحياه عمرها مكانت متوقفه على ثانويه عامه عارفه ليه لان الحياه عمرها مبتوقف على حد او حاجه بتفضل مستمره واحمد ربنا كتير اوووووووووووى لانك متعرفش ان الثانويه العامه دى خلتلك تكشف حاجات كتير اوى مين حبيبك ومين عدوك واحمد ربنا اكتر ان ان ربنا بيحبك وبينلك حبيتك دى على اصلها احسن مكنت ترتبط فيها وساعتها كانت هتبقى المشكله الاكبر والاصعب ومعلش انى انا اللى طولت عليك بس ياريت لو انت فعلا عاوز تحسن وتغير من حياتك بلاش تكون ضعيف ويائس وتقول على نفسك فاشل وتخلى الشيطان سيطر عليك وعلى افكارك بالشكل الوحش ده عالشان تبقى احسن لازم تخلى املك فى ربنا كبير اوووووووووى والامل ده مينفعش تنساه لان ربنا كبير اوووووووووووووووووى
لاياس مع الحياة الحياة دائما مليئة بالمتاعب الكثيرة ولكن الله مخليك لحاجة اكبر بكتير ما فى ناس مكتيرة جابوا مجموع ولكن ايه الحل اما ملئوش شغل اما فشلوا فى الجامعة وانت سوف تسبقهم العبرة بالنهاية وبردو متحطش امل كبير فى اى حاجة انت عايزها علشان مش هتتحقق لكن سيب توكالك على رب العباد
]]دى مش بتحبك دى كانت بتاعت مصلحتها ربناكبير بيمهل ولايهمل وبكرةتشوف ايه اللى هيحصلها+
–
السلام عليكم ورحمه الله وبركاته………كل انسان في الدنيا ربنا رسمله طريقه وسواء هيكون شقى ولا سعيد فمش معني ان الواحد مجابش في الثانويه مجموع حلو يبقي خلاص دي اخر الدنيا وانها وقفت علي كده محدش فينا عارف الخير فين جايز يكون ربنا كتبلنا الخير في مرحله تاني او مجال تاني بس احنا نذكر ربنا ديما …….واضيف شىء اخر لاخواتي انه كان ممكن تجيبوا المجمعوع اللي يفرح الجميع وتدخلوا كليات القمه بس ممكن ميكنش ليكم نصيب وتتعبوا فيها ومتجبوش تقدير لقدر الله فاحنا نقول الحمد لله قضي اخف من قضي………. والله الموفق
اقولك علي حاجة انت عبقري
انت حطيت الاجابة بين ثنيات السؤال……طز ف الثانوية…..طز ف المجموع…..طز ف الكلية
بدال كنت هتعمل حاجة مش عايزها
وصدقني ولاااااا بتفرق……وطبعا مش محتاج اقولك امثلة عن ناس مكملوش تعليمهم ودلوقتي من انجح الناس
انت بتقول ان دا مش حلمك……يبقي تدور الاول علي حلمك
بس قبليها لازم تتعلم ازاي تحب نفسك اقسملك بالله بما انك قولت انك مش راضي تكون زي ملايين الناس…..عمرك مهتكون زي حد وهتنجح ف حيات (خليك متفرد)
وعمر محد هيحبك غير لما تحب انت نفسك الاول
حب نفسك واهرب لربنا….كل حاجه عايزها هي الي هتجيلك
انا للاسفف قعدت 3 سنيين علي ما اكتشفت الحقيقة دي
انت لسه قدامك بدري
(ولما تنجح وتحقق حاجه من اهدافك هبقي افكرك)
تعرف اللي كتبتو ده بيفكرني بايه؟؟؟؟؟؟باللي انا كتبتو في منتدى معين قبل 15 يوم قبل الامتحانات انا كمان زيك ثانوية عامة وقبل الامتحانات ب15 يوم زكرت وجبت 89% والله يا ابني الدنيا حظوظ واللي طول السنة بيزكرو من صحابي جابو في 70% انتا ولا فاشل ولا حاجة انتا انسان متميز بجد من كلامك ده كفاية انك مبتدورش على نفسك بس وكفاية انك عايز تعمر بلدك وتعيش تاخد وتدي مش زي الشباب الايام دي والمهم دلوقت متفكرش في الثانوية العامة واعرف ان الشهادة حاجة من الحاجات المهمة ولكن مش كل حاجة في الدنيا الشهادة زي ما الناس مفكرة اهم حاجة انك تكون انسان بتفهم وعندك طموح عشان تكون حاجة مهمة في يوم من الايام وتثبت لكل اللي مصتصغرينك وبالذات حبيبتك اللي مبتحبكش اااكيد% انك انسان ناجح وكمان لاخوك اللي بيحبك انك فشلت في الثانوية العامة بس ما فشلتش في حياتك واوعى تقول انك فااااشل كلامك ده بيثبت انك انسان بجد وانا متاكدة انك حتنجح في حياتك واتمنالك كل التوفيق وانك تلاقي الانسانة اللي تستهلك مش وحدة عايزة واحد تتباهى بيه قدام الناس وخلاص وعلى فكرة اكتر ناس معندهمش ضمير في مصر هما الدكترة والمهندسين واكيد مش كلهم بس دلوقت اهم حاجة تطلع من البيت وتشم الهوا بقالك 3 ايام مطلعتش زمانك كمكمت يا عم هههههههه وواجه الناس اللي موراهمش الا الكلام وبس وانسى الماضي وربنا يوفقك وتكون ناجح وتكيد العوازل
وااااااخيرااا اسفة لاني طولت في ردي . ليلى