مشاكل الثانوية العامة

عائلتي تحتقرني بسبب نتيجة الثانوية العامة

اضيف بتاريخ: Tuesday, August 16th, 2011 في 13:21

كلمات مشاكل وحلول: الثانوية العامة, مشاكل الثانوية العامة, نتيجة

23 رد to “عائلتي تحتقرني بسبب نتيجة الثانوية العامة”

1. اشرف

   

   24/09/2011 at 06:34

   ابنتى الغاليه
   احب ان اذكرك بالحديث القدسى(يابن ادم ان رضيت بما قسمته لك ارحت لك قلبك وان لم ترضى فوعزتى وجلالى لأسلطن عليك الدنيا تركض فيها كركض الوحوش فى البريه ولاينالك منها الا ماقسمته لك وكنت عندى مذموما)ابنتى العزيزة لاتعلمين اين الخير ولكنى اقول لكى ان الخير فيما اختاره االله لكى فانا على سبيل المثال فى الاعداديه قد اصيبت والدتى بشلل مما اضطرنى الى خدمة امى وابى حيث اننى اصغر اخواتى وكلهم متزوجون مما جعلنى احصل على مجموع ضئيل جداً مما دفعنى لدخول مدرسه ثانويه فنيه ونجحت بالثانويه وحصلت على مجموع 69.8%وكان على ايامى لكى ادخل مكتب التنسيق لابد من حصولى على 70% فقلت قدر الله وما شاء فعل والتحقت بوظيفه 1/2 كم بمرتب 75جنيه شهرى يادوب عيش وقول مدمس ويكفى النظر الى اللحمه عند الجزار (والحمد لله )ومرت السنين وظهر ضوء جديد ضوء أمل وهو التعليم المفتوح فتقدمت بأوراقى الى كلية التجارة وحصلت على البكالوريوس بتقدير تراكمى جيد مرتفع وقد كنت متزوج وقتها ولدى 3 أطفال وكان راتبى وقتها وصل حوالى 800 جنيه ولكن البركه من عند الله كأنهم 8000جنيه وتركت عملى بالشركه التى كنت اعمل بها لانهم مكانوش عايزين محاسبين وعملت بشركه اخرى وتمر السنين ايضاً حوالى 5 سنين والحمد لله حالياً وظيفتى مدير مالى لهذه الشركه ووصل راتبى تقريباً 8000جنيه وبالبركه كأنهم 80000جنيه وللعلم ابنتى حصلت على شهادة الثانويه العامه هذا العام وحصلت على مجموع 60% يادوب يدخلوها النار ولكن الحمد لله ومن حظها الحلوو خلوا التعليم المفتوح بالتنسيق وملحقتهوش كمان الخلاصه احمدى ربنا على السراء والضراء وارضى دائما بما قسم الله لكى ياأبنتى وأياكى ان يدخل قلبك مايعكر الصفو بينك وبين اختك فليس لها او لكى ذنب فيما يحدث وربنا يهدى والديك الى طريق الصواب والله المستعان وبالتوفيق
2. رنا

   

   13/09/2011 at 19:24

   ادعى ربنا لهم
3. رنا

   

   13/09/2011 at 19:23

   ياريت تدعى ربنا يهديهم
4. المتفائلة

   

   13/09/2011 at 03:28

   ليكى شو ما بيحكوا يحكوا اوثقى بحالك وما تتغي مشاعرك تجاه اختك بالغيرة او هيك شى والله ما فى شى احسن من الى ربنا بيقدره والله معك انت واختك الله يوفقيك
5. مرنة

   

   12/09/2011 at 22:55

   ياقمر انت مجموعك كتير حلو اسمك دخلتي كلية عاليةواحمدي ربنا اوحولي تسبتي نفسك في الجامعة وتبقي معيدةوممكن تكوني احسن من اختك في حجات تانية كتير مشرط التعليم ونصيحة ملكيش دعوة بكلام الناس كلاة الناس كتير اهم حاجة تكوني واثقة من نفسك ومتخليش حد يمسك عليكي غلطة
6. طبيبة نفسية

   

   08/09/2011 at 03:35

   كبرى دماغك وسيبك منهم ولو هما مؤمنين بالله يعرفو ان دة قدر ونصيب من عند ربنا مكتوبلك انك متدخليش طب واكيد ربنا عندة حكمة فى دة بس هو الوحيد الى يعلمها ولما يجوا اقاربك وجهى الموقف وتحاولى تحسسيهم ان انتى متفوقة بس دة نصيب فى النهاية وربنا يوفقك ويوفقنى واهم حاجة انك تتوفقى فى الكلية الى انتى هتدخليها وتبقى دكتورة فى الكلية
7. الله اعلم بكل شئ

   

   05/09/2011 at 04:22

   مجموعك حلو اوي وربنا معاكي
8. dodo

   

   02/09/2011 at 21:46

   بصى اللى حصل حصل ودى مشيئة ربنا لكن انتى تقدرى تثبتى جدارتك انك تذاكرى كويس ف الكليه _ انتى ان شاء الله هتدخلى علوم مش كدا ؟؟؟؟ يعنى لو شديتى حيلك اوى ف المذاكره هتبقى معيده ف الكليه وعلى فكره المعيدين ف كليه علوم بيعطو محاضرات لصيدله
   وانا اعرف واحده كانت ممتازه بس مجموعها كان قليل وهى قالت الحمد لهه دا اللى ربنا كاتبهولى واكيد فى خير ليا ودخلت علوم وهى الوقتى فى تالته و الاولى على دفعتها تلات سنين ورا بعض
   وعلى فكره انا فى تالته ثانوى وجايبه ف تانيه 96% وكنت زعلانه اووووووووى لإن كله كان متوقعلى انى اجيب اكتر من كدا بس بعد ما قعدت مع نفسى عرفت ان دا ممكن يكون فيه خير ليا جايز لو كنت جبت 99 فى تانيه كنت بقيت مطمنه ومذاكرتش حلو ف تانيه ومجموعى ينزل وجايز ربنا خلانى اجيب المجموع دا ف تانيه عشان اتشجع واذاكر اكتر
   يعنى قولى الحمد لله على كل حال ومحدش عارف الخير فين
   ودايما تذكرى الآيه اللى بتقول بسم الله الرحمن الرحيم( عسى ان تكرهوا شيئا وهو خير لكم وعسى ان تحبو شيئا وهو شر لكم)
9. المضطهد

   

   01/09/2011 at 21:36

   اقولك حاجة يا اهت انا ف تانية وجبت 74 ف المية وابويا بيعاملنى شبه اضطهاد وكرهت نفسى وممكن اكره ابويا لانه كان عايزنى ادخل طب ورغم كدة عايز اكمل علمى رياضة وادخل خاص شفتى انتى كدة احسن ولا انا ياريتنى انا كنت جبت مجموعك دة ياريت احلى حاجة تعمليها تقولى الحمد لله ربنا معاكى
10. نور

    

    29/08/2011 at 18:47

    مجموعك في الثانويه العامه كتير منيح بعدين مش نهايه الدنيا
11. المونهعليم

    

    27/08/2011 at 23:51

    ماتقلقيش من نظرة أهلك ليكي, هو كده الإبن الكبير أو البنت الكبيرة بيبقا ليها معاملة خاصة واحترام أكتر واهتمام أكتر, اسأليني أنا. أنا زهقت من كتر ترقب اهلي ليا وتصرفاتي وخصوصاً عشان أنا أكبر واحد في أولاد العيلة, وبجد ده مش عاجبني

    وانتي اللي بإيدك تغيري ده… أهم حاجة تشدي حيلك في الكلية وتذاكري وتتصاحبي على أصدقاء مجتهدين “حريقه” وابعدي عن أصدقاء السوء, وركزي في مذاكرتك وسيبك من الخروجات مع صحباتك, وتفوقي, هتلاقي الناس بتبصلك بنظرة مختلفه, نظرة إحترام لا تتخيليها. وابقي طمنينا عليكي…

    والحمد لله رب العالمين على كل شيء
12. مـــــــــحـــــــمـــــــــد

    

    27/08/2011 at 23:46

    ماتقلقيش من نظرة أهلك ليكي, هو كده الإبن الكبير أو البنت الكبيرة بيبقا ليها معاملة خاصة واحترام أكتر واهتمام أكتر, اسأليني أنا. أنا زهقت من كتر ترقب اهلي ليا وتصرفاتي وخصوصاً عشان أنا أكبر واحد في أولاد العيلة, وبجد ده مش عاجبني

    وانتي اللي بإيدك تغيري ده… أهم حاجة تشدي حيلك في الكلية وتذاكري وتتصاحبي على أصدقاء مجتهدين “حريقه” وابعدي عن أصدقاء السوء, وركزي في مذاكرتك وسيبك من الخروجات مع صحباتك, وتفوقي, هتلاقي الناس بتبصلك بنظرة مختلفه, نظرة إحترام لا تتخيليها. وابقي طمنينا عليكي…

    والحمد لله رب العالمين على كل شيء
13. هشام 4 كلية اداب

    

    27/08/2011 at 18:54

    وبعدين يا جماعة محدش يقولها انتي لازم تثبتي جدارتك قدام اختك _ هما اخوات مش اعداء يعني يفرحوا لنجاح بعض مش يبقوا ضد بعض بلاش الافكار الوحشة دي _ نجاح اختها هينفع اختها بس ونجاحها هي هينفعها هي بس
14. هشام 4 كلية اداب

    

    27/08/2011 at 18:49

    متزعليش يا سكرة انا عنيت نفس مشكلتك بس مع قريبي وزي أخويا بس ماحطتش هم ف دماغي سيبك من كلام الناس + وركزي ف مستقبلك انتي مالكيش دعوة بحد ربنا كاتبلك كده ومنقدرش نعترض _ واهو الحمدلله انا ناجح ف كليتي وهتخرج وهبقا مرشد سياحي _ الدنيا مش طب وصيدلة وهندسة _ بالعكس التعليم ده حاجة مكتوبة في مستقبلنا منعرفهاش الا لما نعمل اللي علينا ………
    ياريت تركزي ف مستقبلك واحلمي ببكرة ومتبصيش لحاجات راحت وانتهت + فكري ف بكرة
15. حسين

    

    25/08/2011 at 18:38

    ناس كتير عانت من نظره التشاؤم بس اوي تستقيلي من نفسك
16. نانا

    

    25/08/2011 at 05:17

    لا متزعليش نفسك خالص انتى ماشاء الله مجموعك جميل ماشاء الله وبعدين النتيجة والمذاكرة دى قدرات لكن الاهالى بتكبر المواضيع دى اوى والمفروض انهم بدل شايفينا بنذاكر وبنتعب وعملنا اللى علينا يبقى خلاص وممكن لو كنتى جبتى مجموع اكبر من ده ودخلتى مثلا كلية تانية ممكن ماتكونيش ناجحة فيها لكن انتى بقدرتك ومهارتك تنجى فى الكلية اللى هتدخليها وتتفوقى فيها وتثبتى للكل انك اجتهدى فى مجالك وبعدين ده نصيب وربنا يوفقك يااااااااااااارب وغير كده العبرة بالخاتمة لا بالبمقدمة يمكن انتى تجيبى مجموع تانى اكبر فى المرحلة الثالثة على فكرة انا فى اولى ثانوى ولسة داخلة ثانية ومرعووووووبة موووووووووت وعندى حاجة اسمها فوبيا من الثانوى من اللى بشوفه وادعيلى وانا هدعيلك وربنا يوفقك ويوفقنا جميعا امين يارب العالمين
17. الحكيمة

    

    24/08/2011 at 04:43

    أنا أرى أنه العبرة بالنهاية فقد تلتحقى بجامعة وتحصلى على أعلى المراتب بها والله يوفقك أنت وأختك ولا تدعى أحد يوقع بينكما أى مشاعر غيرة أو سواها
18. لا اله الا الله

    

    21/08/2011 at 21:27

    حبيبتى انتى نسيتى حاجه مهمه اوى ربنا مخلقش حد فى الدنيا دى كلها كامل الكمال لله وحده وكل واحد فينا فيه ميرزه عن حد تانى كلنا بنكمل بعض لو كلنا عايزين نجيب اعلى مجموع وندخل طب طيب وبعدين هيحصل ايه بعد كده فين المهندس والصيدلى والمدرس والمحامين وغيره وبعدين مش لازم كل واحد فينا يدخل كليه من كليات القمه عشان يروح كليه كويسه والناس تقول عليه ده رائع ملوش مثيل ومش كل حاجه التفوق فى الدراسه يعنى مثلا انا هقولك مثال بس انا مقصودش منه انى اقصد اغلط فى حد بس افهمينى صح منه بس ممكن تقابلى دكتور او مهندس وسبحان الله لا تحبى تكلمى معاه ولا حتى انك تتعرفى عليه واخلاقه وحشه اوى وكمان مهوش ناجح فى حياته زى نجاحه فى شغله وتعبان جدا فى حياته يعنى نجاحه فى دراسته مقابل انه منجحش فى حياته وبعدين انتى ماشاء الله عليكى مجموعك حلو ولو انتى علوم ممكن تدخلى اى كليه انتى تحبيها وتعملى دكتوراه وتبقى دكتوره شوفتى بقا يعنى مش لازم انك تروحى طب عشان يقولولك يادكتوره ياريت ياحبيبتى تاخدى بكلامى وتدورى فى نفسك عن الحاجات الحلوه فيكى وتستغليها فى حاجه مهمه ومفيده ربنا معاكى حبيبتى وادخلى الكليه الى انت عيزاها ومتسمعيش اى كلام يضايقك من اى حد بصى ربنا خلقلنا ودنتين صح نسمع من واحده ونخرج من التانيه الى ميعجبناش :)هههههههههههههههه صح خلى بالك الى ميعجبناش بس مش كل حاجه نسمعها ونخرجها يلا ياقمر فرفشتك ااهه على فكره انا رايحه تالته ثانوى انشاء الله يعنى اضغر منك بسنه ادعيلى بقا ربنا يوفقنى وانا هدعيلك
19. طالب في ثانوية عامة

    

    20/08/2011 at 07:14

    حل الاخت حسناء جبر جميل جدا ولازم تدخلي كلية انتي حباها وتتميزي فيها اكتر من اختك وتحاولي تثبتي توفقك وقدراتك علشان محدش يتكلم وبعدين الموضوع هيخلص علشان بس انتي لسه مخلصة فبيعملوا كده بس بعد كده خلاص الموضوع هينتهي
20. هاني علي

    

    18/08/2011 at 16:38

    بصي مستمحيش لاي حد مهما كان يخليكي تشعري بالقهر وماليكش دعوة برأي الناس لو هتميتي برأي الناس مش هتعرفي تمشي في حياتك ابدا ولازم تحسسيهم انك مش مهتم برأيهم ولا حتي بيهم وتشغلي نفسك في اي حاجه وتكوني متميزة في حاجه اختك مش متميزة فيها … انا مثلا جبت 55 في المية لكن مش بسمح لاي حد انه يعدل عليا لاني دي هي قدراتي وهو ده اللي ربنا كتبهولي وانا ممكن اكون متميز في حاجه تانية غير التعليم فأنتي لازم تشكري ربنا لان ده مجموع كبير مش صغير وانتي عملتي اللي عليكي ولما اهليك يجيوا مجرد انك تسلمي عليهم بس وتسبيهم وتحسسيهم انك مشغولة بحاجة تانية
21. nasse mando

    

    17/08/2011 at 09:34

    بصى بداية كده تقييمك لنفسك غلط فالمجموع اللى نتى جايبه مش قليل المشكلة انك فى وضع مقارنة مع اختك الاكبر منك وعلى هذا الاساس قررتى انتى ان ده مجموع قليل وطبعا ده مش صحيح.. اما بالنسبة لاقاربك فحب اوصلك معلومة الحب والكره او بلاش كلمة كره ممكن نقول عدم الاهتمام مش مرده ابدا المستوى التعليمى للفرد والا كان اكتر من تلتين المجتمع موضع تهميش وعدم تقدير انما التقييم الحقيقى هو نجاح الفرد فى فرض احترامه وتقديره من الناس اللى حوليه… خلينى اقولك انك حد يستهاهل انه يكون موضع تقدير لانك اجتهدتى وعملتى اللى عليكى والتوفيق من الله وحده..نصيحة اخيرة اشتغلى بجد فى الكلية اللى هتدخليها وحافظى على تقديراتك بكده تقدرى تعرفيهم وضعك الحقيقى
22. المحتار

    

    17/08/2011 at 08:10

    لا ياقمر انتي احسن من ناس كتييييييييير
    انا مجموع اصغر منك بكتييييير

    احمدي ربنا على مجموعك بجد حلو اوى ما شاء الله وربنا يوفقك وتدخلي الكليه اللى تحبيها

    متفكريش تدخلي على قد مجموعك
    لالا اوعى
    خشي الكليه اللى تحبيها حتى لو كانت من 70% علشان لو دخلتيها هتتفوقي فيها وتطلعى من الاوائل كل سنه بإذن الله 🙂
23. حسناء جبر

    

    17/08/2011 at 03:18

    (السلام عليكم ورحمه الله وبركاته )اول حاجه هقولهالك :اذا توقفنا امام كل اساءه لحقت بنا لقضينا العمر في اجترار الاحزان والعبره بالنهايه وعلي فكره انتي مجموعك مش بدرجه السوء اللي انتي متخيلاها وقدامك كليات كتييييييييييييييييير تختاري منها بس أهم حاجه تركزي عليها انك تدخلي الكليه اللي انتي تميلي ليها وتربطي موهبتك باختيارك للكليه وميهدلكيش بال غير لما تبقي معيده في الكليه بتاعتك وتحققي نجاح كبير فيها والنجاح مش مقصور علي كليه الطب بس يعني هو طه حسين كان دخل كليه طب ولا وعباس العقاد كان دخل طب ودكتوره عائشه عبد الرحمان كانت دخلت طب ودكتوره عبله الكحلاوي كانت دخلت طب وطبعا انا مش هقولك ان سهل انك تتعاملي بقسوه من اقاربك بس هقولك حاولي تنسي وتتفهمي جهلهم لأني بعتبر ان ده جهل انهم يبقوا معتقدين ان الطب بس هو القمه انتي عارفه ان العالم احمد زويل اصلا كليه علوم يعني انتي ممكن لو حابه تدخليها نشوفك ان شاء الله عالمه يشار اليكي بالبنان ان شاء الله وحاول تتقربي الي الله وتلجأيله وتدعي بأنه يحنن قلب قرايبك عليكي مش هتلاقي احن من ربنا عليكي هتلاقيه بيبعتلك حاجات تفرحك ويساعدك انك تخرجي من الحاله اللي انتي بتعاني منها ااقري قرآن كتير وادعي ربنا كتير وفيه دعاء حلو(اللهم اني برحمتك استغيث اصلح لي شأني ولا تكلني الي نفسي طرفه عين ) وعلي فكره انا رايحه تانيه ثانوي يللا بقي ادعيلي وانا كمان هدعيلك