اولا انا مبسوط جدا انى عرفت موقع مشاكل وحلول. بجد الناس اللى فيه جمال جدا ومحترمين. هدخل فى الموضوع. انا شاب عندى 23 سنه. لسه خريج جديد من كليه من كليات القمه. ربنا اكرمنى بحاجات كتير فى حياتى. الحمد لله اهمهم الاخلاق وحبى وبرى لوالدى. والشى الاخر هو التفوق الدراسى حيث ان ربنا اكرمنى بسفر للولايات المتحده مرتين مع العلم انى من اسرة تحت المتوسطه بكتير ماديا ولكن هذا كله كان توفيق من الله ثم اجتهاد منى. مره كطالب ثانوى اخدت الدبلومه الامريكيه. والمره الاخرى كطالب جامعى لدراسه تمهيدى ماجستير. الحمد لله احب بلدى جدا ولم افكر فى الاقامه بامريكا لانى مرتبط جدا باسرتى. فرجعت مصر. انا الحمد لله شغال شغل محترم جداا وبراتب جميل مع العلم بصغر سنى. فان اقوم بالاشراف على اساتذه اكبر منى بكتير وفرص العمل فى كل مكان متوفره ليه نظرا لتفوقى فى اللغه بدرجه كبير وكذلك بمجالى وايضا ولله الحمد اخلاقى. انا حاليا مستنى اصعب واهم حاجه فى حياتى الا وهى التجنيد. افكر فيه بجنون. افكر بانه سيدمر حياتى ويجعلنى بلاطموح وافقد الكثير. احد المشاكل ان تخصصى بيلبس ظباط وانا رياضى وسباح فحاسس انى لقطه بالنسبه ليهم. خايف جداا من الموضوع ده. هو كشفى فى شهر 4 ان شاء الله. بس الموضوع شاغل كل تفكيرى لدرجه انى مش عارف اشتغل وبقضى وقت كتير فى الجيم علشان التفكير فى الموضوع ما يسببليش نفسى وحشه. على العلم انى البس نظارة ونظرى ضعيف نسبيا. يعنى -4.5 استيجماتزم يمين و -2 استيجماتزم شمال وعندى فلات فوت. نفسى اخد اعفا لسبب انى حاسس ان حياة المدنيه مفيده لى وللمجتمع اكتر من الحياة العسكريه. وكمان اهلى مرتبطيت بى جدا حسث انهم ينتظرون منى الكثير والكثير. ارجو من حضراتكم النصح والارشاد وياريت لو فى دكتور يقولى انا موقفى ممكن يكون ايه لما اكشف. شكرا جزيلا لحضراتكم
