مشاكل البنات قبل الزواج

اتجوز ازاي علي الضيق

السلام عليكم … انا الدنيا اسودت في وشي وعاوزه حد يديني امل ويحط لي اقتراحات
انا بنت متخرجه من عده سنوات لكن للاسف خسرت شله اصحابي بتاعت الجامعه بسبب خلافات ومشاكل وماينفعش نرجع تاني

حاليا عندي بنتين بس اصحاب قريبين
علاقتي مع اقارب ابويا واقارب امي زفت يعني سطحيه جدا ومش متصاحبه علي ولاد وبنات اعمامي ولا خالاتي
المهم انا باسأل نفسي كل يوم انا هاتجوز ازاي
انا اصلا لو عملت خطوبه او فرح مش هلاقي حد يحضر لي
وصحابي بنتين بس يعني مش هلاقي حد يكون جمبي في الكوشه
اعمل ايه واتجوز ازاي علي الضيق
حتي لما اتجوز علي الضيق قليل اوي الي هييجي يباركلي في شقتي او يحضر ولادتي
هو كده هيبقي منظري وحش قدام جوزي اعمل ايه
حد يقول لي حل او يخفف عني؟
ازاي اتجوز في اضيق شكل ؟ يعني هل اكتب الكتاب واروح علي بيت جوزي ولا اعمل ايه ؟

مشاكل وحلول ذات صلة

اضيف بتاريخ: Sunday, July 8th, 2018 في 09:50

كلمات مشاكل وحلول: , , , , ,

ردود to “اتجوز ازاي علي الضيق”

  1. ابوالبتول
    08/07/2018 at 22:36

    اللي يسمعك يقول انك مخطوبة وعريسك واقف على الباب ايه الافكار السودة دي والتشاوم الوحش ده يابنت الناس انت ماشاء عليك زي القمر ومتعلمة وخريجة جامعة والف من يتمناكي ياست البنات هتلاقي نصيبك جايك لامحال ومسالة الاصدقاء دي حاجة لابد منها تقدري تخلي عندك صديقات واصحاب من البنات من خلال تواصلك مع بنات عماتك واعمامك وببنات خوالك واقاربكم وتعرفي ازاي تتعامل معاهم وتكسبي محبتهم وصداقتهم ليك وربنا يبعث لك ابن الحلال اللي يستاهلكي ويسعدكي ويحبب فيك خلقه ويؤفقكي ويسترعليكي ويصلح لك كل الاحوال

اترك رداً أو حلاً لهذه المشكلة