انا بنت عندى 20 سنة انا اتعمدت انشر مشكلتى هنا علشان كل الشباب تقراها مشكلتى انى قبل ما انزل من البيت وانا بدعى ربنا يحمينى وبقرا ادعية كتييييييير كانى نازلة احارب والنتيجة انا اول ما انزل من البيت لحد ما ارجعله وانا بشوف الويل من تحرشات و المعاكسات انا الحمدلله احسن من غيرى متعرضتش قبل كده ان حد اتحرش بيا و مد ايده عليا (ويا رب ما تكتبها عليا ابدا )بس انا بتعاكس فى الشارع وجوا الجامعة وبرا الجامعة وبسمع كلام بشع والفاظ خارجة انا بس عايزة اقول لاى شاب ياريت تتقى ربنا فى بنات الناس وداين تدان واللى هتعمله فى اى بنت ممكن يتعمل فى اختك او اى حد يخصك ومتقولش البنت هى اللى بتستفزنى بتبقى لابسة ضيق وشفاف ياسيدى ربنا موجود هو اللى هيحاسبها ملكش دعوة انت غض بصرك وخلاص بلاش اعذار وحجج فارغة بس الحياة مش صعبة عليك انت لوحدك هى صعبة على الناس كلها بلاش تصعبوها علينا اكتر الحكاية مش ناقصة انا عارفة ان الشباب الجدعة والمؤدبين كتيييييييير بس انا بتكلم من ارفى وزهقى ومن اللى بشوفه انا اسفة انى طولت بس ياريت اى شاب بيقرا الموضوع ده يغض بصره ويخاف ربنا علشان ربنا يكرمه فى حياته ويرزقه بزوجة صالحة تصون بيته انا بتكلم بالنيابة عن كل بنت كفرانة وارفااااااانة بسبب الموضوع ده
التحرش الجنسي
زهقت من التحرش الجنسي ارحموا بنات الناس
اضيف بتاريخ: Wednesday, January 19th, 2011 في 06:11
كلمات مشاكل وحلول: البنت, البيت, التحرش الجنسي, الجامعة, المعاكسات, بنات, بنت, مشاكل البنات
الاخت الكريمة انت جزاك الله خيرا قلت كلام نافع ومفيد لكل الشباب والبنات عموما ورسالة صادقة وصريحة للحالة اللتي مع اللاسف متواجدة بكثرة في مجتمعنا وكل يوم نراها في تصاعد مستمر وتعدت كونها ظاهرة بل صارت كارثة كبرى يعاني منها المجتمع ونرجعها لاسباب التالية 1- ضعف الايمان وقلة الوازع الدينى 2- سوء الاخلاق والتربية من الاهل 3- تفشي التبرج والسفور والاختلاط المحرم 4- انتشار وسائل الاعلام الهدامة سوا من افلام اباحية او مسلسلات هابطة او اغاني مايعة ومثيرة للغرائز والشهوات 5- غياب دور التوعية والرقابة من الاهل للفتاة والشاب 6- رفقاء السوء ومجالستهم 7- تناول المسكرات والمخدرات والحشيش والادمان عليها 8- انتشار وسائل التواصل الاجتماعي من انترنت وفيس بوك وانستجرام واتساب وتويتر وغيرها واصبحت في متناول الصغير قبل الكبير من الجنسين سوا بنات او شباب
انا برد علي الاستاذ مفيش حب احترم نفسك البنت صاحبت المشكله بنت محترمه ومردتش عليك بس انا هرد عليك ايه رايك اني لسه اول امبارح شفت منقبه بتتعاكس واهدي بقي وهدي نفسك وروح نام عشان مش ناقصه عطه
احب اقول للاخت صاحبة المشكلة ان التحرش الجنسي ليس حكر على الشباب فقط وانما ايضا بيكون من البنات كذلك ولكن في حدودضيقة وقدحدث معي تماما عندماكنت في سن 22سنة وكنت مسافر لاحدى الدول العربية على متن الطائرة وجلست بجواري سيدة في العقدالثالث من عمرها واثناءالرحلة كانت السيدة هذةتضع يدها على مناط حساسة من جسمي وفكرت انهاحركةلاشعورية وماتقصد لكنها اكثرت من التمادي في ذلك وتسحب يدي لتضعهاعلى صدرهااوفخذيها وعندها قالت لي هل ترغب في مرافقتي بعدالوصول وعرضت على الذهاب معهاللفندق اللي نازلةفيه ولكنني اعتذرت لهاواخبرتهااني شاب اخاف الله عزوجل ولالي رغبة في اقامةاي علاقة مع النساء وانصرفت عنها بعدانتهاءالرحلة واحب اوكد للاخت ان التحرش الجنسي يوجدبين النساء بعضهن البعض ويعرف بالسحاق ويوجدبين الشباب والبنات وكذلك بين الشباب وبعضهم ويعرف بالشذوذالجنسي اللواط والعياذبالله وقديحصل في الجامعات اوالمدارس اوالعمل اوفي الاسواق اوفي الشارع وفي اي مكان وهووباءخطير ومدمر للمجتمع وقدانتشر بكثرة في الاونةالاخيرة ولااحديسلم منه الا مارحم ربي وعلينا بتقوى الله وعدم الاختلاط المحرم وتجنب النظر المحرم والابتعادعن اماكن الهووالفجوروالفسادمن الاسواق والمنتزهات والكباريهات وغيرها والتحلى بالاخلاق الحميدةوالتربيةالفاضلة وكذا اللباس المغري والعاري اوالضيق والتجمل والتزين المبالغ فيه والحجاب الشرعي ضروري للبنت المسلمة والاسلام اوجبه عليها لاجل تصون نفسها وماتقع في الفتنة والشبهات والله الهادي لسواءالسبيل
انابااعلى صوتي اويدالاخت الفاضلة واضم صوتي لصوتهافي كل ماقالته من مايحصل من افعال مشينة من ضعاف النفوس من الشباب تجاه البنات من تحرشات ومعاكسات والفاظ قبيحة لاتصدرمن شباب مسلم عنده دين اواخلاق ويحترم نفسه واهله والمجتمع ودي ليست بوليدةاليوم ولكنهامنذ زمن طويل واصبحت ظاهرة في المجتمع لابدمن التصدي والقضاءعليهامن قبل كل افرادالمجتمع بدامن البيت والمدرسةوفي الجامعة والشارع وكل مكان في المجتمع وانزال اشدالعقوبات على كل من يتحرش بالنساءاوالبنات في اي مكان وحمايتهن من اخطارالتحرش والاغتصاب وربي يهدي الجميع
يا حبيبتي انت بنت كويسه مبين عليكي من عيله محترمه جدا الله يرزقك بالراجل الي يسعدك ويكون محترم زيك بس الشباب ده الوقت بيقولو مفيش بنت كويسه بس انا بقولهم البنت الكويسه متشوفها لانها محترمه متخرج من بيتها وانت شايف البنات الي بالشارع مش كويسين قله منهم الي تكون محترمه ملتزمه
انا معاكى هوا احنا كرجاله بنلقى اللم عليها ليه .. منحترم احنا نفسينا زائد معلش والله الموضوع مش موضوع لبس موضوع اخلاق واحنا عارفين ان بيحصل لبنت محجبه ومحترمة من الاخر الشباب مبيعتقش حد المهم تكون مسماها انثى و انى بأيد كلامك جدا و فيه حمله عالفيس بوك اسمها امسك متحرش اتمنى انها تنتشر من الأخر موضوع اللبس مش العامل الوحيد و ياما بنات ولاد ناس ومحترمين جدا ومتربين كويس جدا و طبيعة لبسهم كدا وياما بنات مش محترمة ولبسهم محترم او محجبات واعتقد كلنا عارفين ده .. اخر حاجه عايز اقولها انت لو سافرت بره ما البنات بتبقى لابسه مكشوف اوى تقدر تتحرش حضرتك ولا مش فالحين فى ده غير في مصر و تيجو تقولو هيا الى لابسه مش عارف ايه (بجد عالم مريضة)
وبناااااااات انا اخيرا اتوصلت لحل انا لبست محترم بس مفيشفايدة عارفين صرت بحط طاقية وبلبس تجينز ولاد وتجاكيت منفوخة وجزم ستايل تبع البريك دانس اللي بتابع ونصحني صديق قال انو لازم البنت تخفي اوثتها فانا مش تخلصت من التحرش بس نقص شوية واساسا لبس الولاد جمييييييل ومريح بجد الجزم بتاعكو مية مية والبذل الرياضية يعني يا بنات بلاش تتانتكو لو عاوزين تلبسو وبس عشان السترة ده راي اما لو كانت البت مصرة علة تتانتك فبقولك مينفعش تغيري البلد هما بايزين نعمل ايه نستحملهم ملناش غيرهم ولا نستورد شعب جديد
فين التطور والتقدم المجتمعات فاتت عقدة اللباس والجنس وانتم لازلتم تناقشون المضايقات ليه هو انت ثور حيوان اي انثى هتثيرك فين الحب والاحساسا باراحة تجاه الشريك يعني ابط رؤية تخليك شبق يبقى انت اللي مريض مش الناس الطبيعي لا تثار شهوته الجنسية الا ان كان مع شخص يبادله نفس الشعور اما اللي بتقول عليه ده نقص وحرمان عاطفي بيسبب زيادة الرغبة الجنسية اللي عند الجنس العربي عموما اتثقفو وااسمو من شهوات جسدكم عشان الجسد اخرتو عفونة وديدان في ارواحكو يا قوم
اولا البت قالت حاجة منطقية متهاجموهاش كده راعو مشاعرها وبعدين هي محترمة ومش عشان مسيحية تبقى كذا.. الكتاب المقدس بيقول انو الست لازم تحتشم بوقااار وانا ليا بناتمسلمات صحباتي محتجبات وفي اشد الاحترام وبرضو بيعاكسوهم وبيقولو كلام مستفز ونا مسيحية والرب ادرى واشهد عليا اني بلبس لبس في كااااامل الاحترام وعيني في الارض طول الطريق حتى انو جيران مسلمين متزمتين سايبين بنتهم مصاحباني وبرضو بيعاكسو بفظاظة والمضايقة دي بقت تعبير لا ارادي عن الرجولة من طرف الشباب يعني مشكلة لازمها علاج نفسي وصعببببببببببب جدا في بلد من الدول النامية
بسم الله اولا انا بشكر كل واحد قال رايه شباب وبنات ثانيا احنا ف ذمن الفتن وربنا يستر كل اخواتنا وبناتنا وعلي كل اب ان يراعي الله ف بناته وكما قال (ص)كلكم راع وكلكم مسئول عن رعيه.
سبحان الله يعنى انت عاوز البنات تلبس ضيق ومحذق وانا اسف على كلامى السابق والشباب يغض بصره
والله و لقيتى شب غض بصره هتلاقى كتير غيرو بص وقبلو ما تفكرو فى الشباب فكروو بالاحتشام بالحجاب بالنقااب د احنا خلاص مبقنااش نفرق عن الغرب بشئ انا والله العظيم لم اشووف واحده مسلمه طالقه شعرهاا ولبسه حجات من بتوع اليومين دوول والله والله بنهاار لدرجه انى لمده اسبوع التزمت البيت من كتر ما انا مش عارف اغض بصرى وربناا عالم بحال الشباب فكروو فى نفسكم قبل ما تفكروو فى الشباب اذكروو الله يذكركم
يا جماعة فعلا والله انا واحدة بصلى وبلس طويل ومحترم وبرغم ذلك وكتاب ربنا بتعاكس كتير جدا وببقى مش عالافه اقولهم ايهلو اعمل ايه غير انى امشى واوطى راسى كانى عا مله حاجه غلط دة ممكن يكون فى بنت ماشيه لبسها فظيع ومش كويس وواحد يعاكسنى انا طب ما تبوص على التانيه ولا هو معاكسه وخلاص بجد حاولو تبطلوا االمعاكسات وما تجبوش كل حاجه على البنات البنات مظلومه والله
بصوا يا بنات من الآخر انتى من حقك تقلعى هدومك و تمشى عريانة فى الشارع لكن ساعتها ما تعيطيش لما الشباب يتفرجوا عليكى و بطلوا استهبال بأه عشان اللى بيقولوا منتقبات و لابسين حجاب و بيتعاكسوا احب اقولكم يستحيل يستحيل يستحيل ان واحدة لبست لبس اسلامى كما أمر الله فضفاض لا يشف و لا يصف و لا يلفت النظر و الخ الخ و تمشى محترمة لا تضحك و لا تهزر مع صاحبتها و لا تحط ميك اب و لا عينيها بتلعب و لا مشيتها فيها تكسر اتحدى انها تعمل كده و حد يعاكسها و لن يتعدى من يعاكسها الا ان يكون صنفا من اتنين صنف فعلا مختل لا يزن الأمور و يندر أن يعاكس مثل هذه المحترمة و الصنف الآخر تجديه معجب بتقواكى الخارجية بصرف النظر عن داخلك فالله هو المطلع عليكى و بالكتير اوى تلاقيه بيقولك ما شاء الله ايه الاحترام ده هو فيه كده دلوقت ؟ و حاجات من دى و برضه ده نادر انه يحصل و بقولك انتى و هى الفساد مستشرى بطريقة غير عادية و البنات فى السفالة ما يتوصفوش و الشوارع و المولات و الكافيهات تشهد عليكم و انتوا تشهدوا على نفسكوا قبل الناس ما تشهد عليكوا كفاية باه استعباط و كل واحدة مش عارفة تبرر موقفها تقولك اصل المحجبة و المنتقبة بتتعاكس و المشكلة فى اللبس !!! لاء المشكلة فى اللبس و فى مشيتك و فى غمزتك و فى ضحكتك و فى حركتك انتى فتنة تتحرك على الأرض فان لم تعرفى كيف تصونين نفسك يبقى تستاهلى كل اللى يجرالك
إحنا بئا بنقولك مفيش بنت مؤدبة بتتعاكس ولا بيحصلها تحرش فانتى إما لباسك غير شرعى واما حركاتك او مشيتك او اى حاجة فيكى مش مظبوطة بتظهرى جسمك مثلا بلبس ضيق او صدرك بارز اى حاجة من اللى بتشد الشباب اللى مش محترم أفضل شئ هو الحجاب وياريت النقاب ربنا عامله حفاظ بس البنات مش عايز الحفاظ وبترفض الحجاب وفى الأخر تقول بيعكسونى
الشباب التي تدافع عنها وتقول اسمعواكلامها بتقول لبسي محترم.. أوكي أنا سأفترض أن لبسها محترم
هي قالت لإسلام في ردها أنها ستدير له خدها الأيسر أيضاً وقالت أن كتابها “البايبل” يقول ذلك، يعني البنت مسيحية، يعني لا تكلموها على الجحاب ولا اللبس الواسع من الآخر ولا الجلباب ولا هذا الزي.
الزي المتوقع هو جينز واسع أو ضيق هذه قضية أخرى، أو بالكثير جيبه ومن أعلى بادي أو بلوزة. وبصراحة كل ما سبق سواء جينز يحدد معالمك أو جيبة “تهفهف مع الهوا” أشياء مستفزة للشباب. ومن جهة أخرى لا ننسى أبداً أن شعرك أيضاً مع صدرك إن كان مكشوفاً جزء كبير من الإثارة، والشباب ليسوا مجموعة من العميان فإن لم ينصلح حال هذا العرض المجاني من اللحم فلا حل عند الشباب غير الفرجه..
أخيراً أنصحك بأن تصمي آذانك عن سماع التحرشات وكأنك لست موجوده وأنهم لا يقصدونك، حاولي إقناع نفسك بأنهم يقصدون شخصاً آخر لا ترينه، ستجدي أن الأمر أسهل. وقولي دائماً لنفسك أنهم لا يعرفوا أنك إنسانه محترمة ولا عتب على الجاهل. حاولي أن تقنعي نفسك وتكرري الأمر في داخلك حتى تقتنعي به.
ياشباب البنت من الصبح عماله تقول انا لبسي محترم وبردوا بتحاولوا تبرروا موقفكم وتقولوا البسي محترم ليه بتظلموها انتوا كنتوا عارفينها وبعدين خلينا صرحه الشاب لما بيشوف بنت عاديه خالص مش ملفته بردوا لازم يعاكسها ده بقي داء عندنا لازم نعرف غلطنا ونقلع عن العاده دي وربنا يهدينا ويهدي البنات
بصوا ياجماعة مش حاانكر ان فى بنات لبسها مش كويس والكلام ده لكن بقى ايه رايكم فى الشباب بقى اللى بيعاكسوا بنات محجبات ومحترمات بكلام خارج وهما ماشيين فى حالهم وطبعا مااقصدش المحجبة ولابشة لبس مش اللى هو وفى بنات بردوا مش محجبات ومحترمات بيتعاكسوا حتى لو لابسين لبس محترم انا بقى بحس ان المعاكسة دى هواية عند الشباب وكل واحد عاوز يتمنظر اودام التانى ازاى بيعاكس بنات وكانها بردوا خفت دم والضحية البنت
ياشباب وياشابات …كده مايصحش ابدا….اللي يغلط ويرمي اللوم على الطرف التاني……..كل واحد حسابو عليه…هو كل ماحد يغلط نحنا حنتبع غلطو ونجاريه في الغلط…كده الكبير يغلط الصغير يكرر غلطو…الحرامي يسرق جارو يسرق زيو…المجرم يقتل الشرطي يعمل زيو….المجتمع يخرب وتفسد الارض وينزل علينا غضب….يعني لو شفت لك وحده لابسه وحش بدال متعاكس وتاخد ذنب قول لها اتقي الله يابنت الناس …لو كل شاب عمل كده البنات حتتغير…وانتو يابنات الوحده بعد ما تعمل العليها وتلبس حشمه وتخرج لو حد عكسها برضو تقوله اتقي الله… ولو فضل يعاكس وما احترم نفسو….(في بخاخات تترش على الوش تخلي الواحد يايقدر يفتح عينه الا بعد ربع ساعه زي الشطه….ده يستاهل )….
اhاولا ياختى الكريمه ابداى بنفسك والبسى لبس محترم وجربى يوم واحدوشوفى رد الفعل صدقينى هتلاقى تغيير 360 درجه ومحدش هيكلمك كلمه ولا هتتعرضى لاى موقف سخيف وربنا سبحانه وتعالى قالنا ان الله لا يغيروا ما بقوم حتى يغيروا ما بانفسهم صدق الله العظيم وربنا يسترها معاناجميعاوكمان تاكدى ان انتى لو لبسك محبك وضيق هتشيلى ذنب كل شاب نظرا ليكى فياريت تبدئى بنفسك واحب الفت نظرك لحاجه ازاى بتقولى بدعى ربنا يحمينى ربنا هيتقبل منك ازاى وانتى بتعصيه بلبسك مسالتيش نفسك ليه ربنا يهدينا جميعا
معلش بس والله حقكك فى صبيان رزله رزله يعنى .. انا بجد مبعاكسش خالص ولا بعرف اعاكس ولا انا جرئ .. عشان كدا لحد دلوقتى سينجــــل مش بعرف اعاكس ولا كدا .. وانت بصراحه حقكك يمكن الناس تحترم نفسها وانتوا بردو متعملوش فينا كدا عشان اكتركوا بيبقى قاصد
انا شاب من الأردن وكلامك مزبوط بس زي مافي دور على الشب كمان في دور على البنت الشباب بطلعو علي اي بنت بس نظراتهم بتقوى لما يشوفو لبس مغري وانا اسف على هادا الكلام ولاتنسي انو الحياة اختلفت والزواج صار صعب الله يحميكي من كل عين ويحمي كل بنت وشاب ويبعدنا عن الرذائل
سبب التحرش هو هجوم فکری من البنات الخلیعات علی الشباب … فیکون التحرش هو رده الفعل … اذن هو رده فعل ولیس فعل .. فلایجب ان تلبس البنت الضیق والقصیر والشفاف بحجه انها حره بملابسها ونفسها وان ربنا یحاسبها وعلی الشاب غض البصر … هذا هراء … علی البنت ان تراعی احساسات وغرائز الشباب وتلبس مالایثیر الشباب … ثم کم فی المئه من موارد التحرش للمحجبات و کم منه للخلیعات ؟؟؟؟ اذکر ان صیاد السمک لایلقی شباکه فی الیابسه وانما یذهب للنهر والبحر حیث الماء والسمک .علیکم فهم مااقول ..
ايه كل الهجوم ده عليها بتحسسونى انها قالت حاجه مش موجوده دى اكبر مشكله للاسف فى بلدنا وانا بعانى منها انا مبعرفش انزل من البيت لوحدى الا مع حد من اهلى من الارف الى بشوفه وقله الادب وكمان وانا مع اهلى معكسات ومفيش احترام بتبررو لنفسكو وتقولو البس لبس ايه ده المنتقبات حتى وصلتو ليها حسبى الله ونعم الوكيل فى كل الى يعمل فى بنت كده ويجبها فى اقرب الناس ليه يارب
شوفى يا غاليه
انا طبعا مش قاصد اهينك بس انا طبعا عرفت انك مش مسلمه علشان اقولك البسى حجاب بس على الاقل خلى لبسك واسع وآسف لو قولتلك كلمه تزعلك بس انا خايف عليكى لانك زى اختى .
ودينى هو الى أمرنى انى اخاف على بنات الناس من غير تفرقه بين مسلم ومسيحى.
ربنا يحفظك ويسترك
احلى رد قالواالرايق انا كنت هكتب نفس الى كتبوا بصى عايز اقولك حاجة بسيطة جدا انا واحد من الشباب والله ما بعاكس اى بنت بس لو شوفت واحد لبسة لبس كدة كدة لو فى الوقت ده ايمانى ضعيف هبص عليها وهاخد زمب طبعا لانى ماغضتش بصرى انا مش بعفى نفسى من مسؤلية الزمب بس مش بعفى البنات من الذنب برضوا البنت لما بتنزل من بتهم وهيا كدة اكيد بتفتن ناس كتير وبستعيب اى واحد ينزل بنته او اخته بالشكل دة اكيد هو يبقى مشركها فى الزمب لانوا سمح لهاتنزل بالشكل ده ومش عايز اقول عليه راجل لانوا بيبقى فى الوقت ده ديوس انوا رضى بكدة على نفسوا وربنا يتوب على كل عاصى مسلم
اول حاجة ان بشكر الاستاذة صاحبة الشكلة لانه بصراحة نصيحة اكثر مما هي مشكلة ويا رب اهدى الناس واصلح حال مصر والمصريين واستر علي بنات المسلمين
انا بجد اترعبت من الردود انا حسيت ان انتوا هتطلعولى من شاشة الكمبيوتر وهتقيموا عليا الحد علشان اتكلمت فى حاجة بتحصل وموجودة انا كنت منتظرة نصيحة بطريقة كلام محترم او دعوة حلوة لكن الشتيمة نزلت زى المطرة على العموم *****
ونعم العقل
ونعم التفكير استمروا…..استمروا
اول حاجة انا بشكر الاخ احمد
وتاني حاجة يااختي انتو بتشتكو من معاكسات الشباب للبنات
طب واحنا نعمل ايه؟؟؟؟؟؟؟والله العظيم اني في بعض الاحيان بكون رايح جامعتي اورايح مشوار ولاقي بنات بتعاكسني وحدة تبسبسلي ووحدة تخليني معدي الشارع وتقرصني وغير كدا حاجات كتيرة وأفظع من كدا …….يااختي المشكلة مش عند البنات بس بصراحة هوا مفيش احترام لاعند شباب ولا عند بنات الامارحم ربي
قسما بالله العظيم انا شوفت شباب بتعاكس منتقبات ومحترمات وبيحاولو انهم يستفزوهم عشان الواحدة منهم تشتم ويقولو عليها لبس النقاب كدة والله انا رايت منتقبة بكت من كتر ما الشباب بيستفذها وهى مش عارفة تعمل معاهم حاجة وتقربت منها قالتلى انا مش عاوزة اعلى صوتى عشان هسيىء لكم واحدة منتقبة انا بفضل ابكى احسن ما اظهر بمظهر لا يليق بمنتقبة مسلمة وكتير وكتير هما الشباب عشان مفيش شغل بيشتغلو على النساء والبنات والله المستعان
الى كل اخوتى من البنات اريد ان اعلم هل ربنا قال غض البصر و مقلش الاحتشام للولد و البنت؟ الى مش عاوز يحتشم ميجبرنيش على غض البصر يلزم نفسو الاول بربنا قبل ميتكلم مع الاخر!لو كل واحد حر يلبس الى هو عوزة فكل شاب حر يقول الى هو عوزة بنفس المقيال وغضى انتى سمعك بقى! اذا دعينا للالتزام بيجب ان يكون الالتزام من كلا الطرفين دة الى ربنا قال عليو! ولو البنت تلبس الى هى عوزاة و ربنا يحسبها بفنس المقياس الولد يوقل و يقلع الى هو عوزة وربنا يحسيو. احب ان اقراء الكثير من تعليقان الشبان و البنات و شكرا
ياجماعه في ايه ايه كل الهجوم ده عليها انا متاكده اني لبسها واسع ومحترم جدا لانها اصلا واحده طالعه من البيت بتدعي يعني مش عاوزة تتعاكس اصلا بعدين عذر اقبح من ذنب لان الشاب الي فاكر انو من حقه انه يعاكس اي بت فالشارع لمجرد لبسها فهو غلطان وبعدين الشباب دول هيروحو من ربنا فين يوم القيامه هتشهد ايديهم واعينهم عليهم وهيتفضحوا امام الله والناس اجمعين وهيتحاسب على كل الي عملو فاتقوا الله ياشباب واعلمو ان الله يراكم
الحاجة العجيبة ان الكل حكم عليا من غير ما يعرفنى وحكموا عليا بانى مش محترمة وكانى بمشى فى الشارع ببدلة رقص (سورى يعنى) ……انا مش بهاجم حد ولا حكمت وقولت ان الناس كلها وحشة وان الناس كلها كده انا بس بقول نصيحة وخلاص ان ياريت لو حد بيعمل كده بلاش يعمل كده تانى وان كل واحد ينبه على صاحبه ميعملش كدا وكل اب ينبه على ابنه وكل ام تنبه على ابنها الكل هاجمنى وكانى حكيت على جريمة عملتها ليه كده؟؟؟؟؟؟؟؟؟؟؟!!!!!!!!!!!!!!!!!!!!
للاخ اسلام اللى بيقول ان فى جهل متفشى فى عقلى انا مش هقولك غير شكرررررررررررررررررا وانا مش هرد عليك لانى انسانة محترمة ولانى مؤمنة ان لو حد ضربنى بالالم هديله الخد الثانى زى ما قالنا الانجيل شكرا لاى حد قالى كلمة حلوة اسعدتنى ولاى حد قالى كلمة اذتنى وجرحتنى
ياجماعه دى البنات دلوقت واللهى هى اللى بتعاكس الشباب كان الله فى عون الشباب البنت المحترمة والست المحترمة بتجبر اى حد انه يحترمها غصب عنه بتدينها باخلاقها بتعاملها بنظرتها بكل شىء محترم بتجبر اى حد انو يحترمها ولكن كان الله فى عون الشباب انا لا اؤيد ان اى شاب يعاكس اى بنت ولكن البنات نفسها هى التى ترغم الشباب انو يعاكسها بلبسها بنظرتها بحركاتها بمشيتها اقولكم ان فى بنت قالتللى واللهى ان لو البنت ما تعاكستش ماتبقاش بنت
ايها البنات حاسبو انفسكم واتقو الله فى انفسكم انتم واحسنو من لبسكم زيو من حشمتكم الموضوع كله وزع دينى لان بيئتنا كلها فاسده ربنا يرحمنا ويرحمكم
على فكره واضح ان لبسك مش حلو بالمرة وبعدين عايزة الشاب يغض بصره وأدامه واحده بتفتنه ؟ إزاااااااى؟
بصراحه انتى مستفزة وشكوتك دليل على جهل متفشى فى عقلك ماتلبسى انتى محترم وجربى مش هتلاقى اى حاجه من دى خالص.
عالم غريب
عايزة اقول بس للاخ همسات حب ان البنات المحترمين كتير وصدقنى مادام انت انسان محترم اكيد ربنا هيبعتلك بنت مؤدبة ومحترمة الطيبون للطيبات صح متبقاش متشائم وخليك واثق من نفسك ومن اختياراتك
اولا انا عايزة اشكر كل اللى رد واشكر همسة حب على كلامها الجميل ده بس والله العظيم انا لبسى محترم لدرجة انه معظمه لونه اسود وبعدين ده حتى المنتقبين بيتعاكسوا والله حصلت ادام عينى وبعدين انا اصلا مش بخرج لا هنا ولا هنا يعنى من البيت للجامعة ومن الجامعة للبيت وبقول مش مهم ربنا يصبرنى لحد ما اتجوز وابقى اتفسح مع جوزى حتى الميك اب مبقتش احطه بقيت اخرج على طبيعتى علشان ملفتش نظر حد ليا يبقى انا كده غلطانة رينا يهدينى يارب ويهدى الشباب كلها يا رب ارزقنى بانسان محترم ومؤدب يحبنى ويخاف عليا انا وكل بنت محترمة
الى كل اخواتى احب اسالكم سؤال هو ربنا سبحانه وتعالى لما قال للمؤمنين والمؤمنات يغضو ابصارهم قال كده وهو فارض الحجاب الشرعى او النقاب فى بعض الاراء يعنى انت اصلا مش حتلاقى حاجه تشوفها فى المؤمنه عشان تغض بصرك عنها لكن فيه كتابيات يعنى على ديانات اخرى مش مفروض فيها الحجاب ممكن البنتفى اى دين غير الاسلام شريعتهامش بتفرض عليها الحجاب تمشى ببنطلون او ضيق او اى لبس هل من حقك انك تتحرش بيها وتعاكسها ربنا امرنا باحترام جميع الاديان وفيه فى بلدنا اخوات مسيحيات هل من حقك تعاكسها لانها مش لابسه واسع ولاحاطه طرحه يبقى مش لازم الهجوم ده كله انت اعمل الصح اللى دينك امرك بيه بصرف النظر عن اللى بتشوفه فى الشارع عشان تكون انسان صالح ولا ايه راى حضراتكم
مش عارف الشباب انسعر ولا اة الي جرالة اة المتعة الي بيلقيها لما يهين بنت ويتحرش بيها يعني قمة الانحطاط والسفالة بجد وبجد لازم الدولة تحط تشربعت صارمة للي يتحرش بالبنات عشان يتاديوا الكلاب دول
انا هسألك سؤال لو انتى بنت محترمه وماشيه فى حالك ولابسه جيبه مثلا واسعه وبسيت واسع وجاونتى يعنى ( يدل على احترامك ) عمر ما حد هيقولك اى كلمه تزعلك ابدا لو محترمه هتحبرى كل الى يشوفك يحترمك اصلا ومبيصش حتى عليكى مثلا عمرك شوفتى واحد منقبه بتتعاكس لا طبعا مستحيل ليـه عشان احترامها بيجبر كل الى بيشوفها يسكت وغيروا وغيروا قبل ماتطلبى من الشباب تحترم نفسها شوفى نفسك الاول محدش بيبدأ بالغلط الا لما يشوف الى قدامه اصلا
وتقبلى تحيــاتى,,
لو فييه واحد بشرب خمرا او سيجارة حشيش مش انتى هتضيقى وتتاثر وتقولى اية القرف دا
يبقا لية مش عاوزاه لما يشوف واحدة لبسة ضيق ميعكسهاش احنا فى مجتمع بيتاثر ببعضوا
ابداى بنفسك والبسى لبس واسع ومحترم وانتى محدش هيبصلك
بالرراحه بس وواحده واحده تعالي نحسبها من وجهه نظر الشاب
اول حاجه اعرفي ان الراجل غير الست في حاجات كتير قوي لان ربنا خلقهم كده علشان يكملو بعض الشاب ممكن عينه تيجي على بنت لابسه لبس ضيق يبتدي فيه هرمون الذكوره يتحرك ويخلي دماغه تغلي يروح شايف واحده تانيه كمان يبتدي الهرمون يزيد اكتر وواحده تالته وواحده رابعه يبقى الشاب ده عباره عن قنبله ممكن تنفجر في اي حد
انتي ظبطي لبسك شويه لان الشاب غصب عنه بيبص وحتى الشباب الجدع والمؤدبين دول بيبصو بس نسبه الهرمون بتكون اقل او انه بيفكر ازاي يجيبك سكه بس بطريق تانيه
نصيحتي ليكي ظبطي لبسك كده يوم بلاش الضيق بلاش الميك اب الزياده وشوفي الدنيا فيها ايه وجربي مش حتخسري حاجه وياريت تقوليلي عملتي ايه
وعلى فكرة كمان بجد الدنيا لسة بخير وفيها خير كتير انا مضرب عن الجواز ومش هتجوز ابداً علشان طول الوقت حاسس ومقتنع ان مافيش بنت ولا ست كويسة ومحترمة بس واضح انة في بنات كتير كويسة بس برضوا للاسف انا مش هعرف اقتنع بدة
والله العظيم يا بنتي ربنا يارب يكرمك ويوفقك ويثبتك على دينك وايمانك وتقواكي وبجد بجد واضح انك بنت محترمة جداً نادرة في وقتنا الحاضر وبجد يا بخت وحظ الأنسان اللي هيحبك ويرتبط بيكي انت بجد جوهرة يابنتي ربنا يثبتك ويقويكي يا رب ويبعد عنك اي حد مش محترم بجد الانسان اللي هيرتبط بيكي محظوظ وأكيد هيكون زيك ربنا بيحبة تقبلي تحياتي بكل حب وتقدير أخيكي في الله
البسي محترم وحترتاحى ومحدش حيقرب منك
اختي الكريمة ارجو ان يكون لباسك محتشما عند خروجك وكثرة التطلع الى من يسمون شباب يجعل المغازلة امرا سهلا فعليك بالالتزام وما راح تشفي الا كل خير وكما يقولون طنش نعش تنتعش
احسنتي صنعا بس المشكلة ان غالب الرواد اكيد محترمين المشكلة الحقيقية كيف نسمع هؤلاء صوت كل بنت
احترم جدا شخصيتك واتمنى من الله عزوجل لكي السلامةوالعافية
اولا اختى الكريمة استغفرى ربنا على كلمة كفرانة عشان الكلمة دى كبيرة انا عارف انك مش قصدك بس خلى بالك من الكلام
تانى حاجة انتى بتطلبى حاجة من الشباب انهم يعملوها طيب انتى عملتى اللى عليكى الاول هل خرجتى وانتى محترمة نفسك فى لبسك فى افعالك يعنى متطلعيش من البيت لابسه ضيق ولا لابسة خفيف وبعدين تطلبى ان الشباب يغضوا بصرهم فى ظل الظروف اللى احنا فيها من تأخر زواج وارتفاع العنوسة وطبعا انا مش بلتمس الاعذار وعلى فكرة اللى انتى بتقولى عليه مش اعذار وحجج فارغة ده من وجهة نظرك بس وانا حقوك على حاجة صغيرة قوى وفكرى فيها كويس لو انتى مسلمة ومسكتى القران حتلاقى ان ربنا لما بيذكر الذكر والانثى فى القران بيذكر الذكر الاول مثلا زى (قل للمؤمنين والمؤمنات)(الذاكرين والذاكرات) تمام القران كله بالشكل ده ما عدا ايه واحد بس ابتدا فيها بالانثى وهى الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ) ليه ده بقى اللى حسيبك عشان تفكرى فيه ويمكن تغيرى راءيك ومستنى ردك
اخوكى فى الله
انا معاكى تماما فى كل اللى بتقوليه و ان التطاول على البنت سمه مش حضاريه ولا انسانيه حتى لو كان تطاول لفظى .
بس مش معاكى لم تقولى البنت تلبس ضيق و شفاف و ليها رب يحاسبها , لو الموضوع كده يبقى انتى كمان سيبى الشباب لربهم يحاسبهم على اللى بيعملوه و مكنش فى داعى تكتبى شكوتيك من الاساس .
اولا مفيش حاجه اسمها البس ضيق او البس اللى عايزاة وانت غض بصرك ازى يعنى كلامك مش منطقى اتقى ربنا انتى الاول فى لبسك وانتى الناس حتحترمك غصب عنها ومحدش حيحاول يبص انما تفتنى الشباب وانتى عارفه ان اغلب الشباب تعبانه بسبب تاخر سن الزواج معلش انتى السبب فى اللى بيحصلك اولا واخيرا تبينى مفاتن جسمك وترجعى تشتكى ثم الناس انواع فى ناس بيقو اخلاقهم متدنيه بيعكسو بالفاظ خارجه لانهم شيفين المظهر اللى قدمهم بيوحلهم بكدة فى دى لغه المعكسه بتعتهم فانتى حسنى من طريقه لبسك ومظهرك واكيد انتى ربنا من عليكى بالجمال فياريت تحفظى عليه لان اى بصه من اى شاب ليكى فيها شهونيه وانتى اللى اوحتيله بكدة بتخدى عليها زنب فاعتقد الحل فى ايدك