السلام عليكم
انا طالب فى كلية الطب فى يوم من الايام تعرفت على بنت فى النت وكنت اكلمها بنية دردشة مش اكثر وكنت اعتبرها كأختى وكانت اول مرة فى حياتى ادخل شات اصلا وكنت ادخل هذا الشات على فترات بعيده وكل مرة كانت تكلمنى هذه البنت الى ان جاء يوم وصرحت لى انها تحبنى جدا وانا اندهشت جدا واتربكت ومكنتش عارف اعمل ايه لانى طبيعتى انى خجول وكنت اكره الكلام مع اى بنت وكنت لا افكر فى هذا ابدا وبمرور الوقت طلبت منى رقم تليفونى فرفضت بشده ولكن من شدة الالحاح اعطيتها رقمى وكلمتنى وبكت بكاء شديدا وهى تكلمنى وعندما سالتها لماذا تبكى قالت لانى بحبك اوى وحبى ده من طرف واحد فوجدت نفسي فجأة اقول لها لا تبكى فانا ايضا احبك مع العلم انى عمرى ما احببتها وكنت اعتبرها اختى ولكنها صعبت عليا ومقدرتش اصدمها بالحقيقة وشافت صورتى وشوفت صورتها بس عمرى طبعا ما قابلتها ولا عمرى فكرت انى اقابلها او هى فكرت فى كده مر على هذا الحب ما يقرب من سنتين بتعمل كل شىء عشان ترضيني وعندما ازعل منها بتبقي هتموت نفسها عشان اسامحها وكذا مرة حاولت اختلق مشاكل عشان اقدر الاقى حجه اسيبها عشانها بس هى مش بتدينى فرصه ومهما حصل واختلفنا حتى لو انا غلطان بتعتذر لى وبتتمنى رضايا المشكلة انى احب بنت معى فى الدفعة حبا شديدا من حوالى سنة بس مش قادر اصارحها وحتى لما بشفها بكون حريص انى عينى متجيش فى عنيها عشان متكشفش وفى يوم من الايام اشتركت فى الفيس بوك واصبح مضاف عندى عدد كبير من اصدقائى الاولاد فى الدفعة وبعتلها طلب صداقة وقبلته وفكرت اكلمها كتير على الفيس بوك واعترفلها بحبي بس مقدرتش وفى يوم من الايام عملت حساب جديد على الفيس بوك باسم مستعار وبعتلها رسالة اعترفت فيها بكل شيء بدون ان اكشف عن شخصيتى الحقيقية وانتظرت الرد لمدة شهر ولم يأتى وفقدت الامل وحذفت الحساب نهائيا وحذفتها من حسابي الاساسي عشان احاول انساها بس مقدرتش كل لما بشوفها فى الجامعه ببقي زى المجنون وبتربك ومش عارف اعمل ايه مع العلم انه لم يسبق لى ان كلمتها فى شيء يخص الدراسه وصدتنى او ردت بنفور ولكنها ترد بطريقة طبيعية
ماذا افعل؟ فهذه تحبنى لدرجة الجنون وانا احب زميلتى فى الجامعة ولكن من طرف واحد
مع العلم انى شاب ملتزم والحمد لله ولا افكر فى الحرام ولكن اتمنى ان اتزوجها على سنة الله ورسوله ولكن بعد التخرج خصوصا وانى امامى ما لا يقل عن خمس سنوات على التخرج وهذه مدة كبيرة لو انتظرت لحين ان ياتى وقت الزواج واتقدمت لها جايز ترتبط بحد قبلى خلال هذه السنوات الخمس
ومن ناحية اخرى مش عارف اعمل ايه مع البنت التانية دى اللى بتحبنى لدرجة الجنون وانا مش عارف ولا قادر اصدمها بالحقيقة
فبالله عليكم قولى لى ماذا افعل؟
بنات ناس مش حقل تجارب لحضرتك تحب دي وتخون دي وتعلق دي معك وتضحك على دي احذركماتدين تدان كماتفعل في بنات ناس يفعلوه باخواتك البنات اترك العلاقات المحرمةدي ولوانت جادفي الارتباط صارح البنت اللي تحبها وانك عاوز تتقدم لاهلهاعشان تخطبها واترك البنت التانية وافهمهابانك مرتبط بوحدةتانية عشان ماتعلق البنت بك وتوهمها ده حرام وظلم كبير لها مافي احسن من الصدق والصراحةفي الاشياءدية وربي يوفقك ويسترعليك
بنات الناس مش لعبة في يديك تتسلى بهم وتضحك عليهم اذاكنت مش قد المسووليةوماعندك استعداد تحب وترتبط صارحهماالاثنتان بالحقيقة وبص لمستقبلك اهم لك من الحب وربي يهديك ويصلح حالك
للاسف حب النت فاشل بعضه و ليس جميعه
لكن البنت اللي ترمي نفسها في الشاب ما ارتاح لها
استخير و عسى خير يا رب .
اللي تحبك حبهاولاتفرط فيهاواللي ماتحبك لاتسال فيها توكل على الله وصارحهاانك تحبهازي ماهي تحبك واكتروقرب منهاوخطبهارسمي قبل مايجي احدغيرك ياخدها وتبقى خسرت انسانة تحبك وانت فرطتي فيها
على رأى المثل خد اللى يحبك هيريحك وسيبك من اللى مش يحبك علشان هيتعبك
انا شايفه انك تخليك مع اللى تحبك…خد اللى يحبك ومتاخدتش اللى تحبه…اللى تحبه حيعذبك اوى ويااعاالم اللى بتحبها دى تتطلع عينك…ويكون ذنب انك فضلت ساكت وكاتم عن البنت اللى بتحبك اوى تدعى عليك دعوه…..عن تجربه شخصيه خليك مع اللى بتحبك هى اللى حتحاول تسعدك….ياما سيب الاتنين واستغفر ربنا لانك لعبت ع مشاعر بنت متجيش بعد سنتين وتقولهامش بحبك حرام عليك
بص لى ييحبك حبو ولى ميحبكش متحبوش البنت لى بتحبك هتخاف عليك ومش هتزعلك اتانى به هتزعلك ومش هتسممع كلامك وممكن تكون مش بتحبك بس بتكلمك تسالى والله الموفق
بصى عشان ربنا مدام ناويه تنسى التنين يبقا صارح الى بتحبك انها زى اختك ونتا مش بتفكر فى الحب دلوقتى عشان ماتعزبهاش بس بطريقه ظريفه عشان ماتزعلش حد منك
اللي بتحبك أولى بيك من اللي أنت بتحبها بس لو بتحبها أوي قا لها إن صدتك أرجع للهي حبتك
عزيزى الدكتور @خد بالك من دراستك لانها فى المقام الاول ونصيحه من اخ متزعلشى نفسك على اى حد ورايي ان اللى بتحبها صارحها واعمل اللى عليك ولو مش عندك الجراه انك تصارحها شوف اقرب حد ليهاوهوه وصارحها وارجو السريه التامه ولو كلمتها انتى يبقى احسن علشان لو فيه نصيب الموضوع يتم وربك يوفق واسال مجرب 000وبالله التوفيق
نور عينى: متشكر على النصيحة ومتشكر لكل الناس اللى ردت واهتمت بموضوعى وانا فعلا قررت انسي الاتنين خالص ومش هفكر فى الكلام ده تانى الا لما ييجي وقته ان شاء الله وهركز دلوقتى فى دراستى وبس وان شاء الله ربنا يعوضنى خير
بالله عليك ماتفكرش في اى حاجا غير دراستك انت هاتبقي دكتور عارف يعني اى دكتور يعني اى بنت تتمناك خليك في دراستك ولعلمك انا كاتبه التعليق بتاعي قبل ما ابص علي التعلقات كلها وفرحت اني الاقيت كلامي هو هو اللي الناس كلها موافقه عليه وقايله قبلي واى حد هيقولك نفس الكلام يادكتور
اولا السلام عليكم ورحمة الله وبركاته انا شفت موضوعك دا وبجد ضايقني احنا ليه كدا اللي يحبننا مكنتش بنحبه واللي نحبه ميكنش عايزانا ليه علي فكره انا برضو كاتبه موضوع حب من طرف واحد برضو اسمو مابقتش عارفه الطيبين بيدقو هما الجرح لي لو حبيت تشوفو ادخل عليه بس انا من رائى ولا تكمل مع دى ولا دى لان بتاعت النت دى شكلها مراهقه وبتحب علي نفسها ازاى تدخل علي شات وتحبك وتعيط من غير ماتكون عشرتك او شفتك حتي مرتين فالحقيقه والتانيه دى شكلها مرتبطه لانها لو مكنتش مرتبطه كانت حاولت حتي تعرف مين اللي كاتبلها الكلام دا بس هيا محولتش لانها مليون فالميه مرتبطه بحد تاني مش شرط في الجامعه ممكن ابن خالها ابن عمها اى حد بس اللي تعمل كدا اكيد اكيد مرتبطه امه بتاعت النت دى مراهقه وانت غلطان انك قولتلها بحبك احسلك اوعي تقول لاى بنت بحبك غير امه تكون بتحبها وواثق ان دى اللي هتكون مراتك في يوم من الايام عشان الدنيا داين تدان وشكرا
انا متشكر جدا ليكم يا جماعه على نصايحكم وارائكم المفيدة والمثمرة
انا لقيت ان عندكم حق مش وقت الحب والكلام ده المفروض فعلا ارجع زى الاول ومفكرش بالكلام ده واركز فى دراستى افضل
عشان كده انا قررت انى اترك الاتنين وانساهم ولا هفكر فى دى ولا دى ومش هفكر الا فى دراستى ولما ييجي وقت الحب والارتباط ان شاء الله ربنا يعوضنى خير
شكرا ليكم على اهتمامكم
والسلام عليكم ورحمة الله وبركاته
بليز لا تظلم أى أنسان واتقى الله ….. اتقى الله فيه الافضل لك فى حالة عدم الاقتناع بها ان تتركها افضل لها ولك لا تظلمها ما دامت لم تقدم لك اى إساءة بل على العكس انها تحاول ارضائك بشتى الطرق
لكل منا له مشاعر فلا تظلمها اكثر من ذلك يا سيدى الفاضل
( شرقينتا استحالة هتتغير مهما كان الرقى والتقدم – ده كله علشان هيه طبعا اللى قالت بحبك )
صارحها بالحقيقة وعلى راى المثل وجع ساعة ولاوجع كل ساعة مش مشكلة واهتم بدراستك ربنا يوفقك وانصحك بعدم الحب من طرف واحد لان نهايته هلاك ،ولوشايف انك ممكن تحبها
وتكمل حياتك معها ليه لا بس اوعى تظلم نفسك او تظلمها معاك وانسى زميلتك اللى فى الجامعة واوعى تعلق نفسك بوهم كداب
عزيزى الدكتور ممكن يكون رأى مختلف
انا من راى انك من الافضل تخلى بالك من مستقبلك ودراستك
حضرتك فى كلية الطب وهى من كليات القمة دراستك دقيقة جدا وعايزة تركيز ومجهود
ولسة معاك 5 سنوات علشان تطلع دكتور كبير وتشرف نفسك قبل اهلك
ومن الواضح انك انسان ملتزم يعنى انشاء الله تقدر تسيطر على نفسك وتشوف مستقبلك
وربنا يوفقك
خذ التي تحبك ولا تأخذ التي تحبها
دي هتعيشك مرتاح طول عمرك لو اتجوزتها لو هي فعلا بتحبك زي ما بتقول كده ومع الوقت ممكن تحبها زي أو أكتر ما هي بتحبك من بعد العشره
اخي ما اجمل ان يجد الشخص شخصا اخر يحبه اخي اصبح من النادر في هذة الايام من يحب بصدق اخي البنت تحبك وشاريتك فلا تضيعها اذا كانت بنت مؤدبه ومخلقه وتحبك فلا تفرط فيها لانك ستندم في يوم من الايام
الي بتحبك احسن من انت تجري ورى بنت اساسا البنات شايفين حالهم كتير رغم اني بنت بس انا بقلك الي بتحبك رح تعيشك مبسوط بس الي بتحبها رح تندم ندم عانك اصلا حبيتها
هقولك حاجه بما اننا ولااد يعنى زى بعض لو انتى شايف البنت اللى بتحبك بجنون دى حلوه وانت هيا البنت اللى تتمنها فكك من بتاعت الجامعه اما اذا مش كنت اللى بتتمناها ف دى ترجعلك انت شكرا تيحاتى .مازن
المسل بيقول خد الى تحبك ومتخدش الى تحبها “الى انتا بتحبها دى ممكن فى اى لحظه تتخطب وتتجوز وهيه مش حسه بيك اما التنيه ممكن تستناك لانها بتحبك وطبعا الى بتحبك هتكون مخلصه ليك اوى غير الى انتا بتحبها ومتفكرش وتاول دى ادامى فى الجمعه والتنيه دى فى النت لا ياصحبى دى بنت ودى بنت لاكن الوسيله هيه الى مختلفه بس وزى ما بيقولو تعددت الاسباب والموت واحدا انصحك بلى بتحبك وهيه جديره انها تخليك تحبكوتخيل معايه لو انتا اتجوزت وحده مبتحبكش ونتا بتحبها هل هتستمتع معاهاااااا وهيه مش عطيالك الوش انتا فاهمنى؟؟ ولو وحده بتحبك ونتا مش بتحبها ومظبطاك من كلو اكيد انتا هتحس بها وهتحبها لانها هتديلك كل ما عندها من احسلس ومعمله “متتبطرش على النعمه وخد بنصحتى