مشاكل البنات النفسية

مشكلة تربوية ونفسية وعاطفية والسبب تجاهل اهلي

من صغري كنت بنت شقية واسرق ومرة لمن كان عمري 11 سرقت من بنت حلأ ذهب و اجو اهلها اخدو مني الحلأ ودخلو ابن عمي ليكون شاهد عليي.

ولمن صار عمري 13 حبيت أستاذ بعمر أبي فراحت بنت أخوه اتهمتني بالسرقة ظلم.

وبعدين تطلع فيي شب وتاني يوم بعت اهلوا لعنا فراح خطب أختي ووقت حكيت لأهلي انو تطلع فيي أختي رفضته.

بعد فترة حبيت صديقة عالفيسبوك فصارت تضع منشورات عن السرقة واتهمتني اني بحب اخوها وصارت تضايقني فتدخلت أختي وعملتني بحب أخو رفيئتي لأني عأساس غيرانة منها بس رفيئتي راحت حكت الحقيقة وبرأتني من أخوها واتهمت أختي بأنها حابة أخوها وتدخلو الناس وعملو فضيحة.

والشب يلي خطب أختي ورفضته خطب بنت الأستاذ يلي اتهمني بالسرقة.

و كل الرجال يلي مرو بحياتي تدخلو وما بعرف شو عم يحكو عليي، وبعدها كل شب بيطلع فيي الكل بيتدخل وبيعلمو الناس يضايقوني بمنشورات عن السرقة.

و بالآخر وحدة وسخة من رفئاتي كانت تعرف شب وسخ متلها وقررت تتجوز غيره فراحت اتهمتني بسرقة موبايلها يلي نسيتو بالباص، و أنا متل الهبلة ما عرفت انها تركتو متأصدة لتتهمني سارقتو وصارت تعذبني نفسيا.

وبعتت الشب الوسخ ليتعرف عليي وعملتلي سحر حتى اقبل اتعرف عليه، وهو وسخ راح تحرش فيي، وفي شب كان يلحقني ببلدي طلع متفق معه جبرني ابقى مع الشب الوسخ حتى يتحرش فيي.

عشان كلما يحسو اجا حدا يخطبني يحكو عليي وياخدو العريس واهلي ولا كأنهن موجودين، وبسبب تجاهلهم للقصة مرضت نفسيا والناس عرفوا بمرضي.

ومش قادرة سامح اهلي وكرهانة الجميع وبدي انتقم منهن وما عم اقدر إإذيهم.

شو الحل؟ كل هالظلم لأني حبيت صديقة؟

مشاكل وحلول ذات صلة

اضيف بتاريخ: Monday, August 9th, 2021 في 14:15

كلمات مشاكل وحلول: , , , ,

اترك رداً أو حلاً لهذه المشكلة